Friday, April 16, 2010
السلام عليكم ..
عندي شخبوطيات متنوعه بسولف عنها اغلبها تطرقت لها بمواضيع سابقه ..
(1)
Minx nails كنت ناويه اجربه الشهر الياي وبلشت ادورمكان سنع يسويه ..
بس قبل جم يوم شفت اظافر رفيجتي شلون صاروا منه خفاف وصفر حرام :\ جان اهون , وعلى فكره اهي جربته مرتين مره بيوم ميلادي يعني بنص شهر 2 والمره ال2 لما كنا رايحين نسوي اظافرنا شالته يعني بنص شهر 3 ..
و عجبوني الخواتم وصج خاطري اجرب هالنوع بس قلت ماكو الا ادور صبغ يعطي مثل النتيجه ..
تعرفون بنات وين اقدر احصل صبغ يعطي نفس النتيجة؟؟
(2)
وانا اتصفح مجلة سيدتي لفت انتباهي هالاعلان وهو لكريم لقاعة الريل وكريم للكوع والركب بس مكتوب انه بالسعوديه ومادري عاد موجود بالكويت او لا بس جاري البحث عقب ماينزل المعاش ان شاءالله ..

اللي شافته او جربته تقولنا بليز :)
(3)
ماكنتوش قبل جم يوم قلت لكم انه اللي احبهم احتمال يكونون انقطعوا رفيجتي بالدوام يابت لي منهم بس قالت هذا من زمان شارينه اليديد مافي :\



احد عنده معلومه اكيده قطعوهم ولا لا؟؟
(4)
احب الكوكيز :) اخر تجاربي مال كنتاكي جربته اول مره مع رفيجتي من زمان واذكر كان زين بس ..



لما طلبته هالمره كرهت عمري كان طعمه جنه مو مستوي والككاو يابس :\


20 comments:

Zabo0o6a said...

انا جربت المنكس قبل فترة بالسبا اللي بالافنيوز بس اللي بالصالون يقولولج لاتتعدين الخمس الى 7 ايام وشيليه انا الصراحة خليته 5 ايام وشلته توقعت اظافري تنعمي بس الصج عادي ماحسيت انهم اختربوا او شي بس يمكن على حسب النوعية رفيجتج وين سوته؟

رورو الشخبوطه said...

هلا زبوطة..

زين ماشاءالله..

اهي اول مره بالافنيوز وال2 جنه هم نفس المكان مو متاكده..

بس اهي الله يهداها يخيس بيدها خخخ..

ومرسوو..

لمار said...

مرحبا رورو.. يعني صاحية الحين اكيد شفتي الفلم الهندي في ام بي سي ماكس :) انا غرامي صبغ الأضافر وهاللون حلو انا اول مرة اشوف هالحركةبالأضافر شكلها يشوق..شكلي بشتري اصباغ اضافر واسوي لعمري اما كريم الرجل ترى لاتعتمدين علية لأن لما تتركينة يرجع كعب الرجل مثل اول استخدمي الفكس و الفازلين وربطي روجلك بنايلون الله يعينك وشوفي بعدين النعومه يووووه طولت السالف يالله باااي .

Engineer A said...

الكوكيز مال كنتكاي مو شي كلش!

انا مره انغشيت فيه وكان طعمه مو ذاك الزود ما قدرت اكمله!

بس عجبوني ال nails

:)

Made n Q8 said...

رورو بدال المينكس خل يحطونلج نيل بولش العادي ويرسمولج فوقه :D بس اكيد ماراح يعطيج مثل نتيجة المينكس

والكريم شنو ماركته مو مبينى خل ادوره معاج!

كنتاكي عندهم كوكيز والله توني ادري :)

ويعطييج العافية

Ms Botamba said...

يمدحون منكس بابلز و مي تايم :)
انا للحين ماجربته

بس لحظة اللي فهمته ان رفيجتج حطته شهر كامل !!!!
شلون ؟ انا اللي اعرفه انه حق 5 او 7 ايام مو زين اكثر :\

sa5er said...

كوكيز هولندا غير العلم كله ..
الي يقول كوكيز "كنتاكي" أبضحك عليه لي اليوم الي راح اشوف فيه الجويهل نائب وابسكت ..!


** فمان الحريص !

شاي الضحى said...

المينكس ما حبيته

والكريم ما اعرفه :q

تعليق سريع لاني بطلع هههه

Mohammed said...

رورو ,,

جربي الوصفه اللي حاطها مال الكوكيز اذا تذكرينها وربي ماتشبعين منها

خفيف وطري وشغل بيت 100%

وعليج بالعافيه .

Anonymous said...

الماركة مالت الكريم
جربت للبقع السود للركبة والقوع
فظييييييييع لايطوفج
وفعلا انا يايبته من السعودية من مكة صيدلية النهدى

رورو الشخبوطه said...

هلا لمار..

لا ماشفته من زمان عن الافلام الهنديه..

والمنيكس لزقه مثل الستيكرز مو صبغ ..

وع الخلطه ماحب لا الفازلين لانه دبغ ولا الفكس ريحته خايسه واتوقع اي شي لي تركتيه تتاثر المنطقه حلاته من تخلصين شي تستخدمين بديل عساس ماتتعود عليه المنطقه وعقب ماياثر فيها وهم عشان ماترد مثل ماكانت..

وانا ابي كريم الكوع والركب :)

الريل عندي وايد..

ومرسي..

رورو الشخبوطه said...

هلا انجو..

عاد رفيجتي تمدحه وجربته معاها وكان زين الظاهر اخترب..

وحياج الله..

رورو الشخبوطه said...

هلا مدمد..

اي فكره للاشهر القادمه خخ..


والكريم اهو ريفير بالانجليزي refer ودي بمال الكوع والركب ..


اي بس مو كل مره يضبطونه :\

الله يعافيج يارب..

ومشكوره..

رورو الشخبوطه said...

هلا ميس..

انا جربت بابلز بس لشغله 2 وابي اجرب مكان يديد كتغير ورفيجتي جربت مي تايم ..

انا خاطري باماكن 2 :)

لا مو شهر كامل حطته مرتين مره بشهر 2 ومره بشهر 3 ..

وحياج الله..

رورو الشخبوطه said...

هلا اخوي ساخر..

يعني اروح هولندا عشان كوكيز اللي يقول جذي بضحك عليه ليما اللي يسمي نفسه النائب ال51 يدش المجلس :\

عموما مادحين كوكيزهم بس انا ابي بالكويت مو برا ..


حياك الله..

رورو الشخبوطه said...

هلا جايونه ..

خخ انا حابته :)

هذا نص تعليق :)

وحياج الله..

رورو الشخبوطه said...

هلا اخوي محمد..


اي اذكرها وان شاءالله بجربها وبحط عنها اذا ضبطت بالبلوق :)

والله يعافيك يارب..

وحياك الله..

رورو الشخبوطه said...

هلا غير معروف ..

صج زين ماشاءلله اذا ماحصلته بوصي عليها ان شاءالله..

ومشكوره..

كوكتيل said...

أنا كنت احب كوكي كنتاكي بس صايرين على المزاج مرة زين وعشرة لا :(

بس صرت مدمنة كوكي السينما بلا منافس :)

رورو الشخبوطه said...

هلا كوكتيل..

حتى مال السينما اخترب :(

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads