Saturday, September 17, 2011
حلو ..

انه يوفر سوالف تشوق..

مثل هذا (عدة تقليم الاظافر)..

مو توه منزلينه اول مره شفته بنص رمضان بس ماخذيته , ولما باخذه ماحصلته الا اليوم بفرع الافينيو ..


للايد ..
 اغلبهم مبارد عندي مثلهم وماستخدمتهم خخ بس هذا بخليه للسفر  وبحطة بجنطتي لازمات خصوصا انه اظافري بالسفر وايد تتكسر من اللويه :\

للريل :
 هم عندي مثلهم بس خاطري فيهم ..

سعرهم تقريبا 900 فلس ..

موحلو ..

الاسعار زادوها عن اول مانزلوا منتجات بقول عن شغله انا شريتها الصبغ كان 1و750 وصار 2ونص في نااس تشوف فرق بسيط انا شوفه مبالغ لانه سعره صار بسعر الماركات المتخصصه واكثر بعد من بعضها مثل زوياا :\

اوكي بتزيدون زيدوا بس ع الاقل وحدوا السعر مو بالسايت شي وبالمحل شي 2 :\
توني مصورته اليوم واليوم هم كنت بمحلهم وسالت الكاشير عن هالشي جان تقول اي بيفور كان هالسعر قلت جيكي بالسايت انا امس شايفته :\ اختصرت المحادثه ..
وحسيت توهقت وبتخلص بسرعه تبي تفتك مني خخخ ..

شي 2 ااستيكرز االسعر القديم شيلوه ع الاقل احتراما لمشاعري :)

وع فكرة 2 مره ااكلمهم اول مره بالايميل ماردت مايندرا وصلها او لا وال2 اليوم وال3 هذي لانه تقرع بقلبي هالسالفه ..

10 comments:

Anonymous said...

By the way, the original price is written on the cosmetics, but they put a sticker on top with a higher price! sometimes more than 25%.

They probably did that because their makeup became very popular.

نزهاويه said...

اي اصباغهم غلت
خبري فيهم كانوا بـ دينار و 900
صاروا دينارين و نص
انا شريت صبغ بس ما لاحظت السعر الا بالبيت و تحسفت قلت اشدعوا دينارين ونص اقصاه من
H&M :\

اعجبوني عدة المنيكير و البديكير
بغيت اشتريهم بس قلت ماله داعي عندي اشكثر حق التكود لول

رورو الشخبوطه said...

غير معرف ..

اي هذا اهو المفروض ع الاقل ع قولتهم اضعف الايماان يشيلون السعر القديم من جذي قلت (شي 2 ااستيكرز االسعر القديم شيلوه ع الاقل احتراما لمشاعري )..

اي لو ماعليهم اقبال جان مارفعوا الاسعار :\

hadeelq8 said...

امي نبهتني انهم رفعوا الاسعار ولا انا ما كنت منتبهة حتى الميك آب كله رفعوا أسعاره :/


وبالعافية عليج

Kuwaiiitya said...

عندهم تويتر
@hmkuwait

انا بعد مانتبهت عالاسعار

Made n Q8 said...

اي انا كنت معااج يوم نشوف الاسعار حاطينها فوق بعض خخخ

انا للحين ماجربت اصباغهم ولا شي من سوالف البيوتي
كل مااروح اكون مستعيله

رورو الشخبوطه said...

نزهاويه..

كانوا 1و750 :\

خخ مثل حالتي بس مردي خمطت منهم :)

وحياج الله..

رورو الشخبوطه said...

هديل..

انا حددت الاصباغ لانه الوحيد اللي ثبت على سعره ..

الله يعافيج يارب..

مشكوره..

رورو الشخبوطه said...

كويتيه..

الايميل اللي دزيته لوحده منهم كل تدز ايميلات للبلوقر وكانت اهي مكلمتني عقب مانزلت عن افتتاح اخر فرع لهم :\

وكلمتهم بالمحل ..

اعتقد حتى لو ماوصلها الايميل كافي اني كلمتهم بالمحل :)

من جذي اخر خطوة قلت بوست ..

رورو الشخبوطه said...

مدمد..

من زمان لاحظت هالشغله مو اول مره لما كنت معاج ..

انا بعد ماجربت الا الاصباغ وشكلي باكتفي بهالتجربه :)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads