شخبوطة كويتيه: spa

Showing posts with label spa. Show all posts

Monday, May 1, 2017

صبغ الاظافر الماربل - marble nail polish

10:00 AM

السلام ..

من زمان مو متفنتقه باظافر بعي ميلادي يالي فاوتشر اظافر ( منيكير وبديكير وماربل )

الحين هبة الماربل (الرخام) بكل مكان منتشره بالفاشن (ملابس واكسسورات ) بالديكور وحتى المعين والبيوتي بعد هبة الاظافر ..

الفوتشر كان بسبا لي لي اند دي ..

المفروض فيديو بس ماضبط المهم الماربل عندهم نوعه الجليش (جل) ..

الجليش اهو الصبغ اللي يتم تقريبا 10 ايام مايتقشر او يخترب وله تكنيك معين جهاز + صبغ خاص ..

ومايروح بالاسيتون العادي لا لازم صالون لانه طريقه معينه ومو بلاش :\ خخ المهم طريقته انه قطن متروس اسيتون ينحط ع الظفر وينلف بقصدير ويتم تقريبا ربع ساعه عقب يتشلع :\>> هذا عيبه الوحيد انه لازم صالون او بالبيت للي متمنكنه انا اخاف ع اظافري رحت الصالون وغصب لقيت صالون بالجهرا يشيله ..

واهو يكون رسم ومتوفر باللونين اسود وابيض (البيس او القاعده ) انا اخترت كلهم بيض الا ظفر واحد اسود..

حسافه الصور مو واضحه :\

وايد حبيته وكستاف وايد حليوين ماشاءالله حتى صاحبة السبا ماقصرت معاي..

على طاري مو اول تجربه لي بهالسبا جربته قبل جم سنه ونزلت لكم عنه هني

وشفت بنات مجربينه بصالونات ال2 ماياز لي كثر صبغي طبعا انا اللي محليته :p

والقالب غالب ..

وبلوقي عادي اطير عمري فيه خخ..

عنوان السبا ..

بالديره مجمع الغوالي بالسرداب ..

جبال الرايه اذا ماخاب ظني المهم ذاك الصوب..

انستغرامهم ..

@lilyandd

Labels: spa, اظافر |

0 comments

Thursday, February 13, 2014

تجربتي لـ Lily & D

10:00 AM

هالتجربه هم معتقه خخ صار لها تقريبا 6 اشهر اللي اذكره جربته باول 9 ..

كنت امر بفتره بالدوام اسمها للاستقرار فحبيت ادلع عمري عساس انسى همومي الوظيفيه ..

فحجزت لعقب الدوام ع فكره اهو اخر سبا جربته واخترته بناء على مدح صديقتي الانستقراميه صوفي ..

وصلت ..

وهذي الصور عند السبا من داخل ..

وهذي لقطات من السبا ( الرسبشن- مكان البديكير والمنيكير والخ )

وفي مجموعه كبيره من اصباغ الاظافر مثل زويا و OPI .وشانيل .... الخ ..

وشغلهم مو بس اظافر لا عندهم واكس (شمع ) وعناية بالشعر اذا ماخاب ظني وعندهم خدم منازل بس مايون الربع الخالي قصدي الجهرا :\

المهم هذي الضيافه اخترت جاي اخضر ومعاه عطوني ككاو لذيذه ماشاءالله ذابت من حراراة الجاي عجبتني جان اقولهم ابي 2 يابتلي عقب تسالني تبين بعد قلت لا بتصير مصاخه بس يبي الصينيه بحظني خخخ اتغشمر اتغشمر ..

وهذي العده اللي استخدموها لي ( سنفره وماسك وهذا فاضي خخ مادري المهم وعده الخاص معقمه ومغلفه ومخدة الحاره احبها ع الجتوف ..

وعلى فكره ماخترت نوع الخدمه اهما شافوني واختارولي قالت لي ريولج اخترنا لها نسيت شسمه بس للنعومه لانها تحتاج اما ايدج فالعادي لانها ماتحتاج شي ..

ويابولي مبرد اللي يلمع الاظافر وكنت خايفه انا يخرب اظافري يضعفهم ويخليهم يتكسرون بسرعه بس اشوه ماخربهم واللمعه تمت ماشاءالله فتره طويله يمكن اكثر من اسبوع ..

وهذي النتيجة ..

الاسعار :

الريول علاج الجفاف ب8 د.ك ..

والايد ب5 د.ك ..

رايي :

الستاف : عجييييييييييييييييييييييييييييييييييييييييييييييييييييييب ماشاءالله اول مره اروح سبا استانس واضحك جذي وايد داروني وحافوني حوف وونسوني ..

ع سبيل المثال موقف الككاو الللي قلته فوق ..

ريولي مثل ماتعرفون فيها مسمار لحم اخاف لما يجسونه واتم متشنجه اللي كانت تسويلي اظافر ايدي تحاول تلهيني تسولف معاي وتدلكني ..

ضحكتني تقولي اظافرج حلوه ماراح اقصه بس هالمره المره اليايه لا قلت اقصهم واييج تسوي روحها تبجي << امبيه تينن ماشاءالله ..

واللي تسوي ريولي مدحت براتمي خخخ ..

ولما بطلع يقولوني حبيناج كل تعالي لنا << والله انا الللي حبيتكم ..

وحسبولي رسمة الظفر ببلاش لانه بس ظفر ..

النتيجة : وايد حلوه وخصوصا الريل ماشاءالله نعومه ..

الاسعار :هم وايد زينه (ارخص سبا جربته وحبيته )

عنوانه :

مدينة الكويت - مجمع الغوالي جبال مجمع الراية ..

ت : 22441585

الانستغرام : @lilyandd

T

Labels: beauty, spa, اظافر, صحة, محل |

0 comments

Wednesday, April 17, 2013

تجربتي لـ nails work اول سبا للاظافر بالجهرا ..

11:33 PM

واخيرا قدرت اشبك صارلي جم يوم مو قادره :(

المهم اليوم بقولكم عن تجربتي لاول نيلز سبا بالجهرا وجربناه انا وخواتي الصغيره والجوز ..

وهذا رابط البوست اللي كتبته عنه قبل في خدماته ككل ..

تجربتنا ..

صادف قبل روحتنا بيوم كنا بالمجمع فمريناه نسال وحجزنا ع الساعه 2 عساس يمدينا نروح استقبال اختي مبجر ..

وصلنا 2 بس الستاف ماكان ياي :\ يعني السبا مو مبطل اتصلت عليهم قالوا انهم بالطريج واشوه مالطعونا ..

دشينا وضبطوا لنا المكان ..

وهذا جزء من العده اللي استخدموها لي ..

والكريمات عندهم انواع وايد انا كان رمان وخواتي اعتقد عسل وحليب ..

كنت مختاره النوع العادي بديكير ومنيكير شامل سنفره وكريم وتعديل الاظافر وصبغ ومساج وتفرك ..

وزدت عليهم ماسك << سعره يختلف ..

وهذا اللي نقعت فيه اظافري ..

وهذا عقب ماخلصت نشفت فيه الصبغ ..

قلت لهم مااحبه خدر اصابعي وانا اضغط عليه جان وحده منهم ياحليلها يت تضغطه لي << حبيت

وهذي النتيجة ..

وبالنسبه للاسعار :

ع حظنا كان عندهم عرض ..

اهو البديكير ب7 والمنيكير ب5 والماسك بدينار للايد ودينار للريل ..

بس مع العرض صار المنيكير والبديكير والماسك كله ب7 يعني نص السعر..

والتوتل انا وخواتي 2 بديكير و3 منيكير =17 د.ك ..

رايي :

الشغل زيين والهنديه تشتغل بضمير خخ بس نبوها لا تجرحكم عورت اختي الجوز من كثر الدقه بس اختي حابه شغلها ولي رحنا مره 2 بتطلبها اهي بالاسم تسوي اظافر ريولها ..

الستاف خدوم وونيس ..

مكانه يميزه فكنا من عنوة الطريج ..

الاسعار وايد زيينه والعرض عجيب ماشاءالله ..

الادوات المستخدمه ماركات متخصصه بالعناية بالايد والريل ومن بوتس مو سوالف المنصور او بو طقه ..

بس اللي ماحبيناه اللون الوردي ع الاظافر ..

وماعندهم كي نت ..

بس برد اجربه مره 2 بجرب الايسكريم وبرسم ع اظافري ان شاءالله ..

ساعات العمل :

بايام الاسبوع يبطل الساعه 2 ..

واليمعه من 10 لي 10 ..

العنوان :

الجهرا مجمع صحاري السرداب

ت: ٦٦٩٦٩٢٢٦

الانستغرام : nailsworkkuwait

Labels: beauty, spa, اظافر, الجهراء |

0 comments

Sunday, March 24, 2013

اول صالون متخصص بالاظافر بالجهراء (نيلز ورك -nails work )

10:00 AM

صباحو ..

قبل فتره وحده بالانستغرام قالت لي انه بطلوا عندنا سبا للاظافر ..

صادف هالاسبوع اني مريت صوب جان اصوره لكم ..

وهذا شكله من داخل ..

سالتها ماعندكم برشور ؟؟

قالت لا في هذا اعلان وماكان في الاسعار..

قلت لها بجم شغلكم؟؟

جان تاشرلي ع الرقم وتقولي اتصلي وانقولج الاسعار ..

قلت الحين انا اجابلج عندكم اتصل عليكم ؟؟ حلاتي اطلع اتصل ولا العن ارفع تلفون جدامها اكلمها عن الاسعار :\

حركات الانستغرام هذي ماحبها هههه ..

المهم الخدمات اللي يوفرها السبا :

*لليدين والرجلين :

-منيكير << ب5

-بديكير ب7 ..

-رسم حنة..

-مساج..

-رسم ع الاظافر..

*الوجه :

-مكياج ..

-حف بالخيط او الشمع ..

* الجسم :

-سنفره ..

-مساج علاجي او استرخاء ..

-شيره ..

عنوانه :

الجهراء \مجمع صحاري \السرداب ..

ت :66969226

جربتوه ؟؟؟

Labels: beauty, spa, اظافر, الجهراء, صالون |

0 comments

Tuesday, February 12, 2013

عيد ميلادي 26 ..

12:22 AM

واخيرا كملت ال26 طبعا الانستغرام خذاني من البلوق فالموجز فيه والتفاصيل هني ..

اللهُم إني استودعك سنة... [مضت من عمري]... بأن تغفرها لي، و ترحمني و تعفو عني وأن تُبارك لي في أيامي القادِمة، و تصلح نفسي و تُيسر أمري... ربي احفظ لي منْ حولي و لا تحرمني قريبْ ۆ لا بعيد........ و اكتبْ لي يا اللَّه فيْ السنة آلقادمهْ فرحة، تغيرْ بهآ مجرىَ حياتي إلى الأبدْ..... اللھم آمين

الحمدالله كان اليوم خفيف ..

اول هدية لنفسي مارحت الدوام ..

وعقب الظهر قمت تريقت شي خاطري فيه من زمان اهو كيتا خبز اثيوبي ..

وعقب رحت الافنيو ومريت جوري سبا لانه عزموني واحتفلو فيني بعيد ميلاد مبسط حبيته (بذكر لكم بالتفاصيل عقب ان شاءالله ) كلش ماتوقعت هالمفاجاااااااااااااااه توقعت بيسوني جلسة لشعري او شي جذي ..

موجودين بالانستغرام وكيك @jouryspa

عقب رحت مع خالي و اختي الصغيره نتعشا بفيلا فيروز ..

ولما ردين البيت كلينا كيكتي اللي انا اخترتها وكانت من @luckypumpkinkwt

هذي جزء من التفاصيل و في جم شغله بنزل عنهم بوست ان شاءالله ..

وكل عام وانا بخير :*

Labels: beauty, spa, اكل, مناسبة |

5 comments

Friday, November 16, 2012

bliss now @ kuwait

7:39 PM

امس يوم الاكتشافات البيوتي ..

حصلت ماركة bliss اعتقد انه توه تتوفر بالكويت لانه قبل ماحصلت الا منتجات بسيطه منهم في بوث سيفورا بمعرض العطور اعتقد 2010 واشوف الاغلب يطلبونها من النت ..

اللي لاحظته اغلب منتجاتهم متوفره للجسم والبشره..

خذيت برشورهم كانو حاطين فيه التوب 5 بس مو محددين الترتيب ..

- واكس (شمع ) شفت صور بالنت شوقتني عليه ..

زبدة جسم بالليمون ..

ماسك الاوكسجين ..

غسول للوجه ..

كريم للسيولاليت اعتقد واهو يكون جزء من الروتين اليوم مع رجيم والرياضه ..

ومن الصوب ال2 من البرشور حاطين عن هالست متوفر للايد والريل ..

الست عباره عن كريم للايد او الريل ومعاه اذا للايد قلفز واذا للريل دلاغ ..

سمت ست الايد لانه كنت اقرا مدح عليه طلع ب20 د اذا ماخاب ظني ..

موجوده الماركة بهارفي نيكلز بغراند الافنيوو ..

وان شاءالله يبطلون عند bliss سبا مثل برا اعتقد موجود بقطر..

Labels: beauty, spa |

0 comments

Monday, October 15, 2012

تجربتي لمنتج من منتجات JC

11:20 PM

لما رديت من السفر شروف رفيجتي يابتلي هديه منتجين من جي سي انا اخترتهم خخ ..

وكانوا ديودرنت وكريم للركب والكوع ..

بس اليوم بكلمكم عن الديودرنت لاني خلصت امس ..

قوامه :

كريمي مثل (اللوشن)

حجمه:

صغير بحدود ال20 مل اتوقع مو اكثر وتقريبا كفاني لمدة 3 اسابيع استخدام يومي بس انا احط بذمه وضمير:)..

رايي فيه ..

حبيته كديورنت من ناحية التعطير بالبدايه كنت خايفه انه مفعوله يكون خفيف ومايستمر وقت طويل بس ماشاءالله ابهرني بنتايحه يتم بدون مبالغه طول اليوم وساعات احس يستمر لي 2 يوم ..

وهم خفت لا اتحسس منه وتقرح المنطقه لانه بالبدايه حسيت انه قوي وبحراره وحكه عقب الوضع الحمدالله صار طبيعي ..

من ناحيه التفتيح مو ذاك الزود وانا الحمدالله المنطقه مو غامجه وايد يمكن فرق درجه وحده بس عن جسمي ..

عيبه : يكمن بطريقة تعليبه او تغليفه مادري شلون تنقال يعني حلاته يكون بعصار وراس رول مثل طريقة ديودرنت ايفا راح يكون وايد اريح بالاستخدام , لاني اذا مستعيله افضل استخدم الديودرنت العادي اسرع وانظف منه هذا اذا استخدمته مثل الكريم العادي بتوصخ ايدي لازم اغسلها وبما انه ايدي توصخت اذا مسكت هدومي ادمرها :\ لويه الوضع ,, بس هذا عيبه الوحيد..

اي وبعد فكرة انه شكل علبته مثل كريم تخليه يخترب اسرع لانه كل مافتحته حاشه الهوا واخر شي ينشف :(

ارد استخدمه مره 2 ؟؟

اي بس اذا غيروا علبته ..

سعره: 5 د.ك

جي سي صالون موجود بالجابريه سبق وان كتبت عنه بوست هني

شكرا شروفه :*

- Posted using BlogPress from my iPhone

Labels: beauty, spa, تجربة, صالون, هدية |

0 comments

Thursday, September 13, 2012

شخبوطة في ضيافة candy nails

11:59 PM

قبل جم يوم وصلني ايميل من السبا يدعوني فيه لتجربة خدماته , هالسبا يتميز بانه اول مكان متخصص بالاظافر يغطي ويخدم منطقة الفنطاس , العقيلة , المنقف , ابو الحصاني , القرين .. الخ ..

وامس رحت له مع رفيجتي ..

وصلنا ..