Wednesday, January 29, 2014
 
كالعاده حدي فاقده بلوقي !! وانصدمت انه بيصيرلي شهر مو منزله بوست ..
 
مع انه عندي وايد تجارب ..
 
من تجاربي السابق..
 
بيبي كريم من لوريال ..
 
 
اللي متابعتني تعرف شكثر احب البيبي كريم ونزلت وايد بوستات لتجاربي عنه لمختلف الماركات ..
 
هالبيبي كريم شدني من شفته ع الرف بمركز التوفير صورته وسالت عنه بالانستغرام بس محد فادني بتجربته قلت اجربه واحكم ع قولتهم التجربه خير برهان ..
 
المهم رحت بشتريه ولا الدرجه لايت مخلصه فهونت عقب رحت لولو هايبر ولقيتها ومسوين عليه سيل بعد << وناسه خخ جان احط صورته عاد البنات ذكروا تجاربهم وانه ماعجبهم بس خلاص شريته :(
 
نبلش التجربه :
 
المنتج متوفر بدرجتين :
لايت << هذي اللي جربتها وطلع اغمج مني مع اني حنطاويه موبيضا :\
وميديم ..
 
قوامه:
نفس الكريم الاساس لما تفردينه ع البشره تحسين ماتتشربه و يتقطع ويتفتت بايدج ..
وفي حماية من الشمس 20 spf
 
سعره:
اعتقد ب4 وشي مو تاكده ..
 
رايي:
 
ماحبيته مثل ماقلت فوق عن قوامه مو حلو وهم ثباته مو شي اذا حطيت ع ويهي ماي يسيح العاده احط يخف لكريم بس موجذي حتى لو قطره ماي وحده حاشته بالغلط يصير بقعه مكانها مره مشيت بالمطر قلت رحت وطي ويهي قلب تايغر من البقع خخ بس اشوه ماصار :\
حجمه وايد كبير ويحتاج مساحه بالجنطة..
 
باختصار ماحبيته :(
 
بوست ع السريع لانه خلص دوامي :)
 

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads