Wednesday, November 30, 2011
قبل يومين تلقيت دعوة منCherriez  لتجربة ليوغرت وحددت الموعد اللي يناسبني ويناسبهم واهو اليوم الصبح ..
كالعادة احب اكون موجوده  قبل الموعد ودشيت عندهم قبل لموعد بدقيقه خخ ..
 اول من استقبلني Nino وطلع اهو بلوقر بعد هذا رابط بلوقه ..


وبعدين يا لاستاذ بلال عطا ..
وقعدت هني ..
 ويابولي الـ 4 نكهات اجربها ..

من اليمين لي اليسار (ككاو , كرز جنه , مانجا , اوريجنال)..
 وكلهم 0 فات ..

ومتوفر 4 احجام ..
 والعديد من التوبينغز ..
مكسرات مثل كازو, شرائح اللوز , فستق,فول سوداني,.. الخ
وكورن فليكس ,كورن بوس,تشيز بوس , البسكوت .. الخ
 فواكهة (مانجا,بابايا,بلو بيري ,بلاك بيري ,كيوي ,رقي ,توت , رمان, فراولة )
 وقسم لككاو (مالتيزرز ,فليك ,ارو, سنيكرز , كت كات,ام اند م , اوريو, وشوكلاته القبلات   )
 واللي لفت انتباهي وع طول طلبته ا لشيز كيك وطلع لذيذ :)
 ووصل ريوقي :

خيرني بين لارج وميديم (اخترت ميديوم) ميكس كل الانواع لانه حترت كلهم عجبوني :)

موجود (الأفرع) >>منقول من ايميل الاستاذ هادي لي :
الديرة    : منطقة القبلة مجمع صقران خلف بنك الخليج الرئيسى
اليرموك :جمعية اليرموك الرئيسية
الزهراء :جنوب السرة الزهراء جمعية الزهراء الرئيسية
وقريبا بأذن الله مشرف :جمعية مشرف الرئيسية

رايي :

قلته بين الاسطر :) وبدون مجامله مثل ماتعودتوا علي , حبيته مع اني مو حيل مع اليوغرت بس هذا لذيذ ماشاءالله وحبيت لجيز كيك ..

مانسى اني اشكر الاخ هادي على الدعوه و الاخ بلال عطا على تنسيق لزيارتي واستقبالي ..

and also thanks for nion :)
ب2 العيد رحنا كتارا وكان الجو عجيب ..

 وهويسمونه بعد الحي الثقافي ..
في جمعيات  , مراكز , مجالس وماشابه مختصه بالثقافه ع سبيل المثال لا الحصر..


 وفي بحر اخوي يقول صناعي بس عموما صناعي ولا طبيعي حلو ماشاءالله ونظيف  بس كان ممنوع ندش له حتى اليال (الشاطئ) مسكر ..



 اعتقد اسمه المسرح الروماني ..

وهذي القعدات موزعه قعدنا صورنا فيه كنا انا وبنت عمي بس (تفرقنا كل قروب راحوا مع بعض) المهم كنت اصورها جان اسمع حس وحده تكلمني لفيت ولا اجنبيه تسالني اذا نبي تصورنا بكاميرتنا طبعا ماصدقت خبر عطيتها وبسطت يم بنت عمي خخ << حبيت حركتها ومبادرتها
 وطبعا في مطاعم وايد هناك ..

جربت 2 منهم :

تغديت بمطعم فاروق ..
 ونزلت بوست عنه هني

وحليت برد فيلفت ..
ولقراءة تجربتي اضغط هنا

ومتوفر فيه خدمة التنقل مجانية من خلال سياير الغولف ..

رايي :
الجو كان عجيب ماشاءلله اتوقع مبين بالصور, وعموماالمكان حلو ماشاءالله يستحق الزيارة ..
Tuesday, November 29, 2011
Forrey and Galland’s مسوين تشكيله خاصة وحصريه للعيد الوطني الاماراتي اللي بيون هالاسبوع ان شاءالله وتحديدا يوم اليمعة 2 ديسمبر ..

ناعمين ومهتمين بادق التفاصيل ..

تحصلونه بدبي :)

ولتفاصيل اكثر :
Loujain Mudabber
Office Euro RSCG Corporate Communications M.E,
Knowledge Village, Al Sufouh 2 Street, Choueiri Building,
PO Box 21448, Dubai, UAE
Email loujain.mudabber@eurorscgme.com Web eurorscg.com Tel +971 4 455 6000  Dir +971 4 455 6159
من 29-11-2007 الى 29 -11-2011 م  يصير عمر بلوقي 4 سنين ماشاءالله بسرعه مرت ..

من مكان كان مشروع وعليه تقييم ودرجات لي مكان استمتع فيه اشاركم باخر تجاربي واخباري وساعات اخباركم تعرفت فيه ع قروب حلوو الله لايحرمني منكم :*
Monday, November 28, 2011
تذكرون قبل جم شهر لما كنت ازهب هدية مدمد وسالتكم عن هالطقم هني مالقيته فخذيت بلاستيك بداله هني..
قبل جم يوم رحت لاند مارك وحصلته :(
 كاهو ..
 وفي شكيله كبيره وحلوه ماشاءالله :







الاسعار والشرح بالصوره الاولى :)
اليوم كنا مسوين ريوق سبشل عقب رد رفيجتنا الدوام بعد 7 اشهر ..

كل وحده ياابت طبق ..

وحده من البنات يابت فطاير من  Luscious

حشواتهم متنوعه للي جربتهم جبن مالح وفي انواع جبن 2 , وبيض و تيركي و دياي..

وهم حوالي 40 قطعه ..

سعره:
ب20 د.ك..

رايي :
اللي حبيتهم الجبن البيض و التيركي حلوه بس الكرواسان ماحبيتها يابس , اما الدياي ناشف يبيله صلصه اكثر ..
مدونة اماني Nothing Like Home  المتخصص بالازياء ولديكور طرحت مسابقه فكرتها غريبه وممتعه ماشاءالله ...

هي مسابقة تصميم بس مو مثل المعتاد تصميم بنر او موقع و صورة .. الخ لا تصميم تاتو ..

اخليكم مع التفاصيل :

صمم التاتو الخاص بك وارسمه على اي جزء من اجزاء جسمك بعدها ارسلي صوره التاتو وسأنشره لفتح مجال التصويت


القوانين :
- يجب ان يكون التصميم جديد ومن خيالك .
- كل متسابق يسمح له بارسال صورتين لتصميمين فقط .
- يسمح للرجال والنساء الاشتراك بالمسابقه .
- ارسل لي صوره واضحه رجاءً .
للاشتراك :

- ارسل اسمك الحقيقي فقط وان كنت لا ترغب في نشر اسمك فاكتب اسمك المستعار بجانب اسمك الحقيقي وسأنشر
اسمك المستعار فقط ولكن اسمك الحقيقي مطلوب في كل الاحوال على amani5@ymail.com
- ارسال ايميل حقيقي يمكنني التواصل معك من خلاله او اي حساب اخر على الفيس بوك او تويتر.
- يمكنك متابعتي على تويتر @amanisab وارسال تويت "طلب اشترك بالمسابقه " لاتبعك بعدها وتستطيع التواصل معي عبر الرسائل الخاصه.
Good Luck
اكره شي بالبرد السباحة ساعه يالله اتسبح واذا دشيت ماقدر اسكر الماي خخ ..

بس مع الفوطة السحرية ماقمت احاتي البرد خصوصا انه داري بعيده عن الحمام وانتوا بكرامة ..

اهي حسب ماهو مكتوب عليها (المنشفة السحرية ناعمة وسريعة التجفيف صحية للجلد والشعر ).

ومتوفر باغلب الالوان والاحجام والاشكال (عادي كبار وصغار ارواب كامله او نص .. الخ وفي للجسم ونوع للشعر )..

تجربتي:

اليوم اول مره اجربها :

وعندي 2  وحده كبيره للجسم و وال2 مخصص للشعر :

نفس اللي مكتوب عليها ناعمه وبسرعه تمتص الماي << هذا بالنسبة للمخصص للجسم اما اللي للشعر زينه بس مو وااو عاديه جدا,من جذي حبيت مالت الجسم اكثر..

وهم فيها ميزه 2 حجمها كبير و بنفس الوقت ماتاخذ حيز كبير بالتخزين مثل الفوط العادية ,مفيده اللي يكودون مثلي ودارهم تمشي من القش وللسفر هم نكود (هوس التكود)فيبيله شي ماياخذ مساحة ..

حصلتها :
بقطر بدوحة بارك , بس مدمد لقتها بمعارض الصينين اللي تصير بارض المعارض الاستهلاكي والهدايا وغيرهم ..

سعرهم :

مثل العاديين ع 50 ريال جنه امم تقريبا مو متاكده بحدود ال3 د.ك ..
Sunday, November 27, 2011
ب 3يوم لنا بقطر كان يصادف 2 العيد مارينا كتارا (الحي الثقافي )وتغدينا بهالمطعم ..

 هالصوره منقوله من النت (المصدر هني)

واهو مطعم مصري :
 وفي وحده تسوي خبز فريش جدامكم ..
 المنيو ..
 اعتقد اسمها سلطة بلدي ..
 طلبي مولوخية
 كشري ..
 هالعيش اعتقد مع المولوخية ..
 مشاوي مشكله ..
محاشي مشكله :

وفي جم طلب ماصورتهم مثل المشلتت بالجبنه القديمة << طلب ولد عمي اسمها مايشوق خخ..

الاسعار :
رايي :

ماحبيته :

الطعم اقل من عادي لو مو يوعانه جان ماكليت :\

الكمية اشويه و هالشي مبين بالصور..

وريحة الشيشة تارسة المكان :\

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads