Tuesday, December 11, 2012
الاسبوع جربنا المولتن وعجبنا (قلت لكم عنه هني) وشوفنا باكاونتهم بالانستغرام كوكيز حبينا نجربه فطلبناه اليوم ..
 
 
اسمه :
cookies mania
 
انا سميته فوندو الكوكيز :)
 
عباره عن 12 قطعة كوكيز متنوعه بنكهاتها سواء الحشوه او العينه (العجينه)المستخدمه ‘ و 4 انواع صوص هم  متنوعه في نوعين ككاو وككاو ابيض والاخيره ع قولة رفيجتي قهوة (بس مو اكيد)
 
وهالصوره تبين حجمها .. (كبير ماشاءالله)
سعرها :
12 د.ك..
 
وللطلب:
 قبل بيوم ..
ت:60909495
الانستغرام : @chocolate_mania_kw
رايي :
فكرته يديده وحلوه ماشاءالله  حبيت انه متنوع  ومعاها صوص احب التغمس والكوكيز ترف انا العاده اسخن الكوكيز قبل لا اكله اما هذا بتسخين وبدونه حلو (حبيت النوع اللي بالككاو ) وتم فريش لي بالليل ماشاءالله ..
 
بس حلاته لو يكون اصغر بحجم الميني وغارسين فيه عود نفس طريقة التمريه بيكون احلى للتقديم و حلو لو يوفرون معاه فواكهه و كيك اسفنجي فانيلا وككاو او براوني ميني ويصير فوندو مانيا :) << مجرد اقتراح ..

1 comments:

عسل said...

شكله دماااار أحب الكويز و انا نفسج هههه أحب الكوكيز الترف... جربي كوكيز اسمه مونكي كوكي شوفيه بالانستغرام... شغله لذيذ ما شالله

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads