Sunday, December 9, 2012
يوم اليمعه شفته بالافنيو استانست انه بيبطل كنت ناطرته لانه استثقل الروحة ل360 عشانه ..
 
 ولانه خاطري بمكياجه توني من فتره بسيطه عرفته  من dally  لما نزلت صوره بالانستغرام ..
 
ووايد حبيت الحمر والماسكرا وعندهم شدوات وايلاينر ملون وبودرة ..
 
 
كل حمره مكتوب عليها اسمها بالصوره ..
 
وهذي الماسكرا ..
 
 
انا كنت مسويه سيرج بالعربي واليوم سويت سيرج بالانجليزي..
 
استانست انه في سايت لش للكويت هذا لينكه ..
 
بس انصدمت من الاسعار لانه لما سويت سيرج بالعربي كنت لاقيه خبر بمجله امارتيه عن مكياج لش واسعاره ..
 
وسويت سيرج ولقيت سايت الامارات ..
 
بسويلكم مقارنه بسيطه ..
سعر الحمره بالكويت 8.500 د وبالامارات 85 درهم يعني 6.500 تقريبا (الفرق دينارين )
الماسكرا ب7.750 د بالامارات 70 درهم تقريبا 5 وشي هم الفرق دينارين ..
يفرق خصوصا اني ناويه اخمط !!!
 
والباجي جيكوا عليه بالسايت ..
صفحة المكياج بلش الكويتي وهني بلش الاماراتي ..
 
وهالشغله ذكرتني بالبوست اللي نزلته عنهم قبل (هني) ..
 
لا احد يقولي شحن او ضرايب لانه هالشي لو بيحوشنا جان حاش الامارات بعد !!
 

5 comments:

make up lover said...

الله يبشرج بالخير حدي متشوقه له بس متعايزه لعنوه 360
بالكويت كل شي انرفع سعره
استغفرالله متى بيخافون الله

Fatimah alhashim said...

اهلين يتجميلة .. اذا كان لك خبرة بالطلب عن طريق الانترنت موقع لوش البريطاني الارخص على الاطلاق اسعارة مقارنة عندنا بلوش السعودية ، في السعودية مضاعفين السعر ٣ مرات .. يشحن مباشر لاي دولة بالعالم وفي مدونتي كاتبة تجاربي معاه

رورو الشخبوطه said...

ميك..

اهما لاش من زمان هذا حالته :/

رورو الشخبوطه said...

فاطمة..

لا ماجربت اطلب بالنت لاش بريطانيا مثل اسعار الامارات تقريبا..

وفرق السعر بدفعه ع التوصيل :(

بروح دبي :)

مشكوره بجيك ع مدونتج الحين ..

entsorgung wien said...

موفقين لكل ما هو قيم ومفيد 
Entrümpelung
Entrümpelung
Entrümpelung Wien
Entrümpelung Wien

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads