Saturday, December 1, 2012
هالقلم رفيجتي جربته ومدحته بس ما مدحته لي خخ لاني كنت مااحط مكياج ..
 
ذاك اليوم العب بجنطتها رسمت حواجبي فيه عبط مو اللي عاجبني جان يقولون البنات حلوو استغربت شفت الصور عجبوني حواجبي انا الحمدالله مااحف ولا اشقر ولا ناويه لاني استحرم ، ومع المكياج الخفيف اليومي كرهت حواجبي وكنت ادور فتاوي عن الحواجب بس كنت ادور عند ناس الثقة مثل ابن باز و العثيمين  وكلهم حرموا التشقير بعد فقلت عساني ماحبيتهم المهم يكون الله راضي عني ..
 
بس مع هالقلم حبيت حواجبي انا ارسمه بشكل بسيط يعني اغطي الفراغات بس والحمدالله حبيت حواجبي فيه ...
 
 وعقب مارسمهم اضبط اللون (اموهه مادري شلون تنكتب ) بهالفرشه موجوده ع المغطاة ..
 
واهو متوفر بدرجتين ..
 
-لايت براون = الفاتح << هذا اللي جربته..
-دارك براون =الغامج
 
سعره :
 
ماعندي فكره لانه رفيجتي عطتني اياه ، بس مكتوب بالسايت انه (بدينار ونص )
 
رايي :
حبيته لانه حببني بحواجبي (شعور حلو ) ، وانه لونه طبيعي وثابت ماشاءالله مايروح بسرعه ..
 
 

7 comments:

Anonymous said...

عليج بالعافية
بس وين ينباع

Amani said...

عليج بالعافية
بس وين ينباع

رورو الشخبوطه said...

غير معرف = اماني ..

الله يعافيج يارب..

h&m

نسيت احط بالبوست وقلت ماله داعي علبو بالعنوان مكتوب :)

بس ماوضح ..

حياج الله..

أم ريان said...

عليك بالعافية
شكلو فعلا مميز ...

رورو الشخبوطه said...

هلا ام ريان ..

الله يعافيج يارب..

شكرا..

make up lover said...

اكو نفس هالقلم من ماركه ايسادور
ونوعه كريمي بس مادري ليش احس صعب ارسم فيه يمكن لاني تعودت على الفرشه

رورو الشخبوطه said...

ميك اب..

عيل انا احس الفرشه اصعب يكن لاني ماجربتها لي الحين :\

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads