Sunday, April 4, 2010
السلام عليكم ..
من اول اهدافي من اهتمامي بنفسي بالنسبة للعناية بجسمي اهي توحيد لونه والمحافظه ع نعومته لانه الجفاف يساعد ع اسمرار الجلد ..
شغلات بسيطه وجربتها وحسيت انه له نتيجه ..
(1)
صابونة الشبه من بيت الصابون اللبناني ..
نتيجتها قد تكون بسيطه بس لها فايده ,وهم ريحتها مع عنها عاديه بس احبها بالنسبه لاستخدامها اكثر شي استخدمها لغسيل كوعي قبل لاانام ساعات بس بالليل ساعات قبل لا اقيل ..
ومثل ماهو مكتوب ع علبتها طريقة استخدامها : للوجه والجسم ترغي صباح او مساء وتترك دقيقتين حتى تعمل ثم تشطف بالماء .
انا كنت اخليها وافرش ضروس و اغسل ويهي و عقب اغسلها يكون مروا الدقيتين او اكثر.
صورة لكم البرشور عساس تشوفون شكلها من داخل لانه رفيجتي عطيتها صابونه مثل شكلها بس نوع 2 تقول شنو هذي بطاطه خخخ.. << عذروها من جيل انا اكل :p

المكتوب في الصفحه :صابونه نباتية غنيه بزيت الزيتون المغذي , الشبه وملح اللبن (هذول نباتين !!), لتبيض الاماكن الداكنه من الجلد وتوحيد لونه وكذلك التنعيم وشد البشره .
(2)



كريم بريتي تفتيح الركب والمرفق من خلاصة زيت قشر الرز وفيتامين e..
حسب ماهو مكتوب لجميع انواع البشرات..
مكتوب ع العلبه حسب اللي اذكره يستدم مره باليوم ولنتائج افضل مرتين و تبين النتيجه عقب 4 اسابيع وحاطين صور قبل وبعد ..
وسعره تقريبا 890 فلس محصلته بجمعية الفيحاء وخذيته طبعا بناء ع مدح بنات :)
*رايي فيه :
استخدمته لمدة شهر تقريبا او اكثر ليما خلصت العلبه , النتيجه هم بسيطه ومو ناويه اشتريه مره 2 واكبر عيب فيه انه لما اتدهن فيه تظل مثل الطبقه الشهبه ع الكوع نفسه بحيث يبين ابلق ومو سهل تروح يعني عادي اتم لي اليوم ال2 الصبح ..
(3)
الصابون التونسي ..
جربت نوعين منه :
*بالنيله الصحراوية ..


وايد حبيته من 2 مره حسيت بنتيجه حلو ماشاءالله احس اهو التوب بمجال التوحيد اللون وخصوصا لكوعي لاني اركز عليه ..
*وجربت بالعكر الفاسي ..




عادي وماراح اخذ منه مره 2 ناويه اخذ اللي بالليمون وبالاركان هالمره ان شاءالله..
هذي تجاربي البسيطه ..
دوركم الحين :)




32 comments:

شاي الضحى said...

صابونة الشبه عندي نفسها استخدمها اكثر شي لويهي وايد حبيتها

والصابون التونسي عندي بالأركان ما حبيته مادري ليش

وما بقى شي ما جربته من بيت الصابون اللبناني وليلحين مستمره عليهم بس الصراحه ماكو نتيجه مرضيه

الي وحد لون جسمي قعدتي بالبيت وما اطلع بالشمس هذا احسن حل بالنسبه لي وايدي وريولي وايد فرق لونهم

وقبل بايدي مكان الساعه ابيض وباجي ايدي اسود اذا ما لبست ساعه الكل يضحك علي لان مكانها يبين هههههههه

بس الحمدلله الحين اختفى

والسر

10 أشهر بطاله :q

عين بغزي said...

لووووووووووول

من الصعب توحيد اللون
خصوصا لو عرفنا ان ايمان نجم مثلا استحاله تكون مثل زينة كرم !!

لوووووووووووووووووووووووووووووووووووووووووووووووول

اضحك الله سنك

Crazy Girl in aGood Way said...

ماشالله يبيلي حق جيرمني احورف هناك خخخخ

صج اللي دخل مزاجي الصابون التونسي اول واحد بس ليش ياحافظ اسمه النيله ؟؟؟؟؟؟؟

لوووووووول مو جنه النيله كلمه موزينه بالمصري !!!

سؤالي من وين تشترينه ؟؟؟؟؟

وشكرا حبوبه :)

مركبنا said...

احم احم والافضل منهم شنوا (=
ابي نوع واحد ((=
وشكرا

Anonymous said...

من وين انحصل الصابون التونسي ..؟؟؟

Made n Q8 said...

صابونة الشبه حلوة باخذ من ان شاء الله لي رحت الافنيوز

وماركه بريتي جربت منهم صبغه الحواجب والرموش ماجربت الكريم مال الركب

والصابون التونسي صج احسن بو نيله خخ

ShaymoOona said...

تسلمين على النصايح الحلوه ..عن نفسي احسن شي تكريرين الحمام المغربي و تبعدين عن البودر في الاماكن الي اصير فيها التعرق لانها تسود :×

Anonymous said...

مشكوورة عالبوست والتجربة


بس وين نلقا الصابون التونسي ؟

Sn3a said...

ماشاءالله وايد صابون عندج

انا ما اتم على الشي حتى لو ياب نتيجه

ebtsamh said...

يؤ يؤ شخبوطه .. شمتي فينا الاعادي

( الشباب ) الحين يقولون هذي كل

اهتمامات البنات :(

بس من وجه نظر ثانيه نقل التجربة

مفيدة للبنات يستفيدون

mazyona said...

مشكورة
تسلمين

Om Hrooby said...

تصدقين عاااد ..يعجبني فيج اهتمامج بنفسج ولا أنا مو مالي خلق هالسوالف ..يالله كريم ترطيب ..

الله يقويج رورو^^

دمت أحلى ~

رورو الشخبوطه said...

هلا جايونه..

خلو ماشاءالله انا ماقدر لانه ويهي مايستحمل الصابون ينشفه عقب تطلع حراشفي :p

وي عيل باخذ اللي بالليمون بس ..

انا اللي باط جبدي الخلطه الملكيه بنزل بوست ان شاءالله عن الشغلات اللي استخدمتها منهم ..

اي صح خخخ عاد انا احب هالحركة :)

اي افتكيتي من الشمس بس ان شاءالله تفتكين من البطاله :)

وحياج الله..

رورو الشخبوطه said...

هلا اخوي عين بغزي..

هذا مو توحيد لون اللي تقوله تبيض يسمونه يعني مثل اللي سواه مايكل جاكسون وهالشي مضر احنا نتحجى عن الاماكن الغامجه بسبب عوامل معينه صحيه او من الشمس او شغلات 2 نقدر نوحدها يعني نرد لونها الطبيعي مو نقلبها ابيض ..

حدك داش عرض خخ..

عموما حياك الله..

رورو الشخبوطه said...

هلا كريزي..

اي احسن لج :)

خخخ وهم اسم نبته صحراويه ..

اي خخ ..

من الجمعيات انا خذيت من الشاميه او في بالفيحا واغلب الجمعيات ..

العفو ولو ..

حياج الله...

رورو الشخبوطه said...

هلا مركبنا..

بالنسبه لي حبيت الصابون التونسي الازرق بالنيله نتيجه زينه مو وااو بس ملحوظه..

العفو ولو..

حياج الله..

رورو الشخبوطه said...

هلا غير معروف..

انا خذيت من الشاميه و في بالفيحا وباغلب الجمعيات موجود..

وحياج الله..

رورو الشخبوطه said...

هلا مدمد..

ان شاءالله ..

مو ذاك الزود الكريم مانصحج فيه..

خخ صح :)

وحياج الله..

رورو الشخبوطه said...

هلا شيمونه..

الله يسلمج يارب..

وانتي بعد مشكوره ع النصايح بجرب المغربي ان شاءالله بس ابي مكان مضمون ..

وحياج الله..

رورو الشخبوطه said...

هلا غير معروف..

انا خذيت من الشاميه و في بالفيحا وباغلب الجمعيات موجود..

والعفو ولو حياج الله..

رورو الشخبوطه said...

هلا سنعه..

انابعد لي خلص الشي مارد اخذ منه لانه احب اغير واجرب ..

وحياج الله..

رورو الشخبوطه said...

هلا ابتسامه..

شدعوه @@ بعدين ليش الشماته اذا اهما بعد يهتمون بعمرهم ..

وحلو هالاهتمامات لا هي عيب ولا حرام..

وحياج الله..

رورو الشخبوطه said...

هلا مزيونه..

الله يسلمج يارب..

والعفو ولو..

حياج الله..

رورو الشخبوطه said...

هلا ام حروبي..

لانج لاهيه بالدراسه انا ايام الجامعه ماكنت جذي ..

بس الحين عندي وقت ورفيجاتي يشجعون ع هالسوالف..

اجمعين يار ويوفقج بدراستج..

شكرا شكرا..

حياج الله..

رنداالجنوبية said...

روعه رورو عساك ع القوة

حلو لما الوحده تدلل نفسها وتهتم فيها

انا احب الحمام المغربي الصابون المغربي مع الليفه حلو مره..

وان شاء بجرب بعض اللي ذكرتي بموضوعك

مشكورة يالغلاا

Eden said...

عندي واااايد من بيت الصابون البناني شغلهم حلو

رورو الشخبوطه said...

هلا راند..

الله يقويج..

اي وايد حلو خصوصا لما تشوف النتايج ..

في نوع معين ولا عادي اي نوع؟

وان شاءالله يعجبونج..

العفو ولو ..

حياج الله..

رورو الشخبوطه said...

هلا eden ..

انا بعد عندي جم شغله منهم بس اكثر شي حبيت صابونهم ..

وحياج الله..

Hopeless Sight said...

يعطيج العافية .. أنا جربت صابون النيلة الازرق بس حسيته عادي و يجفف البشرة شوي.

رورو الشخبوطه said...

هلا حنون..

الله يعافيج يارب..

اهو صح ينشف بس بصوب الكوع حسين في تغير ملحوظ بسبته واحس ينظف من قلب :)

وحياج الله..

خاتون said...

السلام عليكم

شفيهم جيل أنا آكل لأعيش و أكبر ^_^
أنزين الاولى عرفنا من الأفنيوز و الثانية شطبنا عليها و الأخيرين من وين بالضبط؟
و مشكورة حبيبة قلبي ^_^

رورو الشخبوطه said...

هلا خاتون..

عليكم السلام والرحمه ..

لحظه شقلت خل اجيك خخخ اي خخخ انحولت يالله حصلت الكلمه..

من الجمعيه ..

العفو ولو..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads