Friday, February 5, 2010
السلام ..
امس يوم اللطعه العالمي انلطعت عند باب المدير وعند الدوام وبالسوق ساعه وشي انطر اختي :\
بس توني عرفت سبب هالشي الظاهر من هالفيلم كل مابروح له يصير شي اول مره كنت بروح له ب360 ولما وصلت المجمع وعند السينما اكتشفت انه اقرب عرض ب6ونص متاخر بالنسبه لي شاورت اختي قالت لا واشوه مادشينا جان وصلنا البيت جريب ال11 ..
فامس رحت له بالافنيوز مو اي ماكس لا ديجتيال بس نفس موصفات الاي ماكس وهم نلبس نظاره ..
هذا البوستر السينما ..
وهذا لقيته بالنت ..

اي احلى ؟؟
بالنسبة لي الاول ميزته غموضه و ال2 مبين نوع الفيلم ..
اهو نوعه خيال علمي في نسبة من الاكشن ..
القصة منقوله من سايت السينما ..
في المستقبل نتعرف على جيك وهو من قدامى المحاربين يجلس مشلول القدمين، يتم احضاره من كوكب آخر يدعى باندورا والذي يسكنه شعب يطلق عليهم اسم نافي، شعب متجانس وله لغته وثقافته الخاصة به. ونرى من هم من كوكب الأرض يدور الخلاف بينهم بشكل مستمر .
فهمتوا منها شي :\
انا مافهمت :)
رايي بالفيلم..
بدايته بايخه كنت بنام وحزتها تذكرت تعليق ميمه جنه بوست اب ذا اير قالت دشته ونامت كذا مره وماخلص خخ لانه طويل كنت بطلع منه اشتري لزقة بواسد لظهري خخ , ونهايته متوقعه بس اللي حبيته طقوس الزرق تونس لو مو اختي يمي وتزفني جان طبقت معاهم ..
وايد مقطع بشكل واضح فجاءة الشاشه سودا حسبالي نمت :\
فجاءه يتغير الموقف اوكي قطعوا بس مو بهالشكل :\
*************************************************

هالصوره مكررتها ادري :)
بس بقولكم رايي فيهم..
البرتقالي اهو ككاو بنكهة البرتقال بس بالاسم جذي بالصج ماكو طعم بس مرورة الككاو ..
الكوكيز خخخ امبيه باختصار ضيم يابس وماكو طعم جنه اكل سميت او فخار :\
القلاص اللي جنه نوتيلا خذيته لامي اهي جربته قبل لا اجرب اكلي قالت مافيه شكر قلت اي اهو نو شوغر بس لما ذقت باجي اكلهم حسيت بامي خخخ..
امم اهما المفروض يحطون مواد تحلي الطعم بدال الشكر وسعرتها تكون اقل طبعا مو بالمره ماكو :\
*******************************************

هبه مش ولا بد بلشت من العام تقريبا بنصه انا شفتها بمعرض اللي من طقت بيت اللوذان جنه اسمه جذي باخر 7 هالايام رد بقوه وبموديلات والوان ..
امبيه حده مو بناتيه وعموما مو حلو تستخدمون شي غير استخدامه الاساسي العقال ينلبس ع راس للرياييل او نلسب فيه خخخ ..
خلصنا من سكارف اللي ع شماغ طلع لنا العقال بس باجي يسون دشاشه بناتيه :\
الوانه :

وفي اضافات وهم شفت ع ورد جنه سوراتنا اول بالعروس اللي طخم مع النفنوف الكشكش ..



للعيد الوطني..

خبر بالجريدة عنه :
وموبس جذي :
مطلعين فتوى فيها @@


وبس شورايكم ؟؟

30 comments:

Eden said...

افاتار له طعم خاص
مو الكل ينعجب فيه بس اكيد يأثر على البعض

LO NAN JO said...

HI..
شخبوطه اول شي انا احسدكم الصراحه احنا ماعندنا سينما بالسعوديه

ثاني شي العقال ماادري انا شفته ببلوجات كثير بس ماقد شفته عندناعلى ارض الواقع
هذي اللي بيطلعون فيها اكثر شي المغتربين قلك يعني وطنيـــه خخخخخ

عالعموم غريبه بس مااتخيل البسها

يعطيك العافيه,

militco said...

والله المخرج اسميه محمد ابراهيم هوليود

مشنص بشكل مو طبيعي فيلمين من افلامه

اعلى قائمة الأيردات بتاريخ الأفلام الهوليوودية رغم وجود افلام افضل منه بنفس الوقت.

مقادير ونصيب.

مشكورة اختي

SHOOSH said...

أفاتار جنه 13 فلم بفلم واحد

سمو الأميرهـ ..ツ said...

أحس أفلام هالسنه
مليييقه ع قولتكم :\

ما فيها شي ينحب

*********


سالفة الميني عقال عيتني خخخخخ

بس الحين الكل بيلبسها
ما بيكون في تميز
نفس سالفة السكارف
الكل حاطنه جنه يونيفورم

*****

يعطييج العاافيه ع البووست :)

بو ذياب said...

الحلو بالفلم ان الاخراج قوي والموسيقى روعة والاسقاط السياسي ...
اما القصة مكررة وماكو شي يديد ..
والفلم نجح نجاح كبير لان سووله دعاية رهيبة ..
حقق اعلى مبيعات بتاريخ السينما ...
حدي مدمن افلام :)

شاي الضحى said...

افاتار شفت دعايته وما شوقني ولا فكرت اني اروحله الا لما شفت 5 مرات الاول فرحت له مرتين :) عجبني وايد

وقريت خبر من فتره ان كل صوره من الفلم خذت 72 ساعه شغل

صج متعوب عليه


والكوكيز صح المفروض يكون فيه محلي

الميني عقال ما توقعت يهبون فيه لان شي يلوع الجبد

هبوا فيه البنات اول شي والحين الشباب هابين فيه

شنو الحلو فيه مادري

يكبرون وينسون :q

مشكوره :)

mazyona said...

انا نفسج اول الفيلم كنت بنام
بس بعدين عجبني ودخلت بالمود
تسلمين

daloo3a said...

والله تحووووطييين و ما تشليييني وياج

مب حلوه الطلعه بدوني خخخخخخخخخخ

اهم شي استانستي ^^

ميمة السبيت said...

** قتلكم مليق ماصدقتوني و اذا تحبين الكب كيك ذوقي مال كرمبز انا ذقت الشوكلت الكيك عادي بس الكريمه قتاله

Ƒiona H. Al- Ƨharekh said...

السلام عليكم يا حلوة
قواج الله
=)

خوش طلعه كانت عليج بالعافيه
بس تبين الصج تعليقي على افاتار
اتوقع بيكون نفسج راح انام
لا وطول الفلم بعد
مادري احس ماحب جذيه اشياء كلش

مارح يشدني

قواج الله أختي

ba6alah said...

loool

ebtsamh said...

زييييين ما دخلت افاتار ..
حجزت جاكي شان


ورح اعطيج رايي فيه بادراج ..

اما العقااااااال لا تعليق ..

رورو الشخبوطه said...

هلا ادن ..

اي صح بس مو سبشل فكرته ..

وحياج الله..

رورو الشخبوطه said...

هايات لو ..

العاده اللي اعرفهم يروحون البحرين للسينما ..

والعقال شفته بمعرض والحين بالنت منتشر بشكل كبير ..

خخ اي شكو الوطنيه بالسوار :\

اي مو حلو :\

والله يعافيج يارب ..

وحياج الله..

رورو الشخبوطه said...

هلا اخوي..


استعنت باخوي عشان اعرف من محمد ابراهيم :)

اي ماشاءالله الفال لنا :)

والعفو ولو حياك الله اخوي..

رورو الشخبوطه said...

هلا شوشه..

خخخ ..

حياج الله..

رورو الشخبوطه said...

هلا سموو ..

انا لي الحين بس شفت 2 الاول ماينبلع وهذا وايد ارحم ع الاقل متعوب عليه ..

اي احسن لاتلبسينه مو انثويه كلش خخخ..


الله يعافيج يارب ..

وحياج الله..

رورو الشخبوطه said...

هلا اخوي بوذياب ..

اي الاخراج حلو بس الموسيقى ماذكرها والسياسه مالي فيها كلش ..

ودعايته قويه حتى بسايت السينما الواجهه كانت له :\

اي ماشاءالله يقولون تجاوز ايرادات تايتنك ..

عكسي توني هابه فيهم وبالسينما كتغير جو ..

وحياك الله اخوي..

رورو الشخبوطه said...

هلا جايونه ..

انا ماشفت دعايته بس ع مدحكم رحت له ..

ماشاءالله ..

و اي عشان نبلعه ويخلونه ترف مو يابس :\

اي حده مادري شالحلو فيه ..

خخ..

العفو ولو..

حياج الله خيتوو..

رورو الشخبوطه said...

هلا مزيونه..

اي مثلي :)

والله يسلمج يارب..

وحياج الله..

رورو الشخبوطه said...

هلا دلوعه..

اتوقع لو ناطرتج جان وصلتي قبل اختي خخخ..

وايد الحمدالله..

حياج الله خيتوو..

رورو الشخبوطه said...

هلا ميمه ..

مو وايد كليق الزرق يونسون :)

اي مجربه الحمرا منهم واللي جنه حلاو ونزلت بوست عنهم بس ببلوقي القديم قبل الدمج ..

مشكوره..

رورو الشخبوطه said...

هلا فيونه ..

وعليكم السلام والرحمه ..

الله يقويج يارب..

يعافيج يارب..

خخ لا اتوقع بيشدج لانه بيبيلش اكشن :)

حتى انا ماحب الخيال العلمي بس لانه مادحينه رحته وزين مو وااو ولا وع..

حياج الله اخيتي..

رورو الشخبوطه said...

حياك اخوي بطالي ..

رورو الشخبوطه said...

هلا ابتسام..

ان شاءالله يعجبج..

اي حده لا تعليق خخ..

وحياج الله..

نبضُ الأدب said...

لووووول أمّا العقال .. نكتة pP;

شسالفة الهبّات عندنا بالكويت !!
عسى ما طلع شي كل من قام و قلد .. !

مشكلة و الله =/

يعطيج العافية رورو =>

Engineer A said...

بالنسبة للفيلم ما شفته للحين وما اعتقد اشوفه!!

انا جذي اذا في فيلم "كسر الصخر" والكل طالعه وامدحه وما رحت شفته حزتها خلاص بعد ما اشوفه!! نفس لورد اوف ذا رينغز عندي الثلاث اجزاء دي في دي وللحين مو قادرة اشوفه خلاص نفسي عافته! هههههه

وعلى النو شوغر << خل يقعد مكانه مو شي اذا كوكي او كاكاو وماله طعم!


وعلى موضة العقال ، امم اهم الشماغات ما خلوهم بحالهم فعادي ما استغرب من هالموضة اليديدة ونطري بعد جم يوم يطلعون بناتنا واهم لابسين قحافي ملونه << موضه!! بس ها اذا اطلعت لازم تحفظ حقوق الملكية لي :)

يعطيج العافية

رورو الشخبوطه said...

هلا نبض ..

اعتقد مو مبلش بالكويت يانا من برا ..
وي للاسف لو شي حلو ولا زين ماسوو ..

الله يعافيج يارب..

ومشكوره..

رورو الشخبوطه said...

هلا انجو ..

عكسي احب اشوف يشدني اهتمام الناس فيه :\

اي قلنا حلو خفيف بس ماكو طعم :\

خخ عيل لازم توثقين حقوقج بوزارة التجارة..

الله يعافيج يارب ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads