Showing posts with label مناسبة. Show all posts
Showing posts with label مناسبة. Show all posts
Saturday, February 15, 2014

postheadericon كوكيز نستله مخصوص لمن تحب وباللي اهو يحب :P

10:00 AM
بما انه خلص عيد ميلادي اقدر اكتب عن الهدايا ع راحتي خخخ ..
 
في شغله احبها بالهدايا اذا بدز نقصه لاحد او صوغه او هدية عيد ميلاد او زواج غير انه تكون شغله يحبها الشخص انه تكون معده او مصنوعه خصيصا له ..
 
بس ماقط صارلي هالشي خخ الا بالكيك ..
 
المهم من الشغلات اللي هبيت فيه العام وتحمل هذه الميزه او الصفه ..
 
اهي كوكيزة نستله ..
 
جربته اكثر من مره ..
 
(1)
اول مره بشهر 5 العام هديه لرفيجتي عروس + فلوس  << وكان بفرع صليبخات ..
 
(2)
 
وماحطيتها بالانستغرام عشان ماحرق الفكره ع نفسي ولانه عجبتني وبسويها لعيد ميلاد رفيجتي << وهالمره مارحت كنا برمضان واتصلت عليهم وقلت لهم ابي نفس اللي حاطينها باكاونتك بالانستغرام 2 يوم اتصلوا ياكدون الطلب وصلوها لي بيتنا ..
 
(3)
المره ال3 اختي عجبتها الفكره فسوتها لعيد ميلادها وعيد ميلاد رفيجتها << وهذا فرع الافنيو ..
 
(4)
المره الرابعه هم اختي سوتها لرفيجتها بس هالمره يابولها ايها مو زود كلمتهم جان ايبون لها وحده اكبر واحلى ..

والكوكيز تكون شغله من مجموعة شغلات اقدمها كهديه و بالنسبه  لكوكيز اللي مكتوب عليها عيدكم مبارك مو طلبي صورتها بالكافيه دشوا اكاونتهم بتشوفون اشكال ورسومات واحجام مختلفه ..
 
نستله خدمتهم حلوه خصوصا اللي بالافنيو و كوكيزهم لذيذ ..
 
الاسعار :
 
الكوكيز اعتقد 8 وتوصيل للجهرا رخيص بنص جنه ولما وصلوه لدوامي كان بلاش ..
 
فروع نستله :
 
مارينا:25732046
ذا فلج:23909021
سما صليبخات:22219138
الافنيوز:22200669
 الليوان:65548380
منيوز:22250101
الفتوى:22941000 ext.19988 ا
لأشغال:25306000
 
الانستغرام : @nestlecafekw
 
 
 
تحديث :
هالبوست كان مجدول يعني مكتوب قبل عيد ميلادي قبل 11 - 2 ..

المهم بعيد ميلادي اختي سوت لي الكوكيز خخ ..

 
بعد عمري كنسلت موعد طبيب الاسنان وتعنت نستله وتمت ساعتين تنطره وعلها مافهم ولا في الوان عنده << فرع صليبخات ..

شكرا الجعده :*
Labels: , , , , | 1 comments
Tuesday, February 11, 2014

postheadericon thanx barkerista :*

10:00 AM
 
نسيت هالبوست في بداية السنه ولها المناسبه دزولي هالنقصه ..
 
بس عادي اليوم هم يصادف بداية سنه يديده بعمري :)
 
 
النقصه عباره عن ستاند متروس كيك بوب ب3 نكهات ككاو و رد فلفت و فانيليا وعلى اشكال خاصه بداية السنه الشيره ورجل الثلج وسانتا كلوز (بابا نويل ) ..
 
وايد حبيت النقصه  اكرمكم الله وكل عام وانتوا بخير ..
 
والاهم اميمتي حبته وتمت تاكل منه جم يوم عليها بالعافيه ..
 
t
 
 
 
الانستغرام :  @Bakerista
 
 
 
Whatsapp
65155099
 
 
 
Labels: , , | 0 comments
Sunday, February 9, 2014

postheadericon مفاجاتي لرفيجتي @lauracake_q8‏

10:00 AM
laura cake
 
شفت كيكة ام غزغز بالانستغرام وعجبتني دشيت اكاونت التاجره وعجبني شغلها ..
 
فطلبت لعيد ميلاد رفيجتي عشان نحتفل فيها بالدوام ..
 
اهي تحب الورد وتحب حرفها فالكيكه يت رايت ع اللي ابي << الحمدالله ..
 
 

اهي مجموعة كب كيك وتكون ب3 نكهات رد فلفت وككاو وفانيليا  ومزينه بالورد الطبيعي ..
 
 

سعرهم :

جنه مع توصيل طلع لي 22 دك مو متاكده بس هالمحاري ..

رايي :

حبيت دقتهم بالمواعيد ماشاءالله كنت ابي ساعه 9 وصل بالوقت ..

الشغل مرتب ونظيف ..

الطعم جربت الرد فلفت كانت عاديه بس البنات مدحو وفي ناس سالت عنه بعد ..
 
ماقصرتوا ع الخدمة الممتازه والشغل المرتب ماشاءالله موفقين يارب ..

وعليها بالف عافيه صديقتي وتستاهل اكثر بعد عمري لولو :*

 
اكاونتها بالانستغرا م :

  • @lauracake_q8‏


    •  

  •  

  • T: 99051381

  •  wts up: 90041616

  • نستقبل الطلبات من 10ص حتى 10م


    • Labels: , , | 0 comments
    Wednesday, October 16, 2013

    postheadericon عيديتي من الشايع

    12:33 AM
    الاسبوع اللي فات ياللي ايميل من الشايع انه في لي كيكة  بجيز كيك فاكتوري  ( مو بس لي الاغلب البلوقر )

    عاد عقب الدوام مريتهم وخذيتها ..

     
     
    كانت كيكة ككاو ..او جيز كيك ككاو ..
     
    فيها اكثر من طبقة الاولى ككاو وفي طبقة اوريو وفي كريمة مثل اللي بين الاوريو بس اخف ذكرتني برد ساندويش وفي جيز (جبن الجيز كيك) واخر شي مو بسكوت لا كيك ككاو ..
     
    وايد مكونات وطبقات فاكيد ثقيله بس لذيذه وثقيله مو عيب بالعكس ميزه  بتكفي اكثر من شخص كل واحد لقمه ويشبع خخ << تفكير نياده ..
     
    صج ماشاءالله القطعه وحده كنت اتشارك فيها مع شخصين او شخص واتم لانه حجمها راهي ..
     
    ولانه مكوناتها متنوعه تعجب اغلب الاذوق اتوقع اختي الجوز حبت اللي تحت انا كلها بس حبيت الككاو كثر ورفيجتي حبيتها كلها وتقولي اللقمه لازم تكون شامله كل الطبقات خخ ..
     
    حبيتها ..
     
    وبزيارتي لهم قابلت المدير جيمس  وسوالفنا عن البلوق..
     
     
    وشكرا وماقصرتوا :)
    Labels: , , | 0 comments
    Saturday, August 10, 2013

    postheadericon جديد غاريت بوب كورن بنكهة الشوكلاته (garrett )

    2:35 AM
    امس مرينا غاريت اختي الصغيره تبي نفيش ..
     
     
    جان اشوف انه منزلين نكهة يديده اعتقد  نزلوها برمضان  (اهو بوب كورن بالجوكلت \ الككاو )
    طلبت اذوقه ..
     
    ومتوفر بالككاو العادي او الابيض ويكون كل نوع ميكس مع الكراميل ..
     
    عجبني ف سالتها يصير تسوين لي ميكس الابيض مع الككاو قالت نو جان اسكت كسرت خاطر نفسي اول مره اسكت خخخ المهم جان تقول ع طول بس راح اسويلج ..
    واخترت الميديم ..
     اذا بتطلبون منه اي نكهة هذي او غيرها طلبوها تكون بهالجيس احسن من العادي لانه في قطعه تتحكمون فيه وتسكرون وتفجون ع راحتكم و يتسكر عدل ومايدش فيه هوا يخربه او وصخ ..
     
    سعره :
    2.950 د.ك
     
    رايي :
     
    لاني احب الككاو حبيت فخذيت منه وهم ولد اختي مثلي يحب الككاو فعجبه اما امي ماتحب النفيش الحالي فما حبته ..
     
    وحبيت الخدمة اللي كانت اسمها joan حليوه وفرندلي وخدومة ..
     
    موجود ..
     
    بغراند الافنيو (بدايته ) وموجود بكدزاينيا ..
     
    واحتمال قريبا يفتحونه بالسالميه ..
     
    وبالنسبة لبرا الكويت احتمال يبطلونه بالسعوديه وتحديدا بجده ..
     
     
    Labels: , , | 0 comments
    Monday, July 22, 2013

    postheadericon things_by_fatameee فناتق للتقديم والهدايا والقرقيعان والتوزيعات .. الخ

    1:50 AM
    تذكرون قبل فتره نزلت لكم عن مشروع سعودي اللي يطبعون ع خدود البنات مادري العيوز المارشيملو وع الشكر هذا البوست هني ..
     
    وانا احوس بالانستغرام لقيت اكاونت يشوق في وايد فناتق منها المارشيملو مو نفسه او تقليده بس نفس الفكره ع اسامي او هابي فيس ..
     
     
     
     مارشميلو الاسماء
    ٣٠ حبه مغلفه = ٥ دك
    ١٠٠ حبه مغلفه = ١٦ دك
     
    وهم عندها قند او شكر ..
     سكر الاسماء
    ٣٥ حبه = ٤.٥٠٠ دك              

    المفروض البوست لي هني ويخلص بس ماقدرت ماشاءالله في شغلات تشوق وغصب وقفت طلعت من الاكاونت بكبره خخ عشان اوقف ..
               
     سله النقصه
    مزينه بالورد الفوشي الطبيعي
    بالاضافه الى ٤ قراش :
    الكبيره ١ : بسكويت الدارسين
    الكبيره ٢ ؛ بسكويت اليانسون
    والقرشتين الاصغار فيهم ميني قرص عقيلي ( يمكن اختيار اي لونين )
    الكميه محدوده
     
     
     
     
    بسكويت الاظرف
    حاليا متوفر بألوان جديده :
    الاخضر
    الاصفر
    الازرق
    الوردي الغامج
    العلبه تضم ٣٢ ظرف
    وكل ظرف يحتوي على قطعه واحده من البسكويت ( الطلب يكون قبل يوم او اكثر )
    السعر = ١٢ دك 
     
     
    ماشاءالله عندها وايد شغلات تشوق هذا جزء بسيط منها  ع قولتهم لمشاهدة المزيد هذا اكاونتها بالانستغرام  :
     
     

     للطلب واتس اب :
    99591018

    Labels: , , , | 0 comments
    Tuesday, July 16, 2013

    postheadericon مجموعة هدايا من بودي شوب مخصصه لرمضان

    1:24 PM





    توني ادري انه بودي شوب يسوي اصدار او لاين بالاحرى تغليف خاص لرمضان..
    حبيت الفكره ..
    ينفع قرقيعان :p
     
    تحديث :
     
    الاسعار :
    اللي شفته الهلال اللي فيه زبدة ككاو حجمه عنون وسعره ب5 ..
    والنجمه ب10 ..
     

    - Posted using BlogPress from my iPhone
    Labels: | 1 comments
    Saturday, July 13, 2013

    postheadericon نكهات الرمضانيه @marchelas_touch

    1:17 AM
    قبل جم يوم وصلتني نقصه من marchelas_touch  لتجربة نكهاتهم اليديده المخصصه لرمضان وهذا عقب ماطلبوا من متابعينهم ترشيح ناس يثقون بذوقهم وانا بنت عمي رشحتني وحدي استانست خخ والحمدالله تم اختياري واختاروا هنوف البلهان ..
     
    لما شفت الجيس من بعيد بيد المندوب قلت الله ورد حقي خخ اتغشمر مع رفيجتي لانه كل مايمر ورد انقول لنا ويطلع لا بس هالمره طلع صح خخ ..
     
    وهذا عقب ماطلعت الاغراض من الجيس ..
     
    واسمي الجميل :)
     
    وهذي النكهات :
     
    اهما 3 الاول رهش وال2 قمر دين وال3 تمر بالدايجستف ..
     
    رايي :
     
    حبييييت الرهش لدرجة اني قرمت كل الموجودين عساس محد ياكلهم غيري خخ ..
     
    ووايد حبيت طريق التغليف والتنسيق صج ذربه ماشاءالله وبالضبط مثل مااحب ..
     
    مشكورين ع الاختيار وع النقصه اكرمكم الله وشكرا بنت عمو ع الترشيح :*
     
    للطلب :
    من9-2 ظهراً ومن5-10 مساءاً
    الطلب قبلها بيوم
    مسج او وتساب على الرقم 55490003
    انستغرام : marchelas_touch 
     
    Labels: , , , | 0 comments
    Sunday, June 30, 2013

    postheadericon مبخر رمضان من ايار للعطور

    11:51 PM
    السلاموو ..
     
    ولهت ع بلوقي وع متابعيني الصامتيين ..
     
    بحاول انزل اليوم اكثر من بوست ان شاءالله ..
     
    والمهم خلون نبلش بوست اليوم ..
     
    امس اخوي دش يناديني معاه هالجيس لما شفته ولا هديه رمضان @ayarperfumes احلى شي اني مادري انه بيدزون لي بتقولون شهالعبو شهاليور شلون عرفوا عنوانكم معطتهم اياه العام دزولي نقصه ، استانست اول شي لانه مفاجاءه مو متوقعه 2 شي امي تحب عطورهم حيييل لدرجه بعيد الشر والله لايعوده لما انجلطت بالمستشفى وصتني ايب لها اغراض ومنها ست العطور اللي عطوني اياه العام وماشاءالله خلصتهم  هذا بوستي الاولي عنهم (اضغط هنا )..
     
     
    اسم الهديه مبخر رمضان ..
     
    وهذا شكله علبه مستطيله طواليه من البلاستيك محفور عليها بكل الجوانب نقش الاسلامي او الشرقي ومن جدام اسم الشركة ايار ..
     
    وهذا شكله ع جنب ..
     
    وهذا الغطا صج جنه مبخر ..
     
     
    ومحتوياتها عباره عن :
     

    -عطر سما ٧٥مل
    -رشوشين (الدروازة ، دسمان) ٢٥٠مل
    -تولتين معمول الدانه ..
    وبما اني دقيقه وتشدني التفاصيل حبيت الالوان المستخدمه الاسود والذهبي فخامه ورقي شرقي والحلو انه من ورا حاطين نفس النقشه اللي ع العلبه مو مخلينها ساده وهم شدني انه حتى ع جيس مكتوب مبارك عليكم الشهر يعني ماله داعي جيس يديد للهديه وعبالة التغليف مثل ماتشترونها تودونها ..
     
    سعر الهديه :
     
    ببلاش اكيد يابوها لي خخ بس من اكاونتهم بالانستغرام عرفت انه 25 د ك ..
     
    وايد مناسب ..
     
    رايي :
     
    انا احب هالعطور اسميها العطور الكويتيه الاصيله الخنينه بس مو لي لا لاميمتي و ديده الله يرحمها يارب، و امي كنت انطرها تيي ابي ارويها الهديه حدي متشوقه ابي تشوفها لما يت روايتها استانست وقلت لها شميهم يما قبل لا ارش قالت شحلاتها انا صرت جذي !!! خخ يما مارشيت اشوه اني مو رقيقه وايد جان غشيت واهي رشتهم علي عساس اصحصح ..
     
    امي تحبهم وااايد اللي تحبه امي ويفرحها يفرحني امي تقولكم عطور ايار كثر لله خيركم وانا اقولكم شكرا ع احلى مفاجاااااااء ماقصرتوا وجزاكم الله خير اللي فرحتوا اميمتي :*
     
    اللي محتاره بهديه رمضان هذي بتكون مناسبه لج حطيها بلستتج وشميها وان شاءالله تعجبج ..
     
    اكاونتهم بالانستغرام : @ayarperfumes
     
    Twitter: @AyarPerfumes
     
    وللإستفسار والطلب:
    55501991

    "قريبا في برج جاسم"
    Labels: , , | 0 comments
    Monday, May 20, 2013

    postheadericon توزيعات الميني صابون المعطر للمناسبات المختلفة @mysoapcenter

    10:30 AM
     
    مركز صابونتي كنت اشوف اعلانته بالجرايد الاعلانيه قبل سنه او سنتين واللي شدني له انه صابون طبيعي وعلاجي و هاند ميد وعقب شفته بالانستغرام وعجبتني فكرتهم اليديده اللي اهي
    توزيعات الميني صابون المعطر للمناسبات المختلفة مثل ولادة و تفوق ونجاح .. الخ
     
    وهذي بعض صور شغلهم بالتوزيعات منقوله من اكاونتهم بالانستغرام ..
     
     
     
     
    وهذي صور اوضح ..
     
    والصابون يسونه باشكال مختلفه ورد \ فراش \ دبدوب .. الخ ..
     
     
     
    وغير التوزيعات عندهم وايد انوع صابون علاجي بالشوفان والمره .. الخ وعندهم خلطه صابونيه وعندهم بعد صابون لليهال هذا اهو ..
     
     
     
    واذا حابين تشوفون صور اكثر لشغلهم وتكون عندهم فكره اكبر هذا اكاونتهم بالانستغرام : @mysoapcenter
     
    للطلب -
    واتس او مسج 0096560440360

    Labels: , , | 2 comments
    Wednesday, March 20, 2013

    postheadericon كيك ليوم الام من الخباز ..

    10:23 PM
    اليوم انا واختي الجوز رحنا الخباز بنشوف كيك عيد الام منزلين مجموعه حلوه ماشاءالله والحلوه انه هالمره يصادف بالويك اند يعني حزة الزواره فنحلل فناتقنا خخ ..
     
    وهذا الاعلان ملزقينه بالمحل ..
     
     
    وهذي جزء من المجموعه ..
     سعرها : 22 د.ك..
     
     
     
    سعرها : 30 د.ك ..
     
     سعرها :25 د.ك ...
     
    كلهم يشوقون بس هذي حبيتها جنها نفنوف والحاشية دانتيل (قلب حب )
     
    سعرها : 20 د.ك ..
     
    واعتقد مدة عرضهم يومين وحلو غير شكلهم انه كل كيكه معاها  كرت نفس شكله بس الورقه والكروت كانوا بعاد فماصورتهم ..
    Labels: , | 0 comments
    Monday, February 25, 2013

    postheadericon افتتاح رد تاغ بسليل ..

    3:30 PM
    قبل يومين دريت من اعلان بجريدة الوطن عن افتتاح رد تاغ بسليل ..
     
    امس مريته وصورت لكم جم صوره..
     
     وطبعا بمناسبة الافتتاح مسوين عرض اذا شريتي فوق 10 يعطونج كابون 3 د عقب ماتحسبين تروحين لشخص معين يعطيج الكابون عقب مايشوف الفاتوره وياخذ بياناتج اسمج ورقمج :\ ..
     
     
     
     
    ماصورت وايد لانه في ناس. واهو عموما دور واحد بس شرح.
     
     
    Labels: , | 0 comments
    Tuesday, February 19, 2013

    postheadericon محل luckypumpkinkwt @33boutiquekw

    12:23 AM
    .اكثر من مره قلتها وبتم اقولها هالمشروع ماشاءالله من افضل المشاريع الشبابيه اللي تعاملت معاها من كل النوحي دقة وابداع بالشغل والاهم من هذا كل اخلاقها العاليه وطيبتها يعني مره برمضان سويت كوكيز واحترق حطيت بالانستغرام جان تكتب لي شلون اسوي الكوكيز عدل << هذا تخصصها البعض الله لايبلانا مايحب يتحجى او يعلم هالسوالف بس اهي ماقصرت ..
     
    ومشروعها تحول من مشروع منزلي لي محل موجود بثيرتي ثري بوتيك اللي اهو بمثابة حاضنه للمشاريع الشبابيه هذا اكاونتهم بالانستغرام @33boutiquekw
     
    هذي صور للمحل منقوله من اكاونت المحل و من اكاونت ثيرتي ثري بوتيك..


    وهذي تجاربي لهم :

    (1)

    اول تجربه كانت اوريو بوب جزء من هدية عيد ميلاد رفيجتي ..
     لقراءة البوست بشكل كامل اضغط هنا

    (2)

    كيكة لعيد ميلاد عيال اختي وهذي كانت سبشيل اورد ع قولتهم بكلامنا طلبيه خاصه انا اخترت الشكل ..

    لقراءة البوست بشكل كامل اضغط هنا

    (3)

    وكية عيد ميلادي شفتها باكاونتهم وعجبتني ..

    لقراءة البوست بشكل كامل اضغط هنا

    (4)

    وهذي قبل عيد ميلادي طلبتها هدية لبنت عمي عروسه كجزء من هديتها  وهي الشغله والوحيده اللي طلبتها منهم وماكتبت عنها اهي فازة وفيها كوكيز باكثر من شكل معرس (بشت) عروسه (نفنوف) وكيكة العرس..
     

     (5)
    وهذي هديه منها ماقصرت زينب واهي من اخر مجموعه موفرتها الحين لاعياد الوطنيه وعباره عن ستاند فيه مجموعه من لولي بوب..
     
    *مواعيد العمل :
    من ١٠ص-١ ظهرا ومن ٥ - ١٠ م الجمعه الفتره المسائيه فقط..
     
    ** العنوان :
    جمعيه السلام بالقرب من بنك برقان ٣٣ بوتيك الدور الارضي ..
     
    ٦٠٠٧٠٤٠٤ -٥٥٠٩٨٠٨٠ وتس اب فقط ..
     
     
    Labels: , , , , | 0 comments
    Subscribe to: Posts (Atom)

    About Me

    My Photo
    رورو الشخبوطه
    الكويت, قسم الاعلام:), Kuwait
    بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
    View my complete profile

    ايميل المدونة :)

    دايركت انستغرام 😁

    Followers

    Blog Archive

    انستغرام المدونة (roroalk)

    انستغرام المدونة (roroalk)

    follow me

    follow me

    My Blog List

    Show All

    Ads

    Meenakon Design Templates