Sunday, January 2, 2011
السلام عليكم ..

امس سويت جرد لخرابيطي الجميله في شغلات انقطت وفي شغلات انفقدت :(

واحس ماعندي شي :\بنفس الوقت احس انه مو محتاجه شي :\

صورتهم عشان اعرف شنو عندي وشنو ناقصني واكتشفت انه مو ناقصني شي خخ بس ابي اشتري :(

اول شي صابوني :


من باث ند بودي ورك حصيلتي مجموعة الجبنيز جنه اسمه جذي هذا اكثر شي حبيته عندهم اما الكريم اللي نوع 2 اخترته ع ابو انه فري قلت بجرب نوع يديد كنت ابي دارك اللي مجربته مدمد بس ماحصلته , اللي تبي شي من باث اند بدي ورك تروح فرع المارينا احسن من لافنيوو كلشي فيه عكس الافنيو كلشي مخلص :(

الجاي الاخضر المجموعه من بوتس وناقصها التونيك مادري وينه :\ واللي بالصوره غسول واللي جنه حمره هذ للنفر بس يديد ماجربته , والكلينكس من بدي شوب ..

جربت الغسول والتونر يمكن 3 يام نشفوا ويهيييييي بشكل قوي اللي قام يحرقني ويحكني :( ومن قبل كنت مجربه سنفرة الجاي الاخضر من بودي شوب هم نشف ويهي :\

 كريمات لايدي :
البرتقالي ست من سالي هانسن معاهم بعد مقوي للاظافر وقفزات وجنه مبرد  جربته اسبوع تقريبا وحبيته ومادري شصار اللي خليته بس برد له ان شاءالله..
اللي جنه ريحة (عطر) منعم ومعطر للايد من بوعابد احب ريحته ..

كريمات لقاعة ريلي وسنفرات والخضرا بودره والابيض ستيك والازرق سبري , ماصورت جم شغله موجودين بالحمام وانتوا بكرامه اهما الجل والسنفره ..
 شامبوات وبلسم ..

هالزيوت كودت منهم وايد وماستخدمتهم بس الحين مابيهم لانه شتا مالي خلق اتيمد , وحاليا استخدم شامبوهم و هم حمام زيت بس اذا لي خلق احط الحمام :)
 شامبو البيض عجبني ليش مادري خخخ قلت اذ ماطلع زين بغسل فيه الحمام وانتوا بكرامه واللي يمه سبريه معطر للشعر , ونسيت اصور امبولات ايفا :\
 سنفره وبودر ومسك القرشي نوعين سائل وجامد ..
المفقود بودرت جونسون صغار وكلونيا :\
 خرابيط لجسمي سنفره وجل كنت بخلطه مع كريم اساسا لجسمي وحبيته :) استخدمته لحفله بس مع اضافه , والصفر زبدة الشيا ..

لويهي الجميل ..
كريمات مرطبه بلون مع حمايه من 2سيفورا وستيلا ومن 2 بيوتي بار , وكريم ليل من روك لمشاكل البشره الدهنيه , و المدورين كريمات لويهي مرطبه وللي من المرز هم فيه جنه حمايه واللي فوق بالنص يم البرتقالي هذا مرطب من بوتس..
 كريم وجل للعين ملوت اختي بس انا استخدمتهم :)

اول 2 من اليسار من رفيجاتي بالدوام جربت اللي بالمرز زوين وال2 نسيت شنو فايدته وطريقته بسأل اللي يابت لي :) والسبري خذيت من بوتس جنه لبعد الواكس بس ماستخدمته ومدد قلت لي انه زين واللي ع طرف كريم الليزر مالنا انا واختي ..
 لبراتمي :
احس ناقصين بس اللي ذكره ناقصين السنفرت 3 وحده من بيوتي سيدز وسيفور ولاش ..
 مجموعتين لويهي :
من لوريال ناقصها الغسول بالحمام وانتوا بكرامه ..

ومن كلينك ناقصها الغسول والسنفره هم بالحمام وانتوا بكرامه و وخلص المرطب انا ماحبيته بس اختي استخدمته وعجبها و كريم العين انتهت صلاحيته , اختي شرت يدد منهم توه الشهر اللي فات ..

 الابيض الكبير خذيته لما ويهي حرقني من مجموعة الجاي الاخضر اهو نفس ماي ترشينه بس استغليته خخخ كنت ابي مال ايفيان ماحصلته :\ واللي جنه قلم معقم وصابون سائل اسبونجي و خلطة جربتها شهر ماحبيتها وايد ماستفدرت شي منها :\


ماسكات اللي فوق لويهي ناقصهم وايد من كوريا وهم مال نيفيا واحد رفيجتي يابت لي مع سيرم مادري وينه :( هذا غير اللي ناسيتهم ..
واللي تحت الجيس ماسك مغربي للويه جنه والشعر , واللي يمه للريول ..
وي بس جنه شويه :\

بس اللي يريحني انه مو مصوره كل شي بجي صابون مغربي وفوم وماسك للجسم  والسنفرات هذا اللي اذكره بالحمام وانتوا بكرامه :\ وفي كريمات للجسم مختفيه :\

وست تبيض الايد مال اختي بس بخشه بداري واستخدمه معاها ..

وجم طخم كريمات وسنفره وصابون قلت لكم عنهم من قبل هون و هون ..

يارب اخلصهم وينفعوني خاطري بشغلات يدد ..

امم ميمه شفتي ماعندي وايد اغراض وانتي مره قلتي بتشوفينهم كاهم شرايج ؟

45 comments:

Unique Girl said...

لووول وايد اغراض متى بتخلصينهم

عليج بالعافيه

انا نوعي لي تعودت على شي معين ما احب ابتعد عنه :(

BookMark said...

ماشاءالله رورو وتبين تشترين بعد
وين تحطينهم صج يبيلهم مخزن كامل ;p

كل عام وانتي بخير :)

طموحة مملوحة said...

شغلج عدل يابنية ذكرتيني باختي تحب هالسواللف مثلج

maha said...

اغرااضج روووووعه والله بس للاسف في اشيااء انا ودي فيها ليش مو كاتبه الاماكن ودي يجي يوم واسآلج عن شغله شغله واللا والله الاغراض كلها تينن تسلميييين طول عمرج مبدعه

رورو الشخبوطه said...

هلا يونيك ..

بالعكس لو احترم نفسي واستخدم بيخلصون ان شاءالله..

الله يعافيج يارب..

انا لما كنت كبرج كنت جذي اغلب شغلات ماغيرهم ..

الحين لا احب جرب :)

ومرسي..

رورو الشخبوطه said...

هلا بوك مارك..

تدرين مره رزيت رد عندج طولي وكاتبه اشواقي لج فيه لما ضغطت ع نشر جان تسكرين التعليقات ومانزل ردي خخخخخخخخخخخخخ..

لا خخ وزعتهم بداري بجم رف وبالحمام وانتي بكرامه ..

وانتي بخير يارب ..

مشكوره..

رورو الشخبوطه said...

هلا طموحة ..

وينها خل ارفجها احب هالسوالف واحب اللي يحبونها :)

رورو الشخبوطه said...

هلا مها ..

مشكوره ..

ولا يهمج قوليلي شنو تبين تعرفين عنه بالضبط واقولج من وين خذيته..

ولله يسلمج يارب..

ومشكوره ع الاطراء..

Sn3a said...

توني مغسله شعري من زيت فاتيكا باللوز
عجيب لا يطوفج خلصت البطل كامل
شعري قوي والتساقط قل بشكل حلو مو كبير بس جيد بالنسبه لبطل واحد
والشعر نفسه صار قوي


واي عاد انا غرامي كريمات بس ما احب التزم
حتى الادويه ما التزم فيهم

الجاي الاخضر من بدي شوب ماله نتيجه
انا تدرين شكنت اسوي فترات لما كان فيني حب الشباب الله لايعوده
اشرب جاي اخضر
واللي باقي احط على ويهي

ولما اغسل ويهي ارش ماي ورد
نتيجته حلوة

طموحة مملوحة said...

موضوع جدا مهم اتمنى الكل يقراه

http://6amoo7a.blogspot.com/2011/01/blog-post.html

Anonymous said...

Doctor to be ::
رور اغراضج تشوق انتي نفسي اموت ع تجميع هالاشيااااء
الكريم اللي ف الصورة جنب كريم بالمرز اهو الدكوين ٤٪ هذا الله يسلمج مبيض للوجة او اي منطقة بالجسم وااايد حلووو بس يبي له استمرار
بغيت اسالج كريم الليزر حق شنو وشنو اسمة لان انا بعد مسوية ليزر بس محد عطاني كريم <<< اكسر الخاطر موووو @@

~أم حرّوبي~ said...

يووووووووووووي رورو ..ماشالله كل هذول للحين ما استخدمتيهم ...لازم يمسكونج عن السوق لين تخلصينهم :)

أنا لما أشتري شي يمكن اثنين ماخذ اكثر لين اخلصهم

:)

رورو الشخبوطه said...

هلا سنعه..

حلو ماشاءالله..

انا بخلطهم 3 مع بعض
ان شاءالله ..

انتي شلون طريقتج؟؟

وماشاءالله تبارك الرحمن لفال لوقف التساقط :)

انا الاديه ماحب اما الكريمات اخب نفسي فتره ن كثر شهرين عقب امل :(

مال بودي شوي استخدمته مرتين او 3 حسيته ينشف خليته :\
امين يارب

انا استخدمته بس مافيني الا نفره او 2 اذا نفسيتي مو شي او اهملت نفسي ..

بس مالت بوتس ماتفتهمت عطتني الجاي لاخضر :\

صح قريت هالمعلومه انا ساعات اشربه بالدوام بس متخيل نفسي حاطته ع ويهي اخاف احد يشوفني حسباله تافلينه بويهي خخ اتغشمر..

انتي الظاهر بشرتج دهنيه او ينسبها صح؟؟

حلو ماشاءالله ..

مشكوره وايد فديتيني :*

رورو الشخبوطه said...

ولكم باك طموحه..

ان شاءالله الكل يقرا..

رورو الشخبوطه said...

Doctor to be هلا..

اشوه في مثلي خخ..

صاجه ومشكوره ع المعلومه بجربه ان شاءالله يفيدني ..

ولا كريم عطوج!

انا بكير كلينك كان يعطوني فوسدين ..
واهو بدينارين واستخدمه 3 مرات باليوم لمدة 3 ايام ..

بس نسيت اصوره :\

واللي حاطته عطوني اياه العياده اليديده

اسمه neoVIDERM

http://www.farmamica.com/store/dettview1.php?id=2791

اهو نفس حمايه عقب الليزر ويمنع التحسس ..

استخدامه ادهن المنطقه مرتين باليوم لمدة يومين عقب الجلسه ..

انتي باي عيده ولاي منطقه ؟؟

لانه رفيجتي اللي عطتني الكريم اللي علمتيني عليه تسوي بولو وعطوها كريمين جنه :\

ومشكوره ..

رورو الشخبوطه said...

هلا ام حروبي ..

خخخ ..

خخ ان شاءالله باخلصهم :)

اي انا اول كنت جذي ايام الدراسه بس لحين متفرغه فاكود ..

وحياج الله..

BookMark said...

هههههههه لاااا
بعد قلللبي سوري والله لو أدري ماسكرت ولا فكرت أسكر التعليقات

اعتبريها اوصلت ..
ولج مني بوكيه ورد وأشواق ووله ;'*

Hanan said...

ماشاءالله
نصيحة لا تشترين
رورو طلعتي نسخة من أمي تشتري وتكود ومصيرهم محذوفين
خلصيهم خلال 3 شهور وخلي أحد يساعدج خخخخخ بعدين اشتري مجموعات تكفيج فترة معينة وجذي

وحيد في المنزل said...

شكرا لهذه الاختيارات الجميله
سأجرب بعضها
اللي تناسبني طبعا
:p
و تقبلي مروري و دعوتي لك لزيارة مدونتي الجديده
شكرا

Sn3a said...

الله يسلمج انا بشرتي كانت دهنيه
بس
بسبه العلاج و جذيه صارت جافه
بالنسبه للزيت
انا مرات احط زيت زيتون بكر
و مرات فاتيكا
بس اثنينهم واو
و زيت فاتيكا بالوز ريحته زينه

Bint ilKuwait said...

LOOOOOOOOOOOOOOOOOOOOOL mashallah 3ala hal collection tift7eenlich ma7al :P

3ad hal collection abeech tgoleeeliii shino akther shay shiftay menaa nateeja 7ilwa??

Anonymous said...

Doctor to be::
هلا رور انا في عيادة كوزمتيك سيرجري عيادة دكتور عادل قطينه
لا ماعطوني ولا شي كانت تقول لي اهم شي الترطيب الترطيب بعد الجلسة وبكريمات مو عطرية عشان ماتصير تصبغات
انا مسويه تقريبا الجسم كلة
؛)

maha said...

اي شخبوطه بغيت اعرف الماسكات من وين واللي استعملتيهم وقلتي نشف ويهج من وين واللي استعملتيه يبرد علشان حرق ويهج مثل ماقلتي واااااخر شي الماسكات ومجموعة الجبنييز

وبس وشغلااتج تينن والله بعضها عجبني انا مادري من وين تاخذيهم من الجمعيه واللا الصيدليه وسلمتي حبيبتي

Mrs. Purple said...

حلووووو البوتس استانس عالصور

مجموعة الجاينيز من باث اند بودي ووركس عندي وايد حلوه بس امل بسرعه من الكريمات المعطره

شامبو فاتيكا كتبتي تستخدمينه شو تحسينه شو رايج فيه؟

candy cotton said...

اول شئ عليج بألف عافيه وعافيه
وانا الصراحه نفسج احب اشتري هالشغلات وايد
وانتي ماشاء الله عليج تحبين تدليلن نفسج وتهتمين بنفسج
وثناكيو على البوست الحلو

رورو الشخبوطه said...

هلا بوك مارك ..

خخ لا عادي بس تعقدت الحين اذا مارديت اول ماتنزلين البوست مارد اخاف اكتب معلقه وتصكرينه مره 2 ..

بعد عمري مرسي :*

رورو الشخبوطه said...

هلا حنان..

اي ان شاءالله..

ماراح اشتري وبحاول اخلصهم :)

مرسي..

رورو الشخبوطه said...

هلا اخوي وحيد..

العفو ولو ان شاءالله تجربهم ويولمونك ..

ان شاءالله ..

العفو ولو ..

حياك الله..

رورو الشخبوطه said...

هلا سنعه..

اي توقعت من جذي ناسبها الجاي الاخضر ماشاءالله..

بجربه وان شاءالله يولمني قصدي عن الزيت ..

ومشكوره..

رورو الشخبوطه said...

هلا بنوته..

لي جربتهم اقولج اغلبهم يدد :)

رورو الشخبوطه said...

هلا دكتور ..

ولكم باك ..

انا قالولي اهم شي الحمايه من الشمس انتي سليهم عن هالكريمات ..

وحياج الله..

رورو الشخبوطه said...

هلا مها..

الله يسلمج الماسكات من اكثر من مكان :


اللي مكتوب عليه بور من سيفورا ..

اللي يمه ال3 مع مال قاعة الريل من كارفور و هم في بسيتي سنتر مثلهم .

واللي تحت المغربي من حواي طقم الطاووس فيه الماسك والشامبو البرتقالي اللي فوق وصابون مغربي وصابونة طاووس وليفة جسم جنه ومفراكة جنها صخره ..

اللي نشفوا ويهي التونر والغسول الجاي الاخضر من بوتس ..

واللي يبرد هم من بوتس بس تر اهو مثل الماي مايسوى سعره في مثل ايفيان بمركز السلطان بدينار وشي بس مادري اذا موجود لي الحين او لا..

الجابنيز من باث اند بودي وركس ..

موجود بالاقنيو والمارينا ..

الماسكات قلت لج عنهم باول الرد اهم اللي باخر صوره ولا قصدج عن 2 ؟


الله يسلمج ..

وان شاءلله اكون افدتج ..

رورو الشخبوطه said...

هلا بربيل ..

حتى انا كنت بهديج ايه البوست بس قلت ولا شي مقارنة بشغلج ماشاءالله..

امم مثلي ماحب الحجم الكبير من جذي اخذ الصغير عساس اغير وماامل ..

الشامبو عادي مو وااو ..

وحياج الله..

رورو الشخبوطه said...

هلا كاتون..

الله يعافيج يارب..

اي وناسه هالسوالف وخصوصا لما تكون نتيجتهم حلوه وسريعه ودايمه :)

ولكم وحياج الله..

Ra-1 said...

أهم شي جرد بداية السنة ههه :)
ماشاءالله كل هالأشياء تستخدمينهم !!
:p

maha said...

تسلمييين شخبوطه الله لايحرمني منج

رورو الشخبوطه said...

هلا ري..

ودي اقول استخدمه بس الاغلب يديد..

مو بس بدايه السنه الميلاديه بعد شهر بيكون بدية عمر يديد ان شاءلله لي ..
وحياج الله..

رورو الشخبوطه said...

هلا مها..

الله يسلمج يارب..

بعد عمري ولا يحرمني منكم يارب :::*

Made n Q8 said...

وااي ذكرتيني باغراضي

كل يوم اقوول بعدلهم واحذف الي مابيه وللاسف كل يوم يزيدون

في شغلات وايد عندج نفسها موجوده عندي خخخ

احنا لو نستمر على شغله وحده وننطر عليها جان ماشفتي هالتكود كله

رورو الشخبوطه said...

هلا مدمد..

صج اتوقع لانه نشيش بعض ..

انا احترمت نفسي وعدلتهم لانه اكتشفت اني قمت اشتري وانسى وارد اشتري نفس الشغله :\

احنا لو نستخدمهم بنتعدل خخخ..

ومرسي..

Zabo0o6a said...

رورو انا مجربة غسول وماسك جاي أخضر بس شاريته من الصيدلية النوع اللي كتبتي عنه من بودي شوب صج بهذل ويهي وايد ينشف ووايد قوي على الويه بس القلم اللي حق الحبوب وايد زين
النوع اللي شريت منه خذيته من جمعية الروضة بالصيدلية
هذا الغسول
http://www.bing.com/images/search?q=plante+system&view=detail&id=7AE12FD9BEAB3F24F09700DFF1AEC912C2F20852&first=1&FORM=IDFRIR&qpvt=
وهذي صورة الماسك اسمه Rosa Calm

http://www.bing.com/images/search?q=plante+system&view=detail&id=076B72677143B02C8C3332477FD24B8EED5BF47D&first=91&FORM=IDFRIR&qpvt=

رورو الشخبوطه said...

هلا زبوطة ..

اللي حاطتهم وتلفوا ويهي من بوتس واللي من بودي شوب اهي سنفره بس مو حاطتها لانها قديمه ..

حسافه الصور مو طالعه :\

انتي شنو نوع بشرتج دهنيه ؟؟

انا حساسه مختلطه ..

ومرسي..

خاتون said...

السلام عليكم
تصدقين ولهت على مدونتج
من غلقت الامتحانات قلت ايي اوسع صدري بمدونتج واتذكر انوثتي المفقودة بين الكتب
بس صج
لووووووووووووووووووووووووووووول
انت مو صج بعد شوية
اصلا ما يمديه الكريم يطلع مفعوله خخخخخخخخ

الشيا عجيبة انا استعملتها بناء على نصايحج
بالنسبة لكلكشن البراطم في قوطي اسود على اليسار مكتوب عليه فازلين هذا من وين ما خذته؟
وبالنسبة للصابون في صابونه عليها بيبي بعد ياليت تفيدينا عن مكان تواجدها ان ذكرتي *_^؟

باربية ما شاء الله عليج
وتشكرات يا جميل ^_^

رورو الشخبوطه said...

هلا خاتون..

وعليكم السلام والرحمه ..

مي تو ولهت عليج ..

خخخ..
لو استخدمه بطلع روحه ويطلع مفعوله وترا في ويد اغراضهم اكثر مني ..

شلون استخدمتيها زبدة الشيا؟

الاسود مو مكتوب عليه فازلين مكتوب عليه فانيلا واهو من مكياجي اما المكتوب عليه فازلين هذا من بريطانيا اخوي يابه لي ..

صابون البيبي من دايسو ..

بعد عمري مشكوره ..

وموفقه بامتحاناتج يارب..

Zabo0o6a said...

ايه انا بعد حساسة مختلطة نفس الحال ، وي غميضة الصور ماتبين
:(

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads