Monday, August 12, 2013
 
احب الصابون الجامد او صلب لايدي  وللاستخدام الشخصي في يتنا بس بحمامنا الخاص وانتوا بكرامه حمام الضيوف احب السائل وهم برا بيتنا لازم سائل ..
 
المهم اخر تجاربي كانت لهالصابونه..
 
 
 
من مجموعة الوايت مسك من بودي شوب ..
 
التجربه كانت وايد قصيره ماكملت اسبوع يومين او 3 بس لانه قرحت ايدي منها وزادت الحساسية  وماقدرت استحمل فعلى طول غيرتها لصابون 2 هم من بودي شوب بس وايد اريح يمكن لانه هذي فيها عطور فشبت حساسيتي :\
 
المهم سعرها بحدود 1.500 دك ..

 
اول امس رحت مع اختي الصغيره نتغدا بهالمطعم وهالمطعم من سنين ودي اجربه من كنت ب23 وقلت بخليه لعيد ميلادي 24 بس ماله كتب وبرمضان كنت بتفطر فيه بس مادليته واذن :\ هالمره افتريت عدل واشوه لقيته ..
وموحافظه اسمه عشان اسال عنه اسميه المطعم الايطالي المقلوب خخ..
وصلنا
 
وفي قعدات خارجيو وداخليه..
 شوفوا اسمي منور بالصوره خخ..
 
المهم اخترنا الخارجيه لانه اشرح ..
 هذا المنيو ماشاءالله متروس من مالذا وطاب واطباق غريبه انا شفت اول جم صفحه واخترت جم طبق وماكملت المنيو عشان مااتهور :\
 
هذي الضيافه
 
وهذا اول طبق عباره عن قطع لحم وعليها صلصة وفوقه بطاط ..
 
وبيتزا ببروني هالصورتين من تصوير اختي الصغيره..
وهالطبق ربيان بالقسماط وعليه صلصه لذيييييذ برد المطعم عشان ماشاءالله ..
 
 
وهذي الفاتوره فيها اسماء الاطباق و اسعارهم ..
رايي :
 
الخدمة زينه ..
 
الاسعار مناسبه ..
 
الاكل اكثر من زين واطباق وايد ومتنوعه مثل ماقلت فوق ماشفت كل المنيو وبرد مره 2 عشان اجرب اطباق يديده وارد اطلب طبق الربيان مره 2 ان شاءالله ..
 
عنوانه :
Al Bidaa - Tel: 22 26 31 12
Al Hamra Luxury Center - Tel: 22 27 02 75
Grand Avenues - SoKu - Tel: 22 20 08 82
Saturday, August 10, 2013
امس شفته بالافنيو استانست لانه ودي اجربه من 3 سنين وزود اقصد ككافيه مو بس مولتن ..
 
 
عيبه اللي برج جاسم مايبطل الا ع 3 العصر ..
 
وطول ياله بطل ان شاءالله هذا يبطلونه بسرعه ..
 
تجاربي السابقه :
 
 
 
 
وتوني الاحظ في وايد شغلات يديده عندهم اطباق ونكهات يديده للمولتن مثل الرد فيلفت وهم صار في اوردر اون لاين .. حلو ماشاءالله ..

 
t
 
Chocolateness-Phone:- 22960606



عنوانه :
برج جاسم بمنطقة المرقاب ش السور
 
والفرع ال2 بجمعية الخالديه ..
 
وهذا سايتهم يصير تطلب منه اون لاين مثل ماقلت فوق  link
 
وفيهم عيب شرعي بالنسبة لتوصيل عشان يوصلون للجهرا لازم 3 درازن شدعوه مثلت برمودا الخارج مولود والداخل مفقود ولا بوزع ع الفريج :/ المفروض ياخذون رسوم ع التوصيل ارحم ع اقل ويكون مبلغ بسيط دينار مثلا ..
 
 
 

 
 
امس مرينا غاريت اختي الصغيره تبي نفيش ..
 
 
جان اشوف انه منزلين نكهة يديده اعتقد  نزلوها برمضان  (اهو بوب كورن بالجوكلت \ الككاو )
طلبت اذوقه ..
 
ومتوفر بالككاو العادي او الابيض ويكون كل نوع ميكس مع الكراميل ..
 
عجبني ف سالتها يصير تسوين لي ميكس الابيض مع الككاو قالت نو جان اسكت كسرت خاطر نفسي اول مره اسكت خخخ المهم جان تقول ع طول بس راح اسويلج ..
واخترت الميديم ..
 اذا بتطلبون منه اي نكهة هذي او غيرها طلبوها تكون بهالجيس احسن من العادي لانه في قطعه تتحكمون فيه وتسكرون وتفجون ع راحتكم و يتسكر عدل ومايدش فيه هوا يخربه او وصخ ..
 
سعره :
2.950 د.ك
 
رايي :
 
لاني احب الككاو حبيت فخذيت منه وهم ولد اختي مثلي يحب الككاو فعجبه اما امي ماتحب النفيش الحالي فما حبته ..
 
وحبيت الخدمة اللي كانت اسمها joan حليوه وفرندلي وخدومة ..
 
موجود ..
 
بغراند الافنيو (بدايته ) وموجود بكدزاينيا ..
 
واحتمال قريبا يفتحونه بالسالميه ..
 
وبالنسبة لبرا الكويت احتمال يبطلونه بالسعوديه وتحديدا بجده ..
 
 
Thursday, August 8, 2013
هاللون مو ستايلي بس لانه صار فيني هوس مكياج وبجرب كلشي طق بالي ابي حمره بنفسجيه ع وردي وابيه تكون كريمه مثل طريقة القلوس بس بدون قلتر ولونها غني ..
 
 
دورت وشفت اكثر من ماركة وماحصلتها الا برفلون استانست وع طول خذيتها ..
 
هالحجي الاسبوع اللي فات وبرمضان انا ماحط مكياج وتوني بس جربتها بالبيت ..
 
 
رايي :
 
التجربه باختصار فاشله جدا جدا ..
 
اول شي لونها خفيف وقوامها دبق  وهالشي مابين الا لما جربتها عدل..
 
بالبدايه تكون رطبه عادي فجاءه تصير مات :\ وهم لي الحين دبقه :\ ولونها صار ابيخ ومن اضاءه لي اضاءه يفرق بس كله بايخ  :(
 
وحاولت اوخرها  بماي ماراحت (حبكت تصير ثابته خخخ ..
 
سعرها :
4.500 د ك..
 
افكر اوديها  رسايكل فافافوم واخذ فيها فاوتشر 3 دنانير خخ ..
 
 
 
 
Friday, August 2, 2013
ماشاءالله شخابيط صايره كلها جهراويه خخ لانه وناسه بطلوا عند وايد محلات يديده ..
 
وامس بالصدفه اكتشفت انه ردوا بطلوا عندنا ولما سالتهم متى بطلتوا ؟ قالوا بيصير لهم شهر ..
 
 
شكله من داخل ..
 
فصلت ع هالخامات تشوق الوانهم خذيت لي وحده عن خاطري ولي الحين ما حددت شبسوي فيها ؟
 
حبيت الصفرا
 
وهذا من  صوب الكلف احترت اخذ اي لون
وبعد في قسم للاكسسورات بس مارحت له بس شفت صوب الخامات والكلف ..
 
عنوانه :
 
الجهرا - سليل - البوابه اللي يم صالون برجيت ..
 
 

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads