Wednesday, February 27, 2013
 اكاونت بحريني  عجبني شغلهم بالانستغرام ..

واهما يرسمون او يطبعون ع وايد شغلات وهذي بعض الشغلات اللي عجبتني منهم :







وفي اطقم للبيبي 👼






وفي اكواب

مادري ليش طالعه الصور باهته :(

عنوان المحل :

البحرين -الرفاع - ش الحجيات ..

واوقات العمل من 4 عصرا وحتى 10 م ..

واتس اب : 0097336336900

@nineteen87_boutique   الانستغرام :
 
- Posted using BlogPress from my iPhone
Tuesday, February 26, 2013
قبل اسبوعين باكاونت مكياجي بالانستغرام  سوو مسابقه عن الوجه الاعلامي الجديد لهم ..
 
 
واليوم تم الاعلان عنه ..
 
وهذي صوره من اكاونت ميريام فارس بتويتر ()
 
صراحة اختيار موفق..
 
بالانستغرام وتويتر نفس الاسم :
والسايت :LINK
من زمان خاطري اجرب الرد فلفت كشراب مو كيكه لانه احب الرد فلفت واهو موجود بمحل البرد ماربل سلاب بس كل ماروح بطلبه وهالشغله صارت مرتين وتقريبا لمدة اسبوعين يقولون ماكو كريمه !!!اي شي اهم شي عند ي الكريمه ..
 
امس رحت ابي طلع نفس الشي << هذي المره ال2 جان اروح ذا كوفي بين طلبت كارميل ولما بحاسب شفت قلاص يم الكاشير في بودر احمر سالته شنو هذا قالي رد فلفت عاد قلت له كنسل ابي هذا ..
 
اهو متوفر حار وبارد ..
 
انا مااحب البارد فاخترت الحار وزدت عليه كريمه وكراميل عساس اذا ماعجبني استمعت بالكريمه والكراميل ..
سعره :
اعتقد دينارين << لانه في اضافات ..
 
رايي :
 
طعمه زين مافي كوفي ع قولتها احسن مااحبها و ريحته حلوه ريحة الكيك ..
Monday, February 25, 2013
تخفيضات بمحلات نزية المختصه بمستحضرات وادوات التجميل يصل حتى ٧٠% و مستمر حتى ٢٨ فبراير ان شاءالله ..
 
 التنزيلات على اغلب المنتجات مو كلها تقريبا تشمل ثلث المحل ..
 
كيراتين كان 100 صار ب40 ..
 منظره الكترونيه شلون بالضبط مادري كانت ب19.230 د صارت 7.700 د..
 جهاز شيره كان ب41.700 د صار 16.690 ..
 زيت كوبرا مكتوب للبشره والشعر كنت باخذه ، كان ب1.540 وصارت 615 فلس ..
 بديل الزيت كان اعتقد ب1.150 صار 400 ..
 سيروم كان 3.465 صار 1.380 ..
 ماسك للشعر كان ب9 وشي صار ب3.700 ..
 صبغ اظافر opi كان ب4 صار بدينار بس الخصم على مجموعة الكرك بس ..
 اغلبهم صاروا بدينار وشي كانو ب3 و4 ..
 سبري كان ب5 تقريبا وشي صار بدينارين و100 وخرده ، اللي يمه كان بدينارين 465 صار ب985 ..
 مشقر كان تقريبا ب1.850 صار 740 فلس ..
 كريم كان ب3.075 صار ب1.270 , والسبري كان 7 وشي صار ب3 ..
تعبت الصوره توضح السعر ونوع المنتج ..
 
 
 
وبالنسبة لعنوان المحل..
الجهرا مجمع صحاري
و بالبيرق ومجمع اولمبيا
 
قبل يومين دريت من اعلان بجريدة الوطن عن افتتاح رد تاغ بسليل ..
 
امس مريته وصورت لكم جم صوره..
 
 وطبعا بمناسبة الافتتاح مسوين عرض اذا شريتي فوق 10 يعطونج كابون 3 د عقب ماتحسبين تروحين لشخص معين يعطيج الكابون عقب مايشوف الفاتوره وياخذ بياناتج اسمج ورقمج :\ ..
 
 
 
 
ماصورت وايد لانه في ناس. واهو عموما دور واحد بس شرح.
 
 
Sunday, February 24, 2013
من المحلات اللي بالنسبه لي يديد بالافنيو هالمحل واهو متخصص بالاحذية والجناط وانتوا بكرامه ..
 
 هذي جم لقطه ع طاير ..
 
 
 
 
عنوانه :
الافنيو -فيز3 بذا مول بالهاي ستريت - الميزانين ..
 
The Avenues phase 3
The Mall
High Street
Mezzanine
احب البي بي كريم لاني احب المنتجات اللي لها اكثر من فايده او اكثر من استخدام واللي تكون علاجيه بعد..
 
سبق واني استخدمت نوعين من البي بي كريم الاول من ايزدورا وكتبت عنه (هني )وال2 الحين استخدمه واهو من غارينييه  وبنزل عنه بوست قريب ان شاءالله  كتجربه بس كنت منزله عنه اول مانزل الكويت (هني) و هذا (بوست) نزلته عن البي بي كريم اول ماعرفته   ..
 
امس شفت بي بي كريم من ديبورا  حصلته بالمنصور..
 
واهو 5 في 1 ..
 
-برايمر ..
-مصحح..
-uniforms  <<< ماعرفت معناها بالعربي :\
-ترطيب .
-حماية من الشمس حوالي SPF20
 
  والميزه ال6 انه متوفر ب6 درجات لونيه (هذي صوره منقوله من سايت الماركة LINK )
 
 
وهذي من تصويري ..
سعره :
6.500 د.ك..
 
رايي :
 
جربت التستر درجتين اعتقد 1 ,2  على ايدي وحده طلعت فاتحه وال2 مافي لون ماجني حاطه شي احب اللي مثل لون او اغمج بس على اقل احس بالتغطيه والترطيب ..
هذا رايي كتجربه اولى وطبعا مو مقياس بس اهي اللي خلتني مااشتريه....
Saturday, February 23, 2013
امس كنت بالافنيو وكنا بهالمحل ندور كوشيات ولفت انتباهي الورد اللي مسوينه من ورق,,
 
 
 هذي اول ورده شفتها عقب شفت الكورنر الخاص فيه مسمينه فلور شوب ومتوفر فيه وايد اشكال واحجام والوان من الورد الورقي ..
 
 
 
 
حبيته شغل بسيط ومتقن خصوصا الروز وطريقة الترتيب وفكرة الكورنر راقيه وتشد ببساطتها ونعومتها جنه محل ورد بضيعه  ..
 
موجود هالمحل بغراند الافنيو ..
من المحلات اللي حبيتها ويديده وتوني اكتشفها بربوع غراند الافنيو هالمحل ..
 
اهو متخصص بالجناط بكل احجامها واشكالها وفي سكارفات وشغلات 2 بس الغالب عليه الجناط ..
 
واحنا نفتر فيه سمعنا انه الكاشير تسال اللي تشتري اذا عندها بطاقة شكرا فعرفنا انه تبع لاند مارك قروب << احب محلاتهم ..
 
 صورت لكم جم شغله ..
 
الحلو يه انه من نفس اللون والخامه متوفر اكثر من موديل وحجم ..
 
 ومن نفس الموديل في اكثر من لون بعد ..
 هذي الوحيده اللي سمتها 16 د.ك ..
 هذي اللي شدني لها طبعه اللي عليها جنها دانتيل ..
 وفي جناط سفر بعد وهم نفس الطبعه باحجام مختلفه ..
 
 
 
هالسكارفات شدتني الوانهم ولا الخام ماحبيتها ..
 
عنوانه :
يم  Trucco
الافنيو -فيز3 بذا مول بالهاي ستريت - الميزانين ..
The Avenues phase 3
The Mall
High Street
Mezzanine

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads