Wednesday, March 31, 2010
السلام عليكم..
المفروض انزل هالموزوع من زمان :\
لانه الشكر واجب :)
لذا من كل قلبي ...
وايد استانست ع الهديه بعد عمري كلفت ع عمرها ..
ملحوظه اللي مقصدره حلاوه لبستها بوشيه خخ..

كتب و بوك مارك..


تيشيرت اهو تقريبا ال6 بمجموعتي بس هذا مميز باسمي :)



وهذا التفاخيه افصلو عليها اليهال برطومي وسمسوي ولما خذيتها منهم انشقت اهي اهي :(




شكرا شكرا شكرا شكرا شكرا جايونه ..
وان شاءالله اردها لج باقرب وقت ببوق فيول لج :)


Tuesday, March 30, 2010
السلام عليكم ..
قبل يومين وانا بيتنا كنت اتصفح الجريده من الملل طبعا ولا ماحب اقراها واذكر الدكاتره بالجامعه يزفونه لانه مانقرا جرايد يقولنا ليش ماتقرون جرايد طلبة اعلام وماتقروون مايصير ؟؟
انا اضحك الصراحة خو مو غصب نقراها واذا برفع ضغطهم اقولهم وطلبة صحافة بعد :p
المهم لو مو شغلي اقرا جرايد جان ماقريتهم لانه ترفع ضغطي وخصوصا اخبر مجلس الامه :\
الخبر اللي صدمي اهو ..

ضمن حملة الكويت بيئة صالحة للمعاقين
الهارون وصفر والطبطبائي على كراسي متحركة

من صجهم @@
امحق مؤازره ؟؟
ياريت لو يسون شغلات احسن لو ان منهم استحي اسوي هالشغله ..
بدال لايقرون قوانين تساعدهم كل واحد ع مستوى وزارته جان احنا بخير ..
بعدين ذوي احتياجات الخاصه مو كلهم مثل المشكله مشاكله تختلف في اللي مايقدر يمشي وفي اللي الاصم و غير الكفيف واللي متكلف كلش ..
اللي ابسط شي مدارس مثل الناس ماعندهم وحده معاي بالدوام عندها بنت مشكلتها ضعف السمع عمرها تقريبا 9 سنين عيزت تراكض فيه من مكان لي ال2 تبي لها مدرسة سنع اهي بالخاص كانت وماكو رعاية ولا تعليم البت ب3 ابتدائي ماتعرف لا تكتب ولا تقرا !!
مدرسته خلط للجنسين ولمختلف انواع ذوي الاحتياجات الخاصه في صبيان يطقونها و ياخذون اكلها لدرجة انها وصلت مرحلة ما تحب تروح المدرسه ..
ودتها حكومه قالت ابي اردها اول ابتدائي عشان تتاسس البنت ميح مارضوا !!
وتعاني بعد انه ماكو خدمة صحية لصيانة سماعتها وغيره من احتياجات ..
الحين لو بيازرون هالبنوته بيسدون اذنهم :\
الله عرفوا بالعقل جان زين يسون شي يسوى وبلا حركات مالها معنى ..
واهما 5 دقايق ويدزونهم بعد يعني اريح لهم من المشي بالحر والشموس اهما الله يعينهم ويشفيهم يارب طول عمرهم جذي ..
وبس بطوا جبودتي :\
Monday, March 29, 2010
السلام عليكم ..

من الشغلات اللي احبها الكوكيز وجربت باكثر من مكان ..


اللي اذكره والتوب فيهم :

1-كوكيز السينما امبيه ع طول اشوفه واطوفه ماخذه بس لما رحنا مع مدمد ماي نيم از خان طلبت لنا وذقته ومن يومه وانا متيمه فيه خخ..

2-النوع الوحيد اللي مصورته ..











اللي احبه انه اكثر من نكهه وحبيت اكثر شي الفول السوداني و اللي بدود البنات من اول مافتحوه جنه بحولي وودي اجربه بس ماقدرت الا باخر 2006 ببرزنيشن Zabo0o6a عنهم والاحلى انه فتحوا بالافنيوز ..

3-جربت بعد مال كاريبو اهو لو فات بس احس ماصخ شويه ..

4- وذقت من كلور مي عادي جدا .

5- ذقت مال هارديز من زمان فناسيه طعمه :\ بس كان كويس ..

6-من جمعيه الخالديه محل التشيز كيك جربت الكوكيز الحلو انه خفيف..

7- جربت نوع من مركز السلطان شريته وماذكرته الا قبل لاينتهي بشوي وكان طعمه الله يزيد النعمه :\ طبعا ماذكر اسمه بس اللي اذكره انه باكواب يكون جنه قواطي الكريم كراميل الجاهزه ..

هذا اللي اذكره ..

س:انتوا شنو احلى شي جربتوه ؟؟


Sunday, March 28, 2010
السلام عليكم ..
اليوم مارحت الدوام بس سويت انجاز :)
اول شي رحت موعدي الجلديه بس انصدمت انه مغيرين مكان العياده فرحنا للمكان ال2 والحمدالله ماطولت اقل من 10 دقايق دشيت كالعاده لازم رقم 4 يكون بحياتي :s
المهم دخلت مديت ريولي الجميله مثل سندريلا لما قايست حذاء الامير :p
والحمدالله الدكتور كان وايد زين والله يتمم عليه ..
سمعني وكل مابي شي سواه لي حتى لما قلت اضمده قال انه مافي دم مايحتاج بس كتب لي بوصفه بس مارحت مدام ماله داعي :)
اول شي حك لي المكان نسيت اقولكم راويته ريلي ال2 احتياط حاس فيه مشروع مسامر لحم وطلع صح اهو فحكلي ال2 وعقب يايبوا نفس مطفأة الحريق بس سلفر واهي الكوي البارد وكولي اياه والسستر قالت لي لا يحوش ريولج الماي لمدة ساعتين ,انا حسبالي بيصير اوكي وبيروح طلع لا في موعد 2 ويبيله علاج اللي اهو..
1- انقعها بماي حار كثر ماقدر استحمل وتم 10 دقايق امي قالت له مع ملح؟؟ قال احسن بعد جان اسالها عن الخل قال لا ..
والتنقيع يكون بالليل كل يوم ..
استانست انا الحين استخدم كريم يبيله انقع ريلي بماي قبل لا احطه وكنت مستثقله السالفه الحين اتشجع مدام له فايدتين..
2- الدواء اللي صرفوا لي اياه عباره عن محلول ع راس مسمار اللحم ماجيكت اذا موجود للي الحين او لا :\ ومعاه فازلين احطه دار مدار المسمار عساس المحلول ما يصير ع الاماكن ال2..
3- سالته عن البلاستر قال زين واحسن من المحلول بعد عاد خذيت لي هذا:
الصيدلي يقولي اقوى من الوردي بس جعوص بس في 4 حبات :\

وعندي هذا لي خلص شول باستخدمه ان شاءالله..


بالنسبه للعوار عوار بسيط يتحمل بس استغربت انه العوار بالريل ال2 اكثر من اللي انا رايحه مخصوص لها :\
وتذكرت سالته عن شغله رفيجتي قالتها لي ان المسمار يعدي (معدي)؟؟
قالي اي @@ يعني للي يلبس مثل الجوتي وانتي بكرامه احتمال يصير فيه و احتمال يرد يطلع مره 2 بنفس الريل :s
هم تذكرت شغله 2 شكله البوست ماراح يخلص اليوم خخخ استغربت لما الصيدلانيه كتبت ع المحلول انه ع راس الثالوث توني ادري انه مسمار اللحم اهو الثالول :\
وهذي تجربتي الاول والشهر الياي موعدي ان شاءالله..

Saturday, March 27, 2010
السلام عليكم..
بالويك اند رحنا الافنيوز لعدة اسباب بشوف المحل اليديد امريكان ايجل وكان لوعة ماحبيت ستايله و مريت h&m عجبيني جم قطعه من كولكشنهم اليديد غاردن ودشيت ولقيت اللي ابيهم حاطينهم كبوسترات كبار سالتهم قالوا خلصوا اهي اهي و كنت ابي نيولوك بشوف سيلهم واشوه وناسه خذيت شغلات حلوه زين ضبطت هالمره ومريت ماكس بجرب بطاقتي قمت اخمط واختي ترد خخ وصج ضبطت الحمدالله ..
المهم خو لازم نتغدا ..
فانا كنت ابي هالمطعم ..
لسبب واحد انه عندي له خصم خخخ وكوبانات عروض..
المنيو..

شوربة زينه بس مالحه شويه( مع انه احنا اللي عندنا عادي عند الناس مالح :\)

صمونه حبيتها حاره تشوق..



طبق اختي ..







سيزر كويسه كنت باخذه تك اوي بس من اللي يمي تدوهت ونسيت اتي ذكرتني كنت باخذه للقرسون عشان يحطها لي بقوطي خخخ خدمته ماحبيتها :\

كان في عروض وايد بس الخصم اقل من الكابونات قلت اخذ هالكابون بيطلع لي سويت ببلاش..


السويت خذيته تيك اوي فنلعن خير خخخخ يعني من 2 وشي ماكلينا الا جريب ال6 ونسينا نحطه بالثلاجه عموما انا احب البرد الذايب ..
بس طعهم مو حلو :\





وبالعافيه علي وع اخيتي :)

Friday, March 26, 2010
اتفقنا قبل يومين الفير (رورو الشخبوطه + شاي الضحى)

ان نطلع مع بعض وكان شي مو مخطط له كلش

وامس كان الموعد وطلعنه

فاختارنا المارينا المهم قعدنا نحوس ندور مطعم اخر شي رحنا

كلور مي ماين

اول ما دشينه خلونه نختار لنا شغله نلونها

وهذا جزء من المجموعة


شاي الضحى اختارت حصالة على فيول


رورو اختارت بوكس على زنوبه


وعقب رحنه نختار الألوان


وقبل لا نلون خلونه نغسل ايدنه بصابون زايدينه ماي :q


وعطانا التعليمات

أول شي نمسحها بالأسفنجه

عقب نلون وإذا بنغمج اللون او نفتحه ... إلخ


طبعا لعبنه بالألوان كل دقيقة نقوم نحط ألوان يديده فوق بعض عفسنا الدنيا

وسألنا إذا نبي نشرب شي

رورو اطلبت ماي


وشاي الضحى اطلبت كابتشينو


وتمينا نلون ونلون ورورو خلصت وملت

جان تساعد
شاي وتلون فيول شوي بعدها ملت وخلته واقعدت تحوس

وراحت تصور بالكاميرتين (
رورو + شاي)

وشاي الضحى لازالت تلون


عقب تقريبا ساعه وشي طلبنا المنيو

لما شافته
رورو انصدمت لأن ماكو أكل


بس كيك وهالسوالف

وهذا جزء من الأكل عندهم


رورو اطلبت مافن مع آيس كريم


وشاي الضحى اطلبت آيس كريم


ورورو خذت كوكيز تيك اوي


خلصنه تحفنه وليلحين باقي عندنه ألوان وايد

جان تقترح
شاي الضحى انه نشخبط فيهم على مفرش الطاولة!

وهذا إلي صار


أما ابداعاتها كانت كالآتي:

هذي مالت
رورو الشخبوطة عقب لمسات شاي الضحى


وهذا فيول شاي الضحى


والنتيجه تبين بعد اسبوع لما نستلمهم


وبس طلعنه قبل لا نلون على الطوف ويقضبونا الباب!


الحمدلله استانسنه وايد

وكنه أول مره نشوف بعض


لقراءة الموضوع الآخر

اضغط هـنـا

Wednesday, March 24, 2010
السلام عليكم..
هالبوست مو غاير لما سبق وكتبت عنه جانب اخر من حياتي ..
هو عباره عن جزئين ..
الجزء الاول :
ملالوه احبهم :-
1- د. محمد الثويني ..
ماشاءالله ويه مريح اسلوب يشد تحس انه اب يكلمك مو شخص غريب ..
اسمعه كل خميس بتباشير الصباح تقريبا ع ال7 و5 لي ال7 ونص على اذاعة القران الكريم اعتقد ترددها 98.9 جنه :\
اما بالنسبه لطرح فهو يختص بعرض مواضيع لتطوير حياتنا بمختلف النواحي من خلال تبين بعض الكلمات التي هي كل حرف فيه يشير الى كلمة تعتتبر نقاط لموضوع معين غالبها مختص بالامور التربويه ..
2- سليمان الجبيلان ..

اسلوب عجيب ماشاءالله فكاهي يشدك عرفته ب2004 كنت اتسلى بمحاضراته بالطريج للجامعه حوالي ساعه اضحك اللي يشوفني يقول مينونه خخ مره فجاءه ضحكت سايقنا اخترع اتوقع لو مسلم جان قرا علي حسبالي استنزلت :p
واحب لهجته مقربه الى قلبي لهجة موطني الام :) احس اسمع احد من اهلي الكبار :)
مواضيعه منوعه وتخاطب الشباب فهو يناقش ابرز قضاياهم ..
3- احمد الشقيري..

تدرون قمت احب اسم احمد احس اغلب اللي اسمهم احمد مبدعين :)
المهم عرفته برمضان اللي فات في برنامج خواطر 3 اللي كان عن اليابان حبيت اسلوب خفيف وسلس مو عسر كلش بالنسبه لي برنامجه احس مختلف عن البرامج الدينيه الاخرى يشد من خلال التواجد بمكان الحدث وعرض قضايا بسيطه لكنها ذات تاثير كبير ..
**************************
وبالنسبه للجزء ال2 من الموزوع :
اهو متعلق باناشيد احبها :
موخرا هابه بهالانشوده
مع الله \ لمحمد العزاوي ..
##############
اخيتي :
تونس ولايطوفكم التصوير خخخ..
############
ان تدخلني ربي الجنه \عاصم القاسم :
واحب بعد اناشيد زين للصبي الصغيرون محمد الياسين ..
وانشودة النهاية لبرنامج تباشير الصبح بس ماحصلتها ..
هذا وجزاني الله خيرا :)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads