شخبوطة كويتيه: صالون

Showing posts with label صالون. Show all posts

Sunday, March 24, 2013

اول صالون متخصص بالاظافر بالجهراء (نيلز ورك -nails work )

10:00 AM

صباحو ..

قبل فتره وحده بالانستغرام قالت لي انه بطلوا عندنا سبا للاظافر ..

صادف هالاسبوع اني مريت صوب جان اصوره لكم ..

وهذا شكله من داخل ..

سالتها ماعندكم برشور ؟؟

قالت لا في هذا اعلان وماكان في الاسعار..

قلت لها بجم شغلكم؟؟

جان تاشرلي ع الرقم وتقولي اتصلي وانقولج الاسعار ..

قلت الحين انا اجابلج عندكم اتصل عليكم ؟؟ حلاتي اطلع اتصل ولا العن ارفع تلفون جدامها اكلمها عن الاسعار :\

حركات الانستغرام هذي ماحبها هههه ..

المهم الخدمات اللي يوفرها السبا :

*لليدين والرجلين :

-منيكير << ب5

-بديكير ب7 ..

-رسم حنة..

-مساج..

-رسم ع الاظافر..

*الوجه :

-مكياج ..

-حف بالخيط او الشمع ..

* الجسم :

-سنفره ..

-مساج علاجي او استرخاء ..

-شيره ..

عنوانه :

الجهراء \مجمع صحاري \السرداب ..

ت :66969226

جربتوه ؟؟؟

Labels: beauty, spa, اظافر, الجهراء, صالون |

0 comments

Saturday, February 16, 2013

صالون الملكة ستايل ..

3:38 PM

الخميس مو اللي فات اللي قبله كنت معزومه ع عرس ومحتاره وين اروح احط مكياج واسوي شعري وشلون ؟؟ طبعا انقذتني رفيجتي بقبله بيوم حجزتلي بهالصالون ..

اول ماشفت اللوحه قلت لا مابي مكياجي جذي :\ بس دشيت وسويت وايد شغلات عندهم ..

مكياج +شعر (تسريحه وغسيل) +صبغت اظافر ايدي وريولي + شيره ..

تجربتي + رايي :

الشيره كانت زينه ، صبغ الاظافر عجبني حلوووو وشغل مضبوط ماشاءالله اهو الوحيد اللي بتشوفون نتيجته ..

وهذي النتيجة احب هاللون ..

وبالنسبة للمكياج :

اللي حطت لي اهي منال مكياجها ماشاءالله حلو الفاونديشن طبيعي ورسمت ويهي والشدو كان فخم مو مثل اللي احط كالعاده يعني اقدر اقول مكياج لبناني (سموكي ع بني شي جذي مااعرف اوصف :\)وحواجبي انا مااحف الحمدالله فرسمتهم لي بشكل وايد حلو الرسمه اللي احبها اول مره صالون يسويها لي العاده ياعرضونهم ياضعفونهم والاغلب يحط العجينه اللي مااحبها كلش تقبح :\ هذا ماشاءالله على قولت اختي جنج حافتهم ولونهم طبيعي مو غامج ..

وماشاءالله تم ثابت حطيته تقريبا 7 لي 2 بالليل واهو ثابت ماطلع خطوط التعابير اللي ساعات تبين بمكياج السهره او دهن او قشر كريم الاساس حتى اختي الكبيره ماشافتني الا عقب العرس ع 1 وشي ومدحت المكياج تقول جنج توج حاطته ماشاءالله ثابت ..

وماحطيت كريم جسم حطتلي لمعه على جسمي راقيه حبيتها وايد طبيعيه وناعمه مو الهيلوقيه ..

ومع انه المكياج ثابت الا انه بنفس الوقت ماذاني مسحته بسرعه سهالات مو اللي طن ع ويهي ..

اخوي اول مره يمدح مكياجي ويقولي عيونج حلوه وابوي بعد مايحب المكياج مدحني ..

وعلى فكره اغلب مكياجهم ماركات مو شغل بو هناد ..

الشعر :

هم حبيته ماكنت حاطه بالي اني بسوي تسريحه اساسا مو بالي شي وبنفس الوقت شعري خفيف مو اي شي يناسبني وهم استحرم اركب شعر ..

بس سولي تسريحة وضبطوا خفت شعري بالحشوات العاديه مو وصلات شعر والقذلة الموديل اللي الحين هابين فيه مرفوعه بحركة هم شي يديد علي وخفت تطخ اذا لبست ملفعي بس اشوه ظلت ثابته ليما فتحتها ماشاءالله لبست ملفعي مرتين و رقصت اكثر من مره وحده منهم بداوي والشعر ماشاءالله ثابت ..

وهم ماذاني لما بطلته ..

وهالشي الحلو يخلونا نحط على ويوهنا عشانا المكياج مايتاثر بحرارة الاستشوار ...

رايي باختصار :

حبيت مكياجي وشعري << اللي سوتهم لي منال ونفسيتها حلوه ..

بالنسبه للاسعار ..

المكياج 45 د.ك

والشعر 25 بس حسبت لي 20 ..

والشيره والصبغ ببلاش :)

عنوانه :

صباح السالم يم مدرسة الرؤية ..

ت :25519685

Labels: beauty, makeup, اظافر, صالون, مناسبة |

2 comments

Monday, October 15, 2012

تجربتي لمنتج من منتجات JC

11:20 PM

لما رديت من السفر شروف رفيجتي يابتلي هديه منتجين من جي سي انا اخترتهم خخ ..

وكانوا ديودرنت وكريم للركب والكوع ..

بس اليوم بكلمكم عن الديودرنت لاني خلصت امس ..

قوامه :

كريمي مثل (اللوشن)

حجمه:

صغير بحدود ال20 مل اتوقع مو اكثر وتقريبا كفاني لمدة 3 اسابيع استخدام يومي بس انا احط بذمه وضمير:)..

رايي فيه ..

حبيته كديورنت من ناحية التعطير بالبدايه كنت خايفه انه مفعوله يكون خفيف ومايستمر وقت طويل بس ماشاءالله ابهرني بنتايحه يتم بدون مبالغه طول اليوم وساعات احس يستمر لي 2 يوم ..

وهم خفت لا اتحسس منه وتقرح المنطقه لانه بالبدايه حسيت انه قوي وبحراره وحكه عقب الوضع الحمدالله صار طبيعي ..

من ناحيه التفتيح مو ذاك الزود وانا الحمدالله المنطقه مو غامجه وايد يمكن فرق درجه وحده بس عن جسمي ..

عيبه : يكمن بطريقة تعليبه او تغليفه مادري شلون تنقال يعني حلاته يكون بعصار وراس رول مثل طريقة ديودرنت ايفا راح يكون وايد اريح بالاستخدام , لاني اذا مستعيله افضل استخدم الديودرنت العادي اسرع وانظف منه هذا اذا استخدمته مثل الكريم العادي بتوصخ ايدي لازم اغسلها وبما انه ايدي توصخت اذا مسكت هدومي ادمرها :\ لويه الوضع ,, بس هذا عيبه الوحيد..

اي وبعد فكرة انه شكل علبته مثل كريم تخليه يخترب اسرع لانه كل مافتحته حاشه الهوا واخر شي ينشف :(

ارد استخدمه مره 2 ؟؟

اي بس اذا غيروا علبته ..

سعره: 5 د.ك

جي سي صالون موجود بالجابريه سبق وان كتبت عنه بوست هني

شكرا شروفه :*

- Posted using BlogPress from my iPhone

Labels: beauty, spa, تجربة, صالون, هدية |

0 comments

Thursday, September 13, 2012

شخبوطة في ضيافة candy nails

11:59 PM

قبل جم يوم وصلني ايميل من السبا يدعوني فيه لتجربة خدماته , هالسبا يتميز بانه اول مكان متخصص بالاظافر يغطي ويخدم منطقة الفنطاس , العقيلة , المنقف , ابو الحصاني , القرين .. الخ ..

وامس رحت له مع رفيجتي ..

وصلنا ..

من دشينا العماره ولوحاته منتشره ..

وهذي صوب الاصنصير..

الباب ..

اول شي باخذكم جوله بالصالون عقب بذكر تجربتي ..

وهذي اللوحة اللي مو واضحه فوق فيها محددين مواعيد العمل : من 10 ص الى 8 م ..

المدخل (بس انا مصورته بالعكس ) بالصوره مبينه كراسي الانتظار ..

الرسبشن (الاستقبال)

عندهم وايد جار للحلاو ماشاءالله بس حبيت هذي لانها المميزه ماشاءالله ..

المنيو ..

( اذا الصور مو واضحه ضغطي عليها بتتكبر بتكون اوضح)

يقدم السبا خدمات 2 غير العناية بالاظافر..

مثل المساج..

وخدمة سريعه للشعر , والشمع (الواكس)

مكان تجفيف صبغ الاظافر..

مكان رسم وتركيب ع الاظافر..

منتجات عجبتني ..

اظافر تركيب تقدرون تركبونه اكثر من مره تقريبا مرتين وسهل ازالتها واعاددة تركيبها اعتقد منها وفيها اللزاق ..

Me bath مادري متى اتحرك واجربها :\

صبغ اظافر اول مره اشوف هالماركه وعجبني اسمها ..

وطبعا في تشكيله من اصباغ الاظافر من مختلف الماركات مثل opi باخر كولكشناته و ايسي و الكفيار وغيرهم..

*تجربتي *

اول مادشينا ضيفونا , رفيجتي اختارت قهوة وانا ماي بس ما صورت قلاصي..

مكاني , ماقدرت اصور باجي الكراسي لانه كان في بنات ..

واختارولي هالنوع ..

اول شي نقعوا اظافري بماي مخلوط فيه فيتامينات ..

وهذا مال رفيجتي ..

وهذي العده الحلو انه معقمه ومغلفه ..

هذي العده اوالكريمات للي استخدموها لي ..

من opi ماسك وسنفره ..

هني واهما حاطين لي ماسك , عقب ماسولي سنفره ..

وهذا البرافين لريولي سوو لايدي بعد بس ماقدرت اصوره..

النتيجة :

رايي :

ملاحظاتنا عطيناها لايف لصاحبة السبا , بس كتجربه حلوه استمتعت فيها وحبيت التريتمنت والنتيجه خصوصا النعومه ..

الستاف زين اللي سوت لي اسمها روز اما اللي صبغت اظافري اسمها جوي حبيت انها بروحها بادرت واقترحت هاللون ع رفيجتي وعجبني وسويت مثلها :)

وحبيت انه الستاف متعاون مع بعض ماشاءالله ,,

رايي رفيجتي :

اتفقت معاي بنقطة انه الستاف متعاون وتقول انه حلو وراقي (مشكوره ريري :* لانج وديتيني )

*العنوان *

الفنطاس , مخرج 209 , لولوة سنتر , الدور الاول مقابل شاطئ العقيلة , مبنى بابا جونز ..

ت : 97773630

FB

اسمه بتوير وانستغرام :
@Candynails

وشكرا ع الدعوه فاطمة خريبط :*

Labels: beauty, spa, اظافر, صالون, هدية |

0 comments

Sunday, August 12, 2012

مكياج لمسة فن ..

8:08 PM

مساعه كنت احوس بالبيت وشفت اعلان صالون لما دققت ولا لمسة فن استغربت انه مكياجهم صار ناعم مقارنة بمكياجهم قبل..

اخليكم مع جم صوره من الاعلان ..

احسنهم الاخير لانه الانعم بس احب المكياج اللي انعم من هذا اللي يالله يبين يحلي :)

Labels: beauty, makeup, spa, صالون |

0 comments

Wednesday, April 11, 2012

صبغ اظافر الكفيار واخيرا متوفر بالكريت

5:03 PM

امس اكتشفت انه صبغ اظافر الكفيار اللي قلت لكم عنه هني متوفر بصالون ايرموسا..

متوفر عندهم كل الوانه ..

وسالتها عن السعر :

قالت الظفر بنص والايدين ب٥..

وهم عندهم ارخص سعر لاظافر الدانتيل :

لانه قبل فتره حطيت دانتيل ع اظافري وقبل بدينارين الظفر وكان شغلهم زوين مو وااو وفي صالون ٢ يسوي ظفر ب٣ ،اهما يسون الظفر بدينار يفرق خصوصا اذا بتسوين اكثر من ظفر ..

عنوان الصالون:

- Posted using BlogPress from my iPhone

Labels: beauty, wish list, اظافر, صالون |

5 comments

Monday, April 9, 2012

صالون نقشة روعة الابتسامة

1:13 AM

مساعه رفيجتي دزت لي bc عن قشات هالصالون:
-النقشة باللغة الهندية وعجبوني القلبين ع الطرف (اكثر وحده اذا مو الوحيدة اللي حبيته وامر مره اشوفها وافكر اطبقها)