Thursday, April 29, 2010
السلام عليكم ..
لانه مسماري الحمدالله راح حبيت اكافاء نفسي فخترت اروح لـ..
طبعا اللي شدني له هالاعلان بجريدة الوطن اتصلت عليهم اتاكد اذا اهما بس يبيعون ؟ وطلع اي وقالت لي عن كزمودوم انه يسوي هالبرامج وعطتني رقمه ..


هالحجي كان الاربعا اللي فات يعني تقريبا قبل اسبوع حجزت هالخميس (يعني اليوم)لي والاختي بديكير ومنيكر ..

كنت ابي الليمون لايدي و ريولي مارين سبا..

لما رحت علة قلبي الاستقبال دعله ماتفتهم تقولي انتي حاجزه ساعه وهالحجي يبيله ساعتين !! (اول عيب او بالاحرى الاكبر)

وساعه يالله فهمت شبي وطلع البرنامج بس تبيض (الليمون للايد ومايشمل الاظافر) وهم للريول نفس القصه فحجزت الموند (الوز) لايدي ويشمل تعديل اظافري (10د.ك), اما ريولي فاخترت التبيض(12د.ك) وزدت فلوس للبديكير (ب6د.ك)..

اما اختي فخذت بس تبيض للايد (ب10د.ك)وقالت تبي تسوي اظافره زيادة الدعله الاستقبال مارضت تقولي مافي موظفه فاضيه ولا في وقت!!

ع طاري الوقت اختي لها نص ساعه وانا ساعه بس يابت اللي سوت لاختي وبلشت بريولي عقب راحت وكملت عليها ال2..

المهم هذا مكاني ..




وهذا مكان اختي (المكان صغير بس مكان ومكان اختي والباجي رفوف للاغراض)..


بس العامله تقول الشهر الياي بيسون نييل بار ..




بالنسبه لايد نقعنها بهالاقلاص ..

عقب سنفره وبعدها ماسك واخر شي تغسل ايدج وتحط لج ماسك (وبحالة بتسوين اظافرج عقب التنقيع اعتقد يبلشون فيها)..

الاخضر الشغلات اللي استخدموها لاختي والبيج لي (لايدي)..

عجبني شكل الزنوبه :)


وهذي النتيجه :p



سعره كنت حسبالي رخيص ع ابو شامل الاظافر من عنايه وصبغ طلع لا !!! يعني سعره مثل الباجي بس الباجي دلع اكثر.. يعني حتى مع الزياده ماصبغوهم لي :\
اي عقب التدهن سولي مساج لايدي والريولي ..
(ميزة)والحق يقال العاملة اللي سوت لي حبيتها حليوه اسمها جيني حتى تساعد اختي بالتصوير تقول لها صوري هالسوالف قصدها عن الكريمات وترتبهم :)
(ميزة 2)والنتيجه الحمدالله زينه :)
واي ضحكتني جيني قلت لها قصي اظافري مابيهم صايرين يتكسرون قالت لا حرام وقصرتهم ماقصتهم حيل خخ..
ونسيت اقول مالت الاستقبال متصله علي امس تذكرني بالموعد تقولي مدام ليلى !! لا انا ولا اختي اسمنا ليلى :\ ماقولكم عله ..
Monday, April 26, 2010
السلام عليكم ..
تذكرون بعيد ميلادي شسويت ؟؟
اذا ماتذكرون اذكركم عادي :)
رحت سبا تايم وسويت فيشل امبيه الاجواء تينن حده دلع صج اختيار موفق بيومي حسيت اني اميره وع قولت بنت خالتي مليته خخخ..
ولانه نتيجة الفيشل عجبتني خصوصا انه في جم نفره كانوا باطين جبدي اهما مارحوا بس خفوا وايد الحمدالله عقب الجلسه المهم راوتني كريماتهم فخذيتهم ..

*كل علبه من هالعلب فيها عينه هديه ..
سعرهم 88 ..
وميزتهم انهم بدون كحول ..
س: تعرفون منتجات زينه للبشره بدون كحول ؟؟
و ع فكرة نوع بشرتي حساسه جدا جدا :(
نبلش بالمنتجات حسب استخدامها :
(1)

Balancing Lime Blossom Cleanser


*رايي فيه :
عادي جدا امم تقريبا من اللي جربتهم سوسكين احلى منه ..
(2)
Balancing Lavender Toner

*رايي فيه :
حبيته خفيف العاده التونر جم يوم ويبلش يحرق بشرتي ويحرني هذا لا الحمدالله ..


(3)

S.O.S. Emergency Cream

*رايي فيه :
عيبه انه دبغ وايد بس ميزته وايد زين للنفر مايمنعهم بس لي طلعوا بسرعه يخفون منه ومايتركون اثر..
عيبه ال2 اهو تقريبا سعره جريب ال40 وحجه صغير بس 50 مل اهو الوحيد اللي خلص من منتجاتهم ..
*وطريقة استخدامه :
نقطه ع كل منظقه بالويه مع التركيز ع النفر (الحبوب -الدمامل)..

(4)

Herbal Lavender Repair Mask
*رايي :
يعطي نظاره للبشره بشكل بسيط وهم احس زين للحبوب ..
*استخدامه :
مره او مرتين بالاسبوع ..




(4ونص خخ)
skin-buff



عينه ومادري ليش معطيني اياه اذا نتفه وباجي العلبه هوا جنه حالفين عليها جربتها مره مبدائيا ريحته مو حلوه ونتيجته ماكو :\


سايتهم :
س :خاطري الشهر الياي اسوي تنظيف بشره بس بالفواكهة تعرفون مكان زين ؟


Saturday, April 24, 2010
السلام عليكم ..

قبل جم يوم لما رحت جاليري 2000 تغدينا بهالكافيه ..




تونس هاللوحه..


المنيو..

من داخل..
اللي يشوفه يقول متروس اكل انا طلبت سلطة بطاط قالي مافي (اهو في 3 انواع سلطات يونانيه و بطاط وسيزر) مافي الا يونانيه :\


كرواسان جبن ذايقته بمكان 2 نفس الطعم بالضبط بس مو ذاكره وين !!



صمونة حلوم لاختي ..(تقول فاضيه طرق الحلوم وخس)


وحلينا اختي اختارت براوني اول ماشفتها قلت شهالطابوقه بس طلع طعمها زين اشوه..



انا كنت ابي جيرمن اخذها تيك اوي قالي مافي :(


عاد رحت حليت بlakoocha..

Friday, April 23, 2010
السلام عليكم..
امس وانا اتصفح جريدة الوطن شدني هالاعلان عاد عقب الدوام مريته ..
بس حسافه طلع مسكر ولما سالت المحل اللي يمهم قالوا يبطل الساعه 5 وماكنت اقدر انطر لي هالحزه :(
اللي شدني بهالمحل انه يبيع منتجات طبيعيه اتوقع مثل المينرال يعني مايضر ان شاءالله ..
عاد ماحطيت بخاطري صورته من برا..

































المره اليايه ان شاءالله احصله مبطل واشتري منه :)

Thursday, April 22, 2010
السلام عليكم..
اليوم رحت جربت lakoocha محل الروب اليديد ..

تونس شعارتهم عجبتني :)

لما درت انه اول مره ايهم عطتني اجرب هالنوعين وعجبني الوردي اكثر ..

عاد تشرحلي وتقولي شوفي هاللوحة انه اكلهم للرجيم وصحي عقب طلت تجيك اذا احتاج او لا خخخ ..


وهذي الاضافات المتوفره..


وهذي المجموعه اللي اخترت منها ..


وهذا طلبي عجبتني الصوره خخخ..


وهم طلبت مولتن كيك بس تيك اوي ماجربتها لي الحين ..
وهذي قعداتهم ..


ومن صوب 2 وهم في برا بس ماصورتهم ..

*اسعارهم :
الكيك ب1,650
البرد ب1,100
والاضافات الشغله ب200 عاد مادري ع القسمين ولا بس اللي اخترتهم ..
*مكانهم:
بمجمع جاليري 2000 بسالميه شارع سالم المبارك ..
*رايي :
طعهم خفيف واحس الذ من بينك بيري ..
وانا متعنيه له خصوصي للمولتن ان شاءالله تطلع حلوه :)



Wednesday, April 21, 2010
السلام عليكم ..
طبعا مالنا غنى عن الجمعيات وهالسوالف والحين بعد انتشرت محلات بمستواهم مثل كارفور ولولو هايبر ومركز سلطان و جيان وسيتي سنتر ..
انتوا من وين تحبون تشترون خرابيطكم ؟؟
عن نفسي افضل :

لولو هايبر موجود بالري , احب اخذ منه الكريمات وسوالف سالي هنسن واحب قسم العروض مره خمطت منه سوالف تشوق وباسعار رخيصه .
وعموما يعتبر ارخص من غيره .


ويشاطره المركز سلطان هم حلو وفي سوالف غريبه وفناتق سواء كريمات او مكياج او اكل والخ ,وهم من مميزات له اكثر من فرع اللي بشرق و السالميه والجابريه وفي مراكز للجمله جنه بالري والجهرا وفي افرع 2 بعد بس ماعرفها..
عقب باجي الاماكن :

موجود بالافنيوز , من زمان عنه واحس كل ماله ويصير ابيخ ..




موجود ب360 مول ,مارحت له الا جم مره وماحبيته ماحس فيه شي مميز..



له فرعين واحد بالسالميه وال2 بالشويخ ,و اغلب روحاتي له يكون فاضي :\

وطبعا مالنا غنى عن الجمعيات اللي كلماله تطور والحين اغلب الجمعيات يمها مجمع مطاعم وعندها مول ..



دوركم الحين تجاوبون :)

Tuesday, April 20, 2010
السلام عليكم :)
امس رحت مع اختي سينما وطبعا لازم نمر مطعم ..
وهالمره الفيلم من اختيار اختي ولانه اخر جم مره كل انا اللي اختار المهم اهي من زمان بخاطرها فيلم رعب ..
وهذا اللي موجود..

القصة
في عام 2019 يصيب وباء معظم البشرية ويحولهم الى مصاصي دماء. وفي مواجهة تراجع امدادات الدم يقوم الناجين بالبحث عن طرق ابقائهم على قيد الحياة، وفي نفس الوقت يقوم باحث بالعمل مع فرقة سرية لإنقاذ البشرية.
مثل اللي مذكور بالسايت : الناس تتحول من بشر عاديين لمصاصين الدماء وانقراض البشر يعني اختفاء دمهم وبالتالي ياثر ع مصاصين الدماء وتطلع امراض غريبه وفيدورن حلول بديله عن الدم البشري , البطل اهو مصاص دماء ودكتور بمجال الدم وهالسوالف والقائم ع التجارب بنفس الوقت مايتناول الدم البشري ويساعد البشر لدرجة انه دور علاج معاهم له المشكله لازم اسكت ولا احرق الفيلم خخخ..
رايي :
الفيلم مايخوف كلش مو رعب بس في شغلات مقززه..
وعقب رحنا نتغدا ..
طاولتنا ..

المنيو البيج للمشروبات وال2 للاكل ..


الخبز..



الشوربه يابوها قبل المقبلات :\


المقبلات ..


ع قولتهم دولمة احنا نسميه ملفوف ..


كباب فيجيه اسمه شي جذي :)



باميه ..


وبس بالعافيه علينا :)

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads