Monday, October 29, 2012
من هبيت بالطباخ هالسنه ونجحت اغلب اطباقي قمت احب احوس صوب الماعين بس عقب قسم الاملابس طبعا :)
 
*للمشروبات *
 
 
 
 
 
 
 
 
*للمؤكلات *
 
للفوندو..
 
وهذول حلوين للسلطات او الحلو لايقين مع هبة الميني ..
 
 
 
 
القفشة اكبر من القلاص خخ ..
 
 
 

 
 
كلهم متوفرين بسيرز الضجيج ..
هالساااااااااااااااااااااايت عجيب توني مفتره فيه ع طاير ماشطبت ولا اعتقد راح اقدر اشطب عليه كله اخترت فوق 30 قطعه ماشاءالله ..
 
 
 
 
 
حدي خاطري اطلب منه بس الرك ماعمري طلبت بالنت ولا عندي لا صندوق ولا فيزا وهم اخاف اتهور ..
 
السوال اللي يسدح نفسه ماتعرفون جهة تطلب لي ؟؟
 
ومصدر الصورة (هني)
Sunday, October 28, 2012
هذا واحد من المحلات اللي احبها في ماليزيا متخصص بالاحذية وانتوا بكرامة والجناط ..
 
 
افرعه :
 
اللي رحت له وصورته بمجمع فرنهايت ..
 
وهم موجود بتايمز سكوير وسونجي بلازا ..
 
وهالمجمعات كلها بكوالالمبور ..
 
تفاصيل اكثر تحصلونها بسايتهم هني
صباح البيوتي

اللي ماتم :( حاطه بالي اكثر من شغله بسويها اليوم بس شي مسكر وشي مخلص واللي لقيته صدمة ..

بما اني هالشهر هابه بالمكياج ولاني احب البيوتي والعناية بالبشره صج مكسله بس احاول اهتم كثر ماقدر وان شاءالله ارد مثل قبل واشوف نتيجة، فكنت اسوي سيرج ابي مكياج طبي ولقيت ببلوقي بوست عن elf نزلته العام   (اضغط هنا لقراءة البوست)..
من جذي مريت اليوم صيدلية العيون واشوه اول مادشيت لقيت استاندهم ..



زووم ع منتجاتهم :








اللي اعرفه انه موفرين قلوسات وكريم اساس الستيك (فاونديشن) و بلاشر ..
مالقيت فاونديشن :/



جيكو ع اللي بالنص :/



ومنتجات ٢ ماشفتها لا باكاونتهم بانستغرام او بالمنتدى..

مزيل مكياج العين ..


اسيتون


محدد مع برايته


فرشة شدو


ع كثر ما استانست انه ماركه طبيه ورخيصه ويمدحونها انصدمت من انه المنتجات مغبره وفي شغلات النايلون منفج عن الكارتون مبين قديمه واللي بالصيدليه عليها نفس الله يعينها عليها يالله ترد :/ كان خاطري فيها بس ماخذيت شي :(

اللي حابه تعرف اكثر هذا اكاونتهم بتويتر وانستغرام @elfq8
 
متوفره في :
Al Salam Pharmacy – South Surra (965) 99913103
2. Al Zahra Pharmacy Coop – South Sura (965) 25240485
3. Al Qurain – Al Qosor Pharmacy Coop No. 2 (965) 25412615
4. Al Oyon Pharmacy Coop – Jahra (965) 24564657
5. Al Shaimaa Pharmacy – Jahra (965) 24550516
 
ويوصلون :
ت: 99960228

- Posted using Blog from my iPhone
Friday, October 26, 2012



- Posted using BlogPress from my iPhone
Thursday, October 25, 2012
 
السلام ..
 
قبل يومين رديت من الدوام لقيت هالبوكس ينطرني :) وهو عيديه من دايت سنتر ..
 
 
 
بطلته ولا في سي دي وبوكسات ..
 
كل بوكس في نوع من الحلو الشرقي ..
 
 
 
من اليمين لي اليسار:
 
الاول في غريبه وبرازق ..
الثاني في بقلاوة  ( اكثر من نوع )
والثالث في معمول باكثر من شكل وكل شكل حشوه غير ( تمر او مكسرات)
 
وكل بوكس عليه ملصق بعدد الكلوري (السعرات الحراية) اللي بالقطع الحلو ..
 
والحلو فيه انه ترف وفريش حتى امي استانست عليه ..
 
شكرا دايت سنتر واكرمكم الله وعيدكم مبارك ..
Tuesday, October 23, 2012



طلبت بطاط و همبرغه..


اخترت النوع الصمونه الكلاسيك : تكون همبرغه + جبن + خس +مخلل +طماط+بصل +كاتشب +صلصة سماش الخاصه..
بس شلت البصل والمخلل واختي اختارت نفس النوع بس بدال الصمون الابيض اختارت الاسمر ..
بس اهو خربط وشال البصل والمخلل من صمونتها اهي ..
اللي بالاخير انا كليتها :) يعني تبادلنا الصمون..


سعرها :١،٩٠٠دك..

رايي :
حبيته ٢ احلى مطعم برغر بالكويت ❤ والحلو انه مكوناته فريش خصوصا الخضرا وجربت سخنتها بالبيت تمت بنفس المستوى تقريبا ، اما البطاط طعمه عادي ، والخدمه نص ونص ..

- Posted using BlogPress from my iPhone
Monday, October 22, 2012
قبل الاسبوعيا تقريبا حطيت هالصوره بالانستغرام ..
 
وعلقت عليها:
عجبوني هالمنتجين من ايسادورا للرموش ماسكرا وسيرم، وحبيتهم لانهم منتجات علاجية وتجميلية بنفس الوقت.
و فكرتهم :انه  ب4 اسابيع يطولون ويكثفون ويقون الرموش بنسبة 20% تقريبا .
 
 امااستخدامهم :لازم يكون يومي الماسكرا تستخدم الصبح اما السيرم ينحط بالليل ..
 
ولانه حدها بخاطري رحت معرض العطور مخصوص عشانها ..
 
اول ماوصلت راويتهم الصوره قالوا مو موجوده لي الحين مانزلت الكويت ..
 
سالتهم متى تنزل ؟
 
قالوا بشهر 11 ان شاءالله وبتكون متوفره بسنتر بوينت و بمحلات الشايع (بوتس , دبنهامز وجنه بفافافوم ووجوه ) قلت لها يعني بكل مكان :) جان تقول لا ماراح ينزلونها بمراكز التجميل اللي بالجمعيات ..
 
و سألتهم عن سعرها ؟
 قالت احتمال تنزل كبكج \ست ب22 او 23 دينار ..

Are you ready to welcome Eid, The wedding season,christmas, allll the way to new years?
Well, Je La La! made the perfect pieces to decorate your hair do, and compliment your beauty with our new head pieces! made of gold plated silver, with different styles to match the occassion.
make your pick and make a big enterance!
Je La La! authentic jewelry is a business created by Kuwaiti designer Lulwa Al-Terkait, to give you only the finest silver, Gold, and diamond jewelry pieces. whether it's funky, modern, classic, or cute!


 
 
 
 
 
Contact us:


Twitter: @jelalajewellery @LulwaAlterkait
Instagram: @lulwaalterkait
website: jelala.com (coming soon)
call or whatsapp: 00965-97883866




- Posted using BlogPress from my iPhone
Sunday, October 21, 2012
اليوم الصبح رحت معرض العطور ..



واهو بصالات ٥،٦،٧
وكانت رايحتله مخصوص لايزادورا ولقيته بتناغرا..


جربت وايد شغلات ومكيجتني روز الفلبينيه ..
حطت لي كلشي شدو و رسمت حواجبي وكحل واضاءه وكريم اساس نوعين عادي وكريم البي بي وبودر وحمايه واكثر من ماسكرا وحمره وقلوس وكونسيلر ..
وشريت اللي عجبني منهم ، هذي حصيلتي :



اللي مغطاتها (٢)حمر ماسكرا ملونه خذيت الزرقا كنت ابي خضرا بس مافي :(
سعرها :6د
واللي عقبها ماسكرا سودا اسمها (big bold) وسعرها:6.500د
واللي يمها هم ماسكرا سودا اسمها precision رقمها 10 سعرها 8.500
والبي بي كريم سعره 7.750 واخترت درجة التان اغمج شي ❤
وبلاشر وبودر برونز ❤ سعره 7 ..

طلع حسابي ب٤١،٧٥٠

وعطوني هالهدية


الهديه مو زود كانوا بيعطوني ماسكرا ملونه للشعر قلت ماابيها شكو اخذها وما استخدمها حرام بس مو ناقصني تكود قالولي عيل صبغ اظافر جان يبون لي الكرك والمغناطيس هم ماابيهم مليت منهم قدم ..
اخر شي لانه ماكو غير هالشغلتين هدايا اخترت صبغ كرك بس قلتر يعني تغير ..
والحديده السودا هم هذي من روز المصريه نقشه يديده (مغناطيس) للصبغ..
واللي حبيتها روز المصريه حليوه وكريمه ، الفلبينه شويه نفيسه ..
 
ماكو عروض ولا خصومات:/
وعقب رحت مكياج المنصور استغربت من اسعار الفرش ع ٦ والخ قلت شدعوه فرشه وحده بالمنصور بهالسعر :/
فدورت مكياجي ..


واللي يشتغلون فيه دايخين :/ ساعه يالله طلعولي الفرشه شغلهم دثره عشان يطلعون شغله يلطعوني ساعه:/
سعر الفرشه :٤،٥٠٠
حبيت انه لها مغطه عشان ماتوصخ ..

وبالنسبه للعطور :
بس مرينا جنيد خذينا عطر رفيجة اختي الكبيره تبيه ومرينا برادا..



بطلعتنا شفنا محل ثلجي جان يقولي تفضلي هديه خذيتها ومشيت اسمعه يناديني يقولي شمي هذا :/ (حسيت اني مو خوش وحده :(
اليوم عقب ما طلعنا من معرض العطور مرينا معرض كويتيات ..


اهو بقاعه 4B ..
لما دشيت انصدمت من مستوى البوثات اقصد التنظيم والشكل جنه المعرض الاستهلاكي ، مو اول مره اروح معرض كويتيات رحت الاول بعد بس من الزحمه ماثبت ..



ماصورت وايد شغلات بس هاالبوث جنه في شغلات شفت النفنوف الازرق بحزام وردي عجبتني فكرته بس بدون التفخه ع الجتوف..



وهالبوث عجبني اسمه ..


يبيع وجبات خفيفه ( سناك) مثل ناتشوز وكور كورن فلكس مع ككاو بقوطي كبر كف ايدي ومو متروس بعد وشكلهم مايشوق بدينار ونص مبالغ بسعرهم ..
 
وبالنسبه لمشتريتنا من المعرض :
ماخذينا الا قلبات الهاينك (انا سميتهم جذي مادري شنو اسمهم )بس ماصورته بصورهم لكم عقب ان شاءالله وكنت ابي صابون افريقي سائل من غراس بس ماحصلت بوثها :/
- Posted using BlogPress from my iPhone

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads