Thursday, October 31, 2013
الاسبوع اللي فات اعتقد وصلتني دعوه من h&m لحضور العرض الخاص بتعاونهم مع المصممه ايزبيلا مارتن ..
 
 
واللي خلاني اروح الايفنت سببين خاطري اشوف الكولكشن و انه وقته مفتوح ومناسبني ..
 
 
وكان الايفنت بالشور روم اول ماوصلت العاده انا عادي اسلم وادرعم جنه اعرفهم من مليون سنه والناس بسرعه تتعود علي بس يومها مادري شفيني دشيت جان اتنح ماوعيت الا هاللي يايه من بعيد تستقبلني بحراره وتصفحني اشوه خخ اسمها صوفيا من العلاقات العامه بالمحل كسرت الجمود اللي حاشني..
 
وهذا صوره عامه وشامله ..
 
طبعا الكولكشن شامل تقريبا اغلب الفئات :
 
- النساء - الرجال - الاطفال ..
 
النسائي تقريبا اكبر مجموعه ..
 
وهذا الستاند المعروض فيه ..
 
وهذي بعض القطع منه معروضه ع المنيكانات \ المليكانات \ المودل ..<< اختاروا الاجابه الصحيحه خخ
 
 الجاكيت : 129.900 د.ك
 
البنطرون سعره 34.900 د.ك ..
 
 
البنطرون سعره : 39.900 دك ..
 
وهذا شوز نسائي وانتوا بكرامه من الكولكشن ..
 
المجموعه الرجالية :
 
 
 
الجاكيت اللي لابسه اللي ع اليمين بحدود ال79 دك او 59 مو مبين موديله عدل بالكتالوج في 2 متقاربين :\
 
وهذي الاحذية الرجاليه وانتوا بكرامه كنت ابي نسخه من ورقة الاسعار بس عطوني الكتالوج مافيه كلشي :\
 
 
وهذا اخر قسم واهو المخصص للاطفال ..
 
 
 
 
اكثر قطعه لفتت انتباهي فيه :)
 
والعرض الرسمي للكولكشن راح يكون بافرع محدده وبيوم 14 نوفمبر 2013 ان شاءالله ..
 
وهذي الضيافه كانت من دين اند دلوكا ..
 
 
 
 
 
شكرا ع الدعوه حبيت الايفنت كان خفيف ولطيف مو مجرد تصوير لا كانوا سامحين لنا نجرب القطع بعد وهم صورونا صور فوريه حطيت صورتي الجميله بالانستغرام :)
 
والحلو فيه انه مافيه لويه وضجة الايفنتات :)
 
thanx Sophia  & thanx h&M TEAM
Saturday, October 19, 2013
خخ ترا متعوب ع العنوان
 
بداية شهر 10 يتلي دعوه من كافيه نستله عساس اجرب منتجهم اليديد ..
الدعوه كانت عباره عن الكرت + علبة كوكيز ..
 
الدعوه بحد ذاتها لذيذه << غرامي كوكيز نستله ..
 
وامس لبيت الدعوه ماحب  يتعنون ويدزون لي للبيت بموافقتي وماروح ..
 
اذا مابي من الاول اقول او ماارد ..
 
والحلو بالدعوه انه مو محدده بوقت معين يعني يوم او ساعه مححده لا مفتوحه طول شهر 10 ..
 
 
قدمتها لهم وكان في زحمه ماشاءالله ..
 
نطرت عقب يا يسالني شلون ابيها ؟ قلت له منو بيسويها انا ولا انت قال انا ..
 
اهي اهي حسبالي بيخلوني انا اسويها خخ حتى كنت تعبانه وباجل الروحه بس اختي شجعتني اروح لا وتخيلت البس المريله واخلط واصب واحط الكريمه والنتيجه تكون ضيم ولا وبصور بعد خخخ ..
 
المهم هذا الاعلان بالعربي..
 
على عجاله ع قولته اسرع سريع اخترت كوكيز و حليب خالي الدسم وكريمه قالي تبين كريمه قلت له اكسترا بعد هذا الحب الاول والاخير ..
 
والصراحة كان في ناس وكنت لاهيه اجكجك فماصورته واهو يسويها غميظة ..
 
المهم هذي موكتي ..
 
 
وسعره :
1.950 د.ك .. اذا ماخاب ظني ..
 
رايي :
 
تبون رايي الصراحة بدون مجامله كالعاده انا مااشرب مشروبات بارده :\ لا احبهم وصحيا مااقدر انغث منهم بسرعه ماي بارد ماعبر اشربه :\
 
فشربت رشفه من باب الذوق يعني (الكاشير كان يطالعني خخ  ويسالني) وكان طعمه جوكلت توقعت بيكون فيه مرورة القهوة بس اشوه ماحسيت فيها ماحبها  وعطيته اختي تقول حلو عجبها وتطلبه مره 2 بعد ..
 
ككل زوين واتوقع او المفروض لانه احنا ع دخلت الشتا يسون منه حار حزتها انا بكيف ، بس الفكره والا اروع ماشاءالله خصوصا انه في مكونات يديده مثل الكوكيز والبراوني  والمكرون والكب كيك اول مره اشوفه عندهم والعاده يستخدون  بالاماكن مثل رد فلفت ويكون المشروب اسم رد فلفت مو جذي و2 شي حبيته اذا سعره صج اقل من دينارين وايد زين كافيهات 2 زياده كريمه بس تعدي الدينارين  لاصغر حجم بعد ..
 
 
 
مشكورين نستله كافيه ع الدعوه ..
 
t
 
 
  
الانستغرام : nestlecafekw
 
 
قبل جم يوم كتبت لكم بوست عن البوتيك كانوا دزين لي ستاف lv بالايميل هذا اهو (الرابط ) وامس بعد عمري رفيجتي كانت مارته جان تصوره لي ..
 
امبيه حدي استانست جنه يابتهم لي هديه مو مصورتهم بس ..
 
من كثر ماانا مستانسه مافي احد ماقلت له عنهم خخ..
 
 
 
 
وهذي اهي صور جزء من المجموعه المتوفره ..
 
لحظوا اغلبها من القسم النسائي ..
 
 
 
مشكوره مراسلتي شروفه من ارض الحدث  حبي ماقصرتي :***
Friday, October 18, 2013
سويت بلانكو محل اسباني توه من يومين بس بطل بالكويت ..
 
 
واهو مخصص للملابس النسائية و في مجموعة من الاحذية وانتوا بكرامة و الاكسسورات والحقائب ..
 
وستايله بين الكاجول \ سبورت والسبورت شيك يعني ككل عملي ..
 
 
 
وهذي مشترياتنا اما اسعاره فهي مناسبه تقريبا من دينارين ونص لا في دلاق بدينار خخ لي شي و30 ماذكر شفت اغلى ..
 
 
وستافه وايد حليوين ماشاءالله ..

وبنزلكم صور جم شغله من بضاعته لفتت انتباهي بس مو اهني بالانستغرام ان شاءالله ..
 
واهو موجود ..
 
بالافنيو فيز 1 فوق بسطرة ناين ويست ..
 
اكاونتهم بالانستغرام : @suiteblanco
 
موقعهم الكتروني : link
Wednesday, October 16, 2013
الاسبوع اللي فات ياللي ايميل من الشايع انه في لي كيكة  بجيز كيك فاكتوري  ( مو بس لي الاغلب البلوقر )

عاد عقب الدوام مريتهم وخذيتها ..

 
 
كانت كيكة ككاو ..او جيز كيك ككاو ..
 
فيها اكثر من طبقة الاولى ككاو وفي طبقة اوريو وفي كريمة مثل اللي بين الاوريو بس اخف ذكرتني برد ساندويش وفي جيز (جبن الجيز كيك) واخر شي مو بسكوت لا كيك ككاو ..
 
وايد مكونات وطبقات فاكيد ثقيله بس لذيذه وثقيله مو عيب بالعكس ميزه  بتكفي اكثر من شخص كل واحد لقمه ويشبع خخ << تفكير نياده ..
 
صج ماشاءالله القطعه وحده كنت اتشارك فيها مع شخصين او شخص واتم لانه حجمها راهي ..
 
ولانه مكوناتها متنوعه تعجب اغلب الاذوق اتوقع اختي الجوز حبت اللي تحت انا كلها بس حبيت الككاو كثر ورفيجتي حبيتها كلها وتقولي اللقمه لازم تكون شامله كل الطبقات خخ ..
 
حبيتها ..
 
وبزيارتي لهم قابلت المدير جيمس  وسوالفنا عن البلوق..
 
 
وشكرا وماقصرتوا :)
Monday, October 14, 2013
واخيرا عقب ساعتين وشي قدرت احمل الصور بس لانه شي يسوى حاولت وحاولت ليما قدرت الحمدالله ..
 
المهم امس دزولي لويس فيتون ايميل عن هالخبر ..
 
 تواصل دار لويس فويتون رحلتها في الشرق الأوسط مع افتتاحها رسمياً أول متاجرها المخصصة بالكامل للأحذية للرجال والنساء. يقع المتجر في "ليفل ملتقى الأحذية" في دبي مول، ويقدم مجموعة واسعة من الأحذية العصرية التي تناسب السهرات، والأحذية الأنيقة لأوقات النهار، لكل من الرجال والنساء، في تشكيلة اختيرت خصيصاً لتعكس توجهات الموضة، وتوفيرها لمحبّي الأزياء من زبائنها في دبي.
 
يأخذ المتجر الجديد الزوار في رحلة عبر تراث دار لويس فويتون، وتاريخها،وبراعتها. صّمم المتجر بهدف إعادة خلق أجواء حميمية لبيت أنيق منتصميم المهندس المعماري الشهير بيتر مارينو، وحافظ في مفاهيمهالمعمارية على وفائه لرغبات لويس فويتون، وتطلعاته في جعل كل زيارة إلىالمتجر بمثابة رحلة استثنائية جميلة لزبائنه. ففي أجواء كلاسيكية وأنيقة،تطل مجموعة كبيرة من الأحذية للرجال والنساء على حد سواء، موزعة بأناقةلا تضاهى في أماكن متناغمة.
  كما يحتوي المتجر على صندوقSecrétaire Chaussures Dames الذي يعبّر بوضوح عن الماضي العريقفي تقاليد السفر، والمستوحى من صندوق يعود إلى العام 1925، نفذته دار لويس فويتون بناءً على طلب خاص من الممثلة ليلي بونز، ويمكنه أنيستوعب من 16 إلى 36 زوجاً من الأحذية، حسب حجمها. في العام 1949، أشار جاستون لويس فويتون لذلك: "طلبت ليلي بونز عام 1925صندوقاً مخصصاً لأحذيتها، ليكون بمثابة حقيبة سفر، تضاف إلى حقائب أمتعتها أثناء السفركانت قدماها صغيرتين ونحيلتين للغاية، وكان بإمكانها تخزين 36 زوجاً من الأحذية في صندوق معدّ لثلاثين زوجاً".
كما تمتلك دار لويس فويتون تقليداً طويل الأمد في تقديم طرق التوضيب المبتكرة لزبائنها، في معنىً مرادف لفن السفر منذ العام 1854. فلقد أصبحت حقيبة SecrétaireChaussures Dames الرمز المطلق للأناقة الباريسية وأكسسوارات السفر المطلوبة لكل امرأة باريسية في تلك الحقبة من الزمن.
 
تصاميم تخطف الأنظار، بما فيها حذاء "نجم السينما" بكعب "بلكسىجلاس" مطرز بعناية فائقة بأكثر من 300 قطعة من الترتر، ومزين بأهداب أنيقة على خلفية الحذاءيأتي الحذاء بمخمل أزرق حصري مع كرة رقيقة منالمنك الفاخر، ومرصعاً يدوياً بأكثر من 150 قطعة من أحجار الراين البراقة. ألوان وموديلات حصرية للنساء والرجال على حد سواء تقدم بمناسبة الافتتاح، وبجلود معدنية غريبة مذهلة مصممة خصيصاً لإمارة دبي.
يتم تصنيع جميع أحذية الدار ضمن ورشة Fiesso d’Artico الحصرية للأحذية، في إيطاليا. الورشة التي تتمتع بسمعة عالمية باعتبارها "أرض الأحذية"فمع بداية القرن الثالث عشر كان الحرفيون من ريفييرا ديل برينتايصنعون الأحذية للطبقة الأرستقراطية في البندقية. وكما تواجدت ورشاتالعمل للمنتجات الجلدية في أسنيير، فإن التوازن المثالي بين الدراية الحرفيةالتقليدية والتميز في المهارة الحرفية والتكنولوجيا المتطورة وجدت هنا. لدىلويس فويتون، يعتمد كل حرفي من حرفيي الدار على الحدس والخبرة بشكل كبير، ما ينعكس إحساساً فريداً ببنية الحذاء، لا يمكن للآلة أن تحققه أوتحل محله.
 
 
 
 
 
 
 
 
 
 
 
 
يشوق ماشاءالله .. مو ؟؟
 
بس قلبي الصغير لا يتحمل عاد هالشهر مستانسه قلت يالله اول ماركة اهي لويس فيتون شريت الاغراض اللي ابيها بالويش ليست مالتي بس شكلي بعيد النظر اهي اهي  خخ ..
 
** الكلام اللي بالفصحى منقول من الايميل ..
 
شكرا Dana Adjina
Press Officer -  Corporate Communications
Louis Vuitton Middle East

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads