Showing posts with label شخبوطة. Show all posts
Showing posts with label شخبوطة. Show all posts
Friday, May 17, 2013
5:26 PM
من زمان ماكتب بوست عاديي ببلوقي ( ع قولتي ماشخبطت ) ولهت ع شخابيطي العاديه ..
واللي خلاني ارد واكتب هالخبر اللي دزته لي رفيجتي من ابليكيش الدروازه ..
ليش ؟؟
احس فيه نوع من الظلم !!
واذا بيطبقونه الاولى يطبقون او بالاحرى ينزلون قرار بتوحيد جميع الرواتب لموظفين القطاع الحكومي اصحاب نفس المؤهل والتخصص والدرجة ..
صح ولا لا ؟؟
مايصير وزاره معاشهم فوق ال1000 وزاره يالله 800 وكلهم مثل التخصص والدرجه والشهاده واللي معاشه 800 يكرف اكثر من بو 1000 لانه هذاك على ادارتها اقبال وطق عصي وبالمكتب يقعد بدال الموظف 4 من كثرهم ماشاءالله !!
واللي يحر بو 800 شغيل و يايب معدل قوي شاطر و بو 1000 كسلان !!
ومعاش الجامعي نفس معاش الفني مو الدبلوم لا اللي 4 متوسط !!
ظلمممممممممممممم
مادري متى ديوان الخدمة يكون منصف وايد صارت لي مواقف من سبته مسمى غلط عدلنه مو راضي يرقوني للمسمى الاعلى لانه تعيني كان ع مسمى غير !! شي ياثر ع شي ..
الكوادر لناس وناس التخصصات اللي لها ادارات معينه تشتغل فيها تنصرف كوادرها بكل مكان و الاعلاميين اللي يمشون باي قسم ويقدرون يشتغلون باغلب الاقسام كوادرهم ماتنصرف الا بادرة اعلام او علاقات عامه !!!
وااي قلبي متروس ..
حسبي الله ونعم الوكيل ..
Labels:
Thursday, November 29, 2012
10:53 PM
- ب29 -11- 2007 بطلت البلوق كمشروع جامعي باسم ترندي غيرل 87 وكنت مخصصته للفاشن والبيوتي كتبت فيه لمدة شهر بس (عقب ماسلمت الهومورك وقفت ..
-وعقب 2008 نزلت بوست ولهيت بالجامعه والتخرج والوظيفه ..
-ببداية 2009 سويت لي بلوق اسمه شخبوطة وتميت فيه 3 اشهر وصدفة دشيت ترندي جان اشوف انه الردود كلها فيه خخ جان ارد له وصار عندي بلوقين بلوق بناتي وبلوق لشخابيطي ..
-ب2010 دمجت البلوقين مع بعض ..
-ب2012 تجاوز عدد زائرين بلوقي المليون ماشاءالله :)
**شخبوطتي بالجرايد والمجلات **
ومن الشغلات اللي تونسني اني اقرا خبر عن مدونتي وهالشي الحمدالله صار اكثر من مره ..
(1)
(2)
(3 & 4)
وكل عام وبلوقي وانا بخير ..
وشكرا لكل من تابعني وشجعني ع التدوين سواء هني او بالانستغرام او تويتر او الايميل ,,
بفضل الله وثم تشجيعكم ومتابعتكم اهما اللي خلوني استمر ..
Sunday, August 19, 2012
4:14 PM
عيدكم مبارك ..
وتقبل الله طاعتكم ..
وعساكم من عواده ..
(هالبوست يقرقع بقلبي )بكل رمضان يتم عرض العديد من المسلسلات بس اللي تابعتهم 2..
(1)
اعتقد انه الاشهر والاقوى بهالسنه وخذا شهرته وقوته من اختياره لاقوى واصعب حقبة زمنية كويتيه الاغلب عاصرها واهي الغزو العراقي الغاشم , واهو يعتبر اول مسلسل (30 حلقة مو سهرة تلفزونية ) تعرض هالفتره وهم اهو اول مسلسل عنه بعد اعادة العلاقات مع العراق ..
الاغلب كان ينطره بيشوف شنو بيعرضون وشلون مسلسل عرض جزئين منه عن قصص حب بيعرض قصة عن الوطن قدروا نوعا ما يركزون ع حب الوطن بعرضه للمقاومة والشهداء والاسرى والمظاهرات وغيره , وكبداية المسلسل كان قوي لي اخر جم حلقة برد والاحداث غصب يمغطونها واخر حلقتين وايد استعانوا باليوتيوب بشكل (ماصخ) نص الحلقه تقريبا بمشاهد مصوره منه ! لشغلات ماتخدم المسلسل مثل فوز المنتخب بكاس الخليج والمسرحيه وغيره (رقعته لهم لما شفت انه المشهد اللي عقبه كان ب2000 قلت يمكن قصدهم عرض اهم الاحداث اللي صارت بالتسعينات ) وهم مشهد فيصل كان دعايه اشكره لتسهيلات ..
ملاحظة : انا موضد الاستعانه بمشاهد من اليوتيوب بس لازم تخدم المسلسل وماتاخذ نص الحلقه بالبداية كنت مستانسه انه استعانوا بمشهد مظاهرة الجابريه بس كثرت المشاهد مثل ماسلفت الذكر خربت اخر حلقتين ..
واكثر شي حبيته بالمسلسل ( فهد& سالم ) وحتى القفاص يونس ..
وفقدت صمود بهالجزء ..
(2)
مسلسل من تاليف هبه حماده يعني مجموعه من المشاهد مو شرط مترابطه واغلبها ذكريات يرويها لنا راوي بس هالمسلسل اعتمدت ع راوي واحد العاده اكثر من راوي تستعين فيه بمسلسلاتها , هالمره بدعت ببعض المشاهد قٌبل ع راس من الممثل و الممثله من طقت بعض فاطمة الصفي ويعقوب عبدالله يعني مو كالعاده ممثل شاب او ممثله شابه للمثل كبير او ممثله كبيره ! (يرقعونه حسبت امه \ابوها) غير شبه احضان :\
مسلسل مااحترمت فيه الشهر الفضيل ولا المشاهد المحافظ !
واختمتها بالحلقه الاخيره بمشهد غير مكتمل وبوعد المشاهد بجزء 2 !!
(3)
حبر العيون هالمسلسل ماتابعته عدل بس بالويك اند اشوف جم لقطه منه ..
بس بدعت فيه هيا عبدالسلام اتقنت الدور ماشاءالله ..
Sunday, July 15, 2012
8:48 AM
توني قريت هالخبر بجريدة السياسة :
هذي الزبده :
اللاصقة بحجم لاصقة الجروح الصغيرة توضع أسفل الظهر بموازاة الكلى وتمنع العطش ما بين خمس وثماني ساعات. لكن اللافت أنها لا تباع في الصيدليات, بل في الأسواق وتباع بجنيهين مصريين ..
وعليها جدل شرعي ..
وعليها جدل شرعي ..
انا خابره انه الحكمه من الصيام انه نحس بالعطش واليوع (نتحكم بغرائزنا ورغباتنا)
استغفرالله ماكو شغل !!
وهذا الخبر :
القاهرة- يو بي اي: قبل ايام قليلة من بدء شهر رمضان المبارك انتشرت في مصر لاصقة طبية تمنع عطش الصائمين وتروج لها شركة صينية, وقد أثارت جدلاً شرعيا بشأن صواب استخدامها. كشفت شبكة "محيط" عن ان اللاصقة ظهرت في الاسواق المصرية خلال اليومين الماضيين, وتصنعها إحدى الشركات الطبية الصينية المتخصصة بصناعة الأدوية الجنسية, وتوردها الى مصر عبر شركة استيراد محلية تروج للمنشطات الجنسية.
واللاصقة بحجم لاصقة الجروح الصغيرة توضع أسفل الظهر بموازاة الكلى وتمنع العطش ما بين خمس وثماني ساعات. لكن اللافت أنها لا تباع في الصيدليات, بل في الأسواق وتباع بجنيهين مصريين
وقال تاجر كبير للشبكة إن:" شركة استيراد كبرى مشهور عنها استيراد المنتجات الطبية الصينية استوردت اللاصقة وأدخلتها الجمارك على أنها لاصقة طبية عادية."
واضاف:" أن التجار الذين يبيعونها حصلوا على فتوى بعدم تحريمها لأنها لا تفرز مواد تدخل في نطاق الطعام أو الشراب, لذا وجدوا أن هذه الفتوى كفيلة بالسماح لهم للاتجار بها."
ولكن رئيس لجنة الفتوى السابق في الأزهر الشيخ عبدالحميد الأطرش اعتبر" استخدامها لا يجوز, بل وحرام أيضاً, لأنه يعد تحايلاً على الدين وعلى فريضة الصيام". واوضح ان "عدم الشعور بالعطش والجوع سيفقدان الصائم إحساسه بالفريضة وبالتالي عدم إحساسه بطاعة الله وتصبح الفريضة كعدمها".
واستطرد قائلا: "ثبت علمياً أن الإنسان عندما يجوع أو يعطش تميل نفسه إلى الهدوء والسكينة وتنطلق روحه إلى مرحلة من مراحل الصفاء وبخاصة إذا تابع الصوم بالعبادة وقيام الليل".
وكانت هيئة الشؤون الدينية التركية أفتت منذ سنوات عدة بجواز استخدام لاصقة تمنع الجوع وتفقد الشهية مستندة في ذلك إلى ان"إذا كان الصيام يساعد في الحفاظ على الجسم ورشاقته عبر تنظيم عملية التغذية فان لاصقة منع الجوع تؤدي الغرض نفسه من خلال تقليل إحساس الصائم بالجوع, وعليه فان استخدامها مباح".
واللاصقة بحجم لاصقة الجروح الصغيرة توضع أسفل الظهر بموازاة الكلى وتمنع العطش ما بين خمس وثماني ساعات. لكن اللافت أنها لا تباع في الصيدليات, بل في الأسواق وتباع بجنيهين مصريين
وقال تاجر كبير للشبكة إن:" شركة استيراد كبرى مشهور عنها استيراد المنتجات الطبية الصينية استوردت اللاصقة وأدخلتها الجمارك على أنها لاصقة طبية عادية."
واضاف:" أن التجار الذين يبيعونها حصلوا على فتوى بعدم تحريمها لأنها لا تفرز مواد تدخل في نطاق الطعام أو الشراب, لذا وجدوا أن هذه الفتوى كفيلة بالسماح لهم للاتجار بها."
ولكن رئيس لجنة الفتوى السابق في الأزهر الشيخ عبدالحميد الأطرش اعتبر" استخدامها لا يجوز, بل وحرام أيضاً, لأنه يعد تحايلاً على الدين وعلى فريضة الصيام". واوضح ان "عدم الشعور بالعطش والجوع سيفقدان الصائم إحساسه بالفريضة وبالتالي عدم إحساسه بطاعة الله وتصبح الفريضة كعدمها".
واستطرد قائلا: "ثبت علمياً أن الإنسان عندما يجوع أو يعطش تميل نفسه إلى الهدوء والسكينة وتنطلق روحه إلى مرحلة من مراحل الصفاء وبخاصة إذا تابع الصوم بالعبادة وقيام الليل".
وكانت هيئة الشؤون الدينية التركية أفتت منذ سنوات عدة بجواز استخدام لاصقة تمنع الجوع وتفقد الشهية مستندة في ذلك إلى ان"إذا كان الصيام يساعد في الحفاظ على الجسم ورشاقته عبر تنظيم عملية التغذية فان لاصقة منع الجوع تؤدي الغرض نفسه من خلال تقليل إحساس الصائم بالجوع, وعليه فان استخدامها مباح".
Friday, April 27, 2012
9:26 PM
وايد انام ماشاءالله واايد احلم عكس قبل ..
واايد احب افسر احلامي فمره لقيت هالبرنامج متعلق بتفسير الاحلام ونزلته ..
اسمه :تفسير الاحلام والمنامات
سعره :
في نسختين وحده مجانيه وال2 بفلوس بجم بالضبط ما اذكر بس مقارنة بباجي البرامج يعتبر غالي ..
انا نزلت المجانيه وعسى مافتحت شي قالولي تبين تشوفينه نزلي البرنامج بفلوس !!
حسبالكم مانزلته لا نزلته خخ ..
وتوني للامانه الاحظ انه كاتبين بالابل ستور ملاحظه عن النسخة المجانية بس تمكنك من تصفح الفهرس والمقدمة وبعض اجزاء الكتاب للتحقق من محتواه قبل شراءه..
اول صفحة فيه :.
وهذا الفهرس:
رايي :
اهو كبرانامج متعلق بالاحلام الشرح اللي فيه عنه حلو كمعلومات ام التفسير لا , طريقة التفسير مقسم حسب الحرف بس في وايد احرف الرموز اللي فيه شويه 3 او 4 !!
يعني كتفسير ماعجبني :(
متوفر بالابل ستور..
Monday, January 9, 2012
5:15 PM
كلما إروح أخذ مرضية يصير لي موقف أبيخ من اللي قبله وأغلبه مع الدكاترة ... (1)
مره دشيت عند الدكتور لقيت يأكل حب ويقط القشر على طاولة زين ماحذفه بويهي ولما شافني قعد أيمع الحب
!!
(2) ومره رحت الدكتور هالحجي توه الشهر اللي فات أقوله دكتور معدتي تعورني3مرات تيلي حاله غريبه أغلبها حزت النوم قالي برد بس أخذي أدوية المعدة !! (3)
وهم توه بعاشورا قعدت من النوم مو قادرة أمشي من العوار من ركبي وعقب وصل لي اخر ظهري ولا أقدر اجندس تعبت استغفرالله وخصوصا بالصلاة رحت أشرح للدكتور توني بسم الله أقوله ريولي تعورني من ركبي لي ظهري قالي جم يوم مرضية تبين !!
(4)
ومره 2 ردلي عوار المعدة بأخر يوم بالسنة رحت الطبيب طلعلي واحد مطوع !شرحت له سالني نايمة منقثة من الأكل قلت له لا قالي امبلى (هو معدتي ولا
معدتك !! ) قلت متعشية قبل 8ونائمة جريب الوحده :/ قالي في حراره أو حارج قلت
لا قال امبلى (استغفرالله غصب) قالي التزمي بهالدوية واذا ردت لج الأغراض تعالي
نسويلج تحويل للمستشفى احتمال فيج جرثومة في المعدة :/ (5) اليوم رحت الطبيب ولا اهو نفسه الدكتور<<مطوع (لا هلا ) قلت له أذني مسدودة
ماإسمع شي فحصها بدفاشة اللي الحين تعورني :/ المهم قالي مإفيها شيء بنحولج
للمستشفى (ماعنده إلا تحويل) يقيسون سمعج يعني 24سنة أسمع طبيعي فجاءة راح
سمعي!! قلت له لما كان عمري 14أذني ال2نفس الحاله صار فيها وسولي قياس طلع
طبيعي وعقب سولي غسيل وارتحت ؛:/ قالي طيب الحمدالله !
و قلت له عن معدتي وانه 2 يوم انتكست مإسالني إذا خذيت أدويته قالي عادي يبنتي برد
واخذي أدوية مغص ، شنو أنا لعبة بيدك !! ولا فار تجارب !! مصدر صورة هني
Sunday, January 8, 2012
10:36 AM
انا :p
ع صعيد العالمي الطبيعي..
اما التجميع في جريدة الانباء ..
برنامج كمبيوتر هذه الأجزاء والملامح لأجمل نساء العالم وحاول وضعها في شخصية واحدة متخيلة، فقد بدأ بشعر دوقة كمبردج كيت ميدلتون، والأعين البنية بلون الشيكولاتة للمطربة البريطانية شيرلي كويل، وأنف الممثلة كيت بيكنسلي، وخدود نجمة هوليود كيرا نايتلي، وجاءت الحواجب من النجمة ميجان فوكس، أما الذقن فلم تكن هناك ذقن مثالية كالتي تمتلكها جينيث بالترو.أما الشفاه، فكانت بالطبع للنجمة أنچلينا چولي، والصدر مع الفستان لنجمة التلفزيون كيلي بروك..
مقتبس من جريدة الانباء (المصدر)
شرايكم حلوه ؟!؟!؟
Thursday, August 4, 2011
10:07 AM
مساعه وانا اشتغل لفت انتباهي هالخبر بجريدة الانباء وتحديد بصفحة الفنون قسم ريموت كنترول ..
المتابع للحلقات الأولى لمسلسل «بوكريم في رقبته 7 حريم» لابد ان يخطر في باله أحداث فيلم مصري قديم اسمه «أنا وبناتي» من بطولة زكي رستم، فايزة احمد، زهرة العلا، آمال فريد، لأن المشاكل التي يتعرض لها «بوكريم» الفنان القدير سعد الفرج تعرض لها الفنان الراحل زكي رستم مع تغير بسيط في الأحداث.. للأسف «بوكريم» طلع فيلم عربي قديم.. يعني ماكو تأليف!
وطلع اهو الفيلم اللي يغنون فيه اغنية بيت العز ..
متى مافضيت بشوف اتاكد اذا صج القصة اقتباس او لا :\
Friday, July 29, 2011
6:48 PM
اليوم هو عيد ميلاد مدمد ومن لماااهدتني بيوم ميلادي وانا افكر شيب لها كل مره اقول شي لي هالشهر قررت اخذ لها صابون اهو غرامها و بكج بيوتي من صالون جي سي لانها ودها تجربه ..
خخ جيكو ع الكرت العملاق وسيله :@ اللي ضحكني اني شاريته من زمان بس مابطلته ل قبل لا اوديلها الهدية باقل من نص ساعه وانصدمت انه مطبوع في حجي من داخل ورسمة خخ كتبت اسمي و دخلته بالظرف و كتبت على الظرف:\
والظرف لصغير قفت فاوتشر ..
انا كنت قايله لهم ابيه ع برد بس كان قصدي جذي نفس الصور اللي تحت :\
الفكرة:
الهدية فكرتي انا من الى وطبعا باستثناء القفت فاوتشر , من جذي مو بيرفكت مو مثل اللي توقعت وابي (اقصد الهدية بكبرها)..
موقف خايس :\
اما الصابون صار موقف بالصالون من سبته وسفلت فيهم :\ انا كنت طالبه 4 كور يعني كل قلاص كره وعلمتهم شلون يعبونه وحتى النايلون انا يايبته 2 يوم لما ييت بدفع قلت 12 صح قالت لا 24 :\ شنووووووووووووووووووو @@صرخت عليهم اقولها منو قالج ابي 2 :\ واساسا مو مبين انه 2 (لو ادري انه 2 ماخليته يتغلف بهالطريقه جان كل كره بروح بيكون احلى ) قلت مايكفي وانا امس يقول حق انتي , قلت اللي قلتيه ان بحط زياده عشانج قلت لج لا مو لي لرفيجتي ماله داعي تتكرمين علي :\جان تقطها براس العامله ال2 !!
كنت بخليهم يعيدونه من اول عناد فيهم ليش يتفلسفون بس ماكان في وقت مواعده البنيه واهي ملتزمه بشغل مهم عقبي :\
السالفه مو فلوس سالفة مبدا ليش مايقولون لي !! احد قايل لهم اني بنك مركزي مثلا :\
اهما العاملات زينين بس هالايام الظاهر من الضغط والزحمه داخوا :\
صابونه:
اما صابونة الكب كيك مثلها بالضبط اهي يابت لي خخ بنفس الوقت اللي عطيتها الهدية عطتني جيس متروس كريمات وصابون لما بطلت ولا هالحلوه مرتزه رديت لها اضحك اقولها مثل للي يبت لج اياها خخ..
صدمة:
واليوم انصدمت اني كنت ناويه ازيد الهدية كب كيك ع برد ولقيت مكانين يسون قلت بجربهم واللي يوز لي ايب لها منه وطبعا نسيت :\ لانه هالاسبوع حده لووووووووووووويه..
احس اني كاتبه مقال مو موضوع خخخ:\
وكل عام ومدمد بخير يارب :*
Thursday, March 3, 2011
9:51 PM
بيصير لنا10 سنين مع برامج المواهب بشكل مكثف..
اخرها ..
Got Talent
على قناة mbc
طبعا انا مو ضد برامج المواهب لانه تساعد بابراز بعض المواهب ..
بس هالبرنامج لي عليه ماخذ..
واهي متعلقه بالمواهب..
(1)
حلا الترك
شاركت فيه ..
وقبل كنت مشاركة ببرنامج ستاار صغار ..
هذا غير ان موهبتها عقدها وبعدها ياهل ..
(2)
باسل الدوسري..
شارك فيه ..
وقبل بفتره بسيطة كان مشارك ببرنامج فرصة للي انعرض في قناة سما دبي ..
هذا غير ظهوره بمقابلات ..
(3)
اللي صج ماله داعي يشاركون ..
فرقة بابا فين اهما معروفين المفروض :\
بس خسروا خخخ..
تدرون شلون ناقصهم ......؟
منو؟!؟!
رحمة ..
فله.. شمعة .. مكررة @@
انتوا مع هالشي ولا ضده ؟؟
Monday, January 24, 2011
1:00 PM
قبل جم يوم كنا نتصفح مجلات بالدوام ولفت انتبهانا هالصور وكانت بهالعدد ..
من مجلة ليالينا ..
ملاحظة قبل لا ابلش الصور حلوه عقب بتفهمون قصدي بس جد اللقطات مزبوطة..
هذي لما شفتها تذكرت الحنه ايام قبل لما نحطها وعقب نلف شعرنا بشغله حسب المتوفر ..
بس امس وانا ادقق فيها طرى ع بالي مواقف خخ اللي فجاءه يطلع لج احد وانتي بدون حجاب وشنو تكون ردة فعلج :\
صارت فيني وايد العاده اشهق ومره يكون بتستر غطيت شعري بايدي وايدي وسيقاني بالسكة مادري ليش في ارتباط شرطي بين الشعر والحجاب ! وننسى الباجي :\
ماكو الا اتحجب بيتنا بعد @@
هذا حلاته بعرس ومناسب للشتا ..
ملفع فورير :p
وصلنا للشعر :)
هذي التسريحة :\
وهني عقب الردح والفحة بالعرس خخخخخخخخخخخخخ..
شرايكن بنات :)
Friday, January 14, 2011
2:20 PM
السلام عليكم ..
حلمين او بالاحرى كابوسين منهم تحققوا !!
الاول :
(مره حلمت اني انبقت وكان بوكي في 3 دنانير وعفسوا كي نتي !! ومره هم انبقت بس البنت اللي معاي بالدوام اهي باقتني وحذفت اغراضي وكي نتي علي )
وحلمت مرتين بعد ني انبقت وهالحجي عقب مانزلت البوست بفتره اعتقد قبل بداية السنه ..
واللي صار انه :
ب3-1 ضاعت بطاقتي البنك الحمدالله ماانباقت !
الثاني :
(مره حلمت اني اصرخ على مسئولتنا واطقها خخخخ حتى تليتها من جاكيتها انا بالصج اطول منها بوايد فبالحلم اتلها من جاكيتها لي فوق وعقب في بنت مو عاجبها الوضع جان اعطيها طراق !! << توه من جم اسبوع)
اللي صار انه :
توه هالاسبوع تهاوشت مع المسعوره و عقب اكتشفت انه ساس البلا البنيه اللي هفيتها كف بالحلم !
ماله اهفها كف اعالجها من اللي فيها الحمدالله والشكر !
الا الطب النفسي ماقاموا يعطون 60 دينار ع كل مريض تسلمه مو ؟
يالله يارب مثل ماحققت احلامي اللي مو زينه تحقق احلامي الحلوه عاجل ليس اجلا يارب ..
والحمدالله انها يت ع جذي ..
Wednesday, January 12, 2011
3:46 PM
السلام عليكم
اليوم بالدوام عقب مخلصنا الشغل طلعت عدتي ..
هذي اهي ..
جهزنا القلاص وحطينه فيه الماي وهذيل فرشنا انا الفسفوريه وكوكتيل الخضرا ترا اهو معاه بس فرشه ال2 خذيتها من ست 2..
وشوفوا الماسكات قبل لمساتنا ..
مالي اللي ع اليسار ..
خخ وكاهي النتيجة :\
لوك اليوم الوطني :)
بيد خبيرة التجميل رورو :p
بالصج ماحب هالمكياج حتى بالعروس ماحطه الا جان بخرع المعازيم هذا شي 2 خخخ..
اما كوكتيل فاول شي مكيجته مثلي وتمت تلون ويه مره اصفر وعقب ازرق مادري اخضر والخ والخ الخ الخ فجاء طلع لون بيج من وين يابته مادري وبعدين تبي تطبق شغله تعطي مثل نتيجة الترخيم يابت ورقه وتحطه وتشيلها ليما اهي اهي انكسر وعلي عليه << ماشفته لما كسرته المسكين بس ماينلام وترا من الاول من قامت تعذبه بالوانه العجيبه الغريبه ماكانت راضيه اصوره واذا ردت ع بوست بتقول ماقدت تلون من الفرشه خخخ :p المفتريه ..
Subscribe to:
Posts (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
Hello world!8 months ago
-
-
لا تخبئ السعادة فهي قابلة للتبخر.5 years ago
-
حساب جديد معني بإدارة المنزل6 years ago
-
-
-
خطوة أولى نحو الثقافة7 years ago
-
بينكيو تكشف النقاب عن جهاز العرض TK8007 years ago
-
-
مع الخيل يا شقرا8 years ago
-
هل للحزن طقوس !؟8 years ago
-
عدنا إليكم من جديد8 years ago
-
AssASsIN'S CREED8 years ago
-
-
Summer cooling refreshing drink recipe9 years ago
-
فكرة9 years ago
-
I'll be Back Soon راجعين قريبا9 years ago
-
اعرف نفسك9 years ago
-
-
VARIETY ON BONUS POKER ONLINE9 years ago
-
كاريكاتير مابعد أسعار النفط9 years ago
-
-
Salmon recipe9 years ago
-
Review: The Martian9 years ago
-
ضيفوني10 years ago
Ads
