شخبوطة كويتيه: wish list

Showing posts with label wish list. Show all posts

Saturday, July 6, 2013

جديد مكياجي ‘22K Glowing Baked Bronzing Powder’ + اخر عروضه ..

10:57 PM

قبل يومين دزولي مكياجي ايميل باجدد منتجاتهم وشفت الايميل اول ماقعدت من النوم وكنت دايخه قريت برونز ورديت نمت اليوم ذكرته لما شفت اخر عروضهم بالانستغرام ..

جيكت ولا منتجات عن التان والبرونز غرامي ..

واهي مجموعة 22K Glowing Bronzing Powder

مكونه من 3 منتجات وتتميز حسب ماهو مذكور تمزج بين مضادات الأكسدة وترطيب البشرة والخصائص الوقائية الموجودة في فيتامين A وزيت الجوجوبا ما يجعل من هذه المجموعة فعّالة وصحية على السواء:

(1)

22K Glowing Matte Baked Bronzing Powder

سواء كنت ترغبين في تكميل مكياجك المألوف مع طلّة برونزية او إضافة بعض الإغراء على روتينك المعتاد، إليك بودرة للتسمير رفيعة الصنع باللون الداكن المطفأ اللمعة، تضفي على البشرة لوناً برونزياً خفيفاً وشفافاً للحصول على سمرة طبيعية من دون أن تسبّب اللمعان للبشرة. وهي مثالية ايضاً لخلق تأثير كفافي طبيعي.

(2)

22K Glowing Shimmer Baked Bronzing Powder

المستحضر المثالي اذا كنت تريدين إضافة لمسة من الإغراء على طلّتك. تمنحك هذه البودرة المسمّرة أقصى درجات توهّج السمرة الصحية مع لمعة خفيفة التأثير! ضعي البودرة برفق على أجزاء الوجه التي تعمل الشمس على تسميرها بشكل طبيعي.

(3)

22K Glowing Sparkling Baked Bronzing Powder

تضيف هذه البودرة الفاتنة والطبيعية كلياً رشّة من التلألؤ على الوجه والجسم. وزّعيها على كامل الوجه، العنق والصدر، اليدين والرجلين – وفي أي جزء من الجسم تريدينه أن يتلألأ!

تجد علبة مستحضرات التسمير هذه رفيقها المثالي في فرشاةKabuki من مجموعة Girl’s Tools!

وهذي اخر عروضه :

يبيله امره اشوف اليديد والعرض يشوقون ماشاءالله ..

FB

بالانستغرام : @Mikyajy1

t

والسايت :LINK

Labels: makeup, wish list, عروض |

0 comments

Tuesday, December 11, 2012

China Glaze Spring 2013 Tranzitions Collection

9:11 PM

كالعاده احب ارويكم اخر المستجدات والصيحات بعالم غرامي اصباغ الاظافر ..

عقب صبغ اظافر الذهب من زويا ،China Glaze بتنزل كولكشن حلو للربيع 2013 فكرته بسيطه وغريبه وحلوه بنفس الوقت..

اهي عباره عن صبغ يتغير لونه بمسحه من التوب كوت ...

والتوب كوت اهي الطبقه الصبغ الشفافه اللي تنحط كخطوة اخيره بعد الصبغ الاظافر (اللون ) وفايدتها المحافظه على اللون وانه يتم لفتره اطول ..

هذا اهو الكولكشن ومن الصور بتفهمون فكرته (بشكل اوضح) ..

وبيتوفر ان شاءالله ب6 الوان :

From left to right: Split Personality, Duplicityy, Modify Me

From left to right: Altered Reality, Metallic Metamorphosis, Shape Shifter

وهالصوره توضح الالوان قبل وبعد التوب كوت ..

وبالنسبه لطريقته ( مثل الصبغ العادي ):

- تحطين البيس (هالخطوه انا مو وايد معترفه فيها الصراحة :) بس يمكن لهالانوع تكون ضروريه من جذي ذكرتها ..

- عقب الصبغ ..

-عقب التوب كوت ..(وهالخطوه باعتقد حالة تبين درجة اللون اللي معاه)

واهو حلو اذا بحط نفس اللون لمدة يومين ومالي خلق امسحه (استثقل اني امسح الصبغ :\) احط التوب كوت يتغير وهم حلوو اذا بسوي فرنش او حركات فيه تكون بسيطه ..

وراح يتوفر بالاسواق ان شاءالله بشهر 1- 2013..

وهذي مصادر المعلومات والصور link ، link

Labels: beauty, wish list, اظافر, فنتوقه |

2 comments

Sunday, December 9, 2012

lush soon @the_avenues & جديده :مكياج

8:51 PM

يوم اليمعه شفته بالافنيو استانست انه بيبطل كنت ناطرته لانه استثقل الروحة ل360 عشانه ..

ولانه خاطري بمكياجه توني من فتره بسيطه عرفته من dally لما نزلت صوره بالانستغرام ..

ووايد حبيت الحمر والماسكرا وعندهم شدوات وايلاينر ملون وبودرة ..

كل حمره مكتوب عليها اسمها بالصوره ..

وهذي الماسكرا ..

انا كنت مسويه سيرج بالعربي واليوم سويت سيرج بالانجليزي..

استانست انه في سايت لش للكويت هذا لينكه ..

بس انصدمت من الاسعار لانه لما سويت سيرج بالعربي كنت لاقيه خبر بمجله امارتيه عن مكياج لش واسعاره ..

وسويت سيرج ولقيت سايت الامارات ..

بسويلكم مقارنه بسيطه ..

سعر الحمره بالكويت 8.500 د وبالامارات 85 درهم يعني 6.500 تقريبا (الفرق دينارين )

الماسكرا ب7.750 د بالامارات 70 درهم تقريبا 5 وشي هم الفرق دينارين ..

يفرق خصوصا اني ناويه اخمط !!!

والباجي جيكوا عليه بالسايت ..

صفحة المكياج بلش الكويتي وهني بلش الاماراتي ..

وهالشغله ذكرتني بالبوست اللي نزلته عنهم قبل (هني) ..

لا احد يقولي شحن او ضرايب لانه هالشي لو بيحوشنا جان حاش الامارات بعد !!

Labels: beauty, makeup, wish list, فضفضة, محل |

4 comments

Saturday, December 8, 2012

Tangle Teezer @ boots

11:48 AM

هالمشط عرفته العام من النت كالعاده وكل من يمدحه واشوف بس يشترونه من الصالونات او النت ..

امس كنت بوتس شفته موجود استانست جان اصوره خخ بس ماشريته توني سويت سيرج عنه عدل وحبيته وناويه اشتريه ان شاءالله ..

اول شي شنو اهو :

خلافاً لأي فرشاة أو مشط للشعر من المتاحين في الأسواق، فإن آلية تناسق أسنان فرشاة الشعر هذه تتيح لها الانزلاق بسلاسة على الشعر المتشابك، كما أنها سهلة الاستخدام، وتعمل على تمشيط الشعر بكل سهولة، وفي نفس الوقت لاتسبب أي أضرار لفروة الشعر، بل تعمل على تعزيز نموه، وتجعله يبدو بمظهر كثيف وصحي*

وهذا فيديو مقارنة بينه وبين المشط العادي link (عرفته ونقلته من سباركل @SparkleQ8 مشرفة بمنتدى كويتيات وعندها اكاونت بالانستغرام متخصص بالبيوتي عجيب ماشاءالله )

متوفر باكثر من لون .. (الوانه تشوق)

و باكثر من شكل :

(اهما 3 وتوه منزلين رابع بسايت بوتس اما بوتس الكويت بس متوفر 2 اهما):

“تانغل تيزر أوريجينال” و”تانغل تيزر كومباكت ستايلار”

وما يميّز “أوريجينال” هو تصميمها الذي يتلائم مع كف اليد، وتتمتع ” ستايلار” بغطاء لحماية أسنان الفرشاة؛ ما يجعلها مناسبة لأن تُوضع في حقائب اليد. **

سعره :

5 د.ك ..

ملاحظة :

* ،** هالفقرات منقوله من مجلة زهرة رابط الموضوع هني

Labels: beauty, wish list |

8 comments

Tuesday, November 27, 2012

shizens (eye charm)

11:48 PM

هالماسكرا كانت شغله من الاغراض اللي كنت ميمعتهم بالبيوتي لست لسفرة ماليزيا ..

ومن الشغلات القليله اللي خذيتها من اللسته ..

وخذيتها بناء على مدح مدونة ليزي ديزي (بوستهم عنها هني)

واهي ماسكرا الفايبر ..

يعني قوامها مو سائل مثل الماسكرات العاديه لا تكون نفس الشعيرات هذي الصوره تبين شكلهم ..

وهذي فرشتها (الصوره منقوله من مدونة ليزي ديزي )

اما طريقتها :

تحطين طبقه من ماسكرتج العاديه عقب تحطين اهي (ماسكرا الفايبر) ..

رايي:

جربتها اكثر من مره للاسف ماعجبتني لانها انها تتناثر ع ويه و تدش بالعين ونتيجتها عاديه جدا جدا انا لما شفت اللي حاطتها العارضه على عين وحده وال2 مخليتها طبيعيه كان في فرق كبير واختلاف بينهم (هالحجي عقب ماشريتها ) قلت لها شلون تستخدمينها قالت حطيتها 10 مرات الله ان شاءالله مااحطها هالكثر الدوام يخلص والزحمه تخلص وانا لي الحين امشط رموشي فيها خخ ..

افكر اسويلها ريسيكل واخليها صبغ اظافر مخملي (فلفت ) 99% تفشل الفكره :)

سعرها :

اعتقد 128 رنجت ..

مورخيصه بعد :\

ملاحظه : باجي الصور من google

Labels: beauty, makeup, wish list, سفر, شرق اسيا, ماليزيا-malaysia, مشتريات |

6 comments

Monday, October 29, 2012

wholesale-dress

2:04 AM

هالساااااااااااااااااااااايت عجيب توني مفتره فيه ع طاير ماشطبت ولا اعتقد راح اقدر اشطب عليه كله اخترت فوق 30 قطعه ماشاءالله ..

LINK

حدي خاطري اطلب منه بس الرك ماعمري طلبت بالنت ولا عندي لا صندوق ولا فيزا وهم اخاف اتهور ..

السوال اللي يسدح نفسه ماتعرفون جهة تطلب لي ؟؟

ومصدر الصورة (هني)

Labels: fashion, wish list, سايت, شرق اسيا |

17 comments

Sunday, October 28, 2012

@elfq8

12:12 PM

صباح البيوتي

اللي ماتم :( حاطه بالي اكثر من شغله بسويها اليوم بس شي مسكر وشي مخلص واللي لقيته صدمة ..

بما اني هالشهر هابه بالمكياج ولاني احب البيوتي والعناية بالبشره صج مكسله بس احاول اهتم كثر ماقدر وان شاءالله ارد مثل قبل واشوف نتيجة، فكنت اسوي سيرج ابي مكياج طبي ولقيت ببلوقي بوست عن elf نزلته العام (اضغط هنا لقراءة البوست)..

من جذي مريت اليوم صيدلية العيون واشوه اول مادشيت لقيت استاندهم ..

زووم ع منتجاتهم :

اللي اعرفه انه موفرين قلوسات وكريم اساس الستيك (فاونديشن) و بلاشر ..

مالقيت فاونديشن :/

جيكو ع اللي بالنص :/

ومنتجات ٢ ماشفتها لا باكاونتهم بانستغرام او بالمنتدى..

مزيل مكياج العين ..

اسيتون

محدد مع برايته

فرشة شدو

ع كثر ما استانست انه ماركه طبيه ورخيصه ويمدحونها انصدمت من انه المنتجات مغبره وفي شغلات النايلون منفج عن الكارتون مبين قديمه واللي بالصيدليه عليها نفس الله يعينها عليها يالله ترد :/ كان خاطري فيها بس ماخذيت شي :(

اللي حابه تعرف اكثر هذا اكاونتهم بتويتر وانستغرام @elfq8

متوفره في :

Al Salam Pharmacy – South Surra (965) 99913103
2. Al Zahra Pharmacy Coop – South Sura (965) 25240485
3. Al Qurain – Al Qosor Pharmacy Coop No. 2 (965) 25412615
4. Al Oyon Pharmacy Coop – Jahra (965) 24564657
5. Al Shaimaa Pharmacy – Jahra (965) 24550516

ويوصلون :

ت: 99960228

FB

- Posted using Blog from my iPhone

Labels: beauty, makeup, wish list, صحة, فضفضة |

2 comments

Monday, October 22, 2012

Isadora Dynamic Lash Growth Mascara & Serum

9:04 PM

قبل الاسبوعيا تقريبا حطيت هالصوره بالانستغرام ..

وعلقت عليها:

عجبوني هالمنتجين من ايسادورا للرموش ماسكرا وسيرم، وحبيتهم لانهم منتجات علاجية وتجميلية بنفس الوقت.

و فكرتهم :انه ب4 اسابيع يطولون ويكثفون ويقون الرموش بنسبة 20% تقريبا .

امااستخدامهم :لازم يكون يومي الماسكرا تستخدم الصبح اما السيرم ينحط بالليل ..

ولانه حدها بخاطري رحت معرض العطور مخصوص عشانها ..

اول ماوصلت راويتهم الصوره قالوا مو موجوده لي الحين مانزلت الكويت ..

سالتهم متى تنزل ؟

قالوا بشهر 11 ان شاءالله وبتكون متوفره بسنتر بوينت و بمحلات الشايع (بوتس , دبنهامز وجنه بفافافوم ووجوه ) قلت لها يعني بكل مكان :) جان تقول لا ماراح ينزلونها بمراكز التجميل اللي بالجمعيات ..

و سألتهم عن سعرها ؟

قالت احتمال تنزل كبكج \ست ب22 او 23 دينار ..

Labels: beauty, makeup, wish list |

2 comments