Showing posts with label فضفضة. Show all posts
Showing posts with label فضفضة. Show all posts
Saturday, March 15, 2014

postheadericon تجربتي لـ laura mercier oil free flawless face kit

3:31 PM
 
كالعاده بوست قديم بس لازم انزله لانه قلبي متروس حده منهم ..
 
تقريبا باخر شهر 10 دشيت دبنهامز وبطلعتي مريت بالصدفه عند ماركة لورا مارسيه جان اشوف عنده علب كل علبه فيهم مجموعه من الاغراض واغلبهم فيهم برايمر ورفيجتي مادحتلي برايمرهم توبه امشي ع كلامها  خخ  من تمدح شي يكون مو حلو :\
 
ومندوبتهم نظامها بمشي شغلي وببيع بس ! كلش ماحبيت باخر البوست اشرح لكم ..
 
الست  يحتوي على :
1-تنتد مستوريزر :
 
يعني مرطب بلون اهي قالت فونديشن اهي اهي قصت علي:/ << اول جذبه1
2 شي ماقالت انه متوفر بلونين اللي اهما :
-نيود << وهذا للبشرات الفاتحه جدا << واهو الللي دبستني فيه ..
- وساند شي جذي << واهو الللي لنا << عرفت هالشي لما رحت ايفنتهم وهم كان فيلم :\ اخلص من الفيلم الاول وابلش لكم ال2 ..
2-برايمر :
 
وايد يمدحونه عشانه خذيت البوكس واهو موجود باغلب البوكسات ال٢ ..
 هم طلع منه انواع  وماقالت لي بس اعتقد البوكس يوفرون فيه هذا بس مو متاكده ..
3-كونسيلر:
 اهو من فوق في لونين ونوعهم كريمي واللي تحت لوس باودر.. << ماجربته الا مره وماقدر احكم ماحط كونسيلر الا نادر ..
4-فرشتين و اسفنجتين وجنطة..
<< هم ماجربت الفرش ولا الاسفنجة ..
سعره:
 ب٢٢.٥٠٠دك
 
رايي :
 
ماعجبني لا الكريم ولا البرايمر لا القوام ناسبني ولا لون ..
 
اللون يصير ممولح بايخ قمت اخلطه مع سي سي كريم من ماكس فاكتر اهو برونز واحط بودره عساس يناسبني << عباله ..
القوام توني جربته ع ايدي بدون برايمر الكريم اسهل بالفرد ع بشره وبالنسبه لفري اويل احس عقب جم ساعه ويهي يدهن عادي !!
 
المهم صادف عقب ماجربته ع طول عزموني ع ايفنت لورا مارسيه يفافافوم المارينا ورحت له ويارتني مارحت له انا رايحه له وقايله لهم بالايميل بس عشان اتاكد من منتجاتهم كنت حاسه فيها انه السالفه :\
 
كنت بروح ابجر من 4 اهو يبلش 4 لي 9 ..
 
قالي مايصير الخبيره بتي 4 ونص قلت له اوكي بشوف ..
 
قلت لرفيجتي نطلع عقب الدوام نتغدا ونمرهم قالت اوكي مريناهم ماذكر اذا مره او مرتين بس اذكر طلعت منهم 5 جريب النص والخبيره مايات :\ واللي تبيع استغفرالله دفشه ماحبيت اسلوبها مادري ليش مايختارون مندوبات زينين مو معقوله جذي شي يطفش ..
 
لما قلت لها عن تجربتي اهي اللي قالت لي عن الدرجة ال2 من الكريم :\ وقالت هاج بنعوضج وعطتني اياه وعقب قالت لي شوفي البرونز قلت لها انا مو يايه اشتري :\ اساسا كنت مفلسه :|
 
وعطيتها الكريم اشوه ماخذيته معاي جان كلبجوني عند الباب حسبالهم سروق خخ انا ورفيجتي حسبالنا هديه بس اشوه رديته ..
 
وزعلت وطنقرت و حطيت هالماركه بالبلاك لست :\
Labels: , , , | 1 comments
Wednesday, July 3, 2013

postheadericon مصلى المارينا !!!!

10:00 PM
 
بالويك اند كنا انا واختي الجوز بالمارينا ورحنا نصلي ..
 
واستانست انه تعدل الوضع بالمصلى وصار حده مرتب ..
 
بس اللي صدمني التنانير اللي موفريننها للصلاة ..
 
هذي نماذج بسيطه منها ..
 ااولة متقطعه وال2 مقطنين !!
والعامله قاعده تتمكيج بالحمام وانتوا بكرامه :\
 
ليش جذي ؟؟
 
 
Labels: , | 2 comments
Friday, May 17, 2013

postheadericon بخصوص قرار الديوان الخدمة المدنية الخاص بايقاف النقل بين الوزارات !

5:26 PM
من زمان ماكتب بوست عاديي ببلوقي ( ع قولتي ماشخبطت ) ولهت ع شخابيطي العاديه ..
 
واللي خلاني ارد واكتب هالخبر اللي دزته لي رفيجتي من ابليكيش الدروازه ..
 
 
 
 
ليش ؟؟
 
احس فيه نوع من الظلم !!
 
واذا بيطبقونه الاولى يطبقون او بالاحرى ينزلون قرار بتوحيد جميع الرواتب لموظفين القطاع الحكومي اصحاب نفس المؤهل والتخصص والدرجة ..
 
صح ولا لا ؟؟
 
مايصير وزاره معاشهم فوق ال1000 وزاره يالله 800 وكلهم مثل التخصص والدرجه والشهاده واللي معاشه 800 يكرف اكثر من بو 1000 لانه هذاك على ادارتها اقبال وطق عصي وبالمكتب يقعد بدال الموظف 4 من كثرهم ماشاءالله !!
 
واللي يحر بو 800 شغيل و يايب معدل قوي شاطر و بو 1000 كسلان !!
 
ومعاش الجامعي نفس معاش الفني مو الدبلوم لا اللي 4 متوسط !!
 
ظلمممممممممممممم
 
مادري متى ديوان الخدمة يكون منصف وايد صارت لي مواقف من سبته مسمى غلط عدلنه مو راضي يرقوني للمسمى الاعلى لانه تعيني كان ع مسمى غير !! شي ياثر ع شي ..
 
الكوادر لناس وناس التخصصات اللي لها ادارات معينه تشتغل فيها تنصرف كوادرها بكل مكان و الاعلاميين اللي يمشون باي قسم ويقدرون يشتغلون باغلب الاقسام كوادرهم ماتنصرف الا بادرة اعلام او علاقات عامه !!!
 
وااي قلبي متروس ..
 
حسبي الله ونعم الوكيل ..
Labels: , , , , , | 0 comments
Thursday, January 3, 2013

postheadericon ليش؟!؟!

10:57 AM
هالصورة حطيتها بالانستغرام بس احس مابردت جبدي وتذكرت مواقف 2 لازم تنذكر بس ملينا من هالاستهتار بالزبون لي متى ؟؟ وليش اساسا قاعد يصير جذي؟؟




امس كنت افتر بمحل من المحلات المشهوره ولفت انتباهي هالتوب ! ليش جذي الدلعه متروس كريم اساس (من جدام وهم من ورا) والتاغ مشلوع اشكره شاريته -لابسته - خلصت منه كشخت فيه وردته !! اهي ماتستحي عادي تصير بس المحل شلون يرضون يعرضونه بهالشكل لا ورازينه اول قطعه بعد !! قمت اعذر اللي اذا شروا شي مايلبسون الا لما يغسلونه :/

موقف 2 :
مره جدامي واحد يايب بنطرون ملبوس مو بس مقايس اشكره كسرات صوب الفخوذ من القعده والزرار طايح المحاسب مارضى يرده راح اتصل ع واحد (من اللي يشتغلون)ويه خل المحاسب يرده (الزبون ماكان كويتي ) نفس جنسية اغلب اللي يشتغلون بالمحل ..


هذا غير الاغراض اللي تنباع خصوصا بقسم السيل مشققه ومنتفه :/ مكياج مغبر ؟؟
Labels: , , | 5 comments
Sunday, December 9, 2012

postheadericon lush soon @the_avenues & جديده :مكياج

8:51 PM
يوم اليمعه شفته بالافنيو استانست انه بيبطل كنت ناطرته لانه استثقل الروحة ل360 عشانه ..
 
 ولانه خاطري بمكياجه توني من فتره بسيطه عرفته  من dally  لما نزلت صوره بالانستغرام ..
 
ووايد حبيت الحمر والماسكرا وعندهم شدوات وايلاينر ملون وبودرة ..
 
 
كل حمره مكتوب عليها اسمها بالصوره ..
 
وهذي الماسكرا ..
 
 
انا كنت مسويه سيرج بالعربي واليوم سويت سيرج بالانجليزي..
 
استانست انه في سايت لش للكويت هذا لينكه ..
 
بس انصدمت من الاسعار لانه لما سويت سيرج بالعربي كنت لاقيه خبر بمجله امارتيه عن مكياج لش واسعاره ..
 
وسويت سيرج ولقيت سايت الامارات ..
 
بسويلكم مقارنه بسيطه ..
سعر الحمره بالكويت 8.500 د وبالامارات 85 درهم يعني 6.500 تقريبا (الفرق دينارين )
الماسكرا ب7.750 د بالامارات 70 درهم تقريبا 5 وشي هم الفرق دينارين ..
يفرق خصوصا اني ناويه اخمط !!!
 
والباجي جيكوا عليه بالسايت ..
صفحة المكياج بلش الكويتي وهني بلش الاماراتي ..
 
وهالشغله ذكرتني بالبوست اللي نزلته عنهم قبل (هني) ..
 
لا احد يقولي شحن او ضرايب لانه هالشي لو بيحوشنا جان حاش الامارات بعد !!
 
Labels: , , , , | 4 comments
Tuesday, November 27, 2012

postheadericon بخصوص الاعلان للمشاريع الشبابيه والمحلات ..

10:52 PM
 
السلام ..
 
انا باختصار كنت مااحب انزل ايميلات الدعايات عموما عقب قمت انزل اللي عاجبني منهم بس لييييييييييييييين صار لي اكثر من موقف معاهم خلاني اقول بس ستوب ماراح انزل عن شي انا مو مجربته اول شي بلوقي لي ساحتي الخاصه والحره اكتب فيها رايي بدون اي مجامله ..
 
اللي عاجبه هلا فيه والمكان مكانه واللي مو عاجبه هم حياه الله بس انسوا اني اجامل عجبني بقول ماعجبني هم بقول مو يعني هديه ولا عشان بلوقي ينشهر برتوتيك اجامل لا حشى عساه مانشهر بهالطريقه ..
 
بلوقي ع قدي حابته جذي مرتاحه فيه جذي ضايقوني وايد مشاريع اي من جذي قررت من جم شهر ماااانزل بوست نهائيا عن اعلان لاي مكان بدون لا اجربه مو القصد هديه الله ماكثر الهدايا والدعوات اللي رديتها ..
 
بس حبيت اقول هالشغله كنت قايلتها بالانستغرام قبل رمضان والحين اعيدها للي مو متابعني هناك ..
 
مو بس عشان غثوني هم بالاعلانات احس مافي تميز ببلوقي والمواضيع بتكون متكرره عكس التجارب الشخصيه لو كلنا نكتب عن نفس المنتج مستحيل تكون بوستاتنا متكرره كل بوست بيكون له طابعه الخاص وروح صاحب المدونه..
 
اعذروني بس هذا اريح شي لي ولكم ..
 
والله لايوريكم طناقري :)
 
والحاااااااضر يعلم الغايب .. 
 
وموفقين يارب..
Labels: , , , , , , | 4 comments
Saturday, November 24, 2012

postheadericon قاطعوا .. قاطعوا ..

9:55 PM
 
 
ذاك اليوم تقريبا الاسبوع اللي فات كنا انا واختي نتمشى بالافنيو ولاهيين بالسوالف ماوعينا الا هاللي راز ويه معانا ..
اهو: مساء الخير ..
احنا : @@ @@
والافكار تاخذنا وتيبنا جنه تنقال جذي ( انا حسبالي هدومي انشقت :/ واختي حسبالها لاني اشتطيت بالسوالف فحسي عالي واهو بيقولي قصريه) وطبعا ماردينا عليه
اهو : جزاكم الله خير قاطعوا قاطعوا
احنا : @@ @@
وعلبو انه راح قلت لاختي كملي كملي مالج شغل فيه ( اهي كانت لافه ) بكمل ولا اهو واقف يطالعنا ويتبوسم !! يما ..

لفينا وحقرناه :/
 
عسى ماشر ؟؟ ماتوصل المواصيل فيهم انه حتى بالمجمعات يكلمونا ( بغض النظر عن توجهي ورايي وتوجههم ورايهم اتكلم كمبدأ مايصير الا اذا كانو ماخذين تصريح من هالمكان بخصوص حملة توعية خاصه او شي من هالقبيل)
 
حلاته قايلته انقاطع الدنمارك ! عشان يقدم استقالته من الدنيا خخخ
 
ملاحظة :الصوره منقوله من جريدة الكويتية هني

- Posted using BlogPress from my iPhone
Labels: , , | 4 comments
Sunday, October 28, 2012

postheadericon @elfq8

12:12 PM
صباح البيوتي

اللي ماتم :( حاطه بالي اكثر من شغله بسويها اليوم بس شي مسكر وشي مخلص واللي لقيته صدمة ..

بما اني هالشهر هابه بالمكياج ولاني احب البيوتي والعناية بالبشره صج مكسله بس احاول اهتم كثر ماقدر وان شاءالله ارد مثل قبل واشوف نتيجة، فكنت اسوي سيرج ابي مكياج طبي ولقيت ببلوقي بوست عن elf نزلته العام   (اضغط هنا لقراءة البوست)..
من جذي مريت اليوم صيدلية العيون واشوه اول مادشيت لقيت استاندهم ..



زووم ع منتجاتهم :








اللي اعرفه انه موفرين قلوسات وكريم اساس الستيك (فاونديشن) و بلاشر ..
مالقيت فاونديشن :/



جيكو ع اللي بالنص :/



ومنتجات ٢ ماشفتها لا باكاونتهم بانستغرام او بالمنتدى..

مزيل مكياج العين ..


اسيتون


محدد مع برايته


فرشة شدو


ع كثر ما استانست انه ماركه طبيه ورخيصه ويمدحونها انصدمت من انه المنتجات مغبره وفي شغلات النايلون منفج عن الكارتون مبين قديمه واللي بالصيدليه عليها نفس الله يعينها عليها يالله ترد :/ كان خاطري فيها بس ماخذيت شي :(

اللي حابه تعرف اكثر هذا اكاونتهم بتويتر وانستغرام @elfq8
 
متوفره في :
Al Salam Pharmacy – South Surra (965) 99913103
2. Al Zahra Pharmacy Coop – South Sura (965) 25240485
3. Al Qurain – Al Qosor Pharmacy Coop No. 2 (965) 25412615
4. Al Oyon Pharmacy Coop – Jahra (965) 24564657
5. Al Shaimaa Pharmacy – Jahra (965) 24550516
 
ويوصلون :
ت: 99960228
FB

- Posted using Blog from my iPhone
Labels: , , , , | 2 comments
Monday, February 27, 2012

postheadericon جولتي القصيرة بحديقة الشعب ..

6:39 PM

بعيد ميلاد اختي شاءت الاقدار انه نمر حديقة الشعب , خبري فيها اذا ماخاب ظني ب2004 ايام 4 ثانوي ..

تصدقون فرق علي الباب والتذكره خخ..

 لي الحين الدخله بنص بس زادوا ربع سعر الكرت ..

وصورت جم صوره للالعاب ..

هالعبيتين الاخطبوط و جبل الثلج اول لازم العبهم :\ مادري شعاجبني فيه خصوصا جبل الثلج تفتر ويفتر راسي فيها ..

 ولما كنت اصور جبال الثلج صارت هوشة بس مو معاي ولا جان حطيت  حرت الدوام فيهم خخ اللي صار اني صورت وقبيت واثناء القبه عرفت انه الريال معاه ولدين صغار ممنوع يدشون هاللعبه  حسب القانون لانه طولهم اقل من المطلوب  والعامل رافض يدخلهم والابو مصر فرفض العامل يشغل اللعبه وخلاها وراح ينادي الامن(معاه حق) بهالوقت الابو دخل عياله وقعدهم باللعبه وراح بيشغلها عابل فيها ماعرف :\ ليما يا الامن وكلموه ويالله اقتنع وطلع عياله استغفرالله :\

ونرد لالعابنا لعبت لعبتين :

الاول قليليبه وكانت فيلم انا خابره يوقفون اللعبه ونصعد مو نركض ونجلب بالباب وعقب نطب داخل !! حسيت اني بالمغاوير خخ..

ولعبنا الحصن وكانت كوميديا اكثر ..

اللعبه ترجخ ماي والحصان قعدت عليه جان ينزل قلت حشى انترتيكا مو رورو ولما اشتغلت اللعبه الحصن تصعد وتنزل الا حصاني انا واختي محلك سر الحمدالله طلعنا واهو صاغ سليم زين ماطبع فينا خخخ..

وكنت بقعد بعربة سندريلا اللي نزلت صورتها بالانستغرام بس كان الكرسي مبطط وجنه فيه ماي بعد فهونت :(

ملاحظة : اغلب اذا مو كل العاب حليه (رايح لونها) واللي الكراسي مشققه والخ الخ ليش هالاهمال !!!!!!!!!!!!!!
Labels: , , , , | 2 comments
Monday, January 9, 2012

postheadericon دكتور عالجني :\

5:15 PM 
كلما إروح أخذ مرضية يصير لي موقف أبيخ من اللي قبله وأغلبه مع الدكاترة ... 
 (1) 
مره دشيت عند الدكتور لقيت يأكل حب ويقط القشر على طاولة زين  ماحذفه بويهي ولما شافني قعد أيمع الحب
 !! 


(2)
 ومره رحت الدكتور هالحجي توه الشهر اللي فات أقوله دكتور معدتي تعورني
3مرات تيلي حاله غريبه أغلبها 
 حزت النوم قالي برد بس أخذي أدوية المعدة !!  
 
 (3)

وهم توه بعاشورا قعدت من النوم مو قادرة أمشي من العوار من ركبي وعقب وصل لي اخر ظهري ولا أقدر
 اجندس تعبت استغفرالله وخصوصا بالصلاة رحت أشرح  للدكتور توني بسم الله أقوله ريولي تعورني من ركبي
 لي ظهري قالي جم يوم مرضية تبين !!  
 
 (4)

ومره 2 ردلي عوار المعدة بأخر يوم بالسنة رحت الطبيب طلعلي واحد مطوع !
شرحت له سالني نايمة منقثة من الأكل قلت له لا قالي امبلى (هو معدتي ولا 
 
معدتك !! ) قلت متعشية قبل 8ونائمة جريب الوحده :/ قالي في حراره أو حارج قلت 
 
لا قال امبلى (استغفرالله غصب) قالي التزمي بهالدوية واذا ردت لج الأغراض تعالي
 
 نسويلج تحويل للمستشفى احتمال فيج جرثومة في المعدة :/ 
 
(5)
 
اليوم رحت الطبيب ولا اهو نفسه الدكتور<<مطوع (لا هلا ) قلت له أذني مسدودة 
 
ماإسمع شي فحصها بدفاشة اللي الحين تعورني :/ المهم قالي مإفيها شيء بنحولج 
 
للمستشفى (ماعنده إلا تحويل) يقيسون سمعج يعني 24سنة أسمع طبيعي فجاءة راح 
 
سمعي!! قلت له لما كان عمري 14أذني ال2نفس الحاله صار فيها وسولي قياس طلع
 
طبيعي وعقب سولي غسيل وارتحت ؛:/ قالي طيب الحمدالله ! 

و قلت له عن معدتي وانه 2 يوم انتكست مإسالني إذا خذيت أدويته قالي عادي يبنتي برد
 
واخذي أدوية مغص ، شنو أنا لعبة بيدك !! ولا فار تجارب !!
 
 
 
مصدر صورة هني
Labels: , , | 4 comments
Friday, December 30, 2011

postheadericon ليش ؟!؟!؟ @@

12:19 PM 
ياصباح المغثة !!
 
 

خلصنا من زين يتنا فيفا !!


توني شابكة دشيت بلوقي بطل عادي عقب طلع لي انه
 
 محجوب !! 

بعرف فيفا على أي أساس يسون بلوك للسايتات
 
السالفة مزاج ولا شنو ؟؟
 
Labels: | 0 comments
Monday, October 31, 2011

postheadericon هذا تعويضكم يازين ,لا والله هذا النصب بعينه وعلمه :\

5:05 PM

توه خلصت خدمتي وبدون تعويض ولماكلمتهم يقولي تعويض دينار ومسجات ببلاش شهالنصب اطر منكم دينار ,ومنو يدز مسجات الحين !!!!!!!!!!

خدمة غـاليه كله معلقه وشركة عـالمية مـاتشتغل الا بـالكويت ..

غثوني :\

فيفا عوضوهم 5 ايام وطنيه 4 ايام  خدمة << هذاتعويض مو دينار رصيد # مرده لهم و ومسجات !!

تعويض يهود :\
Labels: , | 0 comments
Saturday, October 29, 2011

postheadericon وبعدين ياZain :\

7:28 PM
مادري ابلش بشنو !

الكل يدري انه هالشهر تعطلت خدمة البي بي 3 ايام تقريبا والعطل كان من شركة الرئيسية ..

وشركات الاتصال بالكويت قالت بتعوضنا..

ودزوا لنا مسجات بهالشي :

وقبل يومين دزولنامسج فيه تفاصيل اكثر عن تعويض ..

لي الحين وضع طبيعي 100% ..

الصدمة كانت اليوم (الصوره فيه مسج يبين متى جددت اشتركي) يعني بعد يومين يكون مخلص بس مع تعويض المفروض 5 ايام :\

تحلطمت بتويتر وتوقعت   كالعادة سستمهم مخرف :\من عقب هالموقف (هني)

طلع لا من ردود بتويتر 1 من شباب ياله مثلي مسج واتصل عليهم :

:قالولي الخدمه تخلص و حسبتهم صح قتلهم ساستمكم غلط لاني مثبت نهاية الخدمه على اخر الشهر بالضبط... قالي اطرش ايميل للدعم الفني و يشوف

:\ مو من صجهم :\
Labels: , , , | 4 comments
Friday, October 14, 2011

postheadericon كافيه بزه ..

11:12 AM
امس عقب الدوام  رحنا انا واختي كافيه بزه نتغدا فيه..

منيو ..
 ماي ..
 اختي قالت لي اصوره واكتب هالملاحظة تقول انه للمطاعم الايطالية هالنوع  ومثل مالمطاعم البنانيه اغلبه يحطون ماي اسمه ريم ,و حلاته لو حاطين ماي الروضتين او الخ من شركات الماي الكويتيه ..

وطلبنا كان ..

برغر..
ماحبيت البطاط طعمه غريب ويرجخ دهن ..
 بيتزااااا
 مريبن ..
 حسيت انه مسخن مو طازه :)

الاسعار..
رايي :

الاكل عادي الى اقل من عادي , ماعندهم ضيافه تمينا ننطر ربع ساعة ننطر اكل ماكو شي يسلينا ومانبي مقبلات مكثرين الاطباق االرئيسية ..

الخدمة سيئة ناديت جم واحد عشان اطلب كله يقولون اي ويحقرون :\

والموقف اللي بط جبدي :

 إلاقامة واغاني مشتغله بنفس الوقت ولما قلت لقرسون  أول مره راح 2 مره نزرني وقاحة :/ وخلصت إلاقامة وماسكروا لاغاني :\..
بس عادي  اللي ماحترم وحشم إلاقامة بيحشمني ,إكيد لا :\
 
Labels: , | 6 comments
Saturday, September 17, 2011

postheadericon h&m cosmetics حلو ومو حلو !!!

11:35 PM
حلو ..

انه يوفر سوالف تشوق..

مثل هذا (عدة تقليم الاظافر)..

مو توه منزلينه اول مره شفته بنص رمضان بس ماخذيته , ولما باخذه ماحصلته الا اليوم بفرع الافينيو ..


للايد ..
 اغلبهم مبارد عندي مثلهم وماستخدمتهم خخ بس هذا بخليه للسفر  وبحطة بجنطتي لازمات خصوصا انه اظافري بالسفر وايد تتكسر من اللويه :\

للريل :
 هم عندي مثلهم بس خاطري فيهم ..

سعرهم تقريبا 900 فلس ..

موحلو ..

الاسعار زادوها عن اول مانزلوا منتجات بقول عن شغله انا شريتها الصبغ كان 1و750 وصار 2ونص في نااس تشوف فرق بسيط انا شوفه مبالغ لانه سعره صار بسعر الماركات المتخصصه واكثر بعد من بعضها مثل زوياا :\

اوكي بتزيدون زيدوا بس ع الاقل وحدوا السعر مو بالسايت شي وبالمحل شي 2 :\
توني مصورته اليوم واليوم هم كنت بمحلهم وسالت الكاشير عن هالشي جان تقول اي بيفور كان هالسعر قلت جيكي بالسايت انا امس شايفته :\ اختصرت المحادثه ..
وحسيت توهقت وبتخلص بسرعه تبي تفتك مني خخخ ..

شي 2 ااستيكرز االسعر القديم شيلوه ع الاقل احتراما لمشاعري :)

وع فكرة 2 مره ااكلمهم اول مره بالايميل ماردت مايندرا وصلها او لا وال2 اليوم وال3 هذي لانه تقرع بقلبي هالسالفه ..
Labels: , , , , , | 10 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates