Sunday, January 23, 2011
امس رحنا السينما انا واختي من زمان عنه ولهنا عليه :)

اختي تبي عايلة ميكي وانا ابي باباي بس دشينا هذا ..

في عرضين العادي و ال3d ..

احنا اخترنا ال3 دي بس احس مايسوى ومايفرق عن العرض العادي بشي ..

معلومات عنه والبوست منقولين من سايت السينما ..


بطولة

Jack Black ,Jason Segel, Emily Blunt, Amanda Peet

المخرج

Rob Letterman

النوع

كوميدي, حركي

مدة الفيلم

87 min

تصنيف

PG

الدعايه :

احطها لكم عقب لاني بالدوام واخاف فيها لقطات عيب وتشوفنها واستاثم فيكم :\

القصة

تدور أحداثه حول "جلفر" وهو كاتب يسافر فى مهمة إلى برامودا ، لكن يتنهتى به المطاف إلى جزيزة "ليليبت" التى فيها السكان صغار الحجم.

رايي :
 
الفيلم خفيف وسالفة الاقزام مقتبسه من باباي حفظناه قبل بس مع اضافات شويه مع زيادة تكنولوجيا بعد :p  (يعني قصه مكرره نوعا ما بس كتغير جو زين)
 
ومااحسه يناسب الصغار ولانه في جزء اساسي نظام حبني واحبك وشلون تبوح للي تحبها بحبك :\ والحب الصامت ..
 
***************
 
ع طاري الافلام والسينما ..
 
صج بيرخصون التذكر لمدة شهر من 25 -2 لي 25-3 ..
 
بيخلون الفي اي بي = 2 د.ك
والديجتال = 1,500
والعادي =بدينار ..
 
اذا جذي بطفح افلام خخخخخ ..

13 comments:

~أم حرّوبي~ said...

ماداني هالممثل ><
مادري احس افلامه عبيطة
والثري دي يعور العين دخلته مره وندمت احس ماركزت فالفلم

بس جنه فالفتره ماشي وايد افلام حلوه نازلة

Engineer A said...

شوقتيني على السينما بس مو هالفيلم ما احب الممثل :)

وعلى طاري تخفيض الاسعار ما سمعنا شي رسمي الى الآن ! :)

مشكووره على الريفيو

Made n Q8 said...

شفت البوستر ماله بس مادري حسيته بايخ من البوستر


يعطييج العافية

شاي الضحى said...

لا مو صج اشاعه

لان شركه السينما انكروا الخبر وقالوا اشاعه

hadeelq8 said...

عاد كنت بروحله ذاك اليوم بس ما لقينا عرض مناسب

اشوه ما رحتله :)

مشكوووورة =)

رورو الشخبوطه said...

هلا ام حروبي ..

اي صاجه مافي افلام حلوه وايد ..

وحياج الله..

رورو الشخبوطه said...

هلا انجو..

خخ اكثر من وحده تقول ماتحبه ..

اي يقولون اشاعه ..

والعفو ولو..

حياج الله..

رورو الشخبوطه said...

هلا مدمد..

له اكثر من بوستر وشكله جنه مال يهال :\

ويعافيج يارب..

شكرا..

رورو الشخبوطه said...

هلا جايونه ..

صج حسافة :(

ومرسي..

رورو الشخبوطه said...

هلا هديل.

عكسنا كان الانسب لنا:)

والعفو ولو ..

حياج الله..

Hanan said...

عجبتني قصة الفيلم
وبخصوص التذاكر والله ما عندي فكرة
بس لو يسوونها والله يربحون ربح مو طبيعي
وحتى لو في امتحانات بيربحون :p

رورو الشخبوطه said...

هلا حنان..

لا يقولون اشاعة :(

ومرسي..

خاتون said...

السلام عليكم...

ما شاء الله نزلتي وايد بوستات
كل هذا من وراي *_^

هالممثل أحيانا أحسه مبتذل وممل
القصة حلوة بس للأطفال لأنه أحنا ملينا من كثر ما ككروا فيها

ثانكس
^_^

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads