Friday, January 14, 2011
السلام عليكم ..

تذكرون قبل فتره نزلت لكم بوست بعنوان خير رأيت! وكان عن احلامي (هني)..


حلمين او بالاحرى كابوسين منهم تحققوا !!

الاول :

 (مره حلمت اني انبقت وكان بوكي في 3 دنانير وعفسوا كي نتي !! ومره هم انبقت بس البنت اللي معاي بالدوام اهي باقتني وحذفت اغراضي وكي نتي علي )
وحلمت مرتين بعد ني انبقت وهالحجي عقب مانزلت البوست بفتره اعتقد قبل بداية السنه ..

واللي صار انه :

ب3-1 ضاعت بطاقتي البنك الحمدالله ماانباقت !

الثاني :

(مره حلمت اني اصرخ على مسئولتنا واطقها خخخخ حتى تليتها من جاكيتها انا بالصج اطول منها بوايد فبالحلم اتلها من جاكيتها لي فوق وعقب في بنت مو عاجبها الوضع جان اعطيها طراق !! << توه من جم اسبوع)

اللي صار انه :

توه هالاسبوع تهاوشت مع المسعوره و عقب اكتشفت انه ساس البلا البنيه اللي هفيتها كف بالحلم !

ماله اهفها كف اعالجها من اللي فيها الحمدالله والشكر !
الا الطب النفسي ماقاموا يعطون 60 دينار ع كل مريض تسلمه مو ؟

يالله يارب مثل ماحققت احلامي اللي مو زينه تحقق احلامي الحلوه عاجل ليس اجلا يارب ..

والحمدالله انها يت ع جذي ..

20 comments:

Anonymous said...

خير ان شاء الله . الاحلام انذارات من رب العالمين ساعات تصير بالملي

سبحان الله شنو انكشفت الامور..

يابختي

ebtsamh said...

ههههههههه

احلام طريفه حقيقه

يارب تتحقق الاحلام الجميلة

جمعة مباركة

daloo3a said...

رورو اكيد حلوتي اني عديلتج
هههههههه >>> امزح ^^


يلاا خير ان شاء الله

مـي said...

خيرا رأيت وخير يكون
خير تلقينه وشر تتوقينه

/

اقري الفاتحة والكهف قبل النوم واذكري الله لما تييج النومة
وبإذن الله حلومج كلها حلوة
/
الله يحفظج وييسر لج كل خير يارب

Question mark said...

شخبوطة الله يستر من احلامج
تحياتي لج

Bint ilKuwait said...

UMbaaaaaaaaaaaaaaaih!!!! LOOOOOOOOOOOOOOOOOOOOOOOL!!!!!!!!! yuuumaaaaa!!:O

inshallah allah e7agiglich il a7laaam il6aybaa:D

كوكتيل said...

صباح الخير :)

الحمد لله سويتي ربي يكشف لنا الأمور عشان نعرف وما نكون ظالمين أحد

وربي بالمرصاد مايخلي يمهل ولا يهمل

ولهم يوم إن شاء الله يكون قريب اللهم أمين يارب العالمين

Unique Girl said...

ويه يارب تحقق احلامج الحلوه وتفرحين فيها

لووووول اي اي سلمييها ويعطونج على راسها 60

النص بنص ما وصييج خخخخ

يعطيج العافيه

Made n Q8 said...

الحمدالله اني لما احلم مااتذكر الي حلمته الا نادر خخخخخ

رورو الشخبوطه said...

هلا يابختي..

وناسه كل بحط عن احلامي عشان اشوفج :)

ولهت عليج ..

وخير ان شاءالله..

اي سبحانه ..

ومشكوره..

رورو الشخبوطه said...

هلا ابتسامه ..

@@

اي طريفة !!!

الا كوابيس ..

اجمعين يارب..

رورو الشخبوطه said...

هلا دلوعه..

خخخ خوش مقدمه..

ان شاءالله يارب..

مشكوره..

رورو الشخبوطه said...

هلا مي ..

ان شاءالله..

/

اي كله ادعي واستغفر واقري المعوذات ساعات وايه الكرسي واحس بلش يتعدل الوضوع ..

/
اجمعين يارب

جزاج لله خير..

رورو الشخبوطه said...

هلا اخوي مارك..

اي والله الله يستر ..

مشكور..

رورو الشخبوطه said...

هلا يونيك ..

اجمعين يارب..

خخ خلاص ولا يهمج حتى لو ماكو فلوس اخذ اجر بالبشرية ..

الله يعافيج يارب..

مشكوره..

رورو الشخبوطه said...

هلا بنوته..

ان شاءالله ..

مشكوره..

رورو الشخبوطه said...

هلا كوكتيل ..

ي والله الف حمد وشكر له يارب..

وحسبي الله عليهم ..

مردها بتنرد عليهم ويارب قريب..

رورو الشخبوطه said...

هلا مدمد..

تتشمتيني فيني خخخ..

انا انسى بعد ولو كل يوم 9000 حلم وين اذكرهم كلهم خخخ..

خاتون said...

ضحكتيني على سالفة ال60 أظن يعطون أكثر
أخذي الفلوس وتصدقي فيهم خلي العالم يعيش بسلام
وعسى الله يوفقج دنيا وآخرة يارب ويبعد عنج الحساد
^_^

رورو الشخبوطه said...

هلا خاتون..

خخ ان شاءالله..

واجمعين يارب ..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads