Saturday, June 30, 2012
ماذكر جم بوست نزلته عن هالكافيه بس اللي اذكره اني جربته بقطر و بدبي و بنت عمي يابت لي نقصه من اللي بالكويت اكثر من مره..
يوم الخميس رحت له اخيرا رحت اقرب فرع لي اهو اللي بالمارينا ..

والكافيه شرح وفي طاولات متنوعه (قنفات،بار،كراسي عاديه،ميكس كراسي وقنفات) وهم اذا تبون تبسطون تتربعون بالقاع هم في مساحه خخ..



وانا توقعت اهو مخصص بالحلو ، يمكن لانه كل اروح له مخصوص عشان الكوكيز ..
بس طلع فيه وايد شغلات مثل الكريب والوافل وانواع متعدده من الكيك..

ومتوفر عندهم اليوقرت..
وبرد وسموذي..

وكريسبي ..

وكب كيك ..
وغرامي الكوكيز انواع واشكال بالفول السوداني ، بالككاو ، ميكس بينهم ، بانواع الككاو المشهوره مثل فيريرو روشيه وغيره ، ....الخ..
وهذا حبي ❤❤❤❤

وعندهم كوكيز امس يكون بنص السعر جربته مرتين وايد حلوو مو بايت ( انا لازم اسخن الكوكيز ماكله واهو بارد ماحب:/ )
والكوكيز عندهم احجام في الميني وفي العادي وفي الكبير اللي ينفع للهدايا لانه يرسمون عليه او يكتبون العباره اللي تبونها..

وحصيلتي الكوكيزيه..

وهم ماتوقعت انه عندهم اكل لماشفت الصمون قلت اوكي ..
بس استغربت انه عندهم فوتشيني ..

رايي:
ماذقت الصمونه لانها طلب اختي بس ذقت الفوتشيني زين ، اما الكوكيز فهذا عشقي الابدي..
الاسعار:


 
وعندهم خدمة توصيل بس لازم طلب مو اقل من ٥دك..

ت:ضاع :\
- Posted using BlogPress from my iPhone
Friday, June 29, 2012
قبل يومين مرينا الكافيه انا واختي الصغيره اهي خذت قهوه ووانا خذيت كيكه ..



عاد قالي اختاري اي كيكه ثانيه فري..
عاد اختي سالته هذا العرض اليوم بس قال لا ..
العرض:
كل يوم الساعه ٨ وعقب اذا شريت كيكه تاخذ ٢ ببلاش ..

- Posted using BlogPress from my iPhone
Thursday, June 28, 2012
اليوم مريت h&m وفصفصته عدل وشفت ستاند الاظافر لقيت شغله يديده اول مره اشوفه عندهم بس اعرفها من زمان لانه متوفر بماركة ايسي وبكليرز بعد..


 
اهو التوب مات كوت ..
طريقته تحطين اي صبغ عادي وفوقه هذا المات بيصير مطفي ..
وميزته اريح عن تكود مليون صبغ واحد مطفي واحد عادي واستخدامه سهل..

سعره:١.٩٠٠..

رايي:
ماشريته بس جربت التستر وكان زين ولو ما عندي اللي من كليرز جان خذيته.

ولفت انتباهي هالصبغ ..

قلتر ملون ..

جربت التستر ماعجبني منثر مايبين :/

- Posted using BlogPress from my iPhone
Wednesday, June 27, 2012
في بداية السنه خذينا (انا واختي ) مجموعه عنايه بالبشره من بوتس اسمها فيتامين e لاني قاريه عن فوائد هالفيتامين اضغط هنا..

اول مره اخترت الاساسيات (غسول -تونيك\تونر- مرطب)

وهالمجموعه تناسب كل انواع البشره حسب ماهو مذكور عليها ..

(1)
 Boots Vitamin E Gentle Exfoliating Face Wash

الغسول ..

مدة صلاحيته :24 شهر ..
قوامه :اقرب للجل وفيه حبيبات ..
سعره تقريبا مو ذاكره بجم بالضبط بس جنه دينار وشي ..

رايي فيه :
اول استخدامه له انبهرت فيه مع البرد ايدي (راحتها) كانت جافه شوي معاه ترطبت بسرعه ماشاءالله ..
وعقب احس تعودت بشرتي عليه وصار زين مو وااو ..

وحبيت انه مدة صلاحيته طويله ..

(2)

Boots Vitamin E toner
 تونر او التونيك ..

مدة صلاحيته :24..

قوامه سائل عادي..

سعره هم موذاكره بس جنه مثل الغسول ب1 وشي..

راايي :
زين مو وواو ماكنت استخدمه وايد كثر الغسول مع انه شي ضروري بس كان كله ضايع :\

(3)

Boots Vitamin E moisture lotion SPF15



مرطب بحمايه بنسبه 15 ..

قوامه لوشن خفيف غني .(فسروها خخ).

سعره هم نفس اللي قبله ..

رايي :
هذا المرطب حاز ع اعجاب عائلي اخوي جربه واعجبه واختي الكبيره بعد واللي كنت استخدم معاها اختي الوسطيه وشرت 2 بعد وماشاءالله خلصناهم كلهم ..

اهو الاحسن بهالمجموعه وع قولة اختي عادي نشتري مره 2 ..
نسبة الحمايه بسيطه بس العوض ولا القطيعه..


(4)

 Boots Vitamin E 3 in 1 Facial Cleansing Wipes 25
بما انه الست اول جم اسبوع عجبني لدرجة انه خذيته معاي لما سافرت  لان حبيته وحسيت ويهي فرق علي كترطيب ونعومه  وفرق علي بشكل بسيط من ناحية النظاره والصفا ..

رحت خذيت الكلينكس للازمات وللدوام ..

واهو 3 في 1  (تنظيف , ترطيب , انتعاش)

رايي فيه :

اقل اقل من عادي بالنسبه لي كتنظيف ماحسيت ذاك الفرق  حبيت الغسول اكثر , اما ترطيبه بسيط جدا صج يوخر حراشيفي بس مو بمستوى ترطيب اللوشن ,وبالنسبه انتعاش ماحسيت فيه كلش ..

واختي استخدمته مرتين او 3 وقب ويهها تحسست منه :\

واخيرا..

Boots Vitamin E Hand and Nail Cream



كريم للايد والاظافر ..


رايي :


اختي اهي اللي شرت هالمنتج ..
وجربته معاه مرتين او 3 ماحبيته مرطب الويه احسن منه واعتقد هذا راي اختي بعد ..

مجموعة عبي من تصميم منى الاربش ..








Mona Alarbash
 Twitter & Instagram @Alarbash_design
Tel:96687852

- Posted using BlogPress from my iPhone
Tuesday, June 26, 2012

أول موقع كويتي لتبادل الكتب الجامعية
Tabadul - The first Kuwaiti website for exchanging textbooks

(اضغط ع الصوره لمشاهدتها بشكل اوضح وقراءة التفاصيل)


لزيارة الموقع اضغط هنا ,,

حبيت الفكره (موفقين يارب)
Monday, June 25, 2012


هل ترغب ببدأ حمية غذائية ولكنك تخشى من حرمانك من المأكولات المحببه لديك؟ هل تحلم بجسم رشيق مع بداية الصيف؟ مللت من النصائح الغذائية ومراجعات عيادات الحمية الغذائية من دون جدوى؟
برنامج كالونوت هو دليلك الغذائي للسعرات الحرارية في وجباتك اليومية المعتادة، يوفر لك كالونوت السعرات الحرارية لأكثر من ٨٥٠ صنف غذائي مقسمه على اقسام متعدده ومنها قسم المشروبات، الايس كريم، الشوكولاتة، وقسم المطاعم الذي يحتوي على المطاعم التالية: ماكدونالدز، كنتاكي، هارديز، شيك شاك، بينك بيري وغيرها

هذا وهناك ايضا العديد من المواضيع المفيدة المتعلقة بالصحة والتغذية من مقاسات الحصص العالمية وكيفية حرق السعرات الحرارية المكتسبة بالاضافة الى الاحتياجات اليومية للسعرات الحرارية وغيرها الكثير
مع برنامج كالونوت بستطاعتك تنظيم وجباتك اليومية والمحافظة على وزنك بخاصية حاسبة السعرات الحرارية التي من تتيح لك اجراء عملية الجمع الحسابية لكل الاصناف التي سبق وتناولتها لتتعرف على مقدار السعرات الحرارية التي اكتسبتها من وجبتك
** جميع المعلومات الغذائية المذكورة في برنامج كالونوت مدققه ومراجعه من قبل اخصائي التغذية العلاجية والرياضية : د.احمد الصالح.


سعره : $1.99

اللينك :  اضغط هنا 



- Posted using BlogPress from my iPhone
Sunday, June 24, 2012
اليوم بالدوام حلينا من chocolatenesskw عزمتنا عليه زميلتي


كاهي الحب المنتظر .. ( عقب مرتين كل اتصل يقولون ماكو الظاهر صج ال٣ ثابته)

سعرها:
طبعا يوصلون بالدرزن واحنا ماخذين درزن ميكس ب ١٢ ..
رايي:
ثقيييييله بما تحمله الكلمه من معنى ( اهي كوكيز وبالنص صلصة الككاو الذايبه)بس اعتقد انه الذ من مولتنهم العاديه..

للطلب:

@chocolatenesskw << تويتر والانستغرام ..

Chocolateness-Phone:- 22960606


عنوانه : برج جاسم بمنطقة المرقاب ش السور

 اكرمج الله :*
- Posted using BlogPress from my iPhone
Saturday, June 23, 2012
امس رحت فاشن مل اتطمش احب بجايمهم ولقيت عندهم دلاقات الفلات و ساعات احصل عندهم كارديغانات مرتبه وكد ومد واكيد رخاص ع ٣ ..
اول مادشيت لفت انتباهي هالتنوره بلاسيه ولونها حلوو ..

وعقب لقيت توب ع سبايكي وهن لونه حلو وفي منه الوان ٢..

زوم ع السبايكي (ناعم)

سعرها ب٣ وشي
هالبنطرون عجبني (اشكره احب هاللون خخخ) ب٥ وشي


وفي منه الوان حلوه اذا لاحظتوا مبين بطرف الصوره ..

عقب لقيت بنطرون بلاسيه..

هم في الوان حلوه بس في منه نوعين نوع زين ونوع السير عريض بايخ ..
سعره ب٩ وشي..
وفي البنطرون الوسيع العادي ب٧ بس اغلب الوان والمقاسات طارت :/(ماشاءالله)
عموما مافي مقاسات لاغلب الصور اللي نزلتها:(

- Posted using BlogPress from my iPhone
Friday, June 22, 2012
قبل جم يوم وصلني ايميل عن تنزيلاتهم ..



وامس رحت له يعني عقب يومين من بدايتها..

هالمره التنزيلات مو شي مو مثل اللي فاتت كانت قويه عروض ع كلشي حتي الست هذا اغلب الشغلات ماعليها ..

وهم الخدمة كانت مو ذاك الزود من اللي يشتغلون بالمحل (الفلبن) اسلوبهم كان زفت خطر لا يطقني واللي تحقر واللي تاشر بدون نفس من بعيد !
عكس قبل التنزيلات اسال عن شغله خطر لا يشيلوني لا عندها ومايبقى ريحة ماترشها علي و بس باجي تفركني عقب تدهني خخ ..
بعرف التنزيلات ع الاغراض ولا  ع معاشهم ع هالنفس الخايسه !!

مشترياتي:(صورت الشغلات اللي عليها سيل بس)

زبدة و شور جل من كولكشن تولايت



اسعارهم ؛
الزبدة كانت ب٥،٥ صارت ٢،٧٥٠ ..
(في ٢ الظاهر اختي وزعتها اهما ٢ لاختي الكبيره) وكانت تبي اللوشن بس ماحصلنا مخلص ..
وشور جل الحجم الصغير كان ب٢ وصار بنص..(خذيته عبط مو محتاجته)
الكبير جنه صار بدينار ونص ومااعرف جم سعره قبل ..





هذي نقصة لبيرو (بلوقر) بالعماله حطيت الصوره لاني حلفت انها نقصه (فهمتي بيرو مالي خلق اتعافر معاج يوم الاحد خخ) في شهود..
كان ب٤ صار ب٢..

يعني التوتل المفروض ٢٥ صار ١٢ اذا غلط طوفوا 😁


- Posted using BlogPress from my iPhone



هالتلفون ماشاءالله بسرعه يخلص ..

رحت اكثر من مره لزين ماحصلته كل مخلص (تعالي الظهر اروح ماكو ماوصل او خلص ، تعالي باجر اروح امس يبنا وطار!!)
بالغانم موجود بس حجز اختي حجزت من سايتهم عقب يوم او ٢ وصل لها ..

اليوم مريت الهاتف الاسباني استغربت انه موجود !! غريبه ليش مايعلنون عنه مدام مرغوب..
وسعره اعتقد ١٩٠ جنه فرق دينار عن زين والغانم يعني ولا شي والاهم انه ع طول تاخذ لا نطره ولا روحه ورده ولا حجز !

وبالعافيه ع اخيتي :*
- Posted using BlogPress from my iPhone
Wednesday, June 20, 2012

They Are Finally Here! Je La La!s first silver gold plated ear cuff collection that is!

Make your style even more Diva-liciouse, with the different designs of 18K gold plated silver earcuffs with rhinestones and flower corals..that scream its summer and i am rocking my dara3a.
Je La La! authentic jewelry is a business that was launched in 2009 by Lulwa Al-Terkait, , in order to give you only the finest Gold/silver, and diamond and rhinestone jewelry designs. whether it's funky, modern, classic, or cute!, je La La! is here to grant you your wishes and provide you with unique pieces of jewelry.






















for more info:
call or whatsapp: 00965-97883866
twitter: @jelalajewellery
@Lulwaalterkait Instagram: @Lulwaalterkait
>

- Posted using BlogPress from my iPhone
Tuesday, June 19, 2012
الاغلب يعرف هالمحل واللي متخصص بمنتجات العناية بالبشرة والجسم والشعر (صابون ، سنفرات، كريمات...الخ) واللي يتابعوني يعرفون هوسي بهالسوالف..


بس هالمحل فيه عيبين :
الاول:
اسعار المبالغ فيها بالكويت مقارنة باسعاره بسايته الرسمي وبمحلاتهم برا يعني اللي عندهم ب٤ باوند بالكويت يصير ٤ دنانير يعني مجرد تغير العمله اما الرقم ثابت وكلنا نعرف انه الباوند نص يعني ٤ باوند =دينارين بس..
مره خذيت منه هديه سعرها تقريبا ٩ بالنت بالكويت تنباع ب١٨!!

العيب ال٢:
قاعدين ندفع الدبل تقريبا بدون لا نحصل مميزات تفرق عن اللي برا وتسوى وانه ندفع الفرق ..
اقصد التغليف اغلب منتجاتهم هذا تغليفها..

يلفونها بورقه عقب ماتكون مكشوفه قرن !
ولما بنستخدمه الورق مايكون عملي عشان نسكر مره ٢ لحمايتها من جونا الحلو..


مثلا هالصابونه اذا استخدمتها اسبوع زين دشيت الحمام وانتوا بكرامه حسبالي خلصتها بدون لا احس لانه حجمها صغر فجاءه !! اثر ذايبه و نصها بالقاع انقهرت ..كنت احبها..


هالديودنت ماجربته كلش بس كنت شاريته مع الصابونه السودا اللي فوق هم اخترب قبل لا استخدمه..

اما هالسنفره قصتها قصة هذي مغلفه بطريقه خاصه مو مثل المنتجات اللي تكلمت عنهم فوق ، تغليفها عباره عن قوطي بلاستيك وعليه ورقه ملزقه اذا بطلتيها ماتلزق مره ٢ ( مثل شكل قوطي الروب بس من تحت دائري)
طبعا تعقدت حسبالي سنفره عادي حاولت اطلعها بايدي مثل اي سنفره ماقدرت خفت ع اظافري وايد صلبه !! عقب لما طلعت من القوطي قلت اتفرك فيها مثل الصابونه وايد خشنه شلختني :/

ومره عطيت رفيجتي صابونة للشعر اعتقد ع حرفها هم ذابت!!

واللي اعرفه انه تغليفهم يكون هالطريقه للمحافظة ع البيئة حلو هالشي بس دوروا طريقه تحافظون فيها ع البيئة والمنتج بعد مثل اعادة تعبئة العلب مره ٢! ع اقل لدول الخليج بس احنا ندفع سعر مدوبل وجونا يختلف خلونا ندفع ع شي فرق وميزه ومنتج يتم ..
- Posted using BlogPress from my iPhone

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads