Sunday, February 7, 2010
السلام..
واخيرا قريت شي وبالاحرى خلصت شي قريت وايد شغلات بس ماكملتهم :\
اسم الروايه: يوم الحدث
تاليف:خالد النصر الله ..
بالبداية هالروايه تعتبر 3 اصدار اقراه لهالكاتب ..
بطل الراويه شاب اسمه سليمان باخر سنة في الجامعه مجتهد يستغل وقته في الدراسه والعمل من مبدأ(اتعب اليوم وارتاح باجر) , خلال يوم واحد يمر بعدة احداث غريبة متنقل بين اكثر من مكان مبتدأ يومه صباح بالذهاب للمقبره و ثم انتقل لمركز الشرطة وبعدها للمستشفى ليختتم يومه ب ....
يغلب على الرواية طابع شبابي من خلال افكار الشاب وحديثه مع نفسه او الاخرين يتناول العديد من القضايا الهامة في مجتمع الكويت كالانتخابات وممثلين الشعب بمجلس الامه وشعارتهم الخياليه و وضعف التعليم والصحة ,و المسرح وتدهوره واختفاء المسرح السياسي ,وعن السياحة ,وعن الرياضه ومنع الرياضه النسائية.
وبالنسبة لقضايا الشباب تحدث عن الوقت و الفراغ (مو العاطفي كلش مو نغزه لبعض الناس خخخ) وضعف الدعم والتشجيع ع الاختراع والابتكار
مقتطفات من الرواية :
عن التاليف قال :
انتم ايها الكتاب تستطيعون ان تجذبوا جمهور القراء باساليب بسيطة :
(اذا اردت ان تجذب الفتيات اكتب عن الحب والرومانسيه , واذا اردت جذب المتحمسين اكتب عن السياسه ,والمتأملين اكتب شعرا , والمراهقين اكتب لهم عن الجنس , والمثقفين اكتب عن الادب العام والافكار العلمية وبحور الفلسفة , واذا اردت ان تسعى للشهرة بسرعة اكتب مايقلك الى السجن او الفضائح ).
- كما اشار الى العادات والتقاليد المخالفة للشرع مثل منع الرؤية الشرعية قبل الزواج و العنصريه فيه , وعن الاختلاف بين الستينات والسبعينات والان من حيث اللبس والتصرفات (في السابق كن الاغلبيه من الفتيات يرتدين التنانير القصير "الميني جوب" او الفساتين رغم هذا لا ينظر لهم احد من الشباب بعكس الان الاغلب محجبات لكن المضايقات زادت ), عن تقديس الشارب :\والتشدد بالدين .
- نحن مسيئون للبلد نحن ومن غيرنا كلنا شياطين خرساء نشاهد الخطأ ونسكت عنه او نساهم فيه .<< عبارة اعجبتني بس الايد والوحدة ماتصفق :\
تحدث عن بعض العلوم كعلم الابراج :
مايوضع في في الصحف هو تنجيم مضحك وكانت تسمى بالسابق الحظ (و مدى ايمان فئة بها وتفاؤلها او تشائمها من مجرد قرائتها للبرج مما اثر على هذا العلم ) .
- وعن تفسير الاحلام وتقدم المسلمين به كابن سيرين وابن العربي وابن خلدون , ويقال ان الاحلام انعكاس لواقع الحياة التي يعيشها المرء وتتشكل على هيئة صور واحداث بسيطة و من جانب اخر يقال انها مخزون محتوى العقل الباطن , والدين الاسلامي فرق بين الاحلام العادية والرؤى حيث بين ان الرؤية هي احد علامات الايمان واعتبرها الرسولى صلى الله عليه وسلم من علامات النبوة ال45.
واحلى شي ختم العبارة بمقولة د. احمد الربعي رحمة الله عليه "تفالوا الكويت مازالت جميلة "

**********************************



يوم الجمعة وكعادة الmbc الاسبوعية تم عرض الفيلم المدبلج وهالاسبوع حطو اوم شانتي اوم ..
في البداية ماعجبني وحسيت انه تمثيل بتمثيل ومن مشهد اللي بين انه البطله متزوجة بالش الاكشن وشدني بس لما مات شاروخان انصدمت قلت معقولة البطل مات @@
عموما حبيت الفيلم وبالنسبه للافلام ال3 اللي شفتها قبل اهو احلاهم واللي عقبه ع طول اول فيلم مدبلج انعرض نسيت شسمه والاخيس ديفيداس :\
ومرسوو..

26 comments:

Dreama | R said...

شيّ جميل
;P

LO NAN JO said...

احلى شي لما تخلصين قراية كتاب تحسين بانجاز

........

ماتابعت الافلام الهنديه المدبلجه, مدري بس مااستهوتني الفكــــرهـ

تسلم يدينك

she is me said...

رواية يوم الحدث .. كل ما أيي بشتريها أهون .. ما أدري ليش
لين قررت وعزمت ذاك اليوم أروح أشتريها .. سألت عنها .. ولا خالصة ..

كل كتب النصرالله .. مميزة


أما الأفلام .. فمالي فيها ^^

ba6alah said...

it seems nice book I liked what the writer said o 3ala rasy A7mad el rob3y Allah yor7oma Inshallah

طموحة مملوحة said...

الفلم كان حلو وجمع كل الممثلييين وناسة

Anonymous said...

بصراحة ودي اعلق على نقطة من هذي الراوية.

قبل ايام الستينات حتى وان كان فيه تحرر لكن لو واحد يغلط ووحدة تغلط كلهم يروحون فيها

ثانيا هل هو عاصر الستينات عشان يعرف فيه مضايقات ولا لأ؟

ثالثا الحجاب اول شي مو حجاب الشكل والزينة البنت تتحجب من داخلها اول بعدين الي بره.

ومن قال له ان الستينات مافيه بلاوي؟

قبل يتسترون الحين لأ صارت سماري ما احد قام يخاف هذا هو الفرق:) قبل فيه قانون وفيه من يأدب المغازلجي والمغازلجية:) الحين سايبة الشرطي يغازل فشتتوقع:).

افلام هندية حلوة تروح السينما لها عشان تنام كون الفيلم مدته طويلة ههههههه.

ميليتكو

ebtsamh said...

حلو التلخيص واختيار موفق ..

ما قريت للكاتب لكن من تلخيصك حبيت كتاباته ..

ادراج موفق ..

مـي said...

عجبني عرضك للكتاب

:)

شكرا جزيلا

عين بغزي said...

عندما اشعر بالملل من القراءة سريعا اغير مكان انزل للدوانية او اذهب للمقهى :)

اذا شعرتي بمملل من القراءه فقط غيري من مكانك روحي للصاله او لدار اختج او قعدي بالحوش او فوق السطح :)

Engineer A said...

قرأت رواية خالد النصر وفعلاً كانت من النوع الوطني اللي فيها الكثير من الأحلام المؤجل تحقيقها!

اما الفيلم الهندي فطافني كالعادة!! :)

رورو الشخبوطه said...

هلا دريم ..

اي طبعا خخخ..

حياج الله..

رورو الشخبوطه said...

هلا لو ..

اي بالضبط هذا اللي احس فيه..

وبالنسبه للافلام عكسي لو مو مدبلجه جان ماشفتها ..

الله يسلمج يارب ..

وحياج الله..

رورو الشخبوطه said...

هلا شي..

انا ماحصلت التجربة الانجليزيه وع كلام الكاتب خلصت النسخ ماشاءالله وبيسون طبعة 2 منها ..

اللي قريتهم كانوا زينين ماشاءالله..

وحياج الله..

رورو الشخبوطه said...

هلا اخوي بطالي ..

اي نايس ..

والله يرحمه يارب..

حياك الله..

رورو الشخبوطه said...

هلا طموحة..

اي حلوه فكرته..

وحياج الله..

رورو الشخبوطه said...

هلا اخوي ميليتكو..


اخذ راحتك :)

اي اتوقع كان في رادع داخلي وهم قانوني ..

لا ماعاصر بس من السوالف الظاهر لانه اهو كبري عمره 22..

اي طبعا شفايدتها متحجبه والاخلاق عدم :\

اي فيها بس مو مثل كثر الحين ..

اي الله يهداهم والحين عذرهم الحب الحمدالله الذي عافانا ..

خخ لا وي ماتسوى عيل ماراح ترتاح بنومتك..

وحياك الله اخوي..

مادري ليش مو معلق باكونتك بس اذا صاير اشكال فيه او مو قادر او مالك خلق تسجل دخول اختار اسم \ وعنوان وحط نك و رابط بلوقك :)

ومشكور..

رورو الشخبوطه said...

هلا ابتسام..

صج حلو :\ خخ حسيته خربوطه ..

اذا تبين تقرين له الحقيقه لاتقال حلو بعد..

مشكوره..

وحياج الله..

رورو الشخبوطه said...

هلا مي..

من زمان عنج عاش من شافج..

مشكوره..

والعفو ولو حياج الله..

رورو الشخبوطه said...

هلا اخوي عين..

امم المصيبه مو بالمكان اذا مالي مزاج ماقدر اقرا ..

انا ماقرا بالبيت وايد الا بالاستقبال اما السطح اخاف والحوش ماعندنا واكثر شي اقرا برا ..

بس معاك قد يكون تغير المكان عامل لتغير المزاج ماكو الا اطلع راسي من الدريشه عشان ابوي ينحرني خخخ..

وحياك الله..

رورو الشخبوطه said...

هلا انجو..

للاسف مو مؤجله كثر ماهي مطنشه :\
والفيلم ينعاد اكثر من مره بالاسبوع جيكي ع السايت حاطين متى ينعاد..

وحياج الله..

سمو الأميرهـ ..ツ said...

كنت قبل فتره ادور
كتب خالد النصر الله
بس ما أظن ألقالم عندنا :|
اتشوقت أقراهم من كثر ما مدحوا
في الكاتب
وكتبه..

***

ما طالعت فلم هالاسبوع
بس بنت عمتي مدحته

******

وثااانكس ألووت ع البووست :)

وهيه نتريا صاحبة الفراغ العاطفي ترد خخخخخخ

Abdulwahab Alhajji said...

عظيم عظيم :p

احسن شي انج قريتي , تدرين اني احب اللي يقرون؟؟ لوووووول

عاد مادري عن الأفلام انشالله اشوفه قريباً :)

شاي الضحى said...

ما سفت الا ربع الفلم

عشان الحفله

بس بشوفه اذا فضيت بالدي في دي

رورو الشخبوطه said...

هلا سمو..

ان شاءالله تحصلينه وكتباته زينه ماشاءالله..


***

اي يونس بنعاد اكثر من مره هالاسبوع..
******

ولكم مرسو :)

اي مادري شلاهيه فيه خخخ..

وحياج الله..

رورو الشخبوطه said...

هلا وهابي ..

شكرا شكرا :p

اي متعه , وحبتك العافيه يارب :)

اي ان شاءالله ترا ينعاد اكثر من مره بنفس الاسبوع ..

وحياك الله..

رورو الشخبوطه said...

هلا جايونه..

اي ان شاءالله ..

والاهم ان شاءالله يعجبج..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads