Wednesday, February 29, 2012






مساعه كنت بمركز سلطان وشفت هالشامبو اول مره ادري انه في شامبو للمحجبات
وكان ودي اعرف شيفرق عن باجي الشامبوات قولبته مو مكتوب شي!

قبل اسبوعين جربت هالكافيه للمره ال2 ..

هالمره طلبت ..

سيزفا كلوب ..(كلوب ساندويش)

 سعرها :1.950 د.ك

وطعمه زين مو وااو ..

وطلبت كيكة السنيكرز كنت ابي جيز كيك صورتها بالمنيو تشوق بس ماكانت متوفره حزتها :(
سعرها :1.750

وطعمها اقل من عادي ماحبيتها ماحسيتها فريش اذا كليت ربعها زين :(

واول مره جربته كانت قبل جم شهر طلبت صمونة فلافل هم ماحبيتها لانه صمونه بس فيها فلافل وطحينه وبدينار وشي @@

Tuesday, February 28, 2012
باول شهر ٢ دريت انه بودي شوب منزل لاين كامل من الككاو يمي يمي( لو معطيني اياها اكله خخ) لانه ع كثر مااحبه ماحب ريحته ..
المهم الاسبوع اللي فات كنت بالافنيو وشفته وصورته لكم


ولقيت لوحة فيه نبذه عنه


ضغطوا عليها بتكون اوضح
ماجربت شي من لاين الا الكريم (التستر) وكان خفيف وريحته مو قوية وكوكتيل يابت لي منه الصابون


لي الحين ماجربته بس شكل حلو ع قلوب حبيت شكله وان شااءالله ريحته ماتكون قوية
Monday, February 27, 2012

بعيد ميلاد اختي شاءت الاقدار انه نمر حديقة الشعب , خبري فيها اذا ماخاب ظني ب2004 ايام 4 ثانوي ..

تصدقون فرق علي الباب والتذكره خخ..

 لي الحين الدخله بنص بس زادوا ربع سعر الكرت ..

وصورت جم صوره للالعاب ..

هالعبيتين الاخطبوط و جبل الثلج اول لازم العبهم :\ مادري شعاجبني فيه خصوصا جبل الثلج تفتر ويفتر راسي فيها ..

 ولما كنت اصور جبال الثلج صارت هوشة بس مو معاي ولا جان حطيت  حرت الدوام فيهم خخ اللي صار اني صورت وقبيت واثناء القبه عرفت انه الريال معاه ولدين صغار ممنوع يدشون هاللعبه  حسب القانون لانه طولهم اقل من المطلوب  والعامل رافض يدخلهم والابو مصر فرفض العامل يشغل اللعبه وخلاها وراح ينادي الامن(معاه حق) بهالوقت الابو دخل عياله وقعدهم باللعبه وراح بيشغلها عابل فيها ماعرف :\ ليما يا الامن وكلموه ويالله اقتنع وطلع عياله استغفرالله :\

ونرد لالعابنا لعبت لعبتين :

الاول قليليبه وكانت فيلم انا خابره يوقفون اللعبه ونصعد مو نركض ونجلب بالباب وعقب نطب داخل !! حسيت اني بالمغاوير خخ..

ولعبنا الحصن وكانت كوميديا اكثر ..

اللعبه ترجخ ماي والحصان قعدت عليه جان ينزل قلت حشى انترتيكا مو رورو ولما اشتغلت اللعبه الحصن تصعد وتنزل الا حصاني انا واختي محلك سر الحمدالله طلعنا واهو صاغ سليم زين ماطبع فينا خخخ..

وكنت بقعد بعربة سندريلا اللي نزلت صورتها بالانستغرام بس كان الكرسي مبطط وجنه فيه ماي بعد فهونت :(

ملاحظة : اغلب اذا مو كل العاب حليه (رايح لونها) واللي الكراسي مشققه والخ الخ ليش هالاهمال !!!!!!!!!!!!!!
بعيد ميلاد ي جايونه يابت لي شغلتين الاول كانت بوكس من براوني دايموند..



ماصورت العلبة بس من داخل شكله جذي




واهو عبارة عن براوني بالمارشميلو ، الحلو فيهانه ترف مو يابس وطعمه زين (حبيته )  شكرا جايونه :*

بما انه هدية ماعندي اي تفاصيل عنه بس اللي مكتوب ع جيس :
ت:٩٧٧٦٧١١١
الايميل brown-diamond1@hotmail.com

الصورة الاول تصوير رفيجتي لانه اهي اللي استلمت الهدية بدالي :) مشكوره ام مشمش كدشتج بس امون ادري خخخ..
Sunday, February 26, 2012


لمشاهدة الصورة بشكل اوضح اضغط عليها تتكبر😍

-Posted using BlogPress from my iPhone
قبل جم يوم وزوعوا منيوهم ورفيجتي يابته لنا ، وبما اني احب اجرب ولانه قمنا نتاخر بالريوق نتريق جريب ال١٢ قمت ابدع بالطلب واخليه غدا وريوق في ان واحد 😁

جربناه مرتين ورا بعض اول مره طلبت ٣ صمونات وكلهم ميني (فلافل، سلايدر برغر،فيليه ).                                      
ومن داخل
اكثر شي حبيت الفلافل وعقب البرغر اما الفيليه ماذقتها لانه صمونتها سمرة وانا مااحب الصمون الاسمر ، وخذيت ودجز
الاسعار
٢يوم خذيت هم ميني بس فلافل و اخترت شي يديد بجربه اهو الحلوم

من داخل ، بس ماحبيته وايد 😔
رقمه وعنوانه بالصورة الاول موجودين
Saturday, February 25, 2012
بعيد ميلادي كوكتيل رفيجتي يابت لي اكثر من شغله منها ها لصبغ الأظافر قبل جم يوم نزلت صورته بالانستغرام هذي أهي.        


- Posted using BlogPress from my iPhone

امس تغدينا بمطعم افندم بناء ع اختيار اختي الوسطية بمناسبة عيد ميلادها ..
اهو اكثر من دور وفي جلسة خارجية وجلسة داخليه..

 اول شي قعدنا داخل واخترنا هالطاوله ..
 عقب غيرنا وطلعنا برا..
 المنيوو ..

والضيافه كانت خبز (جنه كيك)

ومعاه 3 انواع صلصة (تفاح اخضر مع سبايسي ,لبن مادري روب مع سبايسي , وزعتر)

تبولة لبنانيه وعندهم نوع 2 منها اهي التبوله التركية اعتقد تكون بدبس رمان بس مو متاكدة ..
 حمص باللحمة ..
 كبدة دجاج مع طماط ماذكر شنو اسمها بالضبط بس مو الملكي ,الملكي تكون بدبس الرمان ..

بطاطه حاره اختي حبتها وطعمها زين حرورته طبيعيه مو لاهوب ..
 فتة حمص ..
 عرايس لحم  وجبن (احلى شي ذقناه عندهم وكلنا حبيناها)

كبه ع السيخ ..
 مشاوي مشكله ..

الاسعار :

العنوان :
  ميدان حولي - ورا حديقة الشعب.

راينا:
الاكل بين جيد جدا وممتاز وتجربه تكرر ان شاءالله , والاسعار ممتازة والخدمة زينه..

واكرمني الله :*
Friday, February 24, 2012
اليوم عيد ميلاد اختي وصديقتي الصدوقة ..

من زمان كنت مخططة شيب لها بس كنت محتاره  شنو ايب وشلون ومتى...

فعلى مانزل المعاش ومع اللوية اللي صارت لي هالاسبوع لهيت ومامداني اسوي شي وهذا غير انها اهي اختي الجوز ع قولت ابوي مع بعض ع طول ماشاءالله فماقدر اشتري شي واهي معاي ..

فطرت ع بالي هالفكره اطبع قفت فاوتشر واحطهم بظرف  مع كاش ..

ليش سويت جذي مو بس لانه ماكو وقت ولا لانها معاي لانه في صالونات او سبا معاملتهم للي معاهم قفت فاوتشر مو ذاك الزود. + مااعرف اماكن سنعه (اقصد للفيشل)..

سويت له 2 ..

الاول للاظافر ..




وال2 ..

فيشل ..


طبعا هذا جزء من الهدية في جم شغله غيرهم ..

كل عام واخيتي بخير كل عام وانا احبج اكثر وارفع ضغطج اكثر واكثر واكثر خخخ :****

مصدر الصور (هني) و(هني )


من زمان منزلين هالتشكيله بس اليوم فصلتهاعدل ..

ومتوفر ه باكثر من موديل ..

الاول..


اعتقد ينباعون كبكج 2 بجنطة ب10 د.ك حبيت الجنطة :)


ال2 :


موديل بولو ..

متوفر نسائي ورجالي ..

من مقاس سمول الى اكس لارج ..

وبعدة الوان  اللي مبينه بالصورة (اسود ,ابيض , احمر , فوش , اخضر)..

سعر القطعه ب10 ..

وعندهم عرض اشتري 2 واحصل ع 1 مجانا ..

ماشاءالله لما كنا موجودين كل اللي دشوا المحل خذوا من هالكولكشن :)


Monday, February 20, 2012
احب منتجات سالي هانسن وكنت اخذهم من لولو هايبر كانت اسعاره رخيصه وبسرعه تخلص ليما ماقمت  احصلها كلش :(

بدبي حصلته بمكانين :

الاول :

بالايكونيك ..

المحل اللي قلت لكم عنه هني

والظاهر منزلينها توه لانه العام ماذكر اني شفتها ..

المهم موفرين وايد شغلات..

اللي اذكره الاسيتون و اصباغ اظافر واللزقات اللي مثل المينكس وشغلات 2 للاظافر واشهر منتج عندهم سبري الاساس للسيقان بس اسعاره اغلى من لولو هايبر..

والمحل موجود بمجع ديرة سيتي سنتر..

والثاني : بالقرية العامية ..
ماذكر اي قرية بس جنه بالاوربيه ..

ولا ذكر شنو موجود بس مالفت انتباهي شي , وموفرين شغلات بسيطة ..
Saturday, February 18, 2012

مدتها :

من : 1 نوفمبر 2011 إلى : 3 مارس 2012

مواعيد العمل :
من السبت -الأربعاء (4 عصرا حتى 12 منتصف الليل.)
الخميس  و الجمعة (4 عصرا حتى الواحدة صباحا).

ملاحظة جميع ايام الاسبوع القرية مفتوحة للجميع باستثناء  يوم الاثنين  مخصص للعائلات فقط ..
 سعرتذكرة دخول 10 درهم ..

وفي تذاكر VIP (التفاصيل عنها هني)
و حبيت ان في مكان مخصص للحريم ..
و شرينا التذاكر العادية ..
 القرية العالمية تحتوي ع عدد من الاجنحة اغلبها مخصصة لدول او جهات ومجموعة اكشاك و مطاعم بلاضافة لالعاب ..

صورت جزء صغير من جولتنا فيها ..

بس قبل لا نبلش بجولتي وايد استفدت من تقارير الاخت ^الدماني^من منتدى شبكة سيدات الامارات كانت منزله 6 (القرية الاسبانية ,القرية التركية ,القرية التايلندية ,القرية المصرية ,القرية الصينية ,القرية البحرينية )


مشكوره ع مجهود ..

ويلا نبلش ..
 اول شي لازم تاخذون خريطة بتفيدكم لانه قرية كبيره ومقسمة ..


ماصورت وايد بس جم صورة ولاهيت بتخمط :\



خذينا منه جاي ..

وهذا كشك صابون تركي ..
شريت منه جم صابونه وشامبو وبلسم طلع حسابي 600 درهم خصمت لي 50 احس قصت علي :\
ولقيت الهبة يديدة معشوق جماهير خخخ

ديرتــــــــــــــــــــــــــــــــــــي (قلب حب)
خذيت منها هم صابون من كشك سوري خخ بيفتحون عندنامحل له بشهر 5 ان شاءالله وهم كان غالي ويقولي فرصة ترا محلنا بيكون اغلى :\

وهم موجود ملافع البتول ..

 

واكثر مكان صورة فيه الجناح التركي ..
و
خذيت بقلاوة من هني ..
كيلو ب100 درهم ..

وخذيت كنافة مدحتها دماني ..
ب25 درهم ..
صورته عقب ماذقتها طعمها زين وحبيت انها حارة وفريش..
ماذكر انه في شي مميز ..

وانصدمت انه خلصوا الصور خخخ ..

خل اتكلم عن جم جناح مريتهم ..

-المصري في قطنيات مصرية درايع ودشاديش مثل سوالف ارض معارض عندنا ..

-السوري هم نفس المعارض عندنا في قطنيات زياد عليه عندهم بليله واللي يبعونه مثل اللي بمسلسل باب الحارة خخ..

-المغربي يمكن اكثر جناح حسيت متخصص بشغل ديرتهم في هدومهم (خذينا لنا دراريع باردة للبيت ونعل وهدوم لليهال كامل مع طربوش والنعال) وفي ماعينهم وشغلات ديكور (خذيت طقم قلاصات) وفي حبي وعشقي سوالف لبيوتي خذيت صابون وزيت وماسك كلهم بزيت الاركان وخذيت ماي ورد ومريت محل اللي يمه وهالمره انا واختي خذينا صابون  (وعلى فكره لما رديت شفت بوستي اللي عن ركن المغربي بتروفاليو طلع نفس بعض شغلات بس ماعندي فكره عن اسعار تروفاليو ودي اعرف منو ارخص  )..

-اللبناني منزلين في اكسسوراتهم (خذيت لي ولرفيجتي) ونعل شوارفسكي وفي مقاسات كبيره(خذيت لي ولاختي الكبيره ) في محلات خلطات (خذيت لي خلطة لشعري واختي خذت لرموشها) وفي اجبان (هم اختي خذت منه وانا خذيت من نفس الكشك صابون خخ)..

-التايلندي ناروشرار سمت صبغ اظافر قالي ب 50 درهم (لييييييييييييييييييييييييييييييش !!! @@ من بانقوق ماخذه 12 صبغ ب 2 د.ك والغالي 3 ب900 فلس) اختي الصغيره سالت عن جوتي وانتوا بكرامة طلع ب130 درهم :\ 

-البحرينيه فيها عبي , بخور وطيب , حلوى ومتاي وماي لقاح(امي شرت منه)


-وفي شغلات شريتها بس ماذكر من اي قرية ..

-بس في اجتياح من عيال شرق اسيا بكل قرية تقريبا موجودين واحس تقريبا مثل ماقلت لكم فوق ارض المعارض غير انه الاغلب  (البياعين )قالوا لنا هالشي (انه يشاركون بمعارضنا)..

مشترياتنا (حصيلتنا)
سويس اربيان وجم جيس يمه من الاوتلت مو القرية ..

المطاعم :

في وايد مطاعم في مشهوره مثل (بيتزا هت , هارديز , دجاج تكا,كنتاكي, كريسبي كريم )

ومطاعم عاديه مثل لبنانيه و يرنيه  وغيره..
وتعشين هني
جزء من حصيله ..

المطعم عادي بمستوى كشري جحا وغـالي :\

موقع رسمي (LINK)







Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads