Sunday, July 31, 2011

ماشاءلله بسرعه مرت السنه مو مصدقة باجر رمضان ..

يارب مثل مابلغتني برمضان بلغني بتفريج همي يااااااااااااااااااارب ..

Saturday, July 30, 2011
الاسبوع اللي فات تغدينا انا وجايونه فيه..


طلبنا :
انا جيز برجر مع كاتشب وماينيز وخس +بطاط بالجبن +ماي
واهي هم جيز برجر بس بدون خس ومع صلصتهم الخاصة+ بطاط بالجبن +بيبسي..

السعر :

التوتل 7,200 تقريبا ..

راينا :

انا ماحبيته ماكو طعم !!
جايونه اللي اذكر تقول البطاط وايد مالح واكثر شي عجبها البيبيسي خخخ..
وهم تقول انه ماعجبها البرجر بعد ماكو طعم بس شكل برجر وغير ريحة المطعم دهن والقعده مو مريحه جنه هارديز, وشيك شاك احلى.. 

وانا اتفق معاها شكل الصمون مقارب لاكل هارديز وهذا كان تعليقي قبل لا اذوق الاكل :\
عنوانه:

موجود بالافنيوز الدور الاول جبال النافوره المهدومه ..
Friday, July 29, 2011
اليوم هو عيد ميلاد مدمد ومن لماااهدتني بيوم ميلادي وانا افكر شيب لها كل مره اقول شي لي هالشهر قررت اخذ لها صابون اهو غرامها و بكج بيوتي من صالون جي سي لانها ودها تجربه ..

 خخ جيكو ع الكرت العملاق وسيله :@ اللي ضحكني اني شاريته من زمان بس  مابطلته ل قبل لا اوديلها الهدية باقل من نص ساعه وانصدمت انه مطبوع في حجي من داخل ورسمة خخ كتبت اسمي و دخلته بالظرف و كتبت على الظرف:\

 والظرف لصغير قفت فاوتشر ..

انا كنت قايله لهم ابيه ع برد بس كان قصدي جذي نفس الصور اللي تحت :\
الفكرة:
الهدية فكرتي  انا  من الى وطبعا باستثناء القفت فاوتشر , من جذي مو بيرفكت مو مثل اللي توقعت وابي (اقصد الهدية بكبرها)..

موقف خايس :\
اما الصابون صار موقف بالصالون من سبته وسفلت فيهم :\ انا كنت طالبه 4 كور يعني كل قلاص كره وعلمتهم شلون يعبونه وحتى النايلون انا يايبته 2 يوم لما ييت بدفع قلت 12 صح قالت لا 24 :\ شنووووووووووووووووووو @@صرخت عليهم اقولها منو قالج ابي 2 :\ واساسا مو مبين انه 2 (لو ادري انه 2 ماخليته يتغلف بهالطريقه جان كل كره بروح بيكون احلى ) قلت مايكفي وانا امس يقول حق انتي , قلت اللي قلتيه ان بحط زياده عشانج قلت لج لا مو لي لرفيجتي ماله داعي تتكرمين علي :\جان تقطها براس العامله ال2 !!
كنت بخليهم يعيدونه من اول  عناد فيهم ليش يتفلسفون بس ماكان في وقت مواعده البنيه واهي ملتزمه بشغل مهم عقبي :\

السالفه مو فلوس سالفة مبدا ليش مايقولون لي !! احد قايل لهم اني بنك مركزي مثلا :\

 
اهما العاملات زينين بس هالايام الظاهر من الضغط والزحمه داخوا :\

صابونه:
اما صابونة الكب كيك مثلها بالضبط اهي يابت لي خخ بنفس الوقت اللي عطيتها الهدية عطتني جيس متروس كريمات وصابون لما بطلت ولا هالحلوه مرتزه رديت لها اضحك اقولها مثل للي يبت لج اياها خخ..
صدمة:
واليوم انصدمت اني كنت ناويه ازيد الهدية كب كيك ع برد ولقيت مكانين يسون قلت بجربهم واللي يوز لي ايب لها منه وطبعا نسيت :\ لانه هالاسبوع حده لووووووووووووويه..

احس اني كاتبه مقال مو موضوع خخخ:\

وكل عام ومدمد بخير يارب :*


قبل جم يوم حطيت هلصبغ وايد حبيت اللون وبالصج لونه احلى واغمج من الصوره ومستواه مثل الماركات واحلى من زويا اللي بكل سبا مرتز..

شريت منه درزن الوان وايد 9 لي والباجي لبنت عمي تقريبا كان بحدود ال200 بات يعني اقل من دينارين ..

كل عام وانت بخير مدمد :*

والعمر كله يارب ..

ويارب تكون سنة خير عليج :*


Thursday, July 28, 2011
هالمنتج توه نزل بودي شوب الكويت من اسبوع  تقريبا ..


 واهو عباره عن كريمين بعلبه 1 , قسم للبشرة الجافة ينفع للمناطق الجافة بالجسم مثل الركب و الكوع.. الخ , والقسم ال2 للبشرة العاديه ..

منزلين منه 4 انواع اهما(فانيلا , Macadamia, Floral Acai, Sweet Pea)

انا اخترت الفانيلا ..

وتوه اليوم يابت لي مدمد , مرسي :*, من جذي مااقدر اقول رايي فيه لاني ماجربته :)

سعره :
6.500د.ك
Wednesday, July 27, 2011
توني رادة من المعرض ,كلش ماحبيته حر وزحمه ولويه ومن جذي ماقدرت افتر عدل ..

وكانت الزحمه متركزه بالصالة رقم 5 :\ واحس يبيله تنظيم اكثر

ماشريت منه الا حلوى عمانيه..


Tuesday, July 26, 2011
امس رحت شرق جان اشوف هالمحل اذكر مدمد قالت لي عنه قبل فتره..


ماكان مبطل الظهر وع الاربع قبل لا اطلع كانوا مبطلين ربع الباب مادري اذا فاتحينه الحين رسميا اولا !!

وهالمحل اهو الفرع الـ3 له الفرعين (الافينيوز-البيرق)

ولمشاهدة تجربتي لبعض منتجاته (اضغط هنا)

كلش ماتوقعت احد بيعبرني بهديه خخ اهي الترقيه بحد ذاتها احلى هديه يتلي من الله وبانسب وقت الحمدالله يارب..

ماقصرت بنت عمو ..

تسلمين سوسو :*

Monday, July 25, 2011
تونا جربناه بريوقنا بالدوام ..


درزن صمون مكس ..

ودرزن مكس كب كيك (ردفلفت , فانيلا , جوكلت ,جزر)



الاسعار :
الـ2 نفس السعر الدرزن بـ 2.500

عنوانه :
مدينة الكويت (جبلة), برج بيتك ,ش عبدالله المبارك -ساحة الصفاة الدور الارضى ..

ت: 55111120

تحديث : نسيت كتب رايي :
بالنسبة لي اهو زوين مو وااو ,والبنات حبوا الكب كيك اكثر ..
Saturday, July 23, 2011
اخوي توه دزلي هالصوره حسافه مو وايد واضحه ..

اهي صورة مطعم الارنب الجائع توه مبطلينه بالجهرا ..

عاد مايندرا اهو ماغيره الاولي !! ولا لاء !!

خبري فيه ايام الابتدائي اناقز بنطاطيته خخ ..
هالبوست مغبر :\

لما رحت دبي شهر 3 احترت شيب صوغة لرفيجاتي فقلت ماكو الا ست بيوتي يفي بالغرض لانه سفرتي قصيره مافي مجال اخمط لهم وايد شغلات..

واخترت محل

Fruits & Passion

بس قلت اتاكد اذا موجود بالكويت ولا لاء سالت اللي تشتغل قالت لا :\ انا ادري انه في بس مو متاكده اذا محل ولا وحده تيب بضاعه ..
ولما شريت وخلصت خذيت الكاتلوج ولا حاطين انه موجود بالكويت @@
 اخترت لهم هالست ..

في 3 منتجات : كريم جسم و ايد و جنه شور جل :\ نسيت :\

وهذا سامبلز عطتنا اياهم بمنه :\
رايي:

الست ماستخدمته بس شميت ريحته بالمحل كانت عجيبه وفواحة ماشاءالله , اللي ماحبيته اللي تشغل ليش تجذب بس تبينا نشتري !! مااحب هالنوعية ..

عنوانه :

بدبي :
 في دبي مول ..

بالكويت :

بكاندل لايت سبا بالشعب البحري , وهم عندهم طلب اون لاين ..

سايتهم : link
FB :Link
Friday, July 22, 2011
اخر مكان سياحي رحنا له بتايلند كان السفاري..

 التذكره كانت ب900 بات ..
وكانت (لجوله بالباص - 3 عروض -سفينه )

مواعيد العمل :

الايام العاديه :(من الاثنين لي اليمعه)
من 9الى 16.30

ايام العطل و الويك اند (السبت والاحد)
من 9الى 17

اول شي ركبنا باص وافترينا نشوف الحيوانات واهي طليقة ع قولة عمي العاده احنا نمشي حرين ونشوفهم واهما بقفص هالمره العكس احنا اللي بقفص:\

مرينا ع حيوانات وايد جمال \حمار وحشي \غزلان \دبب \نمور\اسد منبطح\ طيور ... الخ ..



عقب رحنا الصوب ال2 اهي المدينه قسمين قسم اسمه المارينا جنه وال2 سفاري..

وفي عروض حيه ومباشره..
 عجبتني الوانهم..
 اول عرض كان الدلافين ..
 كاااااااااااااااااااااان زحمه واكثر شي حبيت فيه لما رحبوا بالجمهور :\


تمثال للسوق العائم..

واحلى شي نهر السفاري..

جوله بنهر صناعي بقارب احنا قاربنا كان طابع الا شوي القارب اللي ورانا كما الريشه خخخ..
 فيول يكت علينا ماي ..

صندوق بيطيح علينا.. الخ كان في اكشن حلو وترقب ..

العرض ال2 طافنا ع مالقينا لمكان الا مخلص خخخ..

اخر عرض الطيور دخلناه بنصه وطلعنا قبل لا يخلص..

طير يركب كلمه , يسولف , يستعبط ... الخ..

رايي :

ماحبيت المدينه واحلى شي فيها النهر..
قاعده احوس ادور افكار لهدايا لقيت هالجوكلت ..


الحمره والصبغ لي والاستشوار لاختي :)

تحصلونه هني
Thursday, July 21, 2011

محلات h&m حاليا موفره كولكشن يديدDivided color   blocks‏..

اللي عجبني للي بالنص نفس للي نزل بزارا بس مال زارا كان الوان كثر مو لونين بس :)

وهم عجبني اليقنز الوردي بس احس مو لي :\

لمشاهدة المجموعة كامله (اضغط هنا)

عيوني عورتني من الوان الللي كتبت فيها  خخخخ..
Wednesday, July 20, 2011
اليوم طلبنا كيك من كاراميل للدوام ..


ميني مشكل (رد فلفت , قرع, جيز كيك اكثر من نوع , كاكاو) الطلب كان درزن ونص..

وطلبنا بب كيك ..

التوتل جم بالضبط مادري مع اني انا اللي دافعه خخخ بس اللي اذكره عطيتهم 12 د.ك ..
بس كوكتيل اللي متصله :\

الرقم هم مااعرفه بسالها عنه باجر ن شاءالله..

وعنوانه :

ببنيد القار يم كافيه بزه ..

رايي :

زين وخفيف والبنات حبوه ..

وشكرا ريري ع التصوير :*وكوكتيل ع الطلب ..
Tuesday, July 19, 2011
اكمل لكم بوستات تايلند دمجت لكم كل البوستات اللي عن المجمع بهالبوست ..

هالمجمع رحت له 3 مرات متتاليه :) يعني الخميس واليمعه والسبت..


المجمع وايد راقي ومكون من 7 ادوار تقريبا , ونظامه يبطلون لج الباب المجمع وباب التاكسي  ..
 هالصوره تصوير بنت عمي ..


 واغلب محلاته عالميه اللي اذكره مانغو ومس سلفردج .. الخ
وفي وايد محلات بيوتي مثل بودي شوب , ذا فيس شوب , ETUDE HOUSE .. وفي غيرهم وايد ماثبت ع اساميهم..
واكثر دور فصلت عليه الدور ال7 ..

كلشي فيه..

سينما اكثر من نوع للي سالت عنها كانت سداسيه لابعاد نفس للي بالكويت بس طبعا رخص التذكره كانت ب200 بات بس مادشيته كل مره يصير شي اول مره تعبت (حاشتني وعكه صحية) المرتين الباجي كنا نروح له متاخر (تجربتي لها بالكويت هني)..

وهم بالدور ال7 كنا نحوس ندور مطعم حلال كنت مطلعه اسمه ومنيوه من النت جان نلقى @@
 بسطات خخخ مو قلت لكم بسطاتهم بكل مكان !!

هالبسطات يميزها انه اغلب المعروضات شغلات يدويه ورخيصه , بس عيبه في هدوم مستعمله فتاكدوا قبل لا تشترون ..

وكل مره البسطات غير يوم اليمعه والسبت وخاصة بالليل تزيد البسطات وهم في 1 يرسم ب150 بات حسافه ماخليته يرسمني :\

وبعد في هالجمعيه شقولكم عنها حبييتها كبيره وشرحه ومرتبه ..

من الشغلات للي حبيتها فيها يوفرون عينات لمنتجات العناية الشخصيه يعني يتيحون لكم فرصة معاينة الشغله قبل لا تاخذونها وتتوهقون فيها عقب ..

مثل البامبرز ..
 الصابون تشمون ريحته ..
 وحبيت قسم الميني كلشي صغيرون يونس ..


وفي اغراض اللي للسفره مثل الاندروير بو استخدام مره 1 وغيرها من الشغلات للي مخصصة للسفر..

وفي مكياج ميبلين ارخص من الكويت تقريبا فرق نص السعر :\

وفي قسم لاغراض السبا ينييييييييت عليه خذيت منه ماسك وزبدة للجسم جربت التستر عجيبه ماشاءالله لنعومه يومين تمت , وخذيت نفس الاكياس العطريه مادري شسمه اللي جنه بقشه للويه وسنفره للجسم , ومن ماركة 2 خذيت بقشات المساج للجسم بجربهم بظهر امي خخ..

وهذا المطعم الحلال اللي جربناه :

 مطعم هندي صغير..

نان..
 جباتي



 طعمه زين بس خااااااااااااااااااااااار لاهوب انا جسمي مايسنحمل الفلفل اتوقع منه حشتني الوعكةا لصحية ..


و2 يوم جربت هالكشك ..

خترت هالبرد لاخوي ..
وخذيت لي عصير برتقال ..

وبالليل يحطون بسطات جبال المجمع هم فيه شغلات سنعه :)

سايت المجمع (هني)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads