Saturday, March 31, 2012


تو لفت انتباهي خبر عن منتجات مي باث في جريدة الوطن الخبر مو موجود بسايتهم وباالDPF الحجي مو واضح :(




هذي مثل الصورة اللي حاطينها بجريدة الوطن طلعتها من حبيبي وراس مالي عمو قوقل ،وبالخبر مكتوب عن ٤ منتجات شوقوني عليها: (باختصر لكم الخبر)

اهي منتجات طبيعيه ١٠٠% خاليه من المواد الحافظة
(1)






الايس كريم الفوار
اهو مزيج من المعادن والزيوت المستخلصة من مكونات طازجة كبذور الجوجوبا وفول الصويا وزيت اللوز الحلو ينعم ويرطب البشرة ، يستخدم مع ماء الساخن في البانيو ..
(٢)




مي باث شربت (سنفرة)
برغوة غنية مشبعة بفيتامين e واهي ٣ في ١ تقشر وتنقي وترطب الجلد ..
وفي وايد نكهات بابيا و ككاو و فانيلا ولافندر والخ

(٣)




صابون سائل للجسم
ينظف بلطف ويجعل البشره حريرية برائحة لذيذه

(٤)




مي باث ايسينج :
اهو كريم للجسم من مكوناته زبدة الشيا وزبدة الكاكاو وفيتامينات A.C.E ، قوامة اسمك من اللوشن بس مو بثقل الزبدة ويقولون انه ملمسة مثل كريمة الكيك ع الجسم ..


يشوق مو!! جربتوه ؟؟

- Posted using BlogPress from my iPhone
امس بنت عمي دزت لي صورة الكافيه وتقول انه توه مبطل من يومين وزحمة ماشااءالله وكل شي مخلص
ودزت لي منه هالنقصة لاني احب كوكيزه

هذي تعتبر اول تجربه لي له بالكويت ،اول مره جربته بقطر ادمنته وكل سويت تالي الليل منه (نزلت عنه بوست هني) ..
وهم جربته بدبي بس التشكيله كانت شويه مو مثل قطر ماحصلت عندهم النوع الكوكيز اللي يكون ميكس جوكلت وزبدة الفول السوداني ..

افرعه بالكويت :
اللي اعرفهم ٣ :
بالمارينا، وابو الحصاني، وهذا اتوقع اجددهم بمجمع الليوان..

افرعه برا الكويت :
اللي اعرفهم وجربتهم :
بقطر بالسيتي سنتر ، بدبي بمجمع فيستفال

شكرا بنت عمو :*

Posted using BlogPress from my iPhone
يوم الخميس كنت بالافنيو ومريت H&M
ولقيت الباجي من الكولكشنات متوفر لي الحين
ستاند لمارني وفي بعد جم جنطة بس ماصورتهم



وبكورنر العروض والتنزيلات لقيت جم قطعه من كولكشن فرزاتشي



-اعتقد هذا تبع الكولكشن

اللي يعجبني من الكولكشنات يخلص باول يوم خخخ


Posted using BlogPress from my iPhone
Friday, March 30, 2012
امس مريت بروي وبالصدفة شفت هالنفنوف ..



ذكرني بنفنوف من تصميم لانفان اللي نزل بكولكشنه لـ.H&M

وسعره ب16 د.ك..

وبغض النظر عن اللون كموديل احس مناسب للبنات الصغار اكثر ..


للي تبيه تحصله ببروي الافنيو يم النفيش ..
Thursday, March 29, 2012
من زمان عن السينما حتى مادري شنو نزل فيها خبري فيها قبل شهرين او 3 , من جذي اختي قالت لي خل ندش السينما اليوم فرحنا نشوف شنو الافلام الموجوده واخترنا هالفيلم لانه وقت الابجر ..

مع انه ماره علي قصته بالنت وماكان عاجبني ..


وهو قصة سنووايت بنفس الشخصيات والفكره بس الاحداث مغيرينها  شوي..

بالنسبه لي حبيته اكثر من القصة الاصلية ..

واختيار موفق للبطل و سنوايت لما راحت لاقزام عدلوها سولها ميك اوفر خخ (القذلة حلتها) :)

اما اغنية النهاية حسستني انه فيلم هندي ..

حبيته 3>

 



اهو عباره عن ست فيه ٣ شغلات (معجون، وسنفرة ومستحضر تبيض )
ومكتوب انه النتيجة تبين خلال يومين وتحمي المينا وماتسبب حساسيه لاسنان او اللثة .
مجربينه؟؟؟


- Posted using BlogPress from my iPhone
Tuesday, March 27, 2012
كنت اقرأ جريدة الانباء وشفت هالصور..

ماشاءالله فرق والله يتمم عليها  نزلت تقريبا 20 كيلوو..

Monday, March 26, 2012
مو قلت لكم امس انه رحنا انا واختي محل نظارات وهناك صورت اكثر من شغله الاولى العدسات وال٢ هالبوست :
بما انه الهدف من زيارتنا للمحل كان نظاره طبيه لاختي فعرض علينا اكثر من نظاره كل وحده لها ميزه اللي تنعكف وماتنكسر واللي ليونتها عاليه و اللي لها اكثر من اطار واهي اللي عنها البوست :



-من ماركة اسمها angelo...
وميزتها مثل ماكتبت بالعنوان انه لها اكثر من اطار

هني زووم عليها بس مو وايد واضحة الصوره




وهني الوان الاطار المتوفره



كل نظاره معاها اطارين ..

سعرها: مو ذاكره جم بس شي و٥٠

حلوه للي يحبون التغيير ..

Posted using BlogPress from my iPhone
Sunday, March 25, 2012
عقب محل النظارات مرينا عند محل بو نص جان تقولي بحس يكسر الخاطر ع نوس قلت لاختي خل انشوفه اول شي شفته اكسسورات الاحرف والاسامي

خواتم ، قلوب ، تراجي ، سورات ...

وشكلهم زين مو جيب ، سالتها بنص تقول اي جان اخمط لقيت هالاحرف وكنت ابي ع حرفي مالقيت الا خاتم وخذيت سوار ماصورته ع اسمي ...
في بنات بيقولون وي قديم شخباري بقولها موجود ينباع وبدبلات هالسعر !! اخذ قديم بنص احسن من ينقص علي :p

- Posted using BlogPress from my iPhone
توني رادة من محل نظارات اختي تدور نظارة وانا اتعبث واصور خخخ ..

من الشغلات اللي صورتها هالبرشور:


العدسات المتوفره:

-
زوووم ع جم نوع لفتوا انتباهي :

وهني شكلهم واهما بالعين :





خلي عيونج تتكلم وتعبر عن اللي بخاطرج خخخ




وفي ع اعلام هذي شايفتها من قبل بس توني ادري انه متوفره باكثر من علم ، المزدوج بكل عين يحط علم :p


ع قولة البياع العدسات المجنونة ، وبرايي حلاته الشي طبيعي


Posted using BlogPress from my iPhone
Saturday, March 24, 2012
الاسبوع اللي فات رحت مركز التوفير (سلطان) بس هالمره غيرت وجهتي بدال لا افتر صوب البيوتي (الكريمات، الصابون، سنفرات ... الخ) افتريت صوب المثلجات ..

خذيت جم شغله منهم هالحلوو


العلبه فيها ٦ حبات ، جربتها ٣ مرات هذي المره الاخيره عشانا اليوم...

سعره:
اذا ماخاب ظني اقل من دينار

رايي :
حبيته اهو طعمه مثل ناجت العادي بس مربرب :@ وثقيل وحده تكفي :)

وبالعافيه علينا


- Posted using BlogPress from my iPhone
ذا كنت مهتماً بكسب الاخرين
وتحسين اتصالك بهم
وتغيير اسلوبك للافضل
شارك معنا ..
بدورة :
Get Connected
للدكتور / أيوب الأيوب
الثلاثاء والاربعاء#⃣
 ٢٧-٢٨مارس
من ٥-٩مساءً

💰الرسوم💰
٣٠ د.ك لاول عشر مشتركين
٣٥ د.ك للطلبة والمجموعات (٥واكثر)
٤٥ د.ك للافراد
المقاعد محدوده
🌈اكاديمية بنان للتدريب🌈
📱55122522
Friday, March 23, 2012
myfavblogs
اهو برنامج يجمع المدونات الكويتية ومتوفر بالماركت الرسمي لنظام الاندرويد 

ومن البلوقات اللي فيه شخبووطتي



ياحلاتي :p

رابط البرنامج بالماركت الرسمي (هني)

وشكرا madeinq8

ومصوره تلفون اختي لاني تبع البيبي والايفون جان زين يوفر نسخة من البرنامج لهم..



-Posted using BlogPress from my iPhone
شفت هالصوره  بستايل تاغ واغرمت  فيها وحطيتها بتويتر هالحجي الاسبوع اللي فات ونسيت موضوعها , اليوم شفت لون الابيض منه جان تذكرها  قلت بسوي سيرج بعرف شلون طريقتها بسويه ..


المهم النتيجة  كانت انه ست  ماركة Ciaté ومكون من صبغين (بيس واهو مثل صبغ عادي  ’ وتوب واهو الاساس وفيه فكره الكافيار نفس حبيبات صغيره متناثره)

ومتوفر ب3 الوان :

اسود.

 ابيض..

وملون

طريقته بالصور :

وطريقته بالفيديو هني


سعره :
18 باوند بس كلهم اوت اوف ستوك لا وفي لستت انتظار :\ ماشاءالله ..




Thursday, March 22, 2012
اليوم رحت جربت سبا يديد توه مبطل من ٣ اسابيع بس




الاستقبال



المنيو




وكنت ابي نوع سريع فاحترت بين هال٢ فسالت عن فرق وقالت لي ال٢ في سنفره ولانها غرامي اخترت ال٢



سباركل منيكير يشمل تقليم الاظافر وازالة الجلد الميت و سنفرة وترطيب الايد

ويميني وانا واقفه عند الاستقبال هالفرية



ويساري مكان الانتظار



ودار مداري ماشاءالله غرامي اصباغ الاظافر النصيب الاكبر كان لماركة ايسي



وعقب OPI



وهذا الكرك من OPI



وشويا من زويا (مااحبها وايد)



وهذي اجدد مجموعتين عندهم




OPI



وننطلق للمكان



مكاني



مكان تجفيف الصبغ بس ماجربته



عدتي
نسيت اقولكم في انواع وايد من التريتمنت انا اخترت البابايا وجنه في فانيلا ووو نسيت الباجي



الضيافه اخترت جاي اخضر



ويابولي المخده الحاره لرقبتي

اما اللون اللي اخترته فاسمه peel hereمن opi



ولما شافت كفري قالت لي عندهم دانتيل الاظافر فسويته بعد خخ



الاسعار :
المنيكير ب٦
الدانتيل الظفر بدينارين

واللي سوت لي اسمه بيبي

ورايي :
الشغل زين (حبيت التريتمنت)، الخدمة اقدر اقول ممتازة خصوصا اني دودهتها المسكينه لما قلت لها مستعييله خخ واللي حبيته بيبي انه تذكر الله لما تبلش تسمي ولما شفت اظافري وعجبوها قالت ماشااءالله 

Thanx baby

وهم اللي كانت بالاستقبال وايد حليوه وخدومة

عنوانه
مدينة الكويت ،ش السور , مجمع الديسكفري , الدور الارضي ..
ت :67099328-22913699

- Posted using BlogPress from my iPhone

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads