Monday, January 30, 2012
اختي من عشاق ديب ان ديب فلازم نروح له..

اخر مره رحناله جربت هالطبق..

 اسمه
بيتزا ديب ان ديب ..

نسيت اصور شنو مكتوب عنه بس اللي اذكره انه قطعة براوني فوقها كريمة جنه للجيز كيك بيضا وعليها قطع فواكهة (اناناس , موز , فراوله , كيوي) وعليه بعد كاكاو ذايب غرامي ..

سعرها:
2.500 د.ك

رايي :
اهي صغير بنفس لوقت ثقيله وكطعم احس اقل من عادية ..

ولازال احلى طبق عندهم وافل ديب ان ديب جربته مرتين كل مره يكون الذ من اللي قبلها ماشاءالله..

تجاربنا سابقة :


(لمشاهدة الصورة بشكل اكبر اوضح اضغط عليها)

توب شوب يدعوكم للمشاركه في فعاليته اللي بعنوان (التقط صورة لي) التفاصيل مذكورة في البوستر (الصورة موجودة بالبوست) ..

وين ؟؟

بمجمع الأفنيوز في الطابق 1 أمام BHS ..

متى؟؟

بنهاية الاسبوع ان شاءالله من الخميس لي السبت يعني من2-4 فبراير..

Sunday, January 29, 2012
واخيرا بعد خمول شهرين رحت سويت اظافري ..
كنت ابي بابلز بس طلع مسكر عندهم اجتماع مايبطلون الا 2 :\ فرحت افتر بالمجمع وسالت السيكورتي اذا في سبا 2غير ه قالي اي ودلاني مكانه وين صاير ..
 مكانا:


 مكان عشقي الازلي ..

الاكثرعندهم من ماركة  Essie  و OPI وفي مجموعه بسيطة من ماركات 2 وعندهم بعد  صبغ   magnetic nail polish  ..
 عدتي :
 الضيافة ..

انا اخترت جاي اخضر ..
 ورفيجتي خذت قهوة ..
 عندهم نوعين منيكير وبديكير :

- عادي الايد ب5 وريل ب7 ..
-سبا جنه ب18 د.ك.

ماكان عندي وقت فاخترت العادي  ..

ويتضمن (تقليم الاظافر+ازالة الجلد الميت +سنفرة +كريم +مساج سريع + صبغ اظافر)

واخترت هاللون :


اسمه   Dramatic Drachmas‏   من Essie


النتيجة :
واللي سوت لي اسمها راده ...

رايي :
رخيص وكويس ( جربت المنيكير بس) وهم حليوين..


عنوانه :

مدينة الكويت , ش السور ,برج جاسم ..

ت:22960100

Saturday, January 28, 2012
عرفته من صديقتي الغايبه الحاضره جايونه كتب عنه (هني)

واختي من شافت البوست وخاطرها تجربه ولانه خاطري بعيش ولحم رحنا له

هالاسبوع ..

بس ماصورت  الاجم صورة ..

المنيو ..

 الضيافة سلة خضرا  وسلة خبز ايراني(حار فريش) و صحن فيه جبن مالح (حبينه) ومعه زيتون ومخلل .


مرق بـامية وعيش ..
 عيش حلو والمرق زين بس ماحبيت اللحم اللي فيه ..

2 طبق  اسمه :
كباب سلطاني مقصوص شي جذي ..

عباره عن نوعين لحم ال1 سيخ كباب وال2  شريحة لحم نفس الستيك ..
 حبيت العيش و كباب هم طعمه لزيز بس دسم و اما الستيك كان عادي..

الفاتورة :

مكانه :بشرق صوب محل واو ..

نسيت اقولكم لما دشيت المطعم كلهم شهقوا شيرين بانو هير  قصدهم عني خخخ وصار استنفار و مدابج وجم وحده غشت غير اللي انتحرت خخخخ .. (بتفهمون قصدي اذاعرفتو معنى شيرين بانو شنوخخ)
Friday, January 27, 2012
من سنين شفته ينبـاع بـالنت وقبل شهر حصلته بتروفـاليو فخذيت منه جم حبه .. 


متوفر ب 4 الوان :

ازرق نفس لون اللي بصورة , فوشي لي , احمر لامي , بيج لاختي الكبيره ..

وبحجمين (خذيت الكبير )

وسعره تقريبـا 2.850 د.ك

رايي:

توقعت ينلبس مثل دراعة طلع لا , اول 1 بطلته كـان لامي اول مفتوح من ورا لبستها اياه قالت شنو انا مينونه خخ

من هالموقف يتضح انه موديله مثل روب الميين خخ (انا البسه جنه روب عادي )بس خامته مثل كنابل عاديه الخفيفه ..


Wednesday, January 25, 2012
توني كنت اتصفح جريدة الوطن ولفت انتباهي هالاعلان ..

لاني كنت ابي شمعه ع اسم رفيجتي او حرفها لعيد ميلادها (بس مادري وين يسونهم )

واللي حبيته انه عندهم فرع  بمنطقتنا..

الاعلان بجريدة الوطن عدد اليوم 25-1 ص 50 ..
Tuesday, January 24, 2012
هالمره بنزل بوست عن مشروع بنوته اماراتيه متخصصه بتصميم التيشرتات والنفانيف يعني الازياء وبعد عندها جناط وكفرات للتلفونات وغيره ...

هذا جزء صغير من تصاميمها:











طريقه التواصل يا عبر الايميل او البي بي بن او رقم موبايل:
website: link
E: www.aroma.group@live.com
MO.#: +971501000035
BB PIN : 2592771F

Monday, January 23, 2012
احب يدتي حب مو طبيعي اكثر من حبي لامي بنفس
الوقت احس مقصره معاها ماذكر انه عمري (22 سنه )عطيتها شي او اهديتها..

امس قلت كل شي له حل وحتى المتوفي توصل له هداينا سواء دعاء او صدقة او على قولتنا (التثويبه)

اسهل واسرع واضمن حل

الموضوع مو رياءولاتعنفق لا استغفرالله مو طبعي جذي مثل ماستفدت منه احب افيدكم وللتذكير انه في اشخاص رحلواعنا باجسادهم بس مستحيل ننساهم ..

الله يرحمهم ويغفر لهم يارب ويتقبل دعائنا وعملنا صالح لهم ..

طريقة تبرع ومصدر الصورة (هني)
Saturday, January 21, 2012
لما كنا بتايلند كنت حاطة تقويم (عقب ان شاءالله اكتب لكم عن جربتي مع تقويم ) وكنت كله احوس صوب سوالف البيوتي انا وبنت عمي وحصلت هالمعجون فخذيته مو عبط لا لاني محتاجه معجون كنت ناسيه اخذ معجوني ومقزرتها بمعجون بنت عمي خخ ..

اول واحد جربته هذا ..


من اول استخدام حبيته وكلمالي ودي افرش ضروس خخ مشكله لما اشتط ..

عقب رحت لنفس جمعيه وخذيت هالنوع وكان مسوين عليه عرض 2 مع بعض..

كنا كل جم يوم نهب بجمعية انا وبنت عمي نحوس فيه جم يوم ليما نحفظها مره كنا بجمعية اللي يم فندقنا قالت لي بنت عمي شنو بقى ما شفناه ,رديت عليها لا خلي شي لباجر خخخ ردت اي والله ورحنا نحاسب خخخ..(فاصل اعلاني )

نرد لموضوعنا..

اخر نوع شريته هذا اهو بس ماثبت اذا كان موجود الغسول ولا لا ..
رايي :

كلهم زينين ماحسيت يفرقون عن معجون العادي بشي ! بس ماحبيت بالـ2 ريحته ..
Friday, January 20, 2012
مسلسل تركي يديد يعرض ع 4 بلش الاسبوع اللي فات بس توني شفته اليوم وحبيته مبدائيا حلو ..

احب المسلسلات اللي تكون بطولتها نسائية :)


وحلو فيه  وميزته انه يعرض لنا مع تركيا بنفس لوقت ..

ولمشاهدة حلقات المسلسل متوفره بموقع شاهد (هنا)

ولقراة قصته اضغط هنا

مواعيد العرض :
ويعرض  اسبوعيـا ع mbc 4  يوم  الخميس ساعة 9 مساء, و الاعادة يوم الجمعة  الساعة 6ونص ..

يقال انه النسخة التركية من المسلسل الاجنبي (desperate housewives) دورته بشوفه بيوتيوب طلع لي بالفرنسي :\
امس رحنا لـ  ديب ن ديب للمره 3 ..

وقلت لكم عن زيارتنا وتجاربنا سابقة له:



كل مره نجرب شي يديد هالمره جربنا الوافل شوقتنه عليه هديل (لما كتبت عنه هني)
 عجيييييييييييييييب , الكاكاو يصبونه جدامكم وسالتنا اذا نبيه ع كل طبق ولا الوافل بس ..

وخذينه زيادة قدحا من شوكلاته..
 هم حبيته نفس الكاكاو اللي مع فوندو , وافل , جيز كيك ..

وطلبي اللي بكل مره ابيه ويكون مو موجود..
 هـالمره حصلته :)

على قولتهم الـ3 ثابته ..
 مولتن ..

بس مـاحبيته :\

طلبنا الفاتورة ..
 انصدمت من سعر قلت شدعوه هالمره فرق عن كل مره عمرنا ماوصلنا الـ 10 , ولا بالغلط ضايفين طبق طاوله اللي يمنا معانا كلمتهم وعدلوها..


هـالمره خدمتهم قل مستواها والسبب ضغط كله ع قرسونه وحده ..
Thursday, January 19, 2012
واخير بعد شهرين جربته :)

غرامي البيتزا جربتها (بسكوت , قطايف , خبز ايراني , مشلتت ... الخ ) << فيني عرج ايطالي :P

واليوم كان دور بيتزا كونو..

فكرتها بيتزا ع شكل الايسكريم ..

المنيو (لمشاهدته بشكل اوضح اضغط ع صوره تتكبر)

(للامانه المنيو منقول من هني )

طلبنا:

2بيتزا وسط ..
 ببروني لي , سوبريم لاختي ..
حركات خخخ
متوفره بحجمين:
-وسط بدينار وربع ..
-وكبيره بدينار ونص..

وبانواع وايد وهم  يوفرون منه نوع كسويت مثل بنوتيلا و متوفر عندهم  سلطات بعد ..

رايي :

طعمها زين بس اذية بالاكل مثل طريقة برد ذهب :) , واللي تشتغل فيه حليوه ..



موجود بالافنيو بركن مطاعم ورا مطعم الصمون اليديد ...

وم موجود بسايت طلبات (هني)
Wednesday, January 18, 2012



 مجموعه من الصواني و الفناجين التركيه ومتوفره باللون الفضي و البرونز 

الطلب يكون عن طريق الاتصال او ارسال مسج ع 99390755..

ناخذ اوردرات لين يوم الاثنين ان شاء الله..


Monday, January 16, 2012
الاسبوع اللي فات دريت انه قاذرنج قاموا يسون كوكيز ..

فطلبت لي امس ..
 حصيلتي بالشوط الاول ..
 موفرينه بنكهتين (كندر , جلكسي)

سعر درزن 4.500 د.ك

ومايصير تطلبون اقل من درزنين ..

ولاني من عشاق المولتن فخذيت لي نص درزن (وزعت 2 والباجي لي ريوقي وعشاي مولتن خخ)
بس كنت ابي ميكس رد فلفت _وماربل- وكوكيز مولتن بس الظاهر مافهمت علي :\ مع اني اكدت عليها!! بس اشوه نوع  ابيه وغرامي ..
(كوكيز مولتن نوع يديد و رد وماربل غرامي الذ نوعين عندهم ..)

راينا:
الكوكيز زين والمولتن احلى :)
رفيجتي من كثر ماعجبها الكوكيز  تاكله وتقول يمي يمي وتلذذ فيه عقب ختمتها بوااو (تنفع كوجه اعلاني لهم خخ )ومولتن ذقته بعد تقول عجييييييييييييب ..

وكل اللي عطيتهم مدحوه سواء كوكيز ولا مولتن ..

عن نفسي حبيت عيينة (عجينة)كوكيز كندر اكثر بس جلكسي كنكهة الذ..

بس عيبه وايد تاخر طلبت ع 10وقالت بتوصل 3 قلت لا متاخر 12 ينفع ؟؟قالت اوقي ..
وصل لي ع 1وشي :\

للطلب:
 call or SMS 67667721.
وجنه موجودين بجمعية الزهرا

ندعوكم لزيارتنا في معرض بازار كويتي في مجمع ديسكفري

 
خلال الايام التالية 

 2012 / 1 / 22 - 21 - 20

 
رعاية وجوه بلس 

وقروب ديسكفري لاند


للاستفسار على الارقام التالية


99891718 - 94977666 - 66120566





الاعلان الاول

http://youtu.be/JUv3xaF99LM


الاعلان الثاني
 



Sunday, January 15, 2012


مصدر صورة هني
Saturday, January 14, 2012
قبل 10 ايام تقريبا دزت لي مدمد اعلان سينابون تسالني اذا جربته ولا لا ,وعقب جربته اهي ونزلت عنه هني
وقبل جم يوم شفت سينابون فرحت اخمط منه خذيت كذا شغله منهم هالكب كيك ..

موفرينه ب3 نكهات (ككاو و فانيلا ,رد فلفت)

وبحجمين :
كبير جنه بـ 750 الحبة ..
وصغير (ميني) بـ ربع الحبة ..

رايي :
تقريبا مثل رايي مدمد :
الرد فلفت الله يزيد النعمه (ماصخة ولون كيكة غريب مو الاحمر الحلو والكريمه مادري شلون قايله)
الكاكاو ماكليتها << مثلي هم ماذقتها
الفانيلا طعمها اهون من الرد فلفت يعني قدرت اكلها (بالنسبه لي صج ارحم بس كانت يابسه)

اختي تقول اممم زينه عادي اممم << :\

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads