Wednesday, April 7, 2010
السلام عليكم..
طلعت لكم صور بايته من جهازي صار لها قرن :\
قبل فتره كنت احوس بالجمعيه بقسمي المفضل الكريمات وهالسوالف عاد لقيت هالشغلات اول مره اشوفهم بس مااعتقد انهم يدد..
اول شغله لفتت انتباهي اهي هذي ..
بما انه غرامي الاظافر وماحب ايدي من غيرهم احسها قرعه خخ..
فلما قريت اللي ع هالعلبه شدتني بس جيكت ع اظافر طلع مافيهم ولا شرخ الحمدالله فرديت ماخذيته ..
المكتوب عليه :
الضمادة السحرية للاظافر ..
مع طقم ادوات العناية ..
الطريقة الجديدة لمعالجة وحماية الاظافر من التشقق والتقصف
شفافه غير مرئية - تدوم لايام عدة و لاتتاثر بالماء - اصلاح فوري للتقصف ..
واذا ماخب ظني محددين مدة العلاج بس اللي ردني انه اخاف تكون عازل عن الماي مثل صبغ الاظافر فمايصير نحطها ونتيدد :\
احد جربها ؟؟
****************
*هالشغله اول ماشفته طاحت عيني ع صورة الريال قلت ويع منتج لازاله الشعر للرياييل قطع خخ عقب استوعبت انه لكعب الريل ..


هذا انا جربته مريح و خفيف كاستخدام و التخزين و تنظيفه سهل ..

في عندهم اكثر من منتج لازالة الشعر جربت واحد منهم وللامانه غير المعروض اهني وماعجبني بس مره وحده جربته وخليته ..


20 comments:

Hopeless Sight said...

يعطيج العافية عالمعلومات :)
تهقين موجودين بكل الجمعيات؟

شاي الضحى said...

همممممم

والله ما اعرفهم

بس بالجمعيات موجودين ولا بالصيدليات بعد؟


مشكوره

Abdulwahab Alhajji said...

لوووول اهم شي صورة الريال ههههههه , مشكورة :)

daloo3a said...

ياحبج حق الاظافر
لازم بتحبيينهن عشان تشمخيين ويهي :(

ههههههههههههه

الله يعطيج العافيه

Made n Q8 said...

انا جربت مالت كعب الريل والجسم زينين بس ماجربت ملوت الويه اخاف يقب علي!

ويعطييج العافية

Om Hrooby said...

شلون ازالة الشعر ع ن كعب الريل ..ليش فيه شعر ولا انا قريت غلط

تسلمين ..اول واحد مال الاظافر شفته بغيت اشتريه لان في ظفر دايم يتكسر عندي لكن اختي تقول شرات المنكير الشفاف يعني كاني ماسويت شي بس ماعرف ماجربته..

يسلمووو

ودّي ~

Engineer A said...

يعطيج العافية شكلها خوش ماركة ..

يبيلي تفرغ ومجابل نفسنا :)

رنداالجنوبية said...

ماجربتها ولامره بس شكلها زينه .

الله يعطيك العافيه حبيبتي عساك ع القوة دوم

تقبلي ودي ‘

رورو الشخبوطه said...

هلا هوبليس..

الله يعافيج يارب..

مادري والله انا شفته بجمعية الفيحا ..

وحياك الله..

رورو الشخبوطه said...

هلا جايونه..

هم مادري خخ انا شفته بالفيحا وم زمان عن الجمعيات ..

والعفو ولوو..

وحياج الله..

رورو الشخبوطه said...

هلا وهابي..

خخ اي تخربط الصورة :\

والعفو ولو..

حياك الله..

رورو الشخبوطه said...

هلا دلع لع..

خخخ وانا قول منو نظل ظفري وانكسر خخ..

اي اشمخج بايقه ريلي ومشتت عيالي :p

الله يعافيج يارب..

وحياج الله..

رورو الشخبوطه said...

هلا مدمد..

اي ماتسوى ..

برد اجرب مالت الجسم مره 2 جود تعدلت ..

والله يعافيج يارب..

حياج الله..

رورو الشخبوطه said...

هلا ام حروبي..

لا مافيه بس فهمتيني غلط انا قصدي انه التبس علي الامر لما شفت صورة ريال بدون تيشيرت فحسبالي المنتج الازالة الشعر مخصص لهم وعقب لما دققت طلع منتج لكعب الريل ..
الله يسلمج يارب..

وي اذا مثل الصبغ مايفيد لانه عندي جم منتج مثل صبغ الاظافر بس علاجيين ماستخدمهم اخاف يمنعون ماي الوضوء..

وحياج الله..

رورو الشخبوطه said...

هلا انجو..

الله يعافيج يارب..

وان شاءالله تعجبج..

حياج الله..

رورو الشخبوطه said...

هلا راندا..

انا حبيت مالت الريل ..

الله يعافيج ويقويج يارب..

حياج الله..

سمو الأميرهـ ..ツ said...

عاااشت ماما رورو ...

خلينا نقهر العذال ..لووول
شمخيهم ما عليييج
لووول

:)

رورو الشخبوطه said...

هلا بنوتي سمو ..

مرسي خخخ..

اي تعالي فزعي معاي خخخ..

وحياج الله..

Crazy Girl in aGood Way said...

شكرا ويبيله جمعيه الفيحا لوووووووول

:)

رورو الشخبوطه said...

هلا كريزي..

العفو ولو..

حياج الله..

وان شاءالله تجربينهم ويعجبونج..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads