Sunday, December 29, 2013
 
 
 
متوفره باللون الاسود بس ..
 
تجربتي :
 
قبل شهرين تقريبا شريتها  وخذيتها لانها علاجيه لانه احب المنتج يكون تجميلي وعلاجي بنفس الوقت  ..
 
واللي تبيع قالت لي النتيجة تبين عقب اسبوعين بس عقب شهرين اقولكم كثافه مالاحظت بس احس رموشي طالوا بس شي بسيط لانه رموشي خفاف وقصار ودعم (بني مو سود) ..>> هذا العلاجي ..
 
اما بالنسبة للنتيجة التجميليه فهي جيده ..
 
سعرها : 26 دك ..
وفي نوع مو علاجي بس تجميلي ب16 دك ..
 
ومتوفره هالماركة بهارفي نيكلز ..
 
رايي :
 
يمكن سعرها غالي شوي بس حبيت نتيجتها صج بسيطه بس هالماسكرا من المسكرات اللي حللتها خخ ..
اتوقع خلصتها بعد بس متحسفه اقطها بتم استخدمها لي اخر رمق ..
 
وكلمة حق لازم تنقال حبيت البنات اللي يشتغلون بهالماركة رشا وايمان وايد حليوين ماشاءالله ..
 
سايت الماركة لمعلومات اكثر عنها : link
Monday, December 16, 2013
قبل جم يوم كنت مع رفيجتي ببرج كيبكو فاحترنا نتريق وين واخر شي استقرينا ع نوفمبر بيكري..
 
هذا منيوهم..
 
 والكافيه بسيط بس جم طاوله 3 يمكن ..
وهذي طلباتنا ..
راي:
 
الاكل ككل طعمه زين ..
 
وهم الخدمه زينه ..
 
والاسعار مناسبه الطبق بين تقريبا الى 2 الى 2.500 دك >> اللي طلبناهم ..
 
عنوانه..
 
برج كبيكو - دور الغراند..
 
مواعيد العمل :
 
 Saturday - Thursday 11:00 am - 5:00 pm          
اكاونتهم بالانستغرام :
 
 
 
قبل فتره قريت بالانستغرام انه ايكونيك بينزل كولكشن لكيم رحت له عقب المعاش ماكان نازل الاسبوع اللي فات رحت وحصلته اشوه ..
 
صورت لكم جزء منه ..
 

 

 
 
 
 
 
 
حسيت صج ستايل كيم ..
 
حبيت التنوره التايغر و النفانيف الدانتيل ..
 
وبالنسبه للاسعار تقريبا من التعش او 20 وفوق ..
 
عنوانه:
 
ايكونيك
بالافنيو بالفيز 3 بالمول بالدور الاول ..
Sunday, December 15, 2013
اول مره رحت له كان مسكر هالمره اشوه مبطل..
 

 المطعم في قعدات برا وداخل ..
 
وهذي الضيافه تشكيله من المعجنات مع زبده ..
 
طلبي كان رزيتوا واهو من اشهر الاطباق عندهم ..
 
في بربيان او الدياي وفي شي 3 جنه بعد بس مو متاكده..
 
شوفوا من داخل شلون صاير ..
 
غريب مو مثل الرزيتوا العادي احس في كاري او زعفران ..
 
وطلب رفيجتي ..
 برغر جوز ..
 طعمه كان خفيف ولذيذ << ذقتها معاها خخ ..
 
وحلينا بكيكة التمر والقهوه لرفيجتي ادمان ولازم تصب لي منها عسى ماادمنها معاها خخ ..
 الصلصه يسمونها جذي المهم !! اللي مع الكيكه حاليه بس زينه مع الكيكه وبالنسبة للقهوة اشوه اعجبت رفيجتي ..
 
وهذي الاسعار ..
وبالنسبه للخدمه وايد زينه ماشاءالله من تنادينهم يون لج ع طول وايد حبيتها ..
 
مكانه ::
 
الافنيو - برستيج -فوق يم فندي ..
طبعا الاغلب شاف اعلانات المعرض سواء بالجرايد او الانستغرام ..
 
انا شوقني لانه صاير فيني هوس ماركات ولانه المعرض اللي فات تقريبا قبل شهرين رفيجاتي راحوا له ويمدحونه ..
 
فمريته باول يوم له العصر ..
 
مقتطفات من المعرض ,,
 
ومن البضايع صورت ارحم شي..
الجو العام ..
 
مزري !! الاغراض محذفه ووقمته ..
 
الاسعار :
 
غاليه ..
يعني جنطه ب300 وشي واهي كبر كف ايدي اوكي كانت ب1000 بس ماتسوى 5 :\ كافي انها موديل قديم بهالسعر اخذ جنطه احلى او جوتي وانتوا بكرامه وموديل السنه بعد ..
وبايالله تعرفين السعر يعني اكثر من شغله شفتها مكتوب السعر الاصلي واضطر اسالهم عن السعرها عقب الخصم ..
 
البضاعه :
 
موحلوه يمكن تحصلون شغلات لليهال او الشباب بس لنا ماكو ..
 
تاريخ المعرض..
 
من 12 الى 16 -12- 2013 ..
 
عنوانه ..
 
بقاعة زمرده يم الريجنسي << حسب ماهو مكتوب بالاعلان ..
 
 
Friday, December 13, 2013


-عطر صبايا سباركل:
 
اهو من الهدايا اللي وصلتني من محل مكياجي واهو من احدث العطور اللي انزلت عندهم ..





وواهو عباره عن مزيج الازهار الحلوة حيث تتفتح رائحة المندرين والكمثرى الممزوجة بالتوت البري، ويضيف الياسمين عليه رائحة منعشة رائعة ويتمنح اوراق الازهار الكريمية النعومة له.
 
رايي:

مبدائيا عقب رشه وحده بس حبيته واختي الصغيره مينونه عطور شمته عجبها قالت تبيه وعطيتها اياه واايد تمدحه لدرجة اخر مره كنا باوتاد خلتنا ندش المحل بس عشان بتشوف جم سعره الظاهر تبي تجيل منه خخ..
العطر: ب7 وشي تقريبا ..
وفي منه ست ب11 وشي ..


بالانستغرام : @Mikyajy1

t

والسايت :LINK

شكرا مكياجي :*
Thursday, December 12, 2013
من احلى الدعوات اللي وصلتني اهي دعوة مطعم اوليفرسان ..
اهما كان مسوين ايفنت لكل البلوقر وعقب عزموني انا سبشل خخخ ..
 
 

 
هو مطعم اسيوي بس معاصر مو تقليدي نفس الموجود والدراج وهالشي بتلاحظونه اكثر شي بالديكور ..
 
اول شي يابولنا الضيافه اهي الخبز و 3 انوع صلصه وملفوف ..
 
فصلت ع الخبز حبيته ..
 
 
اول طبق جربناه اهو سلطه حبيت انه صلصله موجوده ع جنب مو مخلوطه مع السلطه بحيث اقدر اتحكم فيها ..
و معاها نفس الشعريه + نودلز وسبرنغ رولز غريبه بالنسبه لي حبيتها..
 
عصير ليمون لرفيجتي..
 
ربيان حلو مثل فكرته ديناميت حبيته ماشاءالله ..
 
ادمامي طلب لرفيجاتي ماذقته ..
 
منغوليا بيف << حبيته احب هالحمسات ..
 
ماذكر اسم الطبق بس اهو عيش الياسمين مع دياي << الصراحه اهو الطبق الوحيد اللي ماعجبنا وقلنا لهم استنكرنا طعمه لما سالونا قلنالهم انه مو زود من سبت العيش شويه ناشف جان يقولون لنا اهو عيش الياسمين جذي نوعيته فاتوقع لانه شي يديد استنكرنا الطعم ..
 
هالطبق وايد حبيت فكرته اعتقد اهو عندهم من الاطباق vip عباره عن نوع لحم اللي اذكره يامنغوليا بيف او البط احنا اخترنا منغوليا+ خبز + خضار + جم نوع صلصه ..
 
هذا الخبز  اللي مع الطبق ..
 
وقالوا لنا حلو بس مكان في مجال كلش..
 
رايي :
 
الاكل مثل ماقلت لكم اغلب الاطباق عجبتنا ماشاءالله ..
الخدمه ماشاءالله اتينن مو لانه دعوه مو اول مره انعزم ع مطعم بس مثل هالخدمه ماشفت صج حسيت اني برنسييسه اقص الماي ايلي والخ الخ الخ ..
صج حبيتهه وعادي ارد له مره 2 و3 بعد لا واعزم فيجاتي عليه لانه مكان يسوى ..
 
 
عنوانه :
 
مدينة الكويت- المرقاب - برج جاسم ..
 
96522901051
 
 
@oliversanrestaurant  الانستغرام <<
 
 
شكرا ع الدعوه ..
Monday, December 9, 2013
من الشغلات اللي وصلتني باخر هديه من مكياجي اهي ..
 
صبايا ستارلايتس ظلال العيون ..
 
 

 
 
 
 
 
 
 
اول شي خل اعرفكم بالمنتج ..
 
اهو اضاءة للعين ..
 
مكتوب عنه بسايت مكياجي :
تحديد دقيق وخفيف، باستخدام هذا الباودر الغني اللون الذي يمنح عينيك بريقاً، يبرز سحر عينيك وتأثيرها. صبايا ستارلاتس يمنحك إطلالة مضيئة لعينيك بسبب تركيبته الفريدة التي تدوم طويلاً دون ان تسبب الحساسية.

سعره :
45.00   SAR/AED
نسيت جم بالكويتي :\
 
الدرجات اللونيه :
 
متوفره ب6 درجات لونيه من الابيض لي البيج مذهب << مااعرف اوصف الوان بالاضافه للوردي والبني ..
تقدرون تشوفون الدرجات هني ,,
 
 
عطوني درجتين منه الابيض وبالحط يعطي ع ذهبي رقمه 01 ..
 
والدرجة ال2 اهي الوردي  بالحط لونه غريب ..
 
سويت سواتش لهم بس الصوره ظالمته ..
 
قوامها :
بودره منثوره ..
 
تجربتي :
 
صارلي تقريبا شهر استخدمه  بشكل يومي يعني حكمي عليه نهائي ان شاءالله خخ ..
بس غالبا استخدم الابيض نادر استخدم الوردي استخدمته مره او مرتين فقط..
واستخدمي لمدمع العين  وتحت الحاجب  احطه عادي عقب اموه وادمجه ..
 
 
رايي :
 
مدوحوه علي خخخخ ومعروف الاضاءه تحلي العين ماشاءالله وهالمنتج للامانه انا ماحبيته انا ادمنته بدونه احس مكياجي ناقص >> قصدي عن الابيض والحلو فيه ثباته وايد حلو مقارنة بمنتجات مثل فكرته بنفس القوام وتقريبا نفس السعر ..
هذي مو دعايه هذا رايي الخاص لو دعايه جان مدحت الوردي بعد خخ ..
 



بالانستغرام : @Mikyajy1


t


والسايت :LINK
Sunday, December 1, 2013
احم احم هالبوست المفروض انزله قبل اسبوعين !
 
المهم محل يديد كنت متشوقه عليه حدي من كثر ماشفت اعلاناته بالشوارع ..
 
وبطل قبل 20 يوم تقريبا ..
 
انا رحت له اول يوم عقب افتتاحه ب4 ايام وتوالت الزيارات له عقب خخ ..
 
واهو يعتبر اول فرع بالكويت واهو نفس شركة رد تاغ ..
 
وتقريبا شامل لكل الاسره ..
 
 
اكبر قسم اهو القسم النسائي وهذي مقتطفات منه ..
 
وعقب قسم الاطفال ..
 
واخر شي القسم الرجالي ..
 
وفي قسم للمنزل اكسسوراته مثل كوشيات - فوط-شراشف .. الخ ..
 
وهذا قسم الاكسسورات النسائية ..
اسعاره :
رخيصه ماشفت شي اغلى من 7 وفي شغلات وايد ع دينارين و3 ..
 
عنوانه :
 
بمجمع العلياء مادري علياء المهم يديد بالجهرا ومكانه صوب القيصيريه ..
Saturday, November 2, 2013
قبل جم يوم استلمت الهديه ال3 من مكياجي :)
 
وايد حابه هداياهم ماشاءالله ..
 
وهالمره كانت بسيطه بس اغلب المنتجات احتاجها واستخدمها يعني بحللهم ان شاءالله خخ ..
 
 
اللي فوق ..
 
1-عطر صبايا سباركل :
اهو احدث عطر عندهم وبيبلشون يبيعونه شهر 11 ان شاءالله << البوست مجدول خخ كتبته ب31 -10 ..
واهو عباره عن مزيج الازهار الحلوة حيث تتفتح رائحة المندرين والكمثرى الممزوجة بالتوت البري، ويضيف الياسمين عليه رائحة منعشة رائعة ويتمنح اوراق الازهار الكريمية النعومة له.
مبدائيا عقب رشه وحده بس حبيته
 
2- اضاءه للعين 2 وحده ع وردي وال2 فاتحه اقرب للبيج << ناطره اجربهم احب هالسوالف خخ ..
3- جل لترتيب الحواجب << هم احب هالسوالف ماشاءالله ناطره استخدمهم بداية الاسبوع ان شاءالله ..
 
اللي تحت :
جنطة مكياج اسمها طقم الجمال الاساسي ..
واهي من لايننين عندهم صبايا و غيرلز تولز ..
 
وفيها اغلب المنتجات اللي تحتاجينهم بحجم اصغر او منتجات تكون 2 في 1 ..
 
-لاش آند لاين مسكارا ومحدد عيون السائل من صبايا ( ماسكرا وايلاينر يعني 2 في 1 راس لماسكار وراس 2 ايلاينر )
 
- قلم لاين آند شادو 01 من صبايا  (كحله وشدو ) عاد احب كحل صبايا مااستخدم غيره كتبت لكم عنه هني ..
 
 -ملمع للعناية بالشفاه 09 من صبايا (لونه شفاف )
 
-المرآة المدورة  (حبيت حجمها زين وماتاخذ مساحه او حيز سخيفه \ ضعيفه)
-رذاذ العطر البنفسجي من غرل تولز (اهو فاضي تعبين فيه عطرج المفضل الصراحه خخخ انا حسبالي فيه شي وقعدت ارش وارش لا واجرب لامي اقول طلع شي تقول لا خخ اشم الراس اقول مافي ريحه انا خلقه مااشم عدل :\ جان تقول امي اخاف فاضي قعدت اقولب فيه قلت اي والله خخخ )
 
شكرا ع الهدية وشكرا ع الثقة وجاري التجربه ان شاءالله :****
 
بالانستغرام : @Mikyajy1
t
والسايت :LINK
 
Friday, November 1, 2013
من الايميلات اللي دزوها لي مكياجي وعجبني محتواها هذا البوست طبعا مو ناشره الايميل حرفيا خذيت الجزء الخاص بمكياج ميريام فارس فقط ..
 
ومنقول بالتصرف + الصوره الاولى من الايميل  وحاولت اطلع صور المنتجات بس السايت مااقدر اخذ منه الصور :\ بضيفه اخر شي تقدرون تشوفون المنتجات فيه او عن طريق زيارة محلاتهم طبعا..
 
 
استخدامت مريام فارس في  بطلتها في الاعلان التلفزيوني مجموعه من مستحضرات مكياجي من تشكيلة صبايا، وهذي خطوات اللوك :
الخطوة 1: ضعي على النصف الداخلي لجفن العيون صبايا كواترو كيوبز ظلال العيون رقم 11، وايد غولد
الخطوة 2: ضعيه على الزاوية النصف الخارجي للجفن صبايا كواترو كيوبز ظلال العيون رقم 13 سلفر
الخطوة 3: ضعي وامزجي على ثنية العين  صبايا كواترو كيوبز رقم 11، جوكليت براون
الخطوة 4: حددي الحافة الداخلية للجفن السفلي صبايا لاين آند شادو رقم 01  
الخطوة 5: حذفت هالخطوه واهي الخاصه بتركيب الرموش ( عن نفسي استحرم اركب رموش فاللي اتركب كيفها ذنبها عليها خخ) 
الخطوة 6: استخدمي على الرموش العلوية وحدديها صبايا محدد العناية بالعيون 01
الخطوة 7: ضعي طبقتين من صبايا مسكارا للتكثيف والعناية بالرموش
الخطوة 8: املئي حواجبك باستخدام صبايا باودر الحواجب
الخطوة 9: حددي خديك باسخدام صبايا احمر الخدود رقم 07
الخطوة 10: اضيئي خديك باستخدام صبايا صبايا الومينيتينغ
الخطوة 11: اضيفي لشفتيك صبايا ملمع العناية رقم 06 وصبايا ليب جيليز رقم 01
 


بالانستغرام : @Mikyajy1
 
t

والسايت :LINK
 
Thursday, October 31, 2013
الاسبوع اللي فات اعتقد وصلتني دعوه من h&m لحضور العرض الخاص بتعاونهم مع المصممه ايزبيلا مارتن ..
 
 
واللي خلاني اروح الايفنت سببين خاطري اشوف الكولكشن و انه وقته مفتوح ومناسبني ..
 
 
وكان الايفنت بالشور روم اول ماوصلت العاده انا عادي اسلم وادرعم جنه اعرفهم من مليون سنه والناس بسرعه تتعود علي بس يومها مادري شفيني دشيت جان اتنح ماوعيت الا هاللي يايه من بعيد تستقبلني بحراره وتصفحني اشوه خخ اسمها صوفيا من العلاقات العامه بالمحل كسرت الجمود اللي حاشني..
 
وهذا صوره عامه وشامله ..
 
طبعا الكولكشن شامل تقريبا اغلب الفئات :
 
- النساء - الرجال - الاطفال ..
 
النسائي تقريبا اكبر مجموعه ..
 
وهذا الستاند المعروض فيه ..
 
وهذي بعض القطع منه معروضه ع المنيكانات \ المليكانات \ المودل ..<< اختاروا الاجابه الصحيحه خخ
 
 الجاكيت : 129.900 د.ك
 
البنطرون سعره 34.900 د.ك ..
 
 
البنطرون سعره : 39.900 دك ..
 
وهذا شوز نسائي وانتوا بكرامه من الكولكشن ..
 
المجموعه الرجالية :
 
 
 
الجاكيت اللي لابسه اللي ع اليمين بحدود ال79 دك او 59 مو مبين موديله عدل بالكتالوج في 2 متقاربين :\
 
وهذي الاحذية الرجاليه وانتوا بكرامه كنت ابي نسخه من ورقة الاسعار بس عطوني الكتالوج مافيه كلشي :\
 
 
وهذا اخر قسم واهو المخصص للاطفال ..
 
 
 
 
اكثر قطعه لفتت انتباهي فيه :)
 
والعرض الرسمي للكولكشن راح يكون بافرع محدده وبيوم 14 نوفمبر 2013 ان شاءالله ..
 
وهذي الضيافه كانت من دين اند دلوكا ..
 
 
 
 
 
شكرا ع الدعوه حبيت الايفنت كان خفيف ولطيف مو مجرد تصوير لا كانوا سامحين لنا نجرب القطع بعد وهم صورونا صور فوريه حطيت صورتي الجميله بالانستغرام :)
 
والحلو فيه انه مافيه لويه وضجة الايفنتات :)
 
thanx Sophia  & thanx h&M TEAM

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads