Tuesday, September 29, 2009
السلام ..
شلونكم ..
هبه يديده عجبني فيها جم شغله واهي Studded امس خذيت كاتلوج سترادي فاريوس وحصلت فيه جم صوره مستخدمين غيها هالستايل اللي نشهروا فيه روك ان رول وهم اغلب الماركات استخدمته بكولكشناتها..
اهو يعتمد على المعادن اتوع بيصير بديل عن الشوارفسكي ..
هذيل تراجي بس ليش 3 مادري يمكن للاذن وخزامه :)
قلب من روبرتو كفالي ..

واشهر شي فيها الاسوار والحزامات..











ساعه من بربري اذا ماخب ظني..





وهم الهير باند في منها Studded












الحزامات
هذي ساعه بس مادري ليش هالطول ماشفت شكلها بلبس ياما تكون جنه سوار ينلف ع الايد او احزام !






غرامي الفيونجه :)








الاحزيه..






يشو بس احس دفش بلبس ولازم معاه شي ساده ولمناسبه ..


حلاته بوت فلات ..

هذا من ناين ويست شفت واحد عاجبني من ماركه نسيت بالضبط شنو اهي بس نفس هالستايل ووايد احلى منه..






جناط ..














وغلامي الهدوم بس اغلبهم لمناسبات..




فساتين ..


















قديم بس حلو ونفس الستايل ..


تذكرت انه عندي جم شغله نفس هالستايل ودي اضيفهم بس مادري وين صورهم لي ليتهم ارويكم اياهم ان شاءالله ..
وبس شرايكم بهالستايل..؟؟


Monday, September 28, 2009
السلام ..
قبل قرن وعدت فيشه بنزل بوست عن فيلم ..
وكل ماله يصير شي واليوم كنت بنزل بوست عن فيلم شفته توني بالسينما بس قلت انزل هالبوست مدام وعدت البنت ومجهزته وهو عباره عن مجموعة افلام شفتها باجازتي مو عطلة العيد اللي فيها منه لا اجازة من رصيدي اهي اهي.. ..
والوتين مازال البحث جاري عن بدل فاقد..
نبلش بالاجنبي بما نج تحبينه ..



هالفيلم اتوقع شفتيه فيشه ..

اهو مادري شلون قايل ..

القصه باختصار ..

امراءه تتعرف على رجل في امتحان القياده وذلك بعد ان طلب منها ان تغششه , و اكتشفها المراقب وهي تحدثه اثناء تاديتها لامتحان مما ادى الى طردها .
لتبدا بملاحقة الرجل ثم تطلب منه ان يقضي شهر نوفمبر في منزلها ويتم هذا الامر ومالبث ان اوقعته بحبها (مو هينه) ليطلب منها الزواج لكن لن يتم هذا الامر (يمكن من سبتنا خخ)..

باختصار فتاة تحب فتى غريب الاطوار تكتشف فيما بعد انه مصاص دماء لتتوالى عليها المتاعب .
فكرته حلوه بس عيبها المشاهد بسرعه بسرعه جنه نركض والبطل عجبتني شخصيته ..

ويقولون الكتاب احلى من الفيلم بس عن نفسي ما احب اقرا شغلات مترجمه..



طافني وماقدرت اشوفه بالسينما وكنت ناطرته ينزل بسايت واشوه نزل ، المهم اشوه مارحت له بالسينما مايسوى العنوه .
قصته باختصار رفيجات حيل نخطبوا بنفس الفتره تقريبا واهما مقررين من لما كانوا يهال انه يسون عرسهم بقاعة عرس معينه راحوا حجزوا ولقوا يومين استانسوا بس بسبت غلط طلع عرسهم بنفس اليوم عاد بلشوا يتهاوشون وخلوا بعض وكل وحده تخرب على ال 2 كل مره يحاولون يردون لبعض يصير شي ولي يوم العرس اللي فيه بيتراضون .



17 اقين تكلمت عنه من قبل ..
وقلت اني حابه هالفكره خصوصا بعد ماعجبتني فكرة 13 قوينق 30 ..

وناسه لو تردون التعش 17 سنه هالحدود شتسون ؟؟

انا عن نفسي بكون باخر كورس بالثانوي وبحاول اسمتع مع رفيجاتي بالثانوي و هم اقوي نفسي بالانجليزي .

المهم الفيلم فكرته انه واحد بنفصل من زوجته و رد صغير لي 17 سنه و صار بعمر عياله وعرف انه مهما رد فيها الزمن غير قدره ما يبي .

فيشه حاسه بتقولين شايفه كل هالافلام خخ اذا شايفتهم قولي رايج :)


ومن الافلام العربيه اللي شفتها ..





وهم شفت 5 دقايق من مناحي وكرهت عمري..

وما كملته ..






وشفت نص دكان شحاته بس لما دش ابوي طفينها خفت تخور هيفا و ابوي يلسبنا خخ احنا الحمدالله نستحرم مانشوف لقطات مش ولا بد نفرها بس عاد ابوي شبيقنعه وفشله تخوره جدامه و احلى شي بالفيلم مبين ان هيفا مشدقه خخ..

وبس شورايكم ؟؟



Friday, September 25, 2009

السلام ..

بيصيرلي شهر ونص ماقريت :( بس اشوه رديت اقرا بهالعطله ..

وهالمره يبت لكم كتاب عباره عن جزئين محتواه عباره عن مجموعه قصصيه تحت عنوان الان نفتح الصندوق والان نفتح الصندوق 2..
الاول قريته بشهر 3 فناسيه محتواه بس توني قريت ع الطاير ولقيت جم معلومه تستحق الذكر..

فالبدايه اعرفكم على بطلنا اليوم يدعى د.محفوظ استاذ للأدب الانجليزي والواضح من النبذه الخلفيه للكتب انه توفى وتم العثور على صندوق في قبو داره يحتوي على مذكراتها لاحداث وتجارب غريبه وقد تكون مرعبه خاضها في حياتها .
ج1:





النبذه الخلفيه :


لم يترك لنا الدكتور (محفوظ) إلا هذا الصندوق في قبو داره .. الصندوق
يحوي
مذكرات وملاحظات عن تلك القصص الغريبة التي مرت به في حياته.. تعالوا نفتح
الصندوق
الآن.. تعالوا نشعل شمعة تبدد ظلام القبو ونطالع واحدة من تلك القصص..


وفيه تناول العديد من القضايا والتجارب على سبيل المثال:
-كاكل لحوم البشر في قصة العشاء.
- وتجربة الدنو من الموت في قصة ت.د.م .
-الاحتراق بالعقل . في قصة سابكي كثيرا ... وهذا التجربه يقصد بها القدره على اشعال النار او تحريكها ذهنيا وتتم اما بشكل عفويا او متعمد(بالوقت اللي كنت اقرا هالقصه كنت بالسيارة وانا مندمجة ماوعيت الا بحس سيارة إسعاف اخترعت قلت وي صارت @@)

كما ذكر بعض التعاريف العامه في قصة استبصار..

-التقمص العاطفي :هو انه باستطاعتي ان اشعر بما تشعر به ..

- الحدس: وهي تعني رؤية ماسيحدث في المستقبل .
- الاستبصار : تعني رية اشياء تحدث لكن ليست امامي .

ولقد اعجبني صياغة قصة المكحله فهي عباره عن مجموعة رسائل مرتبه حسب تاريخ كتابتها من الاحدث حتى الاقدم ومن خلالها نتعرف على التغيرات التي مست لغتنا و نتعرف على مسميات والقاب المستخدمه باغلب العصور على مستوى مصر تقريبا ومن خلالها نستطيع التعرف ع الحقبه الزمنيه التي كتبت فيها.

بعض المعتقدات مثل الفتيش وهي ولا مابي اشرح اخاف صج ..


ننتقل للجزء ال2..


النبذه الخلفية:
ما زلنا مع الصندوق العجيب الذي تركه لنا د. محفوظ.. تذكرون أن الرجل مات
فقيرًا فلم يترك لنا إلا هذا الصندوق في قبو داره .. الصندوق لم يفرغ بعد فما زالت
فيه حكايات وملاحظات عن تلك القصص الغريبة التي مرت به في حياته.. من جديد اقتربوا
.. تعالوا نفتح الصندوق الآن.. تعالوا نشعل شمعة تبدد ظلام القبو ونطالع قصة جديدة
من تلك القصص


من وجهة نظري هو افضل من الجزء الاول ..

ويحتوي كذلك على بعض الاساطير مثل اسطورة الايرالندي تدعى البانشي وهي عباره عن جنيه تعوي خارج البيت فيعرف سكانه ان احد من افراد اسرته سيموت .(قصة الباكية)

معتقد في المانيا يتم في 24 ابريل او عموما يدعى السائر المزدوج او القرين هو ان من يرى مرتين بهذه الليله وتحديدا منتصف الليل سيموت هذا العام!! (قصة الحفل)

معلومات عامه:
جمع استاذ= اساتيذ ..
سن ال7 سنوات يدعى سن روبينسون وهو سن الاكتشاف والمعرفه .
ان الاحلام تتم في مرحلة )REM) وهي مرحلة حركه العين السريعه وتم اكتشافها بمنتصف القرن الماضي تحديد 1952 اكتشقها العلمان كلايتمان وارسينسكي ويقولان انها مهمة لنمو المخ ولتدعيم ذكريات النوم ، واننا اثناء الحلم تترتخي عضلات حتى لا نقوم بحركات مماثله لما نحلم به.
وان الانسان يقضي 6 اعوام من حياته يحلم..
وبالهند اساتذة اليوجا قالوا اننا نحلم ل7 اسباب وهي :
(مارايناه –ماسمعناه – ماخبرناه- مانتمنى ان نجربه –مانحن مرغمون على ان نجربه –ماتخيلناه –ماهي طبيعية اجسامنا) << هذه المعلومات وردت بقصة احلام احلام.

وبس ..

قبل لااختم تحصلونه بفيرجن ..
وبسالكم الدايموند بوك سكروها :(


Thursday, September 24, 2009
السلام عليكم ..
شلونكم ..
اول امس مريت زين بالمارينا .. وسالتهم عن اعلان شفته بالجريده واهو عباره عن لاب توب اعتقد hp وايقو ب44 تقريب..

سالته بجم الاشتراك ؟؟
قالي اذا خطج فواتير ب32 الشهر..
واذا خطج ايزي ب35 ..
بصراحه استغليته من نت بلاش لي نت الشهر 35 !!






وعقب رحنا يوريكا بنشتري تلفونات عاد اختي الصغير قالت لي عن وطنيه مسوين عرض..


عباره عن لاب توب ايسر ووصلة نت وهم منهم شريحة اشوه لانه خطي ايزي مو وطنيه ..
والعرض ب29 دينار..
اما الاشتراك الشهري ب26 ونص ولمدة سنه ..




سرعته 7.2 وسهل تعريفه واحس اسرع من الوايرلس مع انه مالنا ع حجي اخوي يعتبر سريع كل مره نزيد سرعته
اقصد كل سنه لما نجدد الاشتراك..
وهم الوايرلس صاير بايخ مو اي مكان بالبيت نقدر نشبك فيه كل مال احس وتقل المسافه ع يوم بنشبك فوق راس اخوي ..

وهم احسن اشبك بالدوام بدال شفتات ع كمبيوتر وحده ..
وهالعرض قبل مسوينه زين بايام معرضهم وكنت باخذه بس الله ماقسم اهو ب60 لاب توب وايقو واشتراك اذا ماخب
ظني سنتين وشهري تدفع 13 اما العرض ال2 ب40 وهم لاب توب ايسر الصغير و تدفع كل شهر 27 وهم سنتين ..
احس انا الربحانه :)
وان شاءالله اكون فدتكم ..

وبالمره اقول kookoo414 بنت القسم كل عام وانتي بخير والعمر كله يارب ويارب نفتك من وظايفنا خخخ..
Tuesday, September 22, 2009
السلام عليكم..
مثل ماقلت لكم ببلوقي ال2 انه بنزل لكم عن جولتي ..
رحت السينما لفيلم 1000 مبروك وقبل لا ا روح شاي الضحى نزلت عنه وناسه بوستها حلو ماشاءالله ..
المهم هذا البوستر مال سينما الكويت ..
اول شي ماتوقعت القى مكان بس اشوه لقينا بس لما دشينا ولا قريب من الشاشه ولا الباب يمنا :(
هذا بوسترات اللي حصلتها بالنت وشكلها يوضح فكرة الفيلم ..







بطولة :أحمد حلمي , ,رحمة ,محمد فراج ..

النوع: كوميدي ..

مدة الفيلم :تقريبا ساعتين..


تصنيف:G


القصة ..

يناقش الفيلم حياة شاب يحلم بأن يعيش 100 عام .. ولكنه يعيش يوم واحد يعاد تكراره مراراً ومراراً حتى يحفظ كل تفاصيل يومه .. يكتشف أثناء الإعاده أشياء سلبيه و أشياء إيجابية .


*هالحجي منقول من سايت السينما ..


دعاية الفيلم :

http://www.youtube.com/watch?v=iHlY7irdiSo&feature=related


راي بالفيلم..

اول شي ماحسيته كوميدي اوكي في قطات تضحك بس ككل لا ..

القصه باختصار واحد اسمه احمد اللي اهو احمد حلمي قبل لا ينام كلم عروسته وقالت له تمنى باخر دقيقه بالعزوبيه امنيه تمنى يعيش 100 سنه ع ابو انه باجر عرسه , الفيلم كله احلام واحداث مكرره من خلال هالشي تعرف على اهل ورفيجه بشكل اكبر ودرى شكثر اهو مقصر معاهم من جذي حاول يتغير للاحسن, وبكل حلم لازم يموت بالساعه 12 .

واي دخت من تيب مادري يباب امه وهونت مابي اتعلم شلون ايبب خخ << اللي قارري البوست مال ذكرياتي بيفهم قصدي..

ودخت من الاحداث المكرره :(

يعني حلاته فيلم كوميدي من قلب مو ناقصنا نكد..

واسم الفيلم 1000 مبروك مفروض 1000 موته او المرحوم او ع الاقل سندريلا :)

وتوقعت الفيلم بيروينا احمد من اهو شباب ليما يصير شايب عمره 100 سنه !!

بس في ميزه اهي اخر جمله قالها بالفيلم ..
تعديل :تذكرت فيشه هالفيلم تقزوره وبحط لج بعد جم بوست شي يسوى ان شاءالله ..
السلام عليكم..
عيدكم مبارك هني مابركتلكم بالعيد ع ابو حطيت بشخبوطتي موضوع عنه..
اليوم بكلمكم عن ماركه تميزت بلونها ونقشاتها ..
اللي اهي ..
وهذي اهي صاحبتها والشغل عباره عن رسوماتها..





بهالفيديو تتكلمنا عنها ..
http://www.youtube.com/watch?v=sQ6Je19_POQ

شكلها تعبانه الله يعينها يارب :(


وهذي الصوره توضيح لبعض نقشاتها والوان اللي تميزت فيها ..

بالنسبه لي عرفتها من نقشة القطوه ..




واما هني فنماين من شغلها وخاصة الجناط..



هالجنطه الوانها تشوق ماشاءالله تخيلت البسها مع قميصي البنفسجي الكئيب اللي مادري شلون شريته ..




وهم هذي الوانها تشوق بس الجنطه الاول شكلها احلى..





وهم في الوان هاديه حبيت هالدزاين منهم..






هالصوره يبيلها مكبر بس اهي اكثر صورة لقيتها توضح انه من نفس النقشه في اكثر من تصميم..




الشي ال2 اللي حبيته من هالماركه ..
السكارفات ..



هذا ماحبيته وايد بس براويكم انه في نقشات وايد غير القطاوه..


نايس..

اغلب اللي عجبوني ع قطاوه :)




هذا زحمه ويحول بس الوانه تونس..


جزء بسيط من الاكسسوارات بالسايت في تشكيله اكبر..
بروش..(رصه)


تراجي حلوين ذكروني بهوايتي اللي ابدع فيها النوم :)


واي غرامي الدلاغات الازرق اللي ع الطرف فيه منه جناط وجنه سكارف بعد..



المداس والزنوبات وانتوا بكرامه..




وهم في شغلات للبيت مثل الكوشيات في اكثر من حجم و شكل وفي زل ..

هم في سوالف للمطبخ مثل الاكواب في هذيل وفي العاديين ..
وطبعا في نقشات 2..


هم في غنادير واللي بنص جنهم طابي بس مادري شنو اهما بالضبط..



ينا لمربط الفرس ..
ان شاءالله يكونون عجبكم ..
اما تحصلونهم وين ؟؟
1- امازون ..
2- موقعها بس مادري اذا يوصل للكويت او لا.. وفي تشكيله كبيره ومتنوعه ..
3- في تاجرات كويتيات ايبونهم مثل ساره ستايل بس عاد مادري الحين عندها او لا وين تحصلون ساره بمنتدى كويتيات و بالفيس بوك وهم تسوي وتنزل بالمعارض...
وبس :)
الحين بطلع ولي رديت بكتب لكم عن جولتي هالمره بشخبوطتي ان شاءالله..
مع السلامة..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads