Monday, December 31, 2012
 
اهو مطعم متخصص بالبرغر ومن المطاعم اليديده بالافنيو بس مكانه مو بالغراند مثل اغلب اليدد ، اليوم جربناه انا واختي الجوز ..
 
 المنيو ورقتين ..
 
الورقه الصغيره اهي تختار فيها صمونتك من .. الى بداية بنوع البرغر وحجمها وصلصات والتوبينغز (خضره والخ)ونوع الجبن  ونوع الصمونه ..
 
والورقه الكبيره فيها الاطباق الثابته سلطات وانواع بطاط وصمون مكوناته محدده ..
 *طلبنا*
 
المشروبات :
اختي اختارت البيبيسي ..
وانا ماي..
 
واخترنا تشيلي جيز فرايز ..
 
وصل طلبي كان برغر (لحم بقري) ول دن مع جبن شيدر وخس وصلصة السيزر وصمون العادي ..
 
والانه اختي كانت من اول 1000 فلورز لهم بتويتر عطوها كابون (فاوتشر ) انه صمونتها ببلاش وانا عطوني جان اقوله للامانه انا مو لاحقتكم ومديتها له (بعد ماتسوى علي يطب شي بطني حرام انا حلال وانتكس :(  )جان يقول لا عادي وعقب النقاش قلت احرجتني وسويت لهم فولو <<خخ..
 
وهذي الفاتوره عقب ماشالوا منها الصمون ..
رايي :
 
الخدمه وايد زينه ماشاءالله لما دروا انه اول مره يت شرحت لنا المنيو ،واختي ماخلصت نص بيبسي يابولها 2..
والطعم زين << والحمدالله مانتكست  هالفتره اتعب من اللحم بس هذا اشوه ماتعبني ، حسيت اكله نظيف ..
 
مكانه :
 
الافنيو ، يم السينما ..
Sunday, December 30, 2012
هذا المحل دريت عنه امس لانه يم فنسي باعلانه اللي عند الباب والاستيكرز اللي ع القاع (صورهم بالبوست اللي قبل هذا عن فنسي) وهم بالمكان يم بعض..
 
 
هو محل متخصص بالاكسسورات والجناط وفي مجموعة بسيطة للجواتي وانتوا بكرامه ..
 
حبيت هالطاولة..
 
وهذي لقطة عامه ماقدرت اصور ع راحتي لانه في ناس بالمحل ..
 
 
 
 
 
 
في وايد شغلات حلوه واسعاره رخيصه ..
 
عنوانه :
 
مجمع اوتاد (الجهرا) بالطابق الاول ..
وبالكوت ..
 
T
Saturday, December 29, 2012
اللي متابعين يدرون اني احب هالمحل كتبت عنه بوستين قبل الاول عن اللي بدبي (هني)وال2 عن اللي بماليزيا (هني)
 
اليوم كنت رايحه اوتاد بشوف جم شغله جان اشوف هالفتات ماهتميت الصراحه ولا ثبت ع المكتوب..
 
 
عقب السوق كله هالستيكرز ع القاع جان تقول اختي الجوز ليكون هذا محل فنسي اللي نحبه ورحنا نشوف ولا صح اهو وصار له اسبوع مبطل ..
 
وهالفرع اهو اول فرع له بالكويت واهي ماركة ماليزيه متخصص بالجناط والجواتي وانتوا بكرامه ..
 
وهذا لقطات عامه منه ، ديكوره اهو ماتغير نفس الافرع ال2 اللي برا ..
 
 
 
 
 
وهذا زوم ع جم شغله ..
 
بس في شغلات قديم كانت نازله بماليزيا باخر 8 واذا ماخب ظني عليها سيل بعد مثل هالجوتي وانتوا بكرامه وفي جنطة ترتر حاطه صورتها بوست ماليزيا..
 
ويعني بشجعهم خذيت بوت مو حيل مقتنعه فيه بس لاني احب هالمحل وابيه يتم خذيت شي منه ..
 
 
المحل موجود,,
 
بالجهرا بمجمع اوتاد - الدور الاول ..
 
مستانسه انه بطل :)
العام شفت ماسكرا ام ليت اللي من توفيسد بالنت ولقيتها بسيفورا دبي ماكنت متوفره الماركة عندنا ( الحين توفرت)..
 
 
ماجربتها لانه كنت مو وايد مع المكياج بس خذيت وحده لشروفه جربتها وكتبت عنها بوست ببلوقها هني ..
 
وقبل جم لما كنت احوس بسايت المنصور دشيت سايت لا سبلاش ولقيت عندهم نفس الفكره ورحت المنصور لقيت موفرينها ب3 الوان :
 ادعم (بني) واسود وبنفسجي << هذول اللي شفتهم بالمحل بالسايت في الوان اكثر ..
 
وفكرته مو انه رموش تشب ليت لا خخ بالمغطاة في ليت ..
والاسعار :
اللي من المنصور اعتقد 5 د ك..
اما اللي من توفيسد ماذكر جنه 130 درهم شي جذي..
 
الفرق بينهم..
 
ان توفيسد :
-متوفره بلون واحد اهو الاسود ..
-وتقدرين تتحكمين بالليت (بضغطت زر ع قولتهم )..
وهني صفحته بسايتهم 
 
اما اللي من لا سبلاش :
-في اكثر من لون ..
-والليت اذا ماخب ظني من تفتحين الماسكرا يشب مافي زر للتحكم ..
- وطبعا اهي ارخص..

هذا صفحته بسايتهم هني
 
هالاسبوع مريت المنصور يونس في فناتق ولايق مع هبتي اليديده ادش اجرب اغلب المكياج واخر شي اشتري شي لاظافري خخخ..
 
ولقيت عنده صبغ اظافر لونه يتغير بالشمس..
هالماركه عندهم وايد فناتق مثل اللي يشب بالظلمه والخ  قلت لكم عنها هني
 
وشكله كيوت بس لي الحين ماجربتها لانه عندي اكتفاء ..
 
 الاسعار:
 رخيصه 750 فلس ودينار حسب النوع ..
 
وبالنسبه للنوع اللي يتغير بالشمس جربته قبل سنتين  بس ماركة 2ونزلت لكم تجربتي (عنه )وكان موفرينه بمحلهم بالدسكفري كتبت لكم عنه (هني) بس جنه سكروه الحين مو متاكده.. 
Friday, December 28, 2012

ومن المنتجات اللي اهدوني اياهم مكياجي كانت هالمسكارا ..

اسمها:

مسكارا مكثفة للرموش ومقاومة للماء

 
 
 
مكتوب عنها بسايتهم :
 
إحصلي على رموش ذات كثافة تدوم لفترات طويلة. هذه المسكارا مصممة للعيون الحساسة، تركيبتها تحتوي على عناصر مغذية للرموش تنعمها وتحافظ عليها دون أي تكتل.
 
اسعارها :
55.00 SAR/AED/QTR
4.20 KWD
5.50 OMR/BHD
15.50 USD
 
رايي :
عقب استخدام لمدة اسبوعين حسيت انه تكثيف طبيعي (ع فكرة انا رموشي خفاف وقصار مو اي شي ينفع معاهم )  وانا والمسكار مو ربع لانه عشان احطها يبيلها مزاااج رايق هذي اذا جابلتها تكون نتيجة طبيعيه حبيتها بس انا يبيلي شي نتيجته مضاعفه كتكثيف وهم تطويل ، اللي رموشهم طول اتوقع بتناسبهم اكثر ..
 
واهم شي واكثر شي حبيته فيها انه خفيفه ع الرموش مو ثقيله كلش عكس المسكار اللي استخدمتها قبلها كنت ماقدر انام فيها اذا حاطتها احس رموشي جنهم دبابيس ...
 

بالانستغرام وتويتر نفس الاسم :
 
 
والسايت :LINK
Thursday, December 27, 2012
امس وانا احوس بسوق شرق دشيت اغلب المحلات اللي مسويه سيل منهم ديون واهو اكثر واحد صورت فيه ليش مادري !
 
جيكوا ع ديكور ملزقين ع السقف جواتي وانتوا بكرامة..
 
 
للي ماتعرفه اهو محل للجواتي وانتوا بكرامه والجناط ..
 التنزيلات تقريبا شامله اغلب البضاعه الشتويه والصيفيه ..
 
بس صادف اني صورت النعل بس وانتوا بكرامه ..
 
(1)
 سعرها :
 (2)
 سعرها:
 (3)
 سعرها:
موجود المحل :
 
مثل ماقلت فوق بشرق ..
-وفتحوه او بيفتح بالافنيو من زمان مافتريت عدل بالافنيوو ..
-و اذا ماخاب ظني له كورنر بدبنهامز الافنيو ..
Wednesday, December 26, 2012
لما كنت صغيره يعني ايام التعش ماكنت اعترف بالبلاشر :\ لانه خدودي خلقه حمر فكنت احط كريم اساس عساس اغطي لونه وعقب الجامعه ومع الاهتمام ببشرتي الحمدالله خف لونهم  بالاحرى راح  ومو بس جذي لما كنت اتمكيج لحفلة تخرجي للجامعه خلصت قلتا لاختي الجوز شرايج ؟؟جان تقول ويهج جنه مريضه حطي بلاشر حطيته قالت اي جذي زين ومع هبتي بالمكياج وقعت بغرامه ..
 
ووايد انواع جربتهم من بنات الدوام بس هذا اللي حبيته وطبعا اغلبهم حبوه معاي << مكياجنا سبيل حتى مديرتي استخدمته خخ..
 
 عندي 3 منه سويتلكم سواتشز ع الورق اوضح من ايدي ..
 
هاللون رفيجتي تقول جنه مال شانيل ..
 
 
 
رقمه 04..(مو واضح بالصوره)
 
بالنسبه لسعره :
اذا مخاب ظني 2.500 هالحروه لانه شاريته من 2009 بس يديد مااستخدمته الا هالفتره  ومن معرض العطور..
 
رايي:
 
الوانه حلوه وثابت يتم ماشاءالله وسعره رخيص بس توني جيكت بسايتهم مالقيت هالنوع :( والاهم مادري وين متوفره هالماركه قالولي بالبهبهاني ورفيجتي تقول اول كانت تحصلها باولادنا يبيله اشوفهم ..

لانه @dallyplume شوقتني ع حمرهم ومساعه احوس بسايتهم لقيت عندهم انواع واشكال من كحل لون << ان شاءالله احصلها...
 

وعلى فكره اهي ماركة ايطاليه مو شغل بوهناد :)

وهذا سايت الماركة Link
اليوم كنت مركز سلطان سوق شرق ولفت انتباهي هالست حبيته ..



هذا بدينارين ونص وكان في شغلات عليه شلتهم مبيني ع كتر اذا لاحظتوا بس مو متاكده اذا تبعه ولا لا ..

وباجي الشغلات اسعاره موجوده بالصور :)
Monday, December 24, 2012
مو اليمعه اللي فات لا اللي قبلها كان الويك اند حلو ومزحوم استمتعت فيه ..
 
ومن الشغلات اللي سويتها رحت مع اهلي لجبد ياخور نسيبنا ..
 
وهذي جم لقطة منه  لانه توني ماسحة صور بالغلط من الايفون :(
 
والحلو ماشاءالله انه في اكثر من مكان للقعده هالكراسي وفي بيت شعر كنت اتنقل بينهم ..
 
 
 
وهني حبيت الاضاءءه الملونه بالليل
 
 
وفي اكثر من لعبة دوارف العادية وزحلاقيه وهالنطاطيه ( حدي كيفت عليها) احب العب :)
 وبالنسبه للاكل ماشاءالله جيلنا لسنة جدام انا شريت واختي الجوز شرت واختي الكبيره شرت هذا غير اللي رفيجت اختي يابته ماشاءالله و3\4 ماجسناه :\
 
الغدا والعشا كله مشوي الظهر شوينا دياي لنا ولليهال سمج يحبونه و بالليل شوينا برغر وانتكست منها مع انها كانت لذيذه :(
 
 
وهذا ملفوف من رفيجة اختي..
 حبيته ويونس ميني الميني ..
 
وطبعا بما انه عيد ميلاد عيال اختي بينهم اسبوعين خذينا كيكه واحتفالنا فيهم هناك ( منزله فيديو عن العيد ميلد بكيك "اغنية بالاثيوبي" اما الكية فمنزله بوست عنها هني
 
ورحت اشتري اغراض للعيد ميلاد صحون و زينه وكبابيس وغيره .. مالقيت ع سمج فخذيت اقرب شي له على قرصان وخذيت ماسك ع ويه قرصان بس حسافه ماصورته وطبعا طقمين 3 احتياط خخ (عشان اذا ماعجب اهلي واحد يعجبهم ال2)
 
صور اكثر عن الرحلة منزلتهم بالانستغرام ..
 
اسمي بالانستغرام :@roroalk
اسمي بkeek : roroalk87

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads