Sunday, February 28, 2010
السلام ..
اليوم الصبح غصب شلعت نفسي من الفراش ورحنا المباركيه وجهتنا الاساسية كانت البلوكات لانه اخيتي تبي كلف ..
والحمدالله من اول محل حصلنا اللي نبي ..
وماشاءالله من كثر الكلف اللي عندهم تحتارين ..
هذا جزء من الحصيله اهي خذت 2 انا اخترت لها اياهم :) بس ال2 وديناه الخياط اهي كول اكثر والوانها فرايحيه ..
والوردة هذي خذيتها ابيها بروش قالي يركب لي جلاب بربع قلت اوكي قال 10 دقايق قلت لا خلاص مالي خلق انلطع ..
وفي احجام والوان 2 منها ..
هذا اسم المحل :

بس اهو يتعنفق يقولكم بسويلكم خصم ولما يحسب ماينقص ولا فلس ..
انا مو من النوع اللي يكاسر بس ليش يتفلسف ويقول بيسوي خصم خخ لما قالي السعر ماكان وايد كان 12 قلت جم حسبتها ولا يقول وحده المتر بهالكثر وال2 هالكثر<< (سعرهم الاصلي) قلت عيل وين الخصم :\ جان ينقص دينار لو مخليه امي تكلمه خخ جان خذيناهم بدينار :p
وفي عندهم كي نت << هذي احلى ميزه :)
وبطلعتنا جان نلقى هندي يبيع فراوله فخذينا منه هالكرتون عاد انا مو وايد احب الفراوله بس بوزع منو يبي ؟؟



عقب وعقب وعقب عناء طويل وصلنا سرداب الشايع مرينا ع اماكن فيها ريحة بواليع وانتوا بكرامه وسوق اللحم و اماكن يبنون فيها ولما لقينه قلت خل اسحب بوكي مافي الا 7 جنه ندور مكينه ماكو يمين يسار ماكو هو انقرضوا خبري كان في :\
المهم جان نشوف بنك الاهلي جان نروح له ولا السالفه فيها نخطر الشارع بيه اخاف خخخ جان اتل اختي ونسرع ..
وبالشارع ال2 اول سيارتين وقفوا لنا و ال3 كان بيدعمني انا مانتبهت بس سمعت اختي تقولي لحظه لحظه بيدعمج تخيلوا اوقف اقوله تفضل :\
وصلنا البنك دخلت البطاقة فتح الباب يخرع من داخل والصدمه المكينه خربانه :\
رحت لل2 الباب مانفتح خخخ..
واشوه كان التمويل يمه وسحبت ..
ردينا لامي وصلنا ركبنا الاصنصير انا ماحبه بس للضروره احكام دشينا ضغطنا واحد محلك سر :\ ضغطنا صفر جان يبطل الباب ردينا ضغطنا واحد ولا هم محلك سر :\ قلت اذا مانزل بطلع مابي يسكر علينا بعد بحياتي كلها ماركب اصنصير مو ناقصني رعب وصج تنح جان نطلع ..
الله يعافي الدري اول كنت اصعد للي دور ال6 بالدري ماعندي مانع خخخ..
رحت ادور منظم الجنطة ينباع بالنت شفته ب8 و5 ارخص شي 3 مادري 4 مع التوصيل 3 بيوصل 10 :\
انا اتحجى عن الحجم الكبير خذيته بدينار ونص ..




وهني متشردق ..

وكنت ابي كريم اماندا مال مصر يمدحونه لما جربته ع ايدي واغمج درجة لانه قايلين لي انه فاتح وانا احب الكريم الطبيعي او اللي يصير ع برونز لانه فايدة الكريم انه يصفي البشره لما جربته ولا ماساة ع قولة اختي يص يعني جص يعني حاطة طحين :\

فماخذيته ..


الشي ال3 اللي كنت ابيه الصبغ الاسلامي خبري فيه ايام الطفولة كنت العب فيه ..

وطلع مو الكل يعرفه..

للي ماتعرفه اهو صبغ تحطينه وتقدرين تشيلينه متى ماتبين بدون اسيتون ..

توني جربت الاحمر بس كنت حاط وايد فما انشال بسرعه المره اليايه ماراح اكثر ان شاءالله..




هذيل ع موضة 2 يصيرون مطفي مع اني ماحبه بس كتغير ..


اما السلفر فهو اللي جنه قلتر هم موضة هالسنه ..

وكنت ابي العادي بس ذهبي او سلفر مثل درجات المينكس ماحصلت :<
سعر الصبغ الواحد بنص دينار..

*وبما انه نتكلم عن صبغ الاظافر في هالشغله شريتها قبل جم يوم وتوني جربتها حبيتها اهي قطن يوخر صبغ الاظافر ..

اسمه :

boots moisturising nail polish remover pads


وايد حبيته بدال عبالة القطن والاسيتون ..

حجمه حلو ..

ريحته ماتصك الراس مثل الاستون ..

واهو من بوتس تحديدا مال الافنيوز اللي بسطرة بروي ..

سعره 800 فلس ..

وفي نوع 2 الفرق بينهم ان هذا فيه فيتامين e..

وهني صورته اوضح :)

http://www.boots.com/en/Boots-Moisturising-Nail-Polish-Remover-Pads-15-Pads_929434/?cm_mmc=Shopping%20Engines-_-Affiliate%20Window-_---_-Boots%20Moisturising%20Nail%20Polish%20Remover%20Pads%20%2015%20Pads&cm_mmc_o=-uubkbzfwlCjCKww5kbELCjCvi%20i9%20niioCjCC



وسلامتكم :)

Saturday, February 27, 2010
السلام ..

بعيد ميلاد اختي رحنا هالمطعم كانت ابي رايس لانه عاجبها بس قعدنا نحوس ندور مطعم يديد لقينا هالمطهم باخر ساحة المطاعم جبال ابل بيز جنه ويمه مطعم صيني او ياباني مو ماكي لا اخو :\


المهم هذا المنيو ..

المقابلات بس عيبه ميصصه :\


بيتزا فيها 4 انواع (ببروني وتركي و الل عليها مشروم و الاخضر ماكلينها ماعرف شنو اهو القرسون شرح لنا بس ماعرفناه)
اهي اكثر شي حبيته عندهم ..

رزيتو بالفطر ..



بيتز بالككاو جنه اسمه دولتشي .. ماحبيتها خذيتها لانه مره شفت ياكلونها بالتلفزيون قلت اجربها :\


وبس ..
واسعارهم مناسبه طلبنا مع 2 ماي ب11..
والخدمة هم زينه ..
سلامتكم ..

Friday, February 26, 2010
السلام عليكم ..
قبل جم يوم اختي كانت تتصفح جريدتي المفضله جريدة الاعلان ولفت انتباها هالاعلان وقالت لي عنه قلت خوش فكره ماشاءالله..

اهو اعلان عن مصبغه وقفية واهي تعتبر الاولى من نوعها بالكويت..
خدمتها مثل المصبغات العاديه :
-غسيل بطانيات ..
-نظام اشتراك .
-غسيل سجاد .
-كوي ع البخار.
-تعطير الملابس.
-غسيل ع الناشف .
بالاعلان كان في كلمة للشيخ بدر الحجرف رئيس ادارة مبرة الاحسان الخيريه ..
بعنوان كلمة مضيئة :
من الصدقة الجاريه وقف مايمكن الانتفاع به مع ابقاء عينه كالدور و الدكاكين وغيرها مما يعود ثمره واجره على من وقف , هاهي سلسلة العلامتين تمد لنا يد العون لنحصل ع الاجر من خلال مصبغتنا الوقفية , قال جابر "لم يكن احد من اصحاب الرسول ذو مقدرة الا وقف" فجزاهم كل خير ونفع بهم وجعل الاجر لكل من بذل او دل او دعا لهذا المشروع .(يعني انا واختي معاهم :)
من الاعمال الوقفية التي قامت بها المصبغة (مثل ماهو موضح بالاعلان) انه تم التبرع بريعها الى :
-افطار صائم .
-التبرع لنصرة غزة .
-مشروع المسافر .
-مطبوعات رمضان .
وموجوده بالاندلس و خيطان ..
*رايي :
حبيت الفكرة وايد حلوه ومفيده باختصار 2 في 1 مو بس انظف اغراضي لا هم اساهم بالتبرع لاعمال الخير من اسهل الطرق للحصول ع اجر باذن الله .
بس حسافه مو بمنطقتنا ..
Thursday, February 25, 2010
كل عام وانتوا بخير ..
كل عام وكويتنا بخير ..
والله يحفظها لنا يارب..
طبعا ماكو طلعه اخاف نطلع تحوشنا المسيره :\
فاحتفلنا بيتنا احتفال ع قدنا ..
لبسنا هالسوالف ..
كبوس ولد اختي..

كاب اختي الصغرى..

وعندها سكارف ماصورته :\

تاج عجبني شفته بجريدتي المفضله جريدة الاعلانات :) واختي كانت طالعه فوصيتها تيبه لي..



باروكتي امي شرتها لي..




سكارفي هم وصيت اختي تيبه لي ..



باروكة اختي الوسطيه..




هم من توصياتي لاختي تفافيخ ..

كبوس اختي الصغرى..





فراشتي اختي الوسطيه يابت لي بس مو انا موصيته عليه..
وريته اختي الكبيره قالت مال يهال مو بعارين<< جمع بعير جنه فشلتني !!
وشفتوا العصاة ولدها ياي يركض حقي ولسبني فيها ويحك :\ انا ماسويت له شي بس بط جبدي جان اشوته خخخ الظاهر مانسى ويا ياخذ بثاره مني..




بما انه امس يصادف يوم ميلاد اختي الوسطيه المجيد فاختي الكبيره يابت لها هالكيكه..


وكيكه للكويت.. هذي احلى كيكه شفتها بجريدة الاعلانات..
كل عام وانتي بخير اخيتي:)


فطايس ع قولة يدي الله يرحمه اهي اهي ..


ملفوف ناطع حبيت حشوته لاني ماكل ورق العنب :)

وسلامتكم ..

Wednesday, February 24, 2010
السلام ..
اليوم طلعت من الدوام مبجر ومريت جمعية الشاميه عساس بشوف محل bath & body works او بالاحرى الكشك صارله فتره مبطل بس توني قدرت امره..
واهو بالمول ..
كنت ابي كريم للايد و يكون فيه حماية بس مالقيت :\
وهم ابي معقم ..
فبدال الكريم خذيت لوشن صغير للجسم جابنيز اللي تبيع تقول انه التوب سلر و وايد يطلبونه هم انا وايد سمعت بنات يمدحونه و خذيت المعقم من نفس المجموعه..

وهم قالت لي عن كريم اليديد من جابنيز يعطي نعومه اكثر بس سالتها اذا في اصغر قالت لي مافي :\ فماخذيته لانه كبير وايد ..
وبس سلامتكم ..




Tuesday, February 23, 2010
السلام ..
امس وانا احوس بالايميل لفت انتباهي هالعنوان ..
Offers & Discounts from around KUWAIT‏
دشيته..
ولا سايت كويتي فكرته بالنسبه لي يديده..

فكرته باختصار :

هي الطريقة المجانية الأسهل للتوفير اكتشف آخر العروض الخاصة والخصومات المتوفرة من قبل الشركات المختلفة في دولة الكويت.
كوبونات هو الموقع الوحيد في الكويت المخصص لعروض الشراء والخدمات المختلفة داخل دولة الكويت. كل ما عليك عمله هو إختيار ما تود الإستفادة منه من كوبونات ومن ثم إرسالها بطريقة مباشرة لبريدك الإلكتروني لطباعتها واستخدامها.(نقل من الايميل)
هذا اهو السايت ..
رايي :
-ماجربته لي الحين بس يازة لي فكرته .
- الحلو انه متنوع بس توه يديد اتوقع لي شافو اقبال وانتشر بتزيد العروض .
- هم حبيت الوان التصميم الشبابيه.
والله يوفقهم يارب :)
Saturday, February 20, 2010
السلام ..
قبل جم يوم كنت احوس بالبلوقات ودشيت بلوق Sn3a وكانت منزله بوست عن الخباز وانه منزل اكل دايت والتشكيله كانت صاج (لحم\ تونه\ دياي) وسلطات (تبولة \يونانيه \اعتقد روكا) و معشوقي الاول والاخير الككاو ..
اليوم طرشت السايق عساس ايب لي جم شغله منهم ..
طلبت صاج لحم ..
سعره :750 فلس..
رايي : ماعجبني اول شي لانه بارد لما سخنته صار احسن بس اعيدوازيد انا عسره بالاكل كنت افليها واطلع البصل والفلفل الاخضر والاحمر ..
شبعت بدون لا اخلصها مع انه حجمها صغير ..
الككاو خذيت نوعين :
اللي ع يسار ميلك جوكلت ..
وال2 كرسبي..

هلما فتحته ماتوقعته هالكبر ماشاءالله توقعته صغيرون ..


الككاو لذيذ و يشبع صف وحده بالكثير تشبعون ذقت الاثنين بس خلصنا اللي بالحليب ذوقته امي واختي عجبهم ..
والكرسبي هم زين بعد..
سعرهم : الواحد ب950..
وايد حلوه اسعاره ويستاهلون لانهم لزيزين ..
ماخذيت سلطات لاني ماحب ولا وحده وكنت باخذ تبوله لاختي بس ماتبي ..
وبس ..
حق اللي يبون بوستات اكل خخخخ..
ومشكوره سنعه :)
Friday, February 19, 2010

توني قبل ساعة تقريبا شفت فيلم اعلان حالة حب .

امبيه بعرف شنو الهدف منه ما ماكو مو محصله؟؟

الممثلين:

-تمثل فيه مشاعل الزنكوي اكثر من دور الدور الاول تكون اهي مطربه مبتدئة اما ال2 اهي العيوز يدة الصبي جراح..

-جراح اهو ممثل بحريني اللي شارك بستار اكاديمي دوره انه مهاوشجي و من كثر المشاكل انطرد من شغله و رفيجة ساعده انه يشتغل بمنتجع وهناك شاف رانيا (مشاعل الزنكوي).

-محمد رمضان اهو اللي يمثل دور الترف بو ريحة خايسه شكو هالشغلتين بعض مادري :\ اسمه بالفيلم شملان .

- الممثل المصري اللي بكل فيلم كويتي رازينه جنه اسمه علاء مرسي دوره انه مدير المنتجع ويبي يتزوج كويتيه.

-شهاب حاجيه دوره انه ابو رانيا مشاعل الزنكوي .

- فهد الزايد كومبارس ماله داعي .

-المصور الصحفي هم مادري شنو الحكمه من دوره :\ غير انه يلحق رانيا بيصورها ماهو قادر لا ويصور قلاصها او لوحه ويدزهم لمديرها شدعوه مايجيك عليهم قبل :\

- نواف نجم اهو منافس جراح بالشغل وبعلاقته مع رانيا ..

- اميره اسمها نوف خخ واهي بنت خفيفه ومطفوقه ورفيجة رانيا..

باختصار احس الفيلم مسوينه لمشاعل يبون يبرزونها باي شكل اهي محور الاحداث 2 يتهاوشون عليها و واحد عيز واهو يلحقها بيصورها دورين و طليقها مصعب اهو بعد بيبرز نفسه اهو المنتج والمؤلف والخ الخ الخ ..

http://www.aljarida.com/AlJarida/Article.aspx?id=104244

وضحكني بالخبر يقول المشاهد مترابطة :\

وفي عيب بعد انه اشكره دعايات لانسام الخلف و لمنتجع خليفه ولرشا شيك ..

وللي حاب يشوف دعايته ..

http://www.youtube.com/watch?v=6KE6offjLfg&feature=related

ونسيت اقول انه في قلة ادب بشكل كبير سواء بالافاظ او الحركات و ملاغة مو طبيعيه :\

فيني نومه وكتبته وانا غافيه خخخ فطوفوا البدليات والشطحات :)

هالبوست تغير عن الاكل :p

Wednesday, February 17, 2010
السلام ..
ضايق خلقي وبطني يعورني وبسولف عساس انسى العوار :\
الله يسلمكم قبل فترة تقريبا جريب الشهر رفيجتي طلبت لنا قهوة بالدوام من مكان جنه اسمه دلة الضيافه..
ومعاه تمر رفيجتي تقول العادة ايبون شغلات اكثر معاه ..

حصيلتي انا مااحب القهوة بس ذقتها عن خاطر ماي فريند واي مره خخخ بس البنات استانسوا عليها ومدحوها ..
التمره عجيبه لذيذه حبيتها اهي مغطينها بككاو ومن داخل جنه رهش ومابقى بنت ماخليتها تذوقها طبعا من اللي مثلها بالصحن ما سوينا شروكه بتمرتي خخخ..

القهوة عيبها يبلها اسس وقواعد ..
1- الدله تنمسك باليسار والفنيال باليمين اذا مديتي الفنيال باليسار مايخذونها منج :\ احسن اوفر خخ..
2- رفيجتي قالت لي لي مديت لج الفنيال ورديتيني ماخذيته اكته بحضنج وي قلت لها زين قلتيلي عساس لي زرتكم اخذ معاي تنوره سبير :\
3- البدو يفضلونها تكون شويه مو ترس الفنيال لانه اذا ترسته اذا ماخب ظني جنه تطرده << عمي وهق اختي خخخ..
ومره حطت لخالي شويه جان يقولها شنو خلصت القهوة خخخ.. >> اختي تعقدت ..
4-لي خلصتوا لازم تهزون الفنيال ع قولتهم مادري باي مسرحيه (هز الفنيال وقول بس ) ..
طبعا الموضوع اجتهاد شخصي فالغلط وارد و بشدة فاي غلطة تحصلونها ياريت تنبهون عليها ..
Tuesday, February 16, 2010
السلام ..
واخيرا قدرت انزل الصور من تلفوني :)
يوم الاحد كنت طالعه الصبح ع ال8 الا ربع ولا الضباب مو طبيعي ماقدرت اشوف شي الا ويه عتريس سايقنا و بالطريج مانشوف السيايير اللي جدامنا :\
صورت لكم جم لقطة بس هذيل ع الجوانب ارحم من اللي جدامنا ..


وقبل فترة مادري جان تذكرون لما رحت 360 ع ابو بشوف افاتار ولا مالقى عرض بوقت مناسب لنا عاد رحنا تغدينا ب صبح ومسا (عرفته من جايونه)..


المنيو..



الصحن :)


تبولة اختي تقول زينه ..




ملفوفها تقول مو ذاك الزود << انا ماكل هالسوالف من جذي مابديت رايي..



فتة حمص مالتي حبيتها ..


عيش ..




يقدمونه مع كبه بالبن انا احب العيش الابيض والكبه وايد طولت ع مايت الا وانا شبعانه الا شوي كليت وحده ونسدت نفسي :\
عاديه مو نفس اللي بالي :(



وسلامتكم :)

Saturday, February 13, 2010
السلام ..


من المشاكل البشره المنتشره اهي الرووس السودا << خخ لاحظته بويوه رفيجاتي و خواتي وحتى امس جيكت بويه اخوي فيه يعني مشكله تحوش الجنسين ..


واهي تطلع ع الخشم واليبهة والخدود والحنج << خلص الويه شبقى :s




*لصقات


اشهر الحلول للتخلص منها اللزقات او الصقات ومتوفره بكل مكان جمعيات مركز السلطان ولولو هايبر وكارفور و بوتس ..



لزقة اليبه شكله حلو اللي استخدمتهم كلهم مستطيلين :\ ماعمري شفت مثلثه ..


جربت اكثر من نوع :
هالنوع اعتقد جربته مرتين واذا ماخب ظني اول مره جربته ب2007 قبل عرس اختي وحبيته مفعوله حلو ويوخر عدل ..


هذا اختي مجربته وماحبته وامس يابتلي اخر قطعه منه وحطيتها ع حنجي ولما شلتها ماحس شلت عدل:\ لانه ماتغير شي.. (الشريح كانت للحنج او اليبهة)


هالنوع احبه عندي منه شكلين العادي وبالفحم وتقريبا مثل النتيجة وساعات احس الفحم احسن بشكل بسيط..










هذا تونا ماخذينه من كافور ماجربته لي الحين بس اختي مجربته وتحبه ..





هذا حاطته بلستتي مادحته لي جايونه باخذه عقب ماخلص ملوتي ان شاءالله..




مافي للخدود ؟؟
* كريمات :

وفي كريمات اختي خذت هالست من روك انا جربت الغسول مرتين بس بروحه ولا اول مره كنت مستخدمته غلط سو ماقدر احكم عليه بس اختي تقول عادي ماتغير فيها شي :\ و اول ماستخدمته طلع بويها بقع حمر اعتقد انهم من التونر ..




وطبعا في من ماركات 2 بس هذول اللي مروا علي وجربناهم :-
*اجهزة:


وانا احوس لقيت معلومات وايد منها انه البخار مفيد لعلاج هالمشكله او بالاحرى تخفيفها و يكون البخار اما من هالجهاز ..







او بجدر تحطون فيه ماي وتسخنونه وتغطون راسكم بفوطه بحيث البخار مايتسرب بس لاتلزقون فيه سواء الجدر او الجهاز لانه مو زين احتمال الله لايقول تحترق بشرتكم ..


والفايده منه يسهل ازالتها ويفتح المسام ..


نصايح حول استخدامه بشكل صحيح :


http://www.aloathan.com/vb/t6935/



*ادوات :

احب خرابيط اليابانين يبيله دايسوا :)


هذا مثل الفوطة ..



وفي نفس الفكره تقريبا بس شكله بلاستيك ..





هالاداة ماستخدمتها بس احس مشهوره ..











وهم اخاف من هالسوالف واحس يعورون يبيلهم طريقه معينه مو اي احد يقدر يستخدمهم صح ..


هالصوره تبين طريقتها ..






*محظورات:


- لاتعبثون فيهم ..

- لاتحاولون تشيلونما باظافركم لانها وصخه واحتمال تزيد البكتيريا.

-لاتعصرونها لانه المشكله احتمال تتفاقم وتصير بدل لانعالجها تتحول لي دمامل ..


*طريقتي :


اول شي اغسل المنطقه و احط غسول من كلين &كلير ..





2- عقب احط لزقه ..




ولما اشيلها (انتبهوا هالمعلومه توني بلشت اطبقها اختي قالت لي عنها اول كنت اشيل ع عماي اذا عورني صوب اروح للثاني المهم لما تخلص المدة وبتشيلونها بلشوا من الطرف بعدين انتقلوا لل2 ليما توصلون للنص مو تشيلونها من اليمين لي اليسار مره وحده لا كل جزء شويه ليما المركز ان شاءالله قدرت اوضح لكم المعلومه).

3-واخر شي امسحه بتونر اللي اهو قابض المسام من كلين اند كلير عساس اسكر المسام لانه عقب ما وخرنا الرووس السودا بتكون مسامنا مفتوحه فهالخطوة ضروريه ..





واخر شي بحط لكم روابط استفدت منها بخصوص هالموضوع :(فيهم نصايح مفيدة)






واهم شي الاستمرار ولي استخدمنا بشكل دوري ع اقل كل اسبوع احسن ..


وجان زين تفيدونا بتجاربكم او تجارب اللي حولكم ..


تذكرت طريقة رفيجتي انا ماحبيتها لانه تعور واهي لما قالتلي عنها انصدمت كانت تتشكى لي انه خشمها خادر يعورها لما سالتها من شنو قالت مستخدمه شمع عساس توخر الروس السودا@@

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads