Wednesday, May 12, 2010
10:15 PM
السلام عليكم ..
قبل لاابلش الموزوع اول امس نزلت ببوست شخبوطات توستتي والاغلب اللي مايعرفوني حسبالهم اسوي دايت :\
ترا انا ضعيفه خخخ الحمدالله ماحتاج بس كانت ظروف صحيه جماليه ..
قبل جم يوم رحت تريقت بهالمطعم ..
وقعدات المطعم قسمين :الاولى برا والثانيه داخل ..
لانه زحمه داخل كنا بنقعد برا ..
يابلنا المنيو وكلشي اوكي جان يقول لنا ترا فضت طاوله داخل اذا تبون رحت شفتها انه اوكي فرحنا قعدنا فيها وماقدرت اصورها لانه زحمه المكان ..هذا المنيو اهو بالانجليزي ..
قلت له ابي العربي بطالع عندهم ولا لا قلت بيقلب المنيو ويطلع العربي ورا طلع لا راح يابلي هالورقه خخ ع قولة رفيجة اختي خل اراجع للامتحان امبيه جنه اوراق المراجع ايام المتوسطه :\
اول شي لاتدققون بالصور مو من صالحكم خخخ..
ترا هذيل بينا وبينهم طاولة :\
عصير برتقال لاختي ورفيجتها ..
مدمد بكتب معنجز خخخ ماي وتر خخ..
طبقي جيز اومليت مع هاش براون اهما يخيرونكم بينها وبين البطاط العادي و و هم بين البيكون او الصوصج ..
الاومليت طعمها عادي وماصخه الهاش براون مو حلوه مالت ماكدونالدز احلى والبيكون عادي :\
طبق اختي اسبانش اومليت بس اختارت بدال البيكون صوصج وشكله الله يزيد النعمه خخ ..
ومع كل طبق اومليت ايبون لكم هالطبق توست (روتي خخ) جنه محشينه زبده ومع علبة مربى ..
طبق رفيجة اختي كلوب ساندويش مع بطاط عادي ..
هذا ككل الذ طبق جربته عندهم حتى البطاط حلو ..
بان كيك هم حلوه بس احس اهي باغلب الاماكن حلوه حتى يمدحون مالت ماكدونالدز بس ماجربتها لي الحين ..
بان كيك هم حلوه بس احس اهي باغلب الاماكن حلوه حتى يمدحون مالت ماكدونالدز بس ماجربتها لي الحين ..
وانتوا تختارون شنو تبون معاها انا قلت ابي جوكلت قالي صولص وال2 نسيت شنو قلت صولص ..
يابلي هذا طبعا ترست البان فيه وياربي طعمه شيره عاديه مو ككاو قلت اختي اخاف حاشينها بككاو قعدنا ننقب عن الككاو ماكو :\
ناديت القرسون قلت له هذا صولص ككاو قالي لا !! قلت ابي ككاو عاد يابلي اياه ..
للي يبون يعرفون الاسعار :
يابلي هذا طبعا ترست البان فيه وياربي طعمه شيره عاديه مو ككاو قلت اختي اخاف حاشينها بككاو قعدنا ننقب عن الككاو ماكو :\
ناديت القرسون قلت له هذا صولص ككاو قالي لا !! قلت ابي ككاو عاد يابلي اياه ..
للي يبون يعرفون الاسعار :
*المطعم بس يقدم ريوق من جذي يبطل من 5 الفير لي 3 العصر ..
*مكانه :
له فرعين :
الاول بفحيحيل مادري اي صوب بالضبط ..
ال2 اهو اللي رحت له بالجابريه صوب نادي شامبيونزالحريم ..
*و بالنسبه لراي :
-اكلهم عادي جدا ..
- الخدمه زينه بس وايد عليهم ضغط ماكو الا قرسون 1 ..
- اما المكان وايد صغير وزحمه ماشاءالله ..
Labels:
اكل
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
34 comments:
أنا أول ما شفت البوست شفت الصور بصراحة حسيت انهم شي و عذاب بس بعد تقيمج رجعت شفت الصولا و طاحوا من عيني
عاد أكره شي على قلبي الزحمة ما أحبها خير شر
يسلموا على التنبيه ...دايما موافيتنا بالاخبار و الاحداث المميزة
Keep going
*_^
يمدحونه بس ماجربته
الحلو انه يفتح الصبح مبجر من جذي اسمه early bird
بس سمعت ان كله أجانب وإيون الصبح مع جلابهم تكرمين يتريقون يميع :/
ف هذا الي ماعجبني بالموضوع شلون مسموح اصطحاب الحيوانات p;
هني وعافية :)
I love breakfast but to be honest the home made pancakes tastes better! madre leash 5abeena 3alea ...q8yeen.. habba:p;
عليكم بالعافيه
وايد امدحوه لي بس انا ما احب الريوق الامريكي
بس احب بطاطهم لذيييذ
وبالصور ما شوقني غير البطاط لاني ما اكل بيض
غريبه يبطلون لي الساعه ٣ توقعت يسكرون ١١ نفس باجي المطاعم
بس هم زين حق الي يقعدون متأخر
شكرا :)
** واي يعت التوست حده يشوق
رورو انتي كلما كتبتي بالمعنجز قام حظج :p
والصوره الي قلتي فيها لا ادققون انا قمت اتمقل فيها خخخخخ
علييكم بالعافية
ادري و الله انا بالنسبة لي من اقوى مطاعم الريوق
و نصيحة ريوق ماكدونلدز يقلب الجبد :)
انا وايد اروح ايرلي بيرد ووايد احب اكلهم انا جربته من ايام اللي كان بس بفحيحيل
و طبعا من يابوه الجابرية و انا على طول هناك
لو بس عقبه ما تاكلين شي لي بالليل
عليكم بالعافيه:)
شكل الصور ما تشوق اروح له :S
ما توقعت اكلهم جذي ،عليكم بالعافية ان شاءالله:)
اسم الصوص maple syrup اذا ماني غلطانة.
كلش شكله ما يشوق..
بس حلو الواحد يجرب...
بلعافيه
loool yalla me5alif 5erha eb gherha nshallah :)
هلا خاتون..
خخخ ..
اي ملاغه ماتاخذين راحتج ..
الله يسلمج يارب..
ومشكوره ع الاطراء..
حياج الله..
هلا بوك مارك..
اي بس وايد مبجر 5 الفير ..
انا لما رحت تقريبا 12 وشي ماكان في اجانب كل كويتين وشويه عرب..
عيل خل يغيرون اسمه لايرلي دوغ خخ..
اي قطع :\
الله يعافيج يارب..
مشكوره..
هلا هير..
اي وايد يهبون بالشي وخبه ودنيا واخر شي خرطي..
والبان كيك احس سهله مايبلها شي :\
حياج الله..
هلا جايونه..
الله يعافيج يارب..
انا توقعته احلى لانه جربت ريوق فرايديز وحبيته ..
البطاط العادي حلو اما الهاش براون لا ..
اها عاد كل اطباقنا فيها بيض الا لبان كيك..
يمكن لانه محله بس ريوق فيتمون لي ال3 احنا رحنا ع ال12 وشي وطلعنا ع ال1..
واللي بيستاذنون لانعقب الدوام مايمدينا نمرهم خخ...
العفو ولو..
حياج الله..
هلا ميمه..
اللي فيه زبده؟؟
اذا اهو ماجسناه خخ ..
وحياج الله..
هلا مدمد..
تهقين خخخ..
ها شفتي شي مش ولابد خخخ..
الله يعافيج يارب..
وحياج الله..
هلا نيو..
ماكدونالدز الهاش براون عندهم لذيذه..
انا اول مره اجربه :)
وصح اكلهم مو خفيف..
حياج الله..
هلا لوير..
الله يعافيج يارب..
مشكوره..
هلا هوبيلس..
خخ موخرا مافي شي يشوقج خخخ..
ماهو ريوق عادي زيدي عليه بان كيك ووافل وهالسوالف الله يعافيج يارب..
مادري والله شسمه بس تقريبا مثل الشيره طعمه..
وحياج الله..
هلا غشمرجيه..
ماشفتيه بالتلفزيون حده يشوق كان ..
اي خو بالتجارب انا عند ويهج خخخ..
الله يعافيج يارب..
ومشكوره..
هلا سويره..
بالعكس كان تجربه زينه مو ويع خخ وحلوه كتغير جو وشي يديد كان خاطري فيه..
مشكوره..
أكثر عيب عندي أهو ان المكان وايد ضيق :(
أكثر ريوق حبيته للحين لينوتغ :)
هلا كوكتيل..
اي ملاغه ماتاخذين راحتج..
انا جربت لونوتغ ماحبيته البلد احلى تشكيلته اوسع..
حياج الله..
بالعافية على قلبش خيتوووو..بعدها سنونج تعورج ..
هني وعافية ^^
هلا ام حروبي..
الله يعافيج يارب..
والحمدالله صرت احسن مشكووره ع السوال ..
يعافيج ..
وحياج الله..
واايد أسمع عنه بس مارحت, عليكم بالعافيه شكله لا بأس ..
وشكرا على التغطيه :)
هلا مي ..
الله يعافيج يارب..
والعفو ولو..
حياج الله..
بالعافية ياربي
مممممممممممممممم
للحين ما جربتة .. الجو حدة ما يشجع .. وما ادري احس مكانة مو ذاك الزود ..حلاتة ريوق على وتجابلين البحر
كلش مو متشجعة اجربة
بس وايد يمدحونة
هلا من اكون..
الله يعافيج يارب..
صاجه حلاته بمكان اشرح اهو مدعوس وضيج :\
اي وايد حتى بالتلفزيون مادحينه :\بس بالنسبه لي اهو عادي جدا :\
وحياج الله..
انا عجبني :)
مع اني مو زود احب البانكيك بس بانكيكه حلو..
و الاومليت بعد حلوه
انا عجبني ريوقه و ريوق جوني روكتس و ريوق لانوتغ !
تصدقين وايد اللي راحوله ما يمدحونه الظاهر من الضغط والزحمه
عليكم بالعافيه
هلا Sushi Q8
حتى انا نفسج مو ذاك الزود مع هالسوالف والاومليت كانت عاديه اما البان كيك زينه والحلوه انتي تختارين الصولص بس اللي ماعجبني كلش الهاش براون واهو المفروض يكون احلى لانه تخصصه ريوق واللي صج عيب فيه انه مكان ضيج ..
ريوق لونوتغ جربته اللي بالافنيوز اذكر كان اقل من عاديه تشكيلته قليله..
جوني روكتس ماجربته بجربه ان شاءالله ..
وحياج الله ..
هلا جيز..
وهم الناس وايد خبتنا فيه حتى بالوطن حطوا عنه ..
وصاجه الضغط كبير عليهم ماشاءالله ..
الله يعافيج يارب..
مشكوره..