Thursday, May 31, 2012
يوم الاحد شفت اعلان فرايديز لاطباقه اليديد ومنها هالطبق ولانه اختي تحبه صورته ودزيت لها ؛

واليوم رحنا جربناه :



مكوناته : بطاط و جبن ذايب و بصل وطماط وهالبينو و لحم ..

سعره : ١.٥٠٠ ..

رايي ؛
انا مااحب التشلي او التكساس فرايز وايد فهذا عجبني لانه طاغي عليه طعم الجبن ( احب البطاط مع الجبن) وحتي اللحم كان زين باجي المكونات عاديه فريش بس مااكلها، اما اختي اللي تحبه عندها انه عادي ومال تشيليز الذ ..

- Posted using BlogPress from my iPhone
Tuesday, May 29, 2012
توني ادري انه نزل برنامج الفايبر للبلاك بيري


رابط البرنامج:

http://www.6rpmoon.net/bb/apps/hm/pro/Viber/Viber.jad

يبيله هالبرامج القوية تكون فيه لانه مو معقوله بقزرها مجابله BBM !

- Posted using BlogPress from my iPhone
اخر هبة تقريبا بعالم الفاشن ..

توه لفت انتباهي هالاعلان عنها بتوقيع وحده من التاجرات بمنتدى كويتيات ..



اللي عجبني وشدني اسعارها حدها رخيصها بالنسبه لشيين انها تاجره كويتية و هالسوالف برا اغلى بوايد حسب اللي شفته  بالسوق او النت او سمعته بسوالف رفيجاتي عنها(اتكلم عن الاكسسورات)..


 للاستفسار 99564797
Sunday, May 27, 2012
توها رفيجتي عطتني صوغة من اختها جم شغله لاظافر منهم الكفيار ، اول ماشفته حسبالي شدو :)

من احلى الهدايا اللي حصلتها مؤخرا ، مشكوره :*
ومتشوقة اجربه بس اللي جنه قصدير مادري شنو اهو ؟ تعرفون!!

- Posted using BlogPress from my iPhone
Saturday, May 26, 2012
قبل جم اسبوع بنات سالوني بتويتر عنهم وتوها رفيجتي دزت لي Bc عن وحده تبيعهم فقلت انزل بوست عنه للي يبي ..( الصور من البي سي والحجي قرقتي كالعادة :p)

غرامي الدانتيل ومتوفر اكثر من لون ..

والاحمر بس الاول احلى ..

وفي قلتر ..


وفي ساده ماحبيتهم مايفرقون عن الصبغ العادي ..



وعلى animal prints..




وهذي ماركة ال٢ يشوقون حبيتها اكثر من سالي هانسن لانه اول مره تمر علي هالديزاينات كستيكرز..




دانتيل ❤
الاسعار :
العلبه ب٦..

للطلب:
ارسال مسج بالاسم ورقم المنتج والعنوان ..
50861895

- Posted using BlogPress from my iPhone
Friday, May 25, 2012
امس مريت تروفاليو وكنت احوس شفت الكافيه قلت اجيل ككاو للويك اند ..

في وايد انواع كيك واغلبهم احبهم وهم اللي اذكرهم بس (جيرمن نوعين ، رد ڤيلڤت ) بس لفت انتباهي انه معاهم بسبوسه اول ماشفتها عبالي كنافة خخ..

خذيت لي وحده اذوقها وبالبيت كليناها اغلبنا ..

سعرها : جنه ١،٣٥٠..

رايي :
طعمها زوين انا مو حيل مع الحلو العربي عموما بس هذي خذيتها عن خاطري ..

- Posted using BlogPress from my iPhone
Thursday, May 24, 2012
برنامج انستغرام للبلاك بيري:

Instigram BlackBerry



Finally !!!!
في أحد مجربه على ألبي بي ؟!؟

منقول من BC

رفيجتي جربته تقول مايشتغل :/

- Posted using BlogPress from my iPhone
Tuesday, May 22, 2012
العام تقريبا شريتها بس ماستخدمتها الا اليوم..

محتوياتها..


(غندور او باديه او ماعون مصنوع من بلاستيك لين اقرب للنايلون مو صلب اذا لحظت مبين بالصوره انه متعفس / فرشة / عصاة / قفشة قياس)
هذي صوره مقربه لها.. اذا دققتوا مكتوب ارقام عليها ..

واللي استخدمتهم اليوم..
بس الفرشة والعصاة (طلعت فيها الماسك) ..
رايي:
-حبيت فكرته وايد مفيد ولاكثر من شغله الماسكات ، خلطات، اوكسجين ...الخ
-هم انظف بدال لا كل يوم "مجازا" استخدم ماعون واوصخه بسوالفي، والعصاة غير انه انظف هم اسهل باستخراج الماده ..
-ورخيص..

وين حصلته ؟؟

بطيور الجنه ..

سعره ؛ 400فلس بس لقيته ينباع بسعر مبالغ فيه بالنت :/
- Posted using BlogPress from my iPhone
Monday, May 21, 2012

ZooghaQ8  هو عبارة عن متجر الكتروني لبيع الاكسسوارات النسائية بالإضافة إلى مجموعة مختارة من أحذية لبعض الماركات العالمية الغير موجودة في الكويت . اختلاف أذواقنا هو أحد العوامل الفاعلة في اختيار أفضل المنتجات المناسبة لتغطية جميع الأذواق في الكويت وذلك من خلال اختيار ما يناسب عاداتنا وتقاليدنا بالإضافة إلى وجود عامل مواكبة أحدث صيحات الموضة العالمية . قد يكون بعد المنتجات الأسترالية وندرتها هو من الحوافز التي جعلتنا نصب اهتمامنا عليها . لانها تمتاز بالاناقة والجودة بالإضافة إلى ندرتها ، مما يجعل كل قطعة منها ذات طابع خاص.


  Mobile Version

  Desktop Version





Instagram : ZooghaQ8
Whatsapp : 50171508




توها رفيجتي دزت لي بي سي عن خدمة التوصيل ماكدونالدز وتوه جربت اتصلت طلع صح رقمهم بس ماكلمتهم ..

هذا الرقم :
1822000

احد جرب يطلب منهم ؟

- Posted using BlogPress frommy iPhone
Saturday, May 19, 2012
قبل جم يوم روبي حطت هالصوره بالانستغرام سالنها اذا حلو قالت اي ٢ يوم جربناه انا وبيرو وباجي البنات :

دزوا لنا جزء من المنيو ..


اضغط ع صوره بتكون اوضح ..
هالمره طلب كان جماعي بينا بنات من ٤ ادارات ماصورت الا طلب بنات ادارتي:
وطلبي وطلب رفيجتي شروكة بينا:
كلوب ساندويش



جيكن بيستو ..

ع ماوصلت كنت رايحة اوزع الاكل لادارة ال٢ كانت مبلشه بنصيبها..


وطلب كوكتيل حلوم هذا جزء منها..


راينا :
اغلب البنات حبوه وبالنسبه لي زين اجربه مره ٢ بس اطلب شي ٢ غير اللي جربتهم هالمره ..

عنوانه:
مالي خلق انقله :/

- Posted using BlogPress from my iPhone
Friday, May 18, 2012
امس مريت نيولوك وخبري فيه من زمان المهم وانا احوس لقيت اظافر تركيب متوفرين باكثر من نوع :
الاول:
العاديين:

سعر الحبه اعتقد ٣.٥٠٠
الثاني:
اظافر مع استيكرز باكثز من نوع وشكل :

سعره هم اعتقد ب٤.٥٠٠..

نيولوك الافنيو ..

- Posted using BlogPress from my iPhone
Thursday, May 17, 2012
توني راده من الافنيو وانبهرت بالورد الموجود فيه مااشاءالله تقريبا من فيز تو لي gap ..
اول شي شفته كان مثل الحديقة بالنص بين بريشكا و h&m وستاربكس وشيك شاك ..

صورت اجزاء منها ع السريع :












من الشغلات اللي عجبتني وتوني منزلتهم بالانستغرام ..







كنا نشوف الورد يانا صبي من الهلال الاحمر وقالنا عن مشروعهم اهو تشترون ورده بدينار وهالدينار يعتبر تبرع ..




عاد رحنا خذينا وقلت ابي ورده حمرا قالوا ماكو خلصوا قلت ابي ورده تم ماتموت بسرعه :




قالت لي هذي اتم اسبوعين بس وعليه ساعتين و حاشها اعدام :(
والهلال الاحمر موجودين لي يوم الاحد ان شاءالله








وفي وايد غيرهم ..




كالعاده البرنامج بيطلع الصور بشكل بايخ اهي اهي ..

- Posted using BlogPress from my iPhone
امس لما خلصنا من السبا شفت هالمحل يمه قلت لاختي تعالي شوفي حلو تركي ، بس لما سالت طلع حلو اسباني .،






اهو شكله مثل البيتفور بس اهو اقرب لطراوة المعجنات و يكون مغطي بصلصة معينة مثل الشوكلاة (كندر، كادبري ، فيريرو روشيه، نوتيلا ..الخ) او كاسترد او كراميل ، وتكون محشوه بكريمه متنوعه وتختلف باختلاف الصلصة الخارجيه لها..
وفي حجمين:
صغير :

وكبير :

الاسعار:
الكبير سعر الحبه ١،٢٠٠دك..
الصغير النص درزن ب٣دك..

طلبي:

خذيت من الصغير نص درزن منوع:


رايي:
امم مو النوعيه اللي افضلها من الحلو ، بس حبيت الخدمة كان حليو ومتعاون مو منفس.

عنوانه:

مدينة الكويت ، ش السور , برج جاسم ، الدور الارضي
ت؛69996027- 22960097


- Posted using BlogPress from my iPhone

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads