Thursday, April 8, 2010
السلام عليكم..
من زماني خاطري اروح ابراج الكويت هالمره تعتبر ال2 خبري فيه ب2003 ايام 4 ث ..
أبراج الكويت هذا المكان الأمثل والتي صممت لتتماشى تصميمها مع معالم الكويت التراثية فالبرج الأكبر والرئيسي والذي يحمل الكرتين يدل على " المبخر " والبرج الثاني الذي يحمل كرة واحدة يدل على "المرش " والبـرج الثالــث وهو الأصغر يدل على " المكحلة " والصحون التي تكسو الكرات تبلغ عددها خمسة وخمسون ألف صحن وهي مصنوعة من الحديد المطلي بالصيني بثمانية ألوان زاهية تناغما مع السماء والبحر . وتعتبر من أهم المعالم السياحية في دولة الكويت وهي تمثل من رموز النهضة المعاصرة ودليل تقدمها وإرتقائها. (منقوله هالمعلومة من سايت الرسمي للابراج ).
وصارله ماشاءالله 30 سنه بس اتمنى يهتمون فيه اكثر ويطورونه ..
الروحه كانت لمكانين اول شي المطعم ..

من ورانا جايونه ماسويه بوفيه :p


وهذي طاولتنا رقم 1..



وهذا الفيو كنا ع ارتفاع 82 م طلعت من الاصنصير اذني منسده جني راكبه طياره :\



وعقب ماحطينا قشنا ع طاوله هجمنا ع البوفيه..


ركن المشروبات ..


في جاي ونسكافيه وعصير برتقال وعصير اناناس..(حسب اللي شفته)..


بعدين الاكل سوالف لبنه و انواع الجبن وتريكي ومرتديلا و خضار .. والخ..

فطاير ومكدوس ..



كورن فلكس و مربى وروب فواكهة وتوست وخبز والخ..

فجاءه طلع السويت حسبالي خلص البوفيه..


طلع لا وهذا جزء من اخر شي..


اكلنا ..
طبق رفيجة اختي..


طبق اختي وفيه فلفولتي ..






فول للبنات ماذقته..

طبق مشترك..



شوربتي ..



طبقي قبل ..

طبقي بعد مع مشاركة بسيطه من اخيتي..


وقعدت اصور رايحه اصور ما اكل خخخخ..





اهني لما خلصنا نزلنا صوب الكافيه وهم قعدت اصور لقيت اورغ او بيانو المهم كنت بطربهم بس خفت ينظلوني :p



عقب قصينا تذاكر للكره الكاشفه اول مره ادشها ..

واول مادشينها كانت في لوحات عباره عن صور تبين مدى الدمار اللي حاش الابراج ايام الازمه الله لا يعيدها يارب..






هني منظر الابراج يدوخ ..


والمدينه المائية خبري فيها ايام الابتدائي :)

وهذي مجموعة 2 من الصور عن اثار الازمه ..



يلا نصد ونستكشف فوق ..
وصلنا شوف احنا وين وشكثر بعاد عن الارض..


الارض قسمين صوب يتحرك القريب من الجام وال2 ثابت انا كنت واقفه ع اللي يتحرك فجاء استوعبت انه يتحرك حسبالي بيطح البرج كنت بشيل الابراج بصراخي بس اشوه ثبت ع هالشي قبل لا يحوش الابراج دمار 2 بعد اخاف مااموت يبلشوني صلحيه..
ورفيجة اختي الذكيه اقولها هالمكان يتحرك تقول لي لا @@

المهم رحت اطل بالمنظار..

ولا انصدم من هالعباره قطع ماكو شي بلاش خخ..


عاد رحنا الكافتيريا نشتري ..



خذينا 2 وحده لي وحده لاختي رفيجتها ماتبي تقول تدوخ :)


ومايمدينا نشوف شي لا مسكر المنظار ماتوقع يوصل وقت المشاهده 5 دقايق امبيه شنو هذا ع الاقل ربع ساعه نشوف جم منظر ..
وفي كشك يبيع سوفنير ..
بوك مارك وكروت..




يونس..


حبيتهم حسافه ماخذيت منهم :\






وبس خلصت جولتنا :)

28 comments:

Her said...

waay shawagteeny aroo7 madre meta a5er marra re7tla yemkn i was 12:) 3aleakum bel3afya 7abeebty

Made n Q8 said...

يعطيج العافية خووش تقرير ..والجو اليوم حده عجييب :)

والابراج صج حلوه بس يبيلها شغل عدلوا فيها وااي يا اصنصير واقف يا جم طابوقه طايحه يا ماادري شنو محترق!

وحلوين الي لابسين عقل يونسوون

والكره الكاشفه نايس ولا مره دخلتها

وبالعافية علييكم :)

حنيــــــن said...

يعطيك العااافية شخبووطة فعلا هالرحلة حلوووة ترى انا اول مرة اعلق في مدونتك بس حلوووة هالرحلة ياالله ومنها دعوووة لنا لنزور الكوويت بس من جد الكويت شكلها حلوووة كثير
تسلمي يا عســل عجبوني الصور واحلى شي صور الشاطئ

Abdulwahab Alhajji said...

خووش طلعة والله و خوش تقرير , مشكورة و يعطيج العافية , و سالفة الفيشة و المفاجأة تصير فيني كل مرة لووووووووووول , مشكورة :)

Om Hrooby said...

تدرين دوم لما اشوف ابراج الكويت اقول ليش جذي شكلهم ..توني عرفت انهم على شكل مبخرة ومرش ومكحل ^^
تصلحين دليل سياحي رورو ..لي ييت الكويت لا تقصرين ابي افتر الكويت كلها ^_*

يعطيج العافية رورو^^

AM.SA.CHANNEL said...

ليش ما كتبتي زيادة وصورتي أكثر عيبتني السالفة .. !!

أحلى شي كافي شاي الضحى ههههههههه ..

بس و الله أنا عمري ما إفتكرت في التصميم بس الحين يوم قلتي كل برج و معناه يلست أدقق بس و الله حلو عيبني هالشي .. !!

بس أحلى شي التلسكوب ههههه 5 دقايق .. !!

و شكـــرا على هالتقرير الســـريع .. !!

أبوفلان said...

ماشاء الله خوش طلعه عليكم بالعافيه

الأبراج خبري فيها قبل 13 سنه تقريبا

اشلون اكل المطعم حلو ولا بطيخ

ميمة السبيت said...

** انا خبري فيه قبل الغزو و كلش ما افكر ارووح

بس اهم شي انكم استانستوا عليكم بالعافية

Sami said...

بالهنا و الشفا :) شوقني الفلافل :)

رورو الشخبوطه said...

هلا هير..

اي روحي عيل وعيدي امجاد الماضي خخ..

الله يعافيج يارب ..

وحياج الله..

رورو الشخبوطه said...

هلا مدمد..

امبيه خخخ ع طاري الجو تهزات اول مانزلت من السياره ولا هوا قوي طير هدومي وملفعي مادري شمسك مادري شخلي خخخ حتى نظارتي صارت عويه :\

والله يعافيج يارب مشكوره..

صاجه يخوف ويبيلها تطوير لمرافقها ..

الله يعافيج :)

حياج الله..

رورو الشخبوطه said...

هلا حنين..

الله يعافيج يارب ..

وان شاءالله ماتكون اخر مره :)

حياج الله بديرتج ال2 ..

الله يسلمج يارب اي والله البحر يشوق :)

ومشكوره ..

رورو الشخبوطه said...

هلا وهابي..

مشكور ..

العفو ولو الله يعافيكم يارب..

خخ اشوه مو بروحي ..

العفو ولو..

حياك الله..

رورو الشخبوطه said...

هلا ام حروبي..

حتى انا توني ادري خخخ من جذي ضفت هالمعلومه ..

وناسه خوش شغله احلى من دوامي ..

ولا يهمج حياج الله وبسويلج خطة سياحيه تعجبج خخ..


الله يعافيج يارب..

مشكوره..

رورو الشخبوطه said...

هلا شانيل..

خخ مصوره وايد بس اخترت الاحسن والانسب وماحيب اطول اكثر..

خخ اهو مطعم الافق اسم بوفيه الريوق اسمه جاي الضحى يمكن ليش انه للحريم بس :\

حتى انا توقعت التصميم عادي مو مقصود فيه هالشي ..

اي خخ بمنه بعد ..

العفو ولو مابيكم تملون :)

حياج الله..

رورو الشخبوطه said...

هلا اخوي بو فلان..

الله يعافيك يارب..

والاكل عادي الى اقل من عادي وترا مخصص الريوق للحريم بس يوم اليمعه والعطل يصير للعائلات ..

http://www.kuwaittowers.com/ar/Resturants.aspx

وحياك الله..

رورو الشخبوطه said...

هلا ميمه..

انا كان خاطري اشوف الكره الكاشفه واجرب شي يديد..

الحمدالله والله يعافيج يارب..

حياج الله..

رورو الشخبوطه said...

هلا اخوي سامي..

الله يهنيك يارب ..

مشكور..

ترا فلافل الفرع الذ :)

وحياك الله..

panadool said...

بوست متعوب عليه
تقرير سياحى


يعطيج العافية

تحياتى

شاي الضحى said...

ما شاءالله وناسه خوش رحله تغيير

خبري بالابراج لما كنت بالمتوسط رحت مره مع اهلي واهل رفيجتي عزيمه كان وناسه

عاد عسى اعجبج بوفيهي ترا موصيتهم عليج هههههههه

الله بيانو جان قعدتي تعزفين عليه

تصدقين ساعات اقول الحمدلله ايام الغزو صدامو وربعه ما اهدموا الابراج وبرج التحرير

عليكم بالعافيه :*

مشكوره على التقرير الحلو :)

رورو الشخبوطه said...

هلا بندول..

الله يعافيك يارب..

ومشكور..

رورو الشخبوطه said...

هلا جايونه..

اي عاد خاطري اروح اماكن يديده بس ماكو :\

انا رحت له عقب القدرات خخخ..

والله زين بس ماكو شغلات ترفه وايد خخخ..

تخيلي عشان مو يقضبوني الباب يحذفوني من الدريشه خخ..

اي الحمدالله ..

الله يعافيج يارب..


والعفو ولو مرورج الاحلى..

وحياج الله..

Crazy Girl in aGood Way said...

عليكم بالعافيه وخووش رحله وطنيه :)

شكرا

مـي said...

اول صورة اللي يبين فيها البرج الصغير عجبتني حيل ، ماشاء الله ..

تسلم يمينج

:)

رورو الشخبوطه said...

هلا كريزي..

الله يعافيج يارب اي تغيير..


والعفو ولو حياج الله..

رورو الشخبوطه said...

هلا مي..

مرسي والله يسلمج يارب..

حياج الله..
:)

cheese cake said...

واااو رحلتكم حلوه لو ماخذه من السوفينيرز ذكرى حق رحلتكم يكون احسن

بس شوقتيني اروحله ريوووق واخذ من السوفينيرز عجبتني اللي على ابراج

وعليكم بالعافيه

رورو الشخبوطه said...

هلا جيز..

حلو فكرة السوفنير ب عندي وايد شغلات ع ابراج منهم قلب ذكره من ديدة الله يرحمها يارب..

انا تحسفت ماخذيت اللي جنهم بروشات ع رياييل لابسين شماغات ..

اي حلو الفكره كتغير..

الله يعافيج يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads