Tuesday, March 2, 2010
السلام ..
عيزت افكر شحط اليوم ماكان ودي احط عن اكل بس مافي بديل كنت بحط عن رواية بس مالي مزاج اقرا قلت عن سوالف ناقص جزء هم متعلق بكتاب فماينفع..
فماكو بديل للاسف :p
توني طلبت P'Zone ..
بس في اكثر من عرض :
1- للشخص الواحد وعباره عن بي زون و بطاط ودجز و بيبسي.
2- لشخصين 1 بي زون + ودجز + 2 بيسي + 4 ق خبز بالثوم +بيتزا صغيره تقدرون تبدلونها بي زون .
3- العرض اللي احنا خذيناه وجبة ل4 اشخاص 2 بي زون + بيتزا حجم وسط +1مقبلات متنوعه +4 بيبسي..
* ولبي زون في 5 نكهات : سوبريم, خضروات ,مارغاريتا , الدجاج او اللحم ..

هذي صورتها (اخترت وحده سوبريم لاختي وانا خذيت ببروني مع لحم)






حبيت العرض انه اذا ماعجبتنا البي زون في بديل لبيتزا .

اما راي بالبي زون انها زينه مو وااو عاديه حبيت البيتزا العاديه اكثر ..

النص ال2 عطيته امي سالتها عن رايها تقول تهبل (امي كل شي عندها حلو خخخ) وتقول واللي محليها انها ترفه مو يابسه..
نسيت اسال اختي عن رايها بس لي شفتي اخيتي البوست قوليلي رايج :)

30 comments:

she is me said...

جربتها من فترة .. كانت خضار
وايد عجبتني وحبيتها
البيتزا العادية لها حلاة
وهذي بعد لها حلاتها
وكانت أول شي يعجبني من بيتزا غير بيتزتهم التقليدية ^^
----------
بالعافية عليكم

ebtsamh said...

عوافي ..

زين اني شفت البوست وآنا توني

ماكله ..

عدى ذلك ..

كنت اكييييد بطلب البيتزا ..

امتعينا دائما ببوستاتج الخفيفه

مثلج ..

كوني دائما بخير ..

سمو الأميرهـ ..ツ said...

مرحبا رورو ..
اممم كانت طالعه عندنا قبل أكثر من شهر
جربت الخضار والدياي
اللي ما عيبني فيه .. إني أحس فيه نكهة ثوم ..وهالسبب ذاته خلاني أهجر الباستا ..
فعلا مثل ما قلتي البيتزا العادية طعمها أحلى
:)

----

خاتون said...

عاد أنا بخاطري أجربها بس خايفة من بعد الباسته بالتلفزيون كانت تذوب و لمن ذقنها طلعت مو حلوة اللي أمي تسويها احلى مليون مرة
بس رايج في البي زون شوي يشجع
ثانكس على البوست
و انا اقول وين رحتي أثاري عندج مدونة ثانية
يللا بجيك ع اللي طافني
أستلافيستا

F6o6a Al-b6a said...

حلوو طعمهااا بس عيبها شووي بس الطماط

ثانكس سيس ...

mazyona said...

شكله حلو
بالعافية

عبـدالله said...

بالعافية ان شالله .. كل بلعة نبي شي غير مثلا جولة في محلات الرهش ههههه

انتوا مشهورين بقطر بالرهش !

عين بغزي said...

اعتقد ما راح يكون طعمها حلو
انا فهمت انها بيتزا بس لافينها بخبزه !!
ما اعتقد اني راح تعجبني ...!!

كل شي صار ساندوش

فيه ساندوش فول !!
و فيه ساندوش عدس !!
و اغرب ساندوش شفته اهو بطاط نايس مخلوط مع صمونة مشكل من مطعم هندي !!!

عفيه ابطون :))

علي العموم عوااااااااااااافي
والحياة تجارب :))

لمار said...

تسلمين على هالرد الحلو مع اني جديدة عليكم ولكي الف بوسة مني.

'3ShMrGiaH said...

لووول
خوووش ريجيم:p

أحمد الحيدر said...

يعنا :)

هني وعافية :)

Made n Q8 said...

عليكم بالعافية

انا جربتها وايد عجبتني وبعد طلع حجمها راهي انا عبالي مثل حجم السمبوسه

رنداالجنوبية said...

عليكم بالعافيه يارب

والله جعت يمممممم

موضوعاتك روعه الله يوفقك

*Being One said...

انا اول ما شفتها كلش ما فكرت اني اطلبها يعني جنها فطاير و انا ماحب الفطاير , وبعدين احسها ثقيله
عواافي ,,
و شكررا على التقارير الحلوه =)

رورو الشخبوطه said...

هلا شي ..

اي صح ..

اي اهما الباستا عندهم ضيم بس الصمون زين ..

الله يعافيج يارب..

مشكوره..

رورو الشخبوطه said...

هلا ابتسامه ..

الله يعافيج يارب وانتي بعد بالعافيه..

ان شاءالله..

حياج الله..

رورو الشخبوطه said...

هلا والله سمو..

حتى احنا لها فتره نازله بس من متى ماذكر..

انا الببروني طعمها عادي مثل البيتزا ..

واي الثوم ماحبه وباستتهم ضيم ماحبيتها كلش :\

وحياج الله..

رورو الشخبوطه said...

هلا خاتون..

لا لا الباستا ضيم هذي زين تسوى تجربينها ع اقل مره عن خاطرج..

طعمها مقارب للبيتزا ..

واكيد مالت الماما احلى كافي اهي اللي مسويتها الله يخليها لكم يارب..

ولكم ..

اي حسبالي تدرين انه حولت هون..

وحياج الله اخيتي..

رورو الشخبوطه said...

بالعافيه اخيتي..

ولكم ..

رورو الشخبوطه said...

هلا مزيونه ..

الله يعافيج يارب..

مشكوره..

رورو الشخبوطه said...

هلا اخوي عبدالله..

الله يعافيك يارب..

عاد هالايام هابه بالرهش وانا اخذه من الجمعيه مو محلات متخصصه له ..

صج توني ادري انه الرهش كويتي :)

حياك الله..

رورو الشخبوطه said...

هلا اخوي عين بغزي..

ماعرف ذوقك بالاكل بس اهي مثل الفطيره وداخلها نفس مكونات البيتزا مو خبزه عادي لا..

اي بالفول من زمان اما العدس مادري اعرفه كشوربه او معدس اشتهيته :\

بايم المتوسطه البنات يحطون بفك او نايس مع صمونه الفيصل الجبن او الزعتر جربت الكتكو وحبيته خخ..

الناس اذواق :) وكلشي اوردي بالبطن مخلوط:)

الله يعافيك يارب ودي اتجربها وتقول رايك فيها ..

حياك الله..

رورو الشخبوطه said...

هلا لمار..

الله يسلمج يارب..

حياج الله..

رورو الشخبوطه said...

هلا غشمرجيه..

اعوذ بالله من الشيطان الرجيم :p

ترا مو متغديه وماكليت وايد نصها بس مع بيتزا وبطاط وجوانح خخ شيقى ..

انا احب التخفيف ماحب الرجيم..

وحياج الله..

رورو الشخبوطه said...

هلا اخوي احمد..

للحين موجوده لا تستحي مد ايدك :)

والله يعافيك ويهنيك يارب..

مشكور..

رورو الشخبوطه said...

هلا مدمد..

الله يعافيج يارب..

صاجه حجمها راهي ..

انا هم توقعتها اصغر ..

وحياج الله..

رورو الشخبوطه said...

هلا راند..

الله يعافيج يارب..

ومشكوره ع الاطراء..

واجمعين يارب..

حياج الله..

رورو الشخبوطه said...

هلا بينغ..

اي صاجه اهي مثل القطاير..

والله يعافيج يارب..

والعفو ولو ..

عيونج الحلوه..

Hopeless Sight said...

عليج بالعافية :)

رورو الشخبوطه said...

هلا حنان..

غيرتي اسمج وماعرفتج :\

والله يعافيج يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads