Saturday, April 17, 2010
السلام عليكم ..
اليوم رحت السينما مع اخيتي ..
اخترنا هالفيلم ..

بطولة

بسمة, احمد الفيشاوي

المخرج

عمرو سلامه

النوع

درامي, عاطفي

مدة الفيلم

93 min


القصة
فتاة تقع في حب شاب إلا انه يتعرض الى حادث دهس وبهذا يموت حبها الأول و تحب شاب جديد و لكنها تجد أن كل ما يحدث بينها و بين الحب الجديد يشابه جدا ماحدث مع الحب القديم.
النبذه منقولة من سايت السينما ..
وكالعادة نسيت لا اشوف دعايته والمره اليايه مو بس بشوف دعايته لا بجيك بعد ع تاريخ الانتاج :\
رايي :
عجبني الفيلم انه فيه تشويق وايد وانه الاحداث اغلبها تشد ..
وحبيت انه يابو طاري د. رفعت اسماعيل ولهت عليه من زمان ماقريت مغامراته :\ , واحس انه الفيلم طابعه قريب من طابع الكتب اللي افضل قراتها فيها معلومات ع الخفيف و قضايا غريبه اقرب لي ماوراء الطبيعه..
مع هذا في وايد تساولات ودي اعرف اجوبتها شنو علاقة ايمن الحب الاول بياسر الحب ال2؟
اكثر من مره ركزوا ع صورتهم الجماعيه مع بعض بس ماوضحوا بشكل مباشر اتوقع مجرد اصدقاء !!
واللي ماحبيته مابعد النهاية وردة فعلهم لما احد يموت جنه ناطرين هاللحظة :\
عقب رحنا تغدينا بهالمطعم the spice club
اهو مو يديد بس تعد اول تجربه لنا فيه ..
اهو مطعم هندي..

المقبلات..


طبقي .. نفس المشويت المشكله والحلو انه ترف ..


وذكرني بتش تش مال القيصر ..




خخ ماالمخفي بالصوره؟؟
وهذا طبق اختي برياني ربيان قضينا عليه خخخ..


اكلهم شويه الظاهر فيهم عرج فرنسي :p


وفي بقيه بس الصور بالكاميرا :\



22 comments:

Zabo0o6a said...

بالعافية عليج خيتوو!
شكل المطعم حلو وايد احب الاكل الهندي وين صاير المكان؟

أبوفلان said...

عليج بالعافيه

شكله خوش مطعم وين صاير ؟

بعدين نبي صور أحلى عشان نشتاق

منال said...

ماحب المطاعم الهنديه
احس كلهم بهارات
شنو ففل اكلهم شنو حار
اذا كلش يعني بيسوونه بارد
حطوا خيشة فلفل
انااحب الاكلات الباردة
بالنسبة للفيلم مثل كل مره
قصة حب في حب

Her said...

I wanted to try the restuarant bs ma7ad yemda7a:s

Made n Q8 said...

علييكم بالعافية

والمطعم شلون اكلهم حار ولا عادي ،و وين صاير مكانه لو سمحتي :d?

mazyona said...

عجبني الفيلم أنا بعد
وعليج بالعافية على الاكل

شاي الضحى said...

اول مره اسمع عن الفلم

وشوقتيني عليه

والمطعم قالولي انه عادي ما يسوى


عليكم بالعافيه


هم تعليق سريع قبل لا انزف بقوم ابدل هههههههه :q

Om Hrooby said...

مادري ليش ما اتشجع اني ادخل فلم مصري ..ادخل هندي واجنبي ..بس عمري ما شفت فلم مصري في السينما..فما أعرف احكم !

وبالعافية عليج ..الاكل الهندي فن سبايسي ..انا احبه خخ..استوت دعايةماكدونالز هندية ...عيبتني سالفة ستايلهم فرنسي

خدا حافظ ^^

Mohammed said...

كلش مالي بالافلام المصريه ماعادا عادل امام اللي اتابعه ,

ومبين على المطعم اكله حلووو

وعليكم بالعاااااااااااافيه

رورو الشخبوطه said...

هلا زبوطة ..

الله يعافيج يارب..

ب360 ..

وحياج الله..

رورو الشخبوطه said...

هلا اخوي ابو فلان ..

الله يعافيك يارب..

ب360 ..

خخ ماعندي الا هذول :\

وحياك الله..

رورو الشخبوطه said...

هلا منال..

الناس اذواق والاكل ماكان حار كلش ..

والفيلم مو رومانسي بحت كان عادي مايصير تحكمين بدون لاتشوفينه..

وحياج الله..

رورو الشخبوطه said...

هلا هير..

انا اشوفه زين واختي عجبها..

تعالي علامه بلوقكم وايد يخترب عندي :\

وحياج الله..

رورو الشخبوطه said...

هلا مدمد..

الله يعافيج يارب والاكل طبيعي ماكان حار اتوقع ع ع الطلب انتي تختارين اذا تبين حار او لا..

ب360 ..

وحياج الله..

رورو الشخبوطه said...

هلا مزيونه..

بس انصدمت انه قديم :\


والله يعافيج يارب..

وحياج الله..

منال said...

واي زعلت شخبوطتنا
انا مو قصدي ازعلج بعد عمري انتي
انا قصدي ان اغلب الافلام اللي نشوفها تلوع الجبد هذا قصدي
وللا فلمج يمه يمه يمه شحلاته
سنع ومنع لا والبطل شخلاته والاخراج مو يهبل تصدقين شربت اربع بندولات من كثر مافرحت بهالمهرج
يلا عاد ضحكي
ضحكي وللا والله ازعل
كل شي ولا انتي بعد عمري

رورو الشخبوطه said...

هلا جايونه..

الفيلم طلع قديم وحاطينه بالتلفزيون بعد @@

اختي حبته وانا استانست ع مشويات لانها ترفه ..

واحس العيش بمستوى مغل محل ..

والله يعافيج يارب..

وبشري عسى نزفيتي خخخ..

وحياج الله..

رورو الشخبوطه said...

هلا ام حروبي..

انا بتاع كلوه خخ اللي تعجبني قصته ادشه ..

الله يعافيج يارب و فرنسي يعني نتفه زطين خخخ..

تشكرات..

حياج الله..

رورو الشخبوطه said...

هلا اخوي محمد..

عاد عادل امام مااحبه لما يقل ادبه بس حبيت فيلمه حسن ومرقص لانه له هدف الباجي ماشفتهم عدل عساس احكم بس سمعت وايد يقطعون افلامه..

والله يعافيك يارب..

مشكور..

رورو الشخبوطه said...

هلا منوله..

ولكم باك..

خخخ لا وي شدعوه ازعل..

واهو الاغلب بايخين بس انا حبيت هذا في شغلات حلوه..

وحياج الله ..

كوكتيل said...

رورو هذا اللي ب360 ؟


أنا مجربته زين بس على قولتك أكلهم شويه حده ليش ما أدري ؟

يعطيك العافية :)

رورو الشخبوطه said...

هلا كوكتيل..

اي اهو ..

رجيم اجباري الظاهر ..

الله يعافيج يارب..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads