Tuesday, March 26, 2013
 
قبل اسبوعين تقريبا اختي الكبيره طلبت لنا منه ..
 
 
ماشاءالله حجمه كبير لما دزت لي اختي الجوز الصوره توقعت صغير بس لما شفته كان بحجم صحن القوزي ..
 
وعباره عن صحن من الخبز بشكل الكبوس المكسيكي وفيه 6 سلطات ..
2 ناتشوز ..
3- مايونيز<< كول سلو ..
4-سيزر..
5-سلطة بطاط ..
6- نفس حميسة الدياي ..
 
سعرها :
 
اعتقد 10 د.ك ..
 
رايي :
 
احلى شي الناتشوز حبيتها ، والمايونيز مع سلطة البطاط عيبهم انهم حاليين بزود :\
السيزر عيبها الصلصة شويه والخس وايد ..
 
ت : 22525143 -22552233
 
Sunday, March 24, 2013
صباحو ..
 
قبل فتره وحده بالانستغرام قالت لي انه بطلوا عندنا سبا للاظافر ..
 
صادف هالاسبوع اني مريت صوب جان اصوره لكم ..
 
 
 
وهذا شكله من داخل ..
 
 
سالتها ماعندكم برشور ؟؟
 
قالت لا في هذا اعلان وماكان في الاسعار..
 
قلت لها بجم شغلكم؟؟
 
جان تاشرلي ع الرقم وتقولي اتصلي وانقولج الاسعار ..
 
قلت الحين انا اجابلج عندكم اتصل عليكم ؟؟ حلاتي اطلع اتصل ولا العن ارفع تلفون جدامها اكلمها عن الاسعار  :\
 
حركات الانستغرام هذي ماحبها هههه ..
 
المهم الخدمات اللي يوفرها السبا :
 
*لليدين والرجلين :
-منيكير << ب5
-بديكير ب7 ..
-رسم حنة..
-مساج..
-رسم ع الاظافر..
 
*الوجه :
-مكياج ..
-حف بالخيط او الشمع ..
 
* الجسم :
-سنفره ..
-مساج علاجي او استرخاء ..
-شيره ..
 
عنوانه :
الجهراء \مجمع صحاري \السرداب ..
 
ت :66969226
 
جربتوه ؟؟؟
Saturday, March 23, 2013
اليوم عقب معرض العطور مرينا المعرض ال2 اللي دايم يكون موجود هالمره اعتقد اسمه الهدايا وموجود بالقاعه رقم 4 ..
 
ولقيت هالبوث من البحرين في الدراريع ..
 
طبعا صورت عقب اذن صاحبة المشروع قلت لها عادي اصور ؟؟ قالت اي سالتها ماتخافين تنباق الموديلات قالت لا انا واثقه من شغلي << عجبني ردها :)
 
 اللي ع اليمين ب45 جنه واللي يمها اعتقد ب35 ..
 
الزرقا ب 50 د.ك و الورديه ب40 د.ك ...
 اللي ع اليسار ب50 د.ك مو متاكده بس جنه ب45 د.ك ..
 
 
وعندها دارريع خامتهم بارده حلوين للبيت ورخاص ع 3,500 د.ك ..
 
والمعرض مستمر لي 1\4\ 2013 ان شاءالله ..
 
اكاونتها بالانستغرام :
 
@jovanalbahrain1
 
التاريخ-20.03.2013 - 30.03.2013
الصالة: القاعة رقم 5 , 6 , 7

 
كلش ماكنت ناويه اروح المعرض ولما اختي الجوز قالت لي خل نروح قلت حلو عساس اخذ من الماركة sla مادحينها لي لانها عضويه ومسوين عروض بالمعرض فقلت بشوفها بس اللي صار مالقيتها وخمطت غيرها وايد اليكم التفاصيل بالصور ..
 
 
رحت هالبوث واللي شدني له ..
 هالماركه..
 عندي بلشر منه اسمه كابتشينو كتبت لكم عنه هني كل من شافه سالني عنه  وهالماركه دورتها مالقيت الا بالمعرض فخذيت 2 لرفيجتي لانه عاجبها وخذيت حمره منهم ..
 
سعر الحمره 3 ..
والبلاشر قالت 3 قلت كنت ماخذته 2.500 قالت اوكي ..
ولما بتحاسب قلت ابي خصم خخ بعد جان تعطيني سلة اصباغ اظافر قالت اختاري اللي تبينه هديه :)
 
حبيت ..
 
والاهم سالت عن مكان المحل لانه شكثر سالوني وماكنت اعرف وين !!
 
لاني خذيته من المعرض ..
 
افرعه :
* السالمية :
-مجمع جاليري 2000 ش سالم المبارك السرداب ..
-مجمع الزبن ش سالم المبارك بالميزانين ..
*حولي بشارع بن خلدون مركز العثمان \السرداب ..
*الفروانية ش الفروانية مجمع الصيفي بالاس بالميزانين ..
*خيطان :
-جمعية خيطان بالميزانين بقسم التجميل..
-مجمع الدبوس ..
 
(2)
الحب الحب احبها هالماركه واغلب شغلاتها مجربتها..
وبتناغرا للمعرض مسوين عليها عرض اذا خذيتي شغلتين بتحصلين الثالثه فري..
 بس عيب العرض انه محدد بشغلات معينه تختارون منه الشغله الفري ( جنطه- علاق الطاوله للجنطه-اصباغ اظافر -ماسكرا للشعر 4 الوان بس اللي مشموله بالعرض وردي \ابيض\اسود\ادعم -قلوس بيج او شفاف - بودره فاتحه- عطر -ايلاينر اخضر )
 مشترياتي كحل ازرق وكونسيلر بودره و الهديه عقب عناء اخترت الايلاينر اخضر..
 
(3)
 
هالبوث من بعيد شدتني عروضه ..
 
سلاسل كبار متروسه جناط فيها كريمات او مكياج ..
 
وهذي اصباغ اظافر ميني الواحد بربع وال5 بدينار ..
 
 
 مشترياتي :
 
جنطه فيها كريم وسنفره لليد وكريم وسنفره للرجل وحجر بعد ..
 سعرها ب10 ..
 
كان معاها مقوي بدال السنفرة الريل وسالته اذا يصير اغير وقال يصير اشوه ..
 
وهذول خذتهم اختي الجوز ..
 
ماسكرا + مزيل مكياج ب5 د.ك
وللرموش برا جنه ب12 بالمعرض ب7 ..
 
كريم بي بي متوفر عندهم بدرجتين برا ب10 عندهم ب5 ..
واللي جنه حمرا ترطيب لحول العين والشفايف بدينار ونص ..
والاسود سيرم هديه وكابون تنظيف بشره هدية ..
 
(4)
 
هالبوث شدني له استاند نيفيا من زمان عنها كنت ادورها في حمره عاجبتني ..
 
مالقيتها لقيت مقارب لها خذيتها قلت بجم قالت كلشي بدينار جان اخمط خخخخ ..
 مشترياتي ..
حمره ومحددين وماسكرتين وكحل اسد لاميمتي و صبغ اظافر والصراحه كنت ابي بعد بس اغلب الشغلات مخلصه غميظه :(
 
البوث لمحل اسمه فيفنزا  اعتقد موجود بكويت ماجيك وجنه مجمع بيروت ووايد اماكن نسيتها ..
 
(5)
 
هذا صوب ماركة كورف قلت لها ترا اطالبكم هديه وفي احد بالبوث ماقلت له السالفه ..
 
وخذيت منهم ست عنايه للبشره شامل ..
 وعطوني هديه وكلما فتحت حلجي زادوها ومتحسفه اني ماخذيت اكثر دافعه شي وسبعين وقبل فوق 100 ..
عطوني سامبلز كريمات وماسكرا + جنطه ..
وماسك فري مو سامبلز ..
وسامبلز حمايه انا قلت ابي ..
 
ولازالت ابي بعد منهم ليش تقولي باتصل وماتتصل :\
 
 
Friday, March 22, 2013
قبل جم شهر دزولي نقصه عباره عن مجموعة من منتجاتهم عساس  اجربه وانزل بوستات كريفيو لها عن رايي فيه هذا اهي النقصه الاولى (اضغط هنا )
 
وهذي تجاربي لبعض المنتجات :
1- كريم اساس Minx Ready to Wear ( اضغط هنا )
2-ماسكرا (اضغط هنا )
3- مناديل ازالة المكياج  ( اضغط هنا )
والباجي بنزل عنهم سوون ان شاءالله ..
 
وهذي النقصه اليديده امس عطوني اياها ..
 
 
فيها وايد شغلات ماشاءالله ..
 
اول شي جنطة مكياج اسمها

بيربل رين

 
وفيها :
 
-24 لون من الوان شدو ..
4 حمر..
 4 اصباغ  للأظافر
 4 المنتج 2 في 1فيه صوب ايلاينر والصوب ال2 مسكارا
 4 لمعه..
 4 قلوس
2 كحل
2 محدد ..
 4 بلاشرات ..
4 فرش ..
 
(2)
 ست عطور مون لايت فيه عطر ولوشن وجل شور ..
 
(3)
ست للفرنش مانيكير وفيه الاصباغ ال3 ولزقات للفرنش ومبرد ال4 في 1 تنعيم وصقل وبرد وتلميع وعصاة توخر اليلد الميت اللي يطلع دار مدار الظفر ..
 
(4)
 
 
طقم كحل وايلاينر وماسكرا للعيون الحساسه ..
(5,6 )

طقم فواحة + زيت و شمعه بريحة الرمان (شمعة تكون بروح مو بنفس علبة الست )
 
 
 (7)
كحل ازرق ..
 
(8)
 
 لووز باودر او البودره الحرة لتثبيت المكياج ..
 
(9)
 ماسكرا ..
 
(10)
 
حمره ..
 
(11)
مزيل مكياج 3 في 1 يزيل المكياج عن البشره والعين والبراتم ..
 
شكرا ع هالهدية القيمه مكياجي حبيتها و شكرا ع الثقة :*
 


الانستغرام : @mikyajy
والسايت :LINK
 
Wednesday, March 20, 2013
اليوم انا واختي الجوز رحنا الخباز بنشوف كيك عيد الام منزلين مجموعه حلوه ماشاءالله والحلوه انه هالمره يصادف بالويك اند يعني حزة الزواره فنحلل فناتقنا خخ ..
 
وهذا الاعلان ملزقينه بالمحل ..
 
 
وهذي جزء من المجموعه ..
 سعرها : 22 د.ك..
 
 
 
سعرها : 30 د.ك ..
 
 سعرها :25 د.ك ...
 
كلهم يشوقون بس هذي حبيتها جنها نفنوف والحاشية دانتيل (قلب حب )
 
سعرها : 20 د.ك ..
 
واعتقد مدة عرضهم يومين وحلو غير شكلهم انه كل كيكه معاها  كرت نفس شكله بس الورقه والكروت كانوا بعاد فماصورتهم ..
Tuesday, March 19, 2013
 
كنت بتعنى لمعرض كويتي وافتخر عشانه بس الحمدالله وصلي للبيت ..
 
 
متوفر بانواع ونكهات وايد بس اغلبها كانت مخلصه ماشاءالله ..
 
واللي ذقته النوع اللي بالصوره ..
 
والحلو انه بالمعرض بس تقدرون تاخذون كقطعه بس..
 
سعرها : دينار
 
وهم تقدرون تسون بيتزا المكس شريحه من كل نوع
 
رايي :
 
والله الطعم زين واطلبه مره 2 وعادي اخذ كامله بس اذا بجربه مره 2 هم ابي ميكس لاني احب اجرب :) ووايد حبيت طريقتهم بالمعرض ..
 
 
 الانستغرام : @cookiepizzaq8 
Twitter:@cookipizza
To order call :94938452
 
شكرا اختي الجعده ع النقصه :*
Sunday, March 17, 2013
 
الحدث :ساعة الأرض
الموقع : في أستاد جابر الأحمد الدولي
الموعد :في يوم السبت ٢٣ مارس ٢٠١٣ في تمام الساعة ٧:٠٠ مساءً.
الممثل الرسمي :الفريق الكويتي للإحتباس الحراري
 
(لمعرفة بقية التفاصيل اضغط على الصورة لقراائتها بشكل اوضح )
 
إعلان حدث ساعة الأرض بالكويت: (link)
إعلان حدث ساعة الأرض العالمي (عربي): (link )
إعلان حدث ساعة الأرض العالمي (إنجليزي): (link)
 
T
 
Tuesday, March 12, 2013
هالللو ..
 
وايد بخاسه بلوقي هالايام مانزل عدل مثل قبل :(
 
بس بحاول ارد مثل قبل ان شاءالله مجربه وايد شغلات وحابه اشاركم فيها وهم لنفسي اخزن تجاربي للمستقبل ان شاءالله ..
 
من اخر تجاربي الصحية البيوتي اهي تجربة تبيض الاسنان ..
 
وبشهر 2 كان في وايد عروض خصوصا باخر 2، و من العيادات اللي كانت مسويه عروض ابتسامه كلينك ..
 
 
عرضهم كان ..
 
حجزت باخر يوم ورحت وعلى ماوصلت خخ اتصلت عليهم مليون مره يالله وحده دلتني عدل (انا ماادل والاغلب يقولي اهو يم مركز الفنون بس الاخيره ماقصرت دلتني عدل )
 
وصلت وقعدت بالاستراحة هذا جزء منها ..
نطرت شوي وعقب ودوني للعياده ..
 جزء من العده المستخدمه ..
 
وهذي نظارتي اللي لما لبستها السستر تسولف معاي عن الهوا وانا اقولها اي وفي غبار بعد !! عقب استوعبت اني لابسه نظاره برتقاليه خخخ ..
 
 
تجربتي :
 
مثل ماهو مذكور بالعرض تنظيف وبوليش و تبيض وكان نوعه بليج سمايل ..
والدكتور اللي اشرف علي د. اكرم ..
قالي عن انواع التبيض والتوب نسيت شسمه ويفتح وايد يفرق وسعره 120 ..
كنت بسويه بس انا محدده ميزانيتي والاهم متعنيه عشان العرض قلت المره اليايه ان شاءالله اجربه..
النوع اللي جربته تفتيح طبيعي بو درجة او درجتني ..
وقالي عن ضروسي وشنو بيسوي لهم التبيض ..
و اول شي بلش تنظيف وبعدين بوليش واخر شي تحت جهاز التبيض ..
كعوار كان جدا بسيط ومتحمل الحمدالله عورتني المنطقه اللي صوب حلجي (بشرتي) وصار فيه لطعه غامجه :( اكثر من عوار الضروس ..
ولازم اول 48ساعه لانه مسامات الضروس مفتوحه ماتاكلون او تشربون شي في لون جاي -قهوة-كاتشب-طماط-فراوله- ككاو- حتى الخضره ..
 
رايي :
حبيت الفرق كان طبيعي بس اطمح للمزيد خصوصا عقب 3 اسابيع احس بلش يروح المفعول :( بس مستانسه اني سويت شغله خاطري فيها من اشهر ومن اهم الاشياء بلستت البيوتي ..
والاهم حبيت الستاف ..
 
عنوان العياده :
السالميه  -بشارع عمان -ق12
ت: 25620010
-
 
t
 

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads