Sunday, May 31, 2009


فانتازيا هي احد ى سلاسل القصصيه لمبدع ماشاءالله الدكتور احمد توفيق , بطلة هذه السلسله تدعى عبير عبدالرحمن لم تمميز هي بجمالها او ذكائها انما تميزت بخيالها الواسع وحبها للقراءه مما جعلها تكون خير معين لشريف الذي يعمل مهندس واخترع جهاز (صانع الاحلام)يبرمج الاحلام الى مغامرات متكامله وكان بحاجه الى شخص ذي خيال خصب ليتم تجربة الجهاز عليه ,فاختار عبير التي اصبحت زوجته فيما بعد..

تم اصدار حوالي (55) عدد من هذه السلسلة , وهي متنوعه فتاره تنقلنا لعالم الادب فنقابل شكسبير و
وتارة اخرى تاخذنا الى عالم الجرائم والمحقيقن فتجمعنا مع هولمز وادهم صبري و المغامرين الخمس وغيرهم العديد , كما تاخذنا بجوله في عالم الكارتون فنشاهد بطوطه وسوبر مان والخ.. فبها نتقل بمختلف العصور والبلدان ونقابل العديد من الشخصيات التي كانت لها بصمه بمختلف المجالات (سياسه – قانون- ادب-علم).

مؤخرا اقتنيت مجموعة بسيطة منها للاسف لم يكن العدد الاول من ضمنها لكن امل في القريب العاجل بالحصول عليه.

فكانت اول قرائتي بهذه السلسله بعنوان خمسه منهم!
اخترت هذا العدد بالذات كوني اعشق المغامرين الخمس وكنت احرص على قراءتها وخاصة في مراهقتي .

كاتب هذه السلسله اقصد المغامرين ال5 محمود سالم , اختار المعادي مكان لاحداثها والسبعينات كزمن لها .

اما احمد توفيق لما يبعدنا عن نسختها الاصليه فهي بنفس العصر و المكان وهم 5 لا سادس لهم كماذكر بالغلاف الخلفي لها هم تختخ و محب وعاطف ولوزه ونوسه اما عبير فهي سيتجسد دورها باحد المغامرين ال5, تشاركهم حل لغز و تشاركهم قصه حب لن اطيل الحديث عليكم لكن ان كنتم من عشاق المغامرين ال5 فان انصحكم بقراءتها وان لم تكون من عشاقهم فتعرف عليهم J

اما بخصوص مكان توفر السلسله فهو الظمني للتوزيع والنشر اما سعرها فهو 350 قبل التنزيلات (اتوقع الحين ب150 او 200 مو اكثر)

Tuesday, May 26, 2009
السلام عليكم..
قبل فتره شفت اعلان الظمني عن تنزيلات ع الكتب 60% عاد مااهتميت ع ابو بتصل عليهم..
لما قلت لرفيجتي كلمتهم بتطلب قالوا مايوصلون بهالفتره لانه تنزيلات..
المهم رحت له وهناك و تركت لسايقي ويدي العنان بس والله التزمت باللستتي ماخرتها وايد ..
خل ارويكم حصيلتي..
هذي صورة جماعيه لكل مشترياتي..
هذي مجموعة فلاش خخ كنت باخذ 4 بس ..


مجموعة فانتازيا لدكتور احمد توفيق..
سماش مثل فلاش وهم شغل خالد الصفتي..

والكتب اللي تحت لاختي ..

وهذي مجموعة الرجل المستحيل للدكتور نبل فاروق لرفيجتي تحبه و واسمه ادمه تبع مجموعة فانتازيا للدكتور احمد توفيق..




هذي مو موجوده باللسته اهي وسماش وكتب اختي ..


مجموعة من وراء الطبيعه للدكتور احمد توفيق اختي قرت النصف الاخر وعجبتها ..
واللي تحت كارميلا من روايات العالميه للجيب و جنون في مركز التجاري من رجفة خوف وال2 ترجمة احمد توفيق..



جم تتوقعون طلع حسابي؟؟؟
21 وشي..
بس قبل الخصم:)
مع الخصم صار 8 وشي..
لما قالي السعر كنت برد اخذ لي فره ايمع كتب بعد خخخ..
يعني اللي بربع صار ب100 واللي بنص صار 200 واللي ب750 صار 300..
وقبل لاختم عنوانهم ..
المنقف - شارع المطافي - عماره اللي فيها صالون شاديه ومكانهم بالسرداب..
ورقمهم :
23727899-23719072
واي نسيت التنزيلات لي 16-6 اذا ماخاب ظني ..
وسلامتكم..
ان شاءالله اكون افدتكم ..

Monday, May 25, 2009
ا لسلام..

ازيكوو..

اليوم يبت لكو شي يديد احبه..

واحس ينفع لكل وقت ..

هالصوره لما شفتها حسيت حر..



كوول..

حلو بس لو مغطين البطن بيصير احلى..



عجبني فخم وحلو الشك اللي ع طرف البنطرون..

من جدام..


من ورا..

حلو وطله ينفع ينلبس نفنوف بروحه طبعا بجمعة حريم مو بمجمعات :)


هذا عملي ذكرني بالقرقيعان وعجبتني فكرة الخرجه اللي بنص الذهبيه..

بس الشال داش عرض..




هم فخم وراقي وكول..

اكبر دليل ع انه اختراع السكيني هندي:)
بس فخم اي معع الكحلي..

حلوه الوانه..
بس رموش العارضه ابداع..


حلو والوانه راكده ..
مالي خخخ..
مبين جنه مقاسه اوفر ..
اهو عملي..
والبنطرون صج اوفر صوب الخصر في خيط جنه سروال يدي امبيه ووسيع مو انا السمبتيك لا اهو مقاسه مادري شلون قايل صوب الساق زين واطراف في خيش مثل اللي ع الجم والصدر بس الخصر جنه بنطرون حوامل بس عجبني وخذيته ماطوفته ..


وبس شرايكم؟؟

Saturday, May 23, 2009
السلام ..
اليوم رحت فيلم عمر و سلمى 2..
وهذا ملخص بقته من سايت السينما وحطيت جم ملحوظه شي ع السريع ..

بطولة

تامر حسني, منى عزالدين

المخرج

احمد البدرى

النوع

عاطفي, غنائي

مدة الفيلم

107 min

تصنيف

PG





القصة >> حسب سايت سينسكب (سينما الكويت)
تلعب سلمى دور الزوجة الروتينية بالرغم من الحب الجارف في الجزء الاول في حين يشتاق عمر الى ايام العزوبية والشباب فيرتبط بعلاقة عاطفية مع ميرهان حسين العاملة بشركة والده وتكتشف سلمى تلك العلاقة وتكون سببا في الطلاق. وتطلب الزوجة الانتقال لمنزل جديد حيث ان العمارة التي يسكونها كلها سيدات فينتقلوا للعيش بعمارة لا تخلو من المفارقات.

ملاحظاتي..
1-القصه حسب تسلسل الفيلم غير اول شي يغيرون العماره عقب تكتشف العلاقه والطلاق مايصير بس ليش تابعوا الفيلم خخخ..
2- الفيلم مو عاطفي كثر ماهو كوميدي..
بعض الصور ..


الدعايه..

http://www.youtube.com/watch?v=Q77p8-_kBAM

وسلامتكم :)



المصدر:








Wednesday, May 20, 2009
السلام عليكم..

اليوم وانا افتر بقوقل ..



حصلت بفلكر سايت فيه ستايل ال60..


اللي رادين لها بقوه اخر جم سنه ..


مثل هالقصه كل بنات الكويت قصوها الا انا خخ..




النفانيف الناعمه..



مكياجهم الناعم بس مو الكل هب فيه ..
اللي تركيز ع الرموش مع حمره طبيعيه..













الوانهم تشوق..





وبس شرايكم..
وهذا المصدر..
Sunday, May 17, 2009
السلام عليكم..
هذا اول موضوع فعلي :)
احترت شنزل بوست فيه امم واحتار دليلي واستقريت ع مكياج عجبني و صبغ اظافر جربته ويازلي:)
نبلش ..
زوووم اون ع العين..

حمرتها مو حلو شكلها محزره وناشفه بس احب المكياج اللي يكون تحديد اسود للععين بشكل بسيط وحمره فاتحه طبيععيه مو جذي ورطبه..
بس يمكن المودل براطمها مبططه خخ..

ع اب بضبط الصوره بالرسام لعنت بوخامسها بس واضحه مو؟؟
عجبني لون الكريم والحمره وطريقة الشدو << بقى شي خخ ..


احب هالستايل سويته 1000 مره بكل مناسبات الجامعه تفوق وتخرج وبرنامج..




ناعم بس حلوو ..




وصلنا الصبغ الاظافر..

اهو من كليرز في وايد درجات انا خذيت هالاربعه الغوامج الاختي والازرق و الفاتح لي..

انا جربت الاحمر عجبني خطير :)

لونه زين و مو بسرعه يتقشر وبسرعه ينحط ويبن لن مو لازم 10000 طبقه..









سعره الواحد بدينار..

بوست خفيف ..

ان شاءالله يعجبكم..
Saturday, May 16, 2009
السلام عليكم..



اليوم يبت لكم شي خفيف ولطيف وزريف = ظريف ..

الله يسلمكم قبل فتره اخت رفيجتي يابت لي مجموعه من فلاش ..



وفلاش تعتبر من كتب الجيب اللي يصير حجمهم صغير..

وهي تاليف ورسم خالد الصفتي..

عبارة عن مجموعه من القصص بالغالب تكون مصوره لكن لا يخلو أي عدد من قصه عاديه غير مصور بالاضافة إلى وجود المسابقات المتنوعة.

اللي عجبني فيها :
1- شخصيات متنوعه : اللي تمثل اغلب الشخصيات الموجوده بكل مجتمع ,وعلى سبيل المثال لا الحصر..
-حريص: اللي يخاف من الامراض والحسد والحوادث والى اخره..
-نظير : بو عين حارة..
علام: المغرور..
سرور: اللي كله يضحك..
عباس : عكس سرور كله عاقد نونه و متشاءم..
خليل البخيل وهذا يهودي بعد ..
توتو عضلات : ما صادفته وايد بها الاعداد بس من الحجي فهمت انه من طقة سنفور قوي..
مواطن مطحون: الفقير اللي طرق المعاش ومقرود..
والبحار الغبي اللي عليها افكار خخ اغبى من الغباء بس يونس..
ووايد غيرهم اول ماتبطلون أي عدد من فلاش بتحصلون البوم لعائلة فلاش..
2- توفر المسابقات المتنوعه كالتوصيل والرسم والاختلافات و التذكر والغاز وغيرهم ..
اللي تقدرون تشاركون غيركم فيهم مما يضفي متعه وناسه جربت العبهم مع اختي ومع رفيجتي هم اذا عنكم عيال في العاب تنفع لهم او مع ريلج او اخوج ..
3- انها ومو بس قصص والعاب لا في سوالف 2 مثل في عدد منهم لقيت طريقت البديكر بجربها اذا ننفعت بعلمكم ان شاءالله..
4-أي انه في طابع ديني ومحافظ مافيها قلت ادب او خدش حياء فتنفع الأغلب الاعمار .
وعلى فكره اغلبها بالمصري..
قبل لا اختم وين تحصلونهم تقدرون من خلال الاتصال ع دار الظمني ويوصلوونها لكم للي البيت..
سعر النسخه 500 فلس ..
Friday, May 15, 2009
السلام عليكم..



شلوونكم..



صراحه صدمتوني خخ..



انا البلوق نسيته خبري فيه قبل سنه كنت مسويته للجامعه مشروع لماده و عقب ماسلمته حطيت بوست و مادشيته عقبها الا مره او 2 ومحد وطوط فيه حتى انا..



وفي يوم من الايام خخ كنت افتر ببلوق Bloggerista جان القى شخبوطتي مرتزه بلستت البلوق عندها وقعدت احوس اشوف باجي اللسته عساس ادش بلوقات يديده احب افتر ببلوقات واغلبها اعلق عليها المهم ماو عيت الا باخر لسته بلوقي ترندي مرتز خخ ماتوقعت اشوف شخبوطتي عشان اشوفه..
دشيته بس جذي عبط ولا القى البوست في 11 معلقين ماشاءالله عمرها ماصارت بشخبوطتي حدي انصدمتي خخ طلعت سوالف البنات ماشي سوقها اكثر من الكتب الافلام :)
المهم مخمتها بمخي وشجعتوني اكمل بهالبلوق بس بخليه للسوالف البناتيه وشخبوطتي بخليه لباجي شغلي وشخابيط..
شاكره لكم مروروكم..
حياكم الله..
Wednesday, May 13, 2009


اللهم اغفر له وارحمه ، وعافه واعف عنه ، لقِّه الأمن والبشرى والكرامة والزلفى ، اللهم إن كان محسناً فزد في حسناته ، وإن كان مسيئاً فتجاوز عن إساءته ، اللهم اغسله بالماء والثلج والبرد ، نقه من الخطايا كما ينقى الثوب الأبيض من الدنس ، أبدله أهلاً خيراً من أهله ، وداراً خيراً من داره ، وجيراناً خيراً من جيرانه ، اللهم لا تحرمنا أجره ، ولا تفتنا بعده ، واغفر لنا وله


امين يارب..


دعاء بصوت العفاسي..





معلومات عنه..




الله يرحمه ويغفر الله يارب..
Tuesday, May 12, 2009

الكاتب :وليد الرجيب
نوعها : اجتماعي
سنة الإصدار :2008عدد الصفحات :175
اماكن البيع : أنا شريتها من رابطة الأدباء.
وجنه موجوده بفيرجن.


نبذه الموجوده في الغلاف الخلفي:

تدور أحداث الرواية في الكويت، يوم الأحد 3 يناير 1965م، من الساعة التاسعة صباحاً وحتى الساعة الثانية عشرة ظهراً، وما بينهما تاريخ وحكايات. بطل الرواية الحقيقي موستيك، قائد العصابات والعامل بشركة النفط حاضر ومختفي في أحداث الرواية، موجود وغائب في الحدث الرئيسي، وأحداث الثلاث ساعات وما بعدها بسنوات هي بحث عنه.

تعليقي:

موستيك هو مصطفى بطل الرواية الكامن في طيات ذكرياتها , و دي علي هي والدته والتي شاطرته بطولة هذه الروايه عن طريق سرد معظم احداثها منذ زواج امها و انجبها لها مرور بزوجها هي وانجابها لموستيك وعليكو و انتهاء باختفاء موستيك.


رايي:

رواية تنقلك لروعة الستينات وبساطتها وتعرفك على عالم اخر لكويتين من اصول ايرانيه هم:

1- دي علي : ام علي : زهرة..
2- موستيك : ابنها البكر ذو شخصيه قويه و قائد العصابات في مراهقته حيث خاض العديد من الشجارات التي تركت اثارها ع وجهه رغم انتصاراته وشهرته حتى بات كالاسطوره , احببت شخصيته احسست انه رجل وخاصة في معاملة مع خيجو في بداية تعارفه عليها.
3- عليكو: علي الذي يحقد على اخوه موسيتك ويغار منه لدرجة زواجه بخيجو .
4- خيجو: خديجة زوجه عليكو و حبيبة موستيك.
5- السيد ميرزا.
بالاضافة الى :
-الست غنيمة: ناظرة المدرسة.
-بزه: صديقة دي علي.
- مانع نهار: مسئول موستيك وصديقه (بدوي).

ابرز ما اعجبني بالقصه:
1- شخصية موستيك.
2- علاقة مانع نهار و موستيك.
3- ورود عبارات بلغة الفارسيه.
4- السرد التصويري الاحداث الذي ينعش مخيلتك فتقرا الروايه كانك موجود معهم .

اما ابرز ماتعلمته منها هي بعض المفرادات الفارسيه.
Saturday, May 9, 2009

اليوم شخبوطتي غير عن قراءتي الحاليه مع انه عندي ..

جم قصه مخلصتهم من زمان من قبل شهر و ناويه انزل عنهم بس هالشخبوطه حبيتها اكثر..

عموما اللي خلصته (فلاش لخالد الصفتي- والان نفتح الصندوق هذي مخلصته قبل غرفة 207 وللحين مانزلت عنه حرام ظلمتها – ومن اجندة مراهقة) بس ان شاء الله بحاول انزلهم اول باول عشان مايتكدون..

الله يسلمكم القراه اهي هوايتي منذ نعومة أظافري يمكن كان لابلة العربي در بهالشي بحكم انها كانت تمدحني لما اقرا خخ..

ويمكن لانه ماكان عندنا وايد سوالف تلهين مثل الحين خو ماكو 1000 قناة ولا في قناة بس متخصصه لبرامج الاطفال كانوا يحطون الباباي بالحزه اللي نكون فيها بالمدرسه و بردتنا منها و العصر ساعات..

والعاب ماكانت مثل الحين ماكنت وايد احب سوالف الاتراي والسيغا والناتندو وبلستيشن 3 جني قمت اخلط الحابل بالنابل خخ..

المهم ..

اول بداياتي كانت مع مجلات البزوره..

معشوقتي كانت ماجد كنت احرص اني اشتريها كل اسبوع من جمعية الفيحا وكنت استانس لي رحنا بيت يدتي قبل يوم الخميس عساس احصلها مبجر كنت حيل احبها و استمريت اقراها لي الثانوي يمكن اول جم سنه عقب هديتها ..

هالسنه شريتها بس ماعجبتني تغيرت اول كانت مفيد وقصصها مؤدبه الحين كل شطانه اللي تنرفز..

كنت احب امونه وموزه و كسلان جدا ودانه وشمس وفضولي وزكيه الذكيه..

عقب طلع اخر العنقود و شملو مادري شمولي الاطرم وجم شخصيه بعد بس ناسيتهم..

كا غلاف قديم لها..

و مواقع عنها..

موقعها الرسمي.
http://www.majid.ae/

مدونه عنها..
http://noor-syria.maktoobblog.com/page/3/

بموسوعة و ويكيبيديا:

http://ar.wikipedia.org/wiki/%D9%85%D8%AC%D9%84%D8%A9_%D9%85%D8%A7%D8%AC%D8%AF


وهم كنت اقرأ احمد وباسم وخالد وسعد << كلهم صبيان خخ و العربي الصغير و براعم الإيمان وميكي وساعت ميني..




بالعيد احلى شي لما اروح المكتبه واخمطهم كلهم خخخ..

وهم في فتره هبيت بمجله الجريمه اللي عقدتني و جرايد الفضايح ملوت الينانوه اعوذ بالله والمشعوذين..

اتوقع ها الحجي بالثانوي..

وهم هبيت بالمغامرين الخمسه شريت شكثر منهم ..

كا صورتهم..

تختخ ولوزه ونوسة ومحب وعاطف ..








للي حاب يقراهم بالنت:
للامانه ماجربت احملهم ..

http://arabicivilization2.blogspot.com/2009/03/blog-post_20.html

http://shvr.ace.st/montada-f43/topic-t10018.htm

http://6oood.wordpress.com/2008/09/13/%d8%a3%d8%b1%d8%a8%d8%b9%d9%88%d9%86-%d8%b9%d8%a7%d9%85%d8%a7-%d8%b9%d9%84%d9%89-%d8%a7%d9%84%d9%85%d8%ba%d8%a7%d9%85%d8%b1%d9%88%d9%86-%d8%a7%d9%84%d8%ae%d9%85%d8%b3%d8%a9/


هم هبيت باخر سنتين بالثانوي واول سنه بالجامعه بمجلة زهرة الخليج والجميله الخ..

بالجامعة قمت اقرا روايات قريت لقماشة العليان عيون قذرة و قريت بنات الرياض من الضجه اللي سوتها و قريت وايد سالف ماذكرها بس اذكر مكتبة ستار بوكس اللي بالري يم ماكس حسافه شالوها كنت احبه اول نوت للجامعه شريت منها وكان فيها كافيه حلو ..

وكنت اقرا مجلة الديره و ابواب ..

الحين قراءاتي اغلبها من دايموند بوكس خصوصا د.احمد توفيق ماشاءالله عجيب اسلوب وتفكير هالريال..

وغير من الادباء اللي اعمالهم تزين مدونتي..

شنو تاريخكم القرائي << لغه يديده:)

شو رايكم انفع دودة كتب ؟؟

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads