Monday, November 30, 2009
السلام ..
وخلص العيد ولا حسينا فيه وخلصت الاجازه وفي ناس بتداوم خخخ ..
المهم بثاني العيد كنا بنروح المارينا بس لانه بالطريج المطر كان قوي رحنا الافنيوز وهناك كنا بنروح السينما امبيه دشيناه قلت فاضي وناسه الظاهر لانه مطر وصلنا لي السينما وعرفنا سبب انه المجمع فاضي لانه الكل رايح له الطابور لي باب الاصنصير عشان نوقف فيه لازم ندش الاصنصير خخ حلاتنا والله ..
جان نكسلها ونروح المطعم دشينا جوكلت بار..
المانيو متغير اذا ماخاب ظني وجنه رافعين الاسعار بعد :\
الوردة الجميله ..



كلوب ساندويش ..


باستا ..




وحلينا بهوت جوكلت كيك << جنه اسمها جذي..



***************************************
فاصل اعلاني..
فيووووووووووول :)




هذي هديه اخوي لولد اختي بمناسبه يوم ميلاده استانس عليها بعد عمري بنفس الوقت خبزني وملامحي راحت فيها منه اهي في مكان شبك اهو بالخيمه وانا اطل عليه ايلي ويلزق ويه بويه وعقب يهفني بيده وطبعا لما يلزق ويه يكفخني براسه اح وغير جذي لي خليته ولهيت بالنت ماوع الا الخيمه بكبره فوقي خخ..


**********************************************************

اليوم الثالث رحنا المارينا هالعيد زحمه اكثر من العيد اللي فات ..
واي صادف اللي جدامنا غرب وكل وحده بتدفع بروح تذكرتها اوكي عادي بس وحده تيمع الفلوس وتدفع مره وحده مو كل وحده عند المحاسب تطلع فلوسها يمكن 2 عندهم خرده والباجي اللي 5 واللي10 واللي 20 ومال التذاكر يشرح لهم انه بياخذ من وحده والباجي يعطونها واهما ساعه يالله ستوعبوا ولما خلصوا ما وخروا قعدوا يوزعون التذاكر ع بعض فراغه ..
المهم الفيلم كان نيو ومن الجزء الثاني من سلسلة تويلايت

امم اللي ضحكني انه وايد تفاعلوا البنات بالفيلم ولما بنطلع لفيت ولا الاغلب اللي بالفيلم بنات يعني لو الحضور 100 ع الاقل 90 منهم بنات..
الفيلم عادي توقعته احلى والصاله بارده تيمدت اصابع ريولي..
البطله بكل جزء يزيدون حبايبها ..
بالاول مصاص دماء والحين زاد المذؤب بالجزء ال3 الظاهر تحب زومبي :p
وعقب مارينا فيرجن لقيت الجزء الاول من الكتاب بالعربي اسمه الشفق امبيه متييييييييين والجزء مافي احداث وايد كفيلم وحتى لو مايسوى !!
اي دعايه الفيلم ..
ومرسي..
وانتوا شلون قضيتوا العيد .؟؟

Sunday, November 29, 2009
السلام ,,
اليوم بلوقي صار عمره وي كنت بقول 22 خخ 2 :)
و اكاديمي عشتو جامعي لانه من مشاريع اللي كانت مطلوبه علينا بالجامعه ..
ووودي اعرف باجي البلوقات اللي بشعبتي :)
**********************************
هديه حلوه لبلوقي ..
مرسي اخوي ..
*********************************
وهالسوالف لهم علاقة باحتفالنا ..
هذول نماين من اللي قلت لج عنهم جاي لما شفت بوست ككاو الكادبوري..



وفي للاخت بس مو راضيه تنزب بالجهاز :\




هذي من فشه لمديرها :p




وفي ع ثانكس وlover و ع هابي بيرثدي خذيتها ليوم ميلاد رفيجتي ..
انه شي غريب واهي مو متوقعته بس بدال الكرت التقليدي :)
وبس سلامتكم ..

السلام ..
ام رحت الافنيوز ومريت هالمحل ..
وهذا جم جوتي وانتو بكرامه من اللي عجبوني ..
فلات..
هذا ذكرني بماركه شبابيه مو ذاكره اسمها بالضبط ميد غششيني :p



وهذا جربته مريح ..



يونس بس من جدام عورني ..








وفي منه ع كعب غرامي هالسوالف بس مالبسهم وايد ..









وغرامي الفوشي..



هذيل صورتهم ع الطاير وباخر جوتي وانتوا بكرامه الكاميرا تنحت فتصروعت واشوه عرفت اعدلها ولا جان اختي ذابحتني ..
وهذا شفته بالمحل اغلب التشكيله اللي بالمحل نفس اللي موجوده بسايته هالشي يعتبر ميزه لانه وايد اشوف شغلات بالسايت غير عن المحل..




بس كعبه جنه اوفر شويه لو انا طولي 160 البسه بس اخاف البسه و اصير اطول من ابوي بعد خخخ..
وناطره تنزيلاته اهو اسعارهم معقوله تحت ال10 اتحجى عن اللي مصورتهم البوت ماشفت سعره ولا الكعب الاخير ..
بس لانه ابي وايد والتنزيلات ع وشك فانطر حرام استعيل ..
اي مكانه بالضبط يم بروي ..
وهذا سايتهم..

Saturday, November 28, 2009
السلام..
اليوم بالنسبه لي الحمدالله ممتع..
الجو بديع ماشاءالله مطر كنا بنروح المارينا بس لانه قوي رحنا الافنيوز..
وكنا نبي سوالف لحفلة بسيط فمرينا بروي وع حظنا كان تنزيلات :)
طبعا الحفله لبيبي صبي عمره سنه مو اليوم ميلاده لا 24-11 بس اختي ماراح تكون عندنا فاجلناه لي العيد..
كلشي خذينه ع رقم 1..


الصحن..


الكلنكس وهم القلاصات والشمعه والكبوس بس ماصورتهم ..




صدريه له..



وطبعا اليوم بسيط مثلا حفلاتنا قبل ايام ديده الله يرحمها كنا نحط كيك وفطاير والعشا ونطفي الليتات ونشغل الشموع ونغني عقب ناكل وبس..









الكيكه الاولى..



ال2 بالنت كانت جذي واحنا قلنا له اكتب عليها هبي بيرث دي سمسم اهو لما كلم امي قال ماراح يزينها قالت عادي ع ابو جاهزه ومايقدر يضيف اسم سمسم..

الصدمه انها صارت جذي جنه بيت بنوه لي الحجر الاسود والمقاول باق فلوسهم ونحاش اهي اهي..


طالبينهم من بترا ..
وعشانا مزه بارده..


ومشويات..




المعازيم ماكو الا انا وخواتي وامي والجاليه الاثيوبيه :)
وكل عام واهو بخير ..

Friday, November 27, 2009
السلام ..
شلونكم ..
جايونه هذا اول خربوطه مشتركه ال2 مالقيتها دورتها لقيت كلشي الا اهي :\
هذي اختي الصغيره شرتها لي وهذا اصغر مقاس @@
متى نطقم :p
واليمعه اللي فات رد اخوي من بريطانيا ويابلي هالسوالف ..
الككاو مو لي بروحي ..
دلاغ لتلفوني..

كعك


حلاو..


لعبه عندي منه يضحك عادي وعندي واحد كبيرلابس كاراتيه هم صوغه بس العام من رفيجتي ..




تيشرت تقريبا هذا ال7 :)



مرطب مادحينه ببلوق السلطانه وصيته ويابلي منه كنت عشتو اقتصاديه ابي واحد واستحيت اقوله ايب لي 2 منه بس الله كريم ورزقني ب4..



كره لولد اختي استانست عليها خخخ..


كتكات اتوقع اغلب الككاو موجود بالكويت ..




ع طاري كندر وصيته ع اللي مادحته ستار ماحصله لا بمنطقته ولا بلندن ولا المطار اهي اهي..

وياب لي جاكيت بس ماصورته ..

وبس مرسي خيوو ومرسي خيتو وتعيشون وتيبون لي هدايا..

السلام ..
وكل عام وانتو بخير ..
احترت شنزل بوست كنت بعيد القديم مال العيد اللي فات لاني حبيته وايد بس قلت مو حلو جنه ماعندي مخ افكر خخخ..
وعقب قلت بحط طلعتي وبالمره اعايدكم طلع السواق بيزي ..
فماكو الا هالجم صوره تقزوره..
حرام كسورا خاطري..




المصدر
http://www.sohbanet.com/vb/showthread.php?t=58573


ما فقدتوا العيادي:)
Tuesday, November 24, 2009
السلام ..
مثل ماقلت لكم بالبوست اللي فات اني امس سويت جوله جزء منه كان بارض المعارض..
وصلنا قبل لايبطل المعرض بجم دقيقه فدشينا ماكدونالدز نتريق ..
هناك شفت صبي كيوت منغولي ..
سلم ع المحاسبه 3 مرات وكله تحقره :(
انا لفيت لقيته يطالعني جان ابتسم له وعقب رديت عادي اسمع حسه يتحجى بس مو منتبه شيقول عاد اختي نبهتني انه ماد ايده بيسلم علي جان اصافحه بعد عمري راح ناده اخته يبيها تشوف عور قلبي احبه لانه عفويين الله يحفظه يارب..
المهم تريقنا وطلعنا لي المعرض وصلنا قبل ال10 بشوي وفي وايد محلات مابطلت ..
بس انصدمت انه توقعت المعرض كله شغل يدوي وهالسوالف من اسمه استوحيت هالشي:\
طلع كل اكسسورات وعطور وهالسوالف تقريبا مثل معرض الهدايا ..
واحنا نحوس لقينا ..
بوعبد بانافع استانست هالمحل كل اشوف ميد تشتري منه واهي تمدح الجل ماله خذيت لي واحد طلع في اتواع وروايح مختلف انا شميت اغلبهم واخترت سما يعتبر عطرعربي ..
وفي منه جل للجسم يكون ريحه بس اما هذا فهو كريم مرطب ومنعم ومعطر للجسم ..
وعقب قالتلي انه في صابون منه وفي من باجي روايح بعد قلت لها ابي افيد صابونه عاد قالت لي المره والكركم << متكلمه عنه ميد ببلوقها من قبل اول شي سويته لما تذكرت طبعا اجيك اذا اهي ولا لا وطلع اشوه اهي..
خليتها تقصصه لانها كبيره ..
وبالبرشور مكتوب فوايدها خل انقلها لكم ..
1- نضاره ولمعه وبياض وحيويه .
2- منظف و مساعد للجلد في ازالة الخلايا الميته .
3-منظف ومطهر للوجه و جميع اجزاء الجسم الحساسة .
4-مفيد ومعالج للبقع الداكنه والحكه .
5-قابض ومطهر ومضاد للبكتريا .
6-يعطيك شعور بالراحه .<< مادري شكو بس بجرب وشوف.
سالتها وين احصلهم غير المعرض قالت يوصلون للبيت لما يكون الطلب ب10 ..
ورقمهم :
94047897-99775909
******************************
وعقب وانا احوس لفتت انتباهي هالجنطه في الوان منها في احمر احلى درجه وفي سوده و في دعمه ..
انتي تختارين لون الورده ..



وخذيت هالبروشات اقدر احطهم ع تاج او حزام او قلب او كبروش عادي او ع جنطه ..




واخر شي من محل اكسسورات اللبناني خذيت هالسوالف وسوار لي بعد وسوار لاختي ..






وهم خمطت سوالف من بو نص ..
عقب بطلعتنا كنا بالسياره بنروح حولي مرينا صوب المعرض الشتوي جان ننزل ولا مافي شي يديد مثل مال الهدايا بس اشرح شوي بس خذينا العاب لسمسم و قلب من بو نص وطلعنا ..
وبس سلامتكم ..
وملل ماتشوف بكل بلوق رازه بوست خخ..

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads