Friday, September 30, 2011
حصيلة جولتي النتيه  اليوم هذي :)

بنت تسوي لولي بوب وكيك عيد ميلاد..

 عروسه ومعرس (يشابه ريل رفيجتي خخخ) ..
 للمو اليد (عيال المعايس خخخ )..
 وهذول  اللي يو  استقبال  الولادة :)
 اسعارهم :

 Cake Pops:

Classic Cake Pops
12 Classic Cake Pops (1 Dozen) : 6 KD
Minimum order is 24 pieces (2 Dozens)

Customized Cake Pops
12 Customized Cake Pops (1 Dozen) : 8 KD
Minimum order is 24 pieces (2 Dozens)

All orders must be placed at least 48 Hours before delivery!


▪ Birthday Cakes:

Birthday cakes prices depend on the theme and size.
Just tell us about the theme of your party and we'll be glad to do it.
Please try to contact me as soon as you set the date of your occasion and at least 3 days before it.


Flavors currently available:
▪ Red Velvet
▪ Vanilla
▪ Chocolate
▪ Pumpkin
▪ Carrot


ت :65155099


مجربينه ؟؟
Thursday, September 29, 2011
من زمان منيوهم عندنا بس تونا نجربه وعجبنا وجربنه مرتين ورا بعض ..

 اول يوم طلبي كان :

تيركي وسويس ..

 حبيت انه قاصينها ومغلفين كل قطعة بروح ..
وانه يخيرونه بين اكثر من نوع صمون ,انا اخترت الفرنسي ..
 من داخل ..

ديك رومي , جبن سويسري ,مايونيز ,طماط بالفرن وخس ..

كليته ع مرحلتين صبح وباليل وحبيته عقب التسخين اكثر ..

وشبس شروكه بيني وبين رفيجتي   و 2 يوم جربنه مع جبن ماحبيته لانه تجمد حلاته يكون مع شيدر , بس شبسهم حلو  ..

وحلينا هم شروكة ,بنوتيلا مع موز << ماحبيته..

اما اليوم عزمتنا رفيجتي عليه واخترت سيزر ..
 طعمها زين و صلصة راهيه ..

صورت الفاتوره عشان تكون عندكم فكره عن اسعاره (وايد مناسبة)
اكرمج الله ام فطوم :*

رقمه :22478769
قبل جم يوم يالي ايميل عن هالسايت وايد حبيت فكرته يديده ومميزه ماشاءالله ..

فكرته باختصار..

حلم ام وابنتها تحقق وصار بهالسايت اللي اهو عباره عن معرض للقطع الفريدة من ازياء واكسسورات ونظارات واحذية و اثاث ... الخ وحتى الاغاني من زمن الخمسينات والستينات (العصر الذهبي للاناقة ) من خلاله يقدر اي شخص يعرض بضاعته فيه ( اذا كانت موافقه للشرط الزمني والجوده ) ,و بعد اهو اللي يحدد سعرها..

لزيارة الموقع اضعط هنا 
Wednesday, September 28, 2011

اول امس كنت احوس بربوع النت ولقيت سايت يديد قعدت اتصفحه..

وصلت لي الخواتم ولقيت هالخاتم ..

جان انبهر انشقح انثول ..



مو من حلاته (عاجبني مااذمه )بس انصدمت من سعره..

عندي مثله بالضبط من h&m ...

ب 1.900 د.ك ..

اهو عباره عن 5 خواتم (واحد حجر, 2 معدن , فص , جرادة) انا لبسته نفس الموديل اللي بالصوره عشان تشوفون انه الخاتم  نفسه بالضبط ..

كنت مصوره ب3 منهم هني  بس يبينون 2
Tuesday, September 27, 2011
امس ماقصرت زميلتي طلبت لنا ريوق من البحصلي..

 وكان معاه هالقنبلة :)

وطلبنا بيتزا..

وتشكيله فطاير ( جبن -  فلافل -  دجاج مسحب-لبنه -لحم -نقانق بالجبن.....الخ )
رايي :

طعمه زين واحلى شي فيه انه وصل حار:)

خدمة التوصيل : 1844111

اكرمج الله لطوف :*


بلوق يديد لشاب صغير من شبابنا المغتربين للدراسة برا ..

فيه افكاره واراءه باللي يدور حوله ..

اليوم طلعت من الدوام أركض أبي كاكاو .. تريقت وماكليته مإقدر :/
فرحت مع أختي أجرب شيء يديد

وصلنا ..

 اخترت الصغير ..

وحبيت الفيونكة
 من داخل
وفي منه 3 احجام ؛

اللي اخترته الصغير في 3قطع و ب 1,500
وفي الوسط عباره عن 12 قطعة ب5
وفي الكبير تقريبا 24 قطعة وب 10

رأيي :

طعمه زين واللي تبيع حبوبه

موجود ؛
بجمعية اليرموك

ويوصلون بعد ت :
94445922
 
Monday, September 26, 2011
هالشهر اخترت هالسبا لاظافري :)

عقب ماسمعت شكثر يمدحونه..

وحجزت بفرع الجابريه :


اخترت نوع السبا نسيت شنو اسمه بالضبط بس المنيكر والبديكير سعرهم 17 د.ك واهو مخصص لجفاف (dry skin)..

اللي سوت ايدي اسمها جوي اما ريلي سوتها جيلي..

كنت بقعد هني عجبتني الطوفة :p

بس غيرته عشان اشوف التلفزيون ..

اصباغ الاظافر ..

في opi .e isse... الخ ..

واستغربت انه في شويه زويا ..


الضيافة , جاي اخضر وكوكيز ..

اخترت هاللون ..
اسمه :

knockout pout  من essie

النتيجة :
غصب قدرت اصور لون كل يطلع فاتح وغير عن الصج , هذي اقرب صوره , مااحس اختيار موفق لانه يسمممممممر الايد والريل :\


رايي :

شغلهم زوين مو وااو ..


اكثر شي حبيته بشغلهم انه التريتمنت للايد كامله يعني لي قبل الجتف بشوي , والساق لي فوق الركبة بصبع :p

التريتمنت كان نفس السنفره على ماسك وعقب فركوني ومسحوه بالفوطة الحاره واخر شي رطبوا بشرتي بكريم << بسيط :) بقلدهم :p وطبعا مساج خفيف ..
Sunday, September 25, 2011
 من زمان أختي ودها تجربه ..

وصلنا .. 
 هذي الطوفه عجبتني ..


 وهذي يارة طاولتنا ..

 والمنيو ..
 وصلت المقبلات ..
خبز ايراني حار وخضره وجبن مالح
 وطلبنا بس طبقين

كباب ناز المميز

غباره عن مشاوي مشكله من كباب كوبيدة ، جوجة ،طرش وجوجة مستي
 ومرق بإميه مع عيش

 والفاتوره

رأيي :

الأكل زين وراهي وأغلب اسعاره رخيصة ..

موجود :
 جمعية بيان و الجابريه وزهرا وشرق
Saturday, September 24, 2011

قبل سنه و نص شفتهم بمجله وعجبوني وقلت لكم عنهم هني

(1)

Refer Cracked Heel Cream

مكتوب عليه :ضايع الكرتون بكتب اللي مذكور على العصار نفسه :
طريقة الاستعمال ؛
ضع الكريم على كعب القدم أو أي مكان اخر به تشققات في الركبة أو المرفق أو القدم ثم دلك برفق .
يستعمل مرتين في اليوم على الأقل


(2)

refer tough spots cream

مكتوب عليه :
كريم ريفير يمنح بشرتك نعومة فائقة ويعيد لها حيويتها وبريقها ، كريم ريفير مثالي للركبة والكوع .
طريقة الاستعمال :
يوضع الكريم ع الأماكن الخشنة والبقع ، يتم التدليك بحركة دائرية برفق لحين امتصاص الكريم ، يستعمل مرتين يوميا على الأقل .

وصناعتهم تايلنديه

رأيي :الأول حبيته أكثر النتيجة كانت اوضح وأقوى وأسرع مإشاءالله خلال أقل من اسبوع حسيت بفرق كبير و بعد مأخلصت بأقل من اسبوعين حسيت نسبة التحسن حوالي 90بالامية .
إل2 كترطيب حلو حبيته ، أما التفتيح بسيط جدا حوالي 30بالامية الفرق .

الاثنين ميزتهم انه ريحتهم زينه ، ترطيبهم حلو مو خفيف ولا دبق ، يعني ماكنت أحس فيه بس بنفس الوقت يبين اني مرطبة هالاماكن .

عيبهم الكريم شويه مع انه 50 مل بس أحس متروس هوا مو كريم يعني تقريبا استخدمهم 10أيام غالبا مرتين باليوم وخلصو :/

حصلتهم :
بصيدلية النهدي بمكة

سعرهم :
20 ريال وشي
Friday, September 23, 2011
احب التاتو بس طبعا المؤقت ..

بعرس رفيجتي بدال لا احط نقشة حطيت لزقة ..

رايي :
توقعت تكون بو طقه وبسرعه تطيح بس تمت حتى نسيت اشيلها وتسبحت وما راحت الا لما انا شلتها..

والحلو انهاستيكرز مو النوع اللي يلزق بالماي ..

خذيته من السوق الصيني بدبي ..

سعره :
ب5 درهم :)
Wednesday, September 21, 2011
اليوم رفيجتي يابت لنا ريوق من كيوي ..

رولز البوكس العائلي .

زوووووم

الصمون درزنين ..

درزن سويت ..

رايي :

وااااااااايد حبيت الصمون لذيذ خصوصا اللي جنه عجفه الذ شي جربته عندهم  وهم خفيف ونظيف..

الرولز زين والكيك ذقت التمر كان هم  زين ..

وسالتها عن رايها بمعاملته وخدمته :

قالت وايد زينه ومواعيد توصيلهم مضبوطه..


اكرمج الله ام عبود..

شكرا كوكتيل ع تصوير ..


تحديث :

tel 22665258 / 22665257

حولي يم مجمع 3 بلازا مول ، مقابل القادسية

من سنتين جربت هالمجموعه وحبيت ريحتها حلوه وفواحة و برمضان مريتهم ولقيت منتج يديد منها ..


اهو شمعة المساج اهي شمعة عاديه بس الشمع الذايب تستفيدين منه كزيت للمساج ريحة تكون مركزة بالزيت كثر من الهوا يعني ماتنشر :\ , اليوم شبيتها بالدوام اعجبت اغلب البنات ريحتها ..

ومريتهم اليوم باخذ هديه لرفيجتي (هدية شكر ) فلقيت منزلين بعد منتجين يدد للمجموعه اهما معطر الشعر , والعطر الجامد..

الاسعار :

المجموعه قبل 3 منتجات (شورجل ولوشن وعطر) = 12 حاليا صارت 16 ..

الشمعه ب5ونص ..

وماذكر سعر المنتجات اليديده بس كست كله يطلع ب30 ..

فروعه :

  • Al-Manshar Mall - Fahaheel
  • Al-Kout Mall - Fahaheel
  • Al-Bairak Mall - Ageila
  • 360 Mall - 6th ring road

 

  • Arbeed Plaza - Farwaniya
  • Maghatir Mall - Farwaniya
  • Al-Manar Mall - Jahra
  • Sahari Mall     - Jahra

وفي له فروع بالسعوديه بس مو محددين لا بكرتهم ولاسايتهم عن مكانهم وين بالضبط..

لزيارة الموقع الكتروني اضغط هنا
Tuesday, September 20, 2011
من زمان قريت انه نازل بس مو وايد احب الدونت فما اهتميت ,اليوم كنت بمجمع فلما شفت محلهم رحت بطلب وشفت الميني كنت ابي 2 وطلبت !!

20 خخخخ ..

السعر :

ع قولته عرضهم الحين الدرزن = 20 حبه = 3ونص د.ك ..

استغربت من عدد حبات الدرزن عندهم خابرته 12 خخ..

رايي:
غرامي الميني :) , ولما ذقته اكثر شي حبيته العادي اسمه اعتقد اورجينال وايد الذ من الككاو  ..

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads