Showing posts with label Molten. Show all posts
Showing posts with label Molten. Show all posts
Saturday, August 10, 2013
10:30 AM
امس شفته بالافنيو استانست لانه ودي اجربه من 3 سنين وزود اقصد ككافيه مو بس مولتن ..
عيبه اللي برج جاسم مايبطل الا ع 3 العصر ..
وطول ياله بطل ان شاءالله هذا يبطلونه بسرعه ..
تجاربي السابقه :
وتوني الاحظ في وايد شغلات يديده عندهم اطباق ونكهات يديده للمولتن مثل الرد فيلفت وهم صار في اوردر اون لاين .. حلو ماشاءالله ..
Chocolateness-Phone:- 22960606
عنوانه :
برج جاسم بمنطقة المرقاب ش السور
والفرع ال2 بجمعية الخالديه ..
وهذا سايتهم يصير تطلب منه اون لاين مثل ماقلت فوق link
وفيهم عيب شرعي بالنسبة لتوصيل عشان يوصلون للجهرا لازم 3 درازن شدعوه مثلت برمودا الخارج مولود والداخل مفقود ولا بوزع ع الفريج :/ المفروض ياخذون رسوم ع التوصيل ارحم ع اقل ويكون مبلغ بسيط دينار مثلا ..
Labels:
Monday, January 28, 2013
11:43 PM
بطلعتي من جمعية الروضه شفت هالكشك وانتبهت انه عنده مولتن فخذيت منه لانه اخوي موصيني ايب له مولتن ..
الكشك يشوق ماشاءالله في وايد شغلات كوكيز وكب كيك ومولتن وطبعا من كل شغله متوفر انواع وايد (وهذا اللي اذكره مادري اذا عندهم شغلات 2 كنت مستعيله طلبت ورحت سحبت ورديت خذيت طلبي من جذي ماشفته عدل )
*طلبي *
خذيت نص درزن مولتن ..
واخترت انه يكون ميكس ..
سعره :
6 د..
رايي:
ذقت 2 اللي ع قطع ككاو كبار والساده اللي على اليمين فوق طعمه عادي اللي مخربه انه الكيك واايد والصلصه عادي او شويه خصوصا الساده اللي فوق صلصتها كان طعمها زين بس شويه :(
Wednesday, January 23, 2013
8:27 PM
قبل فتره شفت بالانستغرام اعتقد كاندي كيك منزله صور مولتن الخباز ومنها دريت انه عندهم مولتن والاسبوع اللي فات صادف اني رحت الخباز فخذيتهم اجربهم ..
المولتن متوفر ب3 نكهات :
بالككاو ، الكراميل والتمر ، التفاح ..
خذينا 2 ..
انا اخترت الككاو ..
واختي الكبيره اختارت الكراميل والتمر ..
سعر الحبه :
دينار وربع ..
وكل حبه تكون بماعون فخار و تتسخن من 30 الى 45 ثانية بالميكروييف ..
وبالنسبة لحجمها تقريبا اكبر بشوي من المولتن العاديه الي تكون بماعون قصدير..
رايي :
الككاو زينه بس انا احب الي يكون الككاو اكثر من الكيك هذا تقريبا الككاو نفس كمية الكيك ، وبالنسبة للتمر بالكراميل احس مميز اكثر من الككاو ..
Friday, January 18, 2013
9:00 PM
ببداية الاسبوع كنت اتمشى بالدوام نادتني وحده من البنات لفيت ولا توزع هالمولتن ..
واهو درزن مولتن ملون بدرجات الاحمر red ombre ...
اخترت الحمرا بس قالولي كلهم نفس النكهة ..
رايي فيه:
طعمه زين بس مو المولتن اللي انا احبه اللي يكون واايد ككاو وشويه كيك ، وحبيت الوانه ..
ت:66870099 ..
وهذا اكاونتهم بالانستغرام : @chocolastic
Thursday, December 6, 2012
8:36 PM
اليوم بالدوام اخترت رفيجتي نجرب هالمولتن ..
الحلو فيه انه وصل بالوقت بالضبط ماشاءالله ..
اخترنا الميكس فيه 6 انواع (الاورجنال ، بالكراميل ، جيز كيك ، بجوز الهند ، كوكيز ، كندر)
سعره :
12 د.ك
للطلب :
ت:60909495
الانستغرام : @chocolate_mania_kw
رايي :
عجب البنات انه خفيف وحلو / وانا حبيت انه منوع وطعمه زين و انه وصل بالوقت وحار ..
Sunday, June 24, 2012
6:22 PM
اليوم بالدوام حلينا من chocolatenesskw عزمتنا عليه زميلتي
كاهي الحب المنتظر .. ( عقب مرتين كل اتصل يقولون ماكو الظاهر صج ال٣ ثابته)
سعرها:
طبعا يوصلون بالدرزن واحنا ماخذين درزن ميكس ب ١٢ ..
رايي:
ثقيييييله بما تحمله الكلمه من معنى ( اهي كوكيز وبالنص صلصة الككاو الذايبه)بس اعتقد انه الذ من مولتنهم العاديه..
للطلب:
@chocolatenesskw << تويتر والانستغرام ..
Chocolateness-Phone:- 22960606
عنوانه : برج جاسم بمنطقة المرقاب ش السور
اكرمج الله :*
- Posted using BlogPress from my iPhone
Saturday, May 5, 2012
3:15 PM
من زمان مو مجربه مولتن يديد و قبل جم يوم كان خاطري برد فلفت مولتن وسالت عن مكان يبيعها غير قاذرينج بتويتر وقالولي عن هذا :
خذيت مشكل ع قولت الفلبينية :
سعره :
١١ شامل التوصيل
رايي:
حبيت انه ميكس وب١٠ وانه يوصلون لي بيتنا العاده توصيل لي بيتنا يا المندوب ياخذ مبلغ مبالغ فيه او يتشرطون لازم تطلبون ٣ درازن!!
اما بالنسبه للطعم فموايد حبيته جربت كل الانواع تقريبا وماحبيته لانه الكيك وايد اكثر من الككاو السائل ، بس احلاهم ام نقطة بيضه لانه فيها ككاو سائل وايد مقارنة فيهم
ت::94960250
تويتر :@chocolateShots
- Posted using BlogPress from my iPhone
Friday, January 20, 2012
11:40 AM
امس رحنا لـ ديب ن ديب للمره 3 ..
وقلت لكم عن زيارتنا وتجاربنا سابقة له:
كل مره نجرب شي يديد هالمره جربنا الوافل شوقتنه عليه هديل (لما كتبت عنه هني)
عجيييييييييييييييب , الكاكاو يصبونه جدامكم وسالتنا اذا نبيه ع كل طبق ولا الوافل بس ..
وخذينه زيادة قدحا من شوكلاته..
هم حبيته نفس الكاكاو اللي مع فوندو , وافل , جيز كيك ..
وطلبي اللي بكل مره ابيه ويكون مو موجود..
هـالمره حصلته :)
على قولتهم الـ3 ثابته ..
مولتن ..
بس مـاحبيته :\
طلبنا الفاتورة ..
انصدمت من سعر قلت شدعوه هالمره فرق عن كل مره عمرنا ماوصلنا الـ 10 , ولا بالغلط ضايفين طبق طاوله اللي يمنا معانا كلمتهم وعدلوها..
هـالمره خدمتهم قل مستواها والسبب ضغط كله ع قرسونه وحده ..
Monday, January 16, 2012
10:28 PM
الاسبوع اللي فات دريت انه قاذرنج قاموا يسون كوكيز ..
فطلبت لي امس ..
حصيلتي بالشوط الاول ..
موفرينه بنكهتين (كندر , جلكسي)
سعر درزن 4.500 د.ك
ومايصير تطلبون اقل من درزنين ..
ولاني من عشاق المولتن فخذيت لي نص درزن (وزعت 2 والباجي لي ريوقي وعشاي مولتن خخ)
بس كنت ابي ميكس رد فلفت _وماربل- وكوكيز مولتن بس الظاهر مافهمت علي :\ مع اني اكدت عليها!! بس اشوه نوع ابيه وغرامي ..
(كوكيز مولتن نوع يديد و رد وماربل غرامي الذ نوعين عندهم ..)
راينا:
الكوكيز زين والمولتن احلى :)
رفيجتي من كثر ماعجبها الكوكيز تاكله وتقول يمي يمي وتلذذ فيه عقب ختمتها بوااو (تنفع كوجه اعلاني لهم خخ )ومولتن ذقته بعد تقول عجييييييييييييب ..
وكل اللي عطيتهم مدحوه سواء كوكيز ولا مولتن ..
عن نفسي حبيت عيينة (عجينة)كوكيز كندر اكثر بس جلكسي كنكهة الذ..
بس عيبه وايد تاخر طلبت ع 10وقالت بتوصل 3 قلت لا متاخر 12 ينفع ؟؟قالت اوقي ..
وصل لي ع 1وشي :\
للطلب:
عن نفسي حبيت عيينة (عجينة)كوكيز كندر اكثر بس جلكسي كنكهة الذ..
بس عيبه وايد تاخر طلبت ع 10وقالت بتوصل 3 قلت لا متاخر 12 ينفع ؟؟قالت اوقي ..
وصل لي ع 1وشي :\
للطلب:
call or SMS 67667721.
وجنه موجودين بجمعية الزهرا
Wednesday, January 4, 2012
8:34 PM
من زمان مو شارية مولتن , امس مريت جمعية الشامية وشفت كشك المولتن <<قال لي عنه كوكتيل ..
طلبت نص درزن ميكس (3 نوتيلا , 1 كندر , 1 فيريرو روشيه , 1 فليك )
سعره :
1 بدينار ..
6 ب 5 دك
درزن ب10
التوصيل بدينار ..
رايي ..
طعمه زين بس مو مولتني المفضل لانه الكيك اكثر من الككاو الذايب ..<< يعني اقرب لكيك ككاو اكثر من المولتن..
واحلى نوع جربت كل الانواع تقريبا ماعدا الفليك , والتوب فيهم الكندر ..
Wednesday, December 21, 2011
9:16 PM
هالمره تعتبر تجربتي 2 له لانه اختي حبته ..
طلب اختي كريب براوني ..
وانا خذيت كوكيز ..
بديل عن المولتن كل مره اروح له ابيه يقولون مو متوفر :\
هالمره سالته ليش ماتوفرونه ؟؟ قالي لانه في شغله من مقاديره مو متوفره رديت عليه كارفور هني ضحك ورد انه مكوناتهم من سوريه ..
واختي اكتشفت هالصفحة بالمنيو وهي(للمساعدتكم بطلب)..
زووم ..
من بعيد
جربته طلع شي ماحبه اختي جربت نفس شي حفظت مكان طلبه واشرت عليه خخ غشاشة
الاسعار
رايي
احب ككاوهم الذايب عجيب عندهم , بس ماحبيت الكوكيز ..
ولازالت خدمتهم ممتازة ماشاءالله..
وتجربتي الاولى الذ موجوده هني
Monday, December 12, 2011
6:06 PM
بالويك اند دريت انه بطلوه من تويتر وعقب شفت بوست اخوي بنانه عنه هني
واليوم مريته ..
جزء من القعدات وفي طاولات برا اغلبهم من النشأ الصالح اللي عرفته منهم فهد الكندري القارئ..
المنيو ..
اول شي شد انتباهي فيه المنيو المقدمة (تضحك )..
2 شي عندهم قفت فااوتشر..
طريقتها..
اما طلبنا فكان :
ديب ستيك ..
نفس فكرة الفوندو عبارة عن ككاو ذايب مع مجموعة من التغميسات ..
2 طبق اسمه اممم اسمه نجتس جيز كيك شي جذي خذيتها كبديل عن المولتن اللي ماكان متوفر..
الاسعار:
وقبل لا نطلع يابولنا الايباد وفي نفس استبيان عشان يعرفون رايينا(كتقييم للخدمة والاكل وغيره) لما حليته دزولي ايميل شكر :)
رايي :
وايد حبيت اهتمامه بالزبون سواء من سؤالهم لنا من قبل القرسون او صاحب الكافييه نفسه او من الموقف اللي شفته ,,
الاكل زين , وحاليا بس متوفر سويت ومشروبات وبعد شهر ان شاءالله بيوفرون الاكل العادي.
مكانه:
الافينيوز فيز 2 اخر شي يم ذات السلاسل ..
Sunday, December 11, 2011
10:31 PM
قبل جم شهر نزلوا دومينوز كيك ككاو جنه مولتن...
هالصوره منقوله من بلوق جايونه هني
يوم الخميس طلبتها
عباره عن قطعين ..
عقب التسخين
سعرها:1.500
رايي:
زوينه , وماا جربته فريش ذقته 2 يوم لاني كنت شبعانه ..
Subscribe to:
Posts (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
Hello world!8 months ago
-
-
لا تخبئ السعادة فهي قابلة للتبخر.5 years ago
-
حساب جديد معني بإدارة المنزل6 years ago
-
-
-
خطوة أولى نحو الثقافة7 years ago
-
بينكيو تكشف النقاب عن جهاز العرض TK8007 years ago
-
-
مع الخيل يا شقرا8 years ago
-
هل للحزن طقوس !؟8 years ago
-
عدنا إليكم من جديد8 years ago
-
AssASsIN'S CREED8 years ago
-
-
Summer cooling refreshing drink recipe9 years ago
-
فكرة9 years ago
-
I'll be Back Soon راجعين قريبا9 years ago
-
اعرف نفسك9 years ago
-
-
VARIETY ON BONUS POKER ONLINE9 years ago
-
كاريكاتير مابعد أسعار النفط9 years ago
-
-
Salmon recipe9 years ago
-
Review: The Martian9 years ago
-
ضيفوني10 years ago
Ads
