اسمه: تمبورا اورا ..

 

في ربيان تمبورا -خيار-كرسبي..

 ومعاه نوعين من الصلصات في واحد حالي وال2 في مروره شويه وملزقينهم بذمه وضمير خخ..

 

والحلو انه معاه الشوباستيك شي جذي اسمهم العصي ..

سعره :

ب2.500 د ك ..

 

رايي :

 

والله طعمه زين بس مااحبيت الصلصات خاصة اللي في مروره , واحس ثقيل شوي او معدتي ماتقبلته :( عسى ماحط الخيار بلستت الممنوعات :( (اللي مايدري هالفتره تقريبا بيصيرلي سنه منتكسه من معدتي من جذي ماتقبل اكل اي شي يعني غير عسارتي بالاكل هم منتكسه الحمدالله ع كل حال )

بودره برونز من ايزادورا ..

 

اسمها : 42  Terracotta Gold

 

انتبهوا قولد مو برونز لانه في واحد مثل اسمها بس بدال قولد برونز ورقمها 43 ..

 

احبه احبه احبه اكثر من وحده سالتني عنه و انا ورفيجاتي بالاداره نستخدمه (كبلاشر ) و مساعه بيرو (رفيجتي بالدوام) قالت لي انه شرته بس خذت درجة 2 حسبالها مثل اللي عندي بس شكله ولونه مقارب له ..

 

الحلو فيه :

 

1-لونه ولمعته راقيه مااحب البلاشر مات ولا احب اللي لمعته قلتر مبالغ فيه ..

 

2-انه يتم ومايروح بسرعه (يعني احطه الصبح بالدوام ومايروح الا لما امسحه بالبيت )..

 

3- انه مدة صلاحيته طويله 24 شهر يعني سنتين ..

 

بس توني استغربت وانصدمت انه  مكتوب بالسايت ان معاه اسفنجة  انا اللي عندي مافيه :(

 

سعره ب:

7 د.ك

لما رديت من السفر شروف رفيجتي يابتلي هديه منتجين من جي سي انا اخترتهم خخ ..

 

وكانوا ديودرنت وكريم للركب والكوع ..

 

بس اليوم بكلمكم عن الديودرنت لاني خلصت امس ..

قوامه :

 كريمي  مثل (اللوشن)

حجمه:

صغير بحدود ال20 مل اتوقع مو اكثر وتقريبا كفاني لمدة 3 اسابيع استخدام يومي بس انا احط بذمه وضمير:)..

 

رايي فيه ..

حبيته كديورنت من ناحية التعطير بالبدايه كنت خايفه انه مفعوله يكون خفيف ومايستمر وقت طويل بس ماشاءالله ابهرني بنتايحه يتم بدون مبالغه طول اليوم وساعات احس يستمر لي 2 يوم ..

 

وهم خفت لا اتحسس منه وتقرح المنطقه لانه بالبدايه حسيت انه قوي وبحراره وحكه عقب الوضع الحمدالله صار طبيعي ..

 

من ناحيه التفتيح مو ذاك الزود وانا الحمدالله المنطقه مو غامجه وايد يمكن فرق درجه وحده بس عن جسمي ..

 

عيبه : يكمن بطريقة تعليبه او تغليفه مادري شلون تنقال يعني حلاته يكون بعصار وراس رول مثل طريقة ديودرنت ايفا راح يكون وايد اريح بالاستخدام , لاني اذا مستعيله افضل استخدم الديودرنت العادي اسرع وانظف منه هذا اذا استخدمته مثل الكريم العادي بتوصخ ايدي لازم اغسلها وبما انه ايدي توصخت اذا مسكت هدومي ادمرها :\ لويه الوضع ,, بس هذا عيبه الوحيد..

اي وبعد فكرة انه شكل علبته مثل كريم تخليه يخترب اسرع لانه كل مافتحته حاشه الهوا واخر شي ينشف :(

 

ارد استخدمه مره 2 ؟؟

 

اي بس اذا غيروا علبته ..

 

 

سعره: 5 د.ك

 

جي سي صالون موجود بالجابريه سبق وان كتبت عنه بوست هني

شكرا شروفه :*

 

- Posted using BlogPress from my iPhone

هالاداة يابتها لي شروفه قبل سنه او سنتين واهي توخر الشعر (قديمه مو يديده) ويابتها لي لانه شفت شغله مثلها اسمها ماجيك باد شي جذي وعجبتني فكرتها.،

طريقه استخدامه:

تحريكها ع الجلد بشكل دائري..

مميزاته:

مايعور

يوخر الشعر

ينعم الجلد ( بس مو مثل الوسائل التقليديه اللي تشيل الشعره من عرجها =جذر)

استخدامه سهل

سعره رخيص

عيبه:

امفعوله مثل الموس يوخر الشعر بس مو من جذور (يقص الشعره)

وبما انه حجمه كبير ماينفع للاماكن الصغيره ( الضيجه)

و كان متوفر بدايسو

- Posted using BlogPress from my iPhone

ومثل ماهو مبين بالصوره اهو ماسك ورقي ..

الحلو بهالنوعيه سهولة استخدامها سهله بالحط والشيل بس مقاساتها مو مضبوطة 100 %..

اما مدة استخدامه من 10 الى 15 دقيقه ..

فايدته حسب ماهو مذكور عليه:

-مهدئ للبشره .

-بيصير ملمس البشره مخملي وناعم .

-يريح البشره .

ومن مكوناته :

جل حمض الهيالورونيك، الكركم المضادة للالتهابات، وروزماري تجديد للبشرة وتهدئتها وتغذيتها..

سعره :

اذا ماخب ظني 3 ..

رايي :

اول مافتحته استغربت انه باااااااارد مع انه حاذفته وانتوا بكرامه بالحمام من اكثر من 3 اشهر علبو باستخدمه , حبيت برودته حسسني بالانتعاش و متروس جل يعني استخدمته اكثر من ربع ساعه ومانشف والزايد منه مسحت فيه رقبتي وايدي ..

يعني باختصار حسيت بنعومه بسيطه وانتعاش ( هذا رايي كتجربه اولى له يعني مو مقياس )

مصدر الصوره (link)

بعيد ميلاد شروف توهقت شلون اودي لها الهديه ! بيتهم بعيد عن بيتنا وماادله :\

فقلت ماكو الا مستر ديلفيري اتصلت محد رد , تذكرت انه بيرو كانت قايله لي عن شركة توصيل 2 اسمها مطراش طلعت رقمها من قوقل وكلمتهم واتفقنا انه ايولي ساعه 3 قبل 3 بجم دقيقه يولي سلمتهم الهديه تقريبا بعد 45 دقيقه شروف قالتلي انها وصلت لها ..

عحبتني خدمتهم واعيد التجربه  ان شاءالله ..

رقمهم :

55112003

@Me6rash

ملاحظه للصوره منقوله من اكاونتهم بتويتر ..

اللي ريحني انه مكتوب مكوناته مواد طبيعيه ..

اللي خوفني :

1-انه الحامل مايصير تستخدمه ..

ملاحظة : لقراءه باقي التفاصيل اضغط ع صوره تتكبر ..

2- لما استخدمته شفت لونه قلب محومر حسبالي لون بيجامتي (ينث ) امم بالعربي شنو امم يتسرب 1!! عقب اكتشفت انه صبغ اظافري اللي راح :\

هذا صوره الكلينكس استخدمته بعد نص ساعه كاسيتون (مزيل صبغ الاظافر) والصراحه مبدائيا حبيته عجيب يوخر بسرعه ونتيجة حلو ومايجفف الظفر واهو الكلينكس نفسه ما ينشف بسرعه ..

يعني اذا ماراح استخدمه كطارد للبق باستخدم كاسيتون :)

وبالنسبه لوين حصلته؟

لقيته بالسوق الحر بمطار دبي ..

اما سعره :

ماذكره لانه مخمطه وايد و مو انا اللي دافعه بس اذكر انه رخيص ..

قبل فتره جربت هالمعجون بعد مامدحولي اياه ودعايته بكل مكان تلفزيون وبالجمعيات وتميت فتره استخدمه وخذيته لانه متخصص باللثه (مكتوب عليه خبير العناية باللثه )

وفي منه نوعين اللي اخترته كان بالفلورايد

ومكون من املاح معدنية وخلاصة ٦ اعشاب طبيعيه (ميرمية،نعناع ،نبات المر،اكيناسيا ،بابونج،راتانهيا)

رايي:

ماحبيته كلش لا من مفعول ( النزيف مستمر وزاد ) ولا من طعم طعمه مر مرررررررررر ماقدرت استسيغه بس كملت علبو انه مفيد لما شفت انه ماكو فايده وقفت ، لانه صج طعمه ضيم !

- Posted using BlogPress from my iPhone

المجموعه عباره عن 3 منتجات إهما :
1- الصابونه
2- السنفره
3- كريم التبييض

وإهي للتفتيح يعني ترد الأيد لونها طبيعي ما تبيضها ..

والحلو فيها تحت مغناطيس تلزقينها ع الثلاجة مثلا اريح بدل لا كل مره حاذفته بمكان وتدورينها..

او على الاقل مثل محلات لاند مارك لما نحاسب يسالون اذا عندنا بطاقتهم او لا ..
update
"هم ساعات لما يسون لي خصم يخلوني اوقع على الفاتوره واكتب رقمي ولمصيبه الخصم مايسوى دينار وشي خخ"