Sunday, November 20, 2016

جولي شيك vs زارا ج2

10:16 AM

السلام ..

قبل شهر بسناب وهني نزلت لكم هالبوست جولي شيك vs زارا

وهو عن قطع زارا مقلدها جولي شيك ..

وعساس ابري ذمتي بنزل هالبوست وهو نفس الرد على البوست الاول خصوصا عقب ماجربت جم قطعه منهم ..

بسم الله نبلش..

(1)

اول قطعه جربتها هذي ..

وقلت لكم اني طالبتها بالبوست اللي فات ..

ووصلت ولبستها مرتين ..

كخامه خفيفه وشويه الوان باهته بس زوينه تمشي الحال وبلبس زينه..

اللي عاجبتها تحصلها هني ..

(2)

هذي عاد كنت ميته عليه ..

في من ريحة الحبايب ..

طلبت طلبيه كامله عشانه :\

نطرته يصير بالعروض الموقته = الفلاش سيل (بشرح لكم عقب شنو يعني فلاش سيل)

واشوه مااستعيلت عليه ..

انا عاجبني علبو انه خامة شانيل فتخيلته مع سكيني اسود وقلب لولو وجنظة وكعب اسود (يفضل شانيل موشرط اهيا بس اذا متوفره نحللها )

لما وصل ولا خامة اقرب للستان ومطبوع عليه ستايل خامة شانيل !!!

هم باللبس اشوه زينه :\

اللي تبي تطلبه تحصله هني ..

(3)

هذا مادري اذا تبع زارا او لا ..

بس هذا الشي الوحيد اللي اقول لااااااااااااااااااااااااااااااااااااااااااااااا تاخذونه ..

صج الناس اذواق بس هذااااا ضيم ,,

تخيلوا اول مابطلت الجيسه انصدمت ماعرفته اساسا قلت انا مو طالبه مايوه اسلامي !!

عقب عرفته من الصوره اللي ع جيس !

ضيم الخامه بيزو بيزو لا الخامه الردي النايلون !

اللي تبي مايوه تاخذه لا تطلبه مقدم مالي هديه وفوق حبة راس بعد خخخ ودعوه من قلب .. اللي عندي اسود لو احمر جان منهاره خخخ ..

كاهو هني

* العروض المؤقته = الفلاش سيل*

اممم هذي عروض يوميه تتغير كل جم ساعه ..

لحظه اطلع لكم مواعيدها ..

كل يوم فيه تقريبا 3 عروض..

عرض الساعه 7 مساء وعرض الساعه 10 بالليل وعرض الساعه 12 بعد منتصف الليل ..

شنو فايدته اهي القطع تقريبا فوق 100 قطعه يصير عليها خصم ساعات يوصل فوق 50% يعني مره لقيت جاكيت كان 27 تقريبا صار ب7 !

واغلب القطعه تصير ب2 و3 ..

فتطلبين باقل الخساير يعني ب3 ويطلع مو حلو احسن من 10 !

وكل وقت القطع تغير وكل قطعه في منها كميه محدده بالعرض ..

في قطع تتكر وفي قطع لا !

اسعار القطع حتى بالعرض مو ثابته كل عرض غير ..

يعني القطعه ال2 اللي نفس اللي من زارا مره لقيتها ب2.700 دور الاسبوع بالعروض صارت ب3.900 دك ..

طبعا العروض تكون موجوده قبلها بيوم بس اسعارها ماترخص الا لما يصير وقت العرض ..

* الشحن*

مجانا اذا فوق 30 دك ..

بس اذا تبين الدفع عند الاستلام تدفعين مبلغ معين اهو 3 دك زياده سعر طلبيتج ..

واذا وصل تدفعين اول كان 4 الحين ع حسب الجمارك ..

*التسجيل *

سهالات بس اتبعي الخطوات ..

وبس ..

كل اللي اعرفه قلته :)

Labels: fashion |

0 comments

Sunday, November 6, 2016

Ae Dil Hai Mushkil- أي دل هي موشكل

10:50 AM

باخر شهر 10 نزل الفيلم الهندي بالسينما ..

وانا اكثر شي احب بالسينما الافلام الهندي وافلام الرعب عقب الكوميديا ..

الهنديه نحلل سعر التذكره الرعب اجوائه احلى بالسينما الكوميديا بكل مكان حلو سينما ولا بيت مافرقت ..

ابطال الفيلم :

Ranbir Kapoor

باسمه بالفيلم ايان واهو و دميعه الفيلم ساعتين ونص اهو ساعتين يبجي خخ لدرجه اهو يبجي وانا ضحك عقب بجى اغلبنا ضحكنا ! المفروض دراما بس اوفر بجي ..

هذا واهو غني لو حاكه الفقر جان ساعتين ونص بجي او لا الفقير من كثر ماسطرته الدنيا مايبجي تعود خخ مناعه ..

Anushka Sharma

اسمها بالفيلم اليزا خان واهيا اللي محليه الفيلم مع بودميعه بس ماعرفنا نهايتها !

Aishwarya Rai Bachchan

طولت يالله طلعت لدرجه حسبالنا داشين فيلم 2 !! احنا داشين علبو فيلمها يعني اهيا اللي بترتز باغلب الفيلم يمكن طلعت بنصه ودورهااا بسيط لسمها صبا واهيا شاعره وهم طلع شاروخان ودوره انه طليقه يمكن طلع بمشهدين بس !

Lisa Haydon

اول ماشفتها قلت انجلينا جولي فرع بوليوود خخ ..

دورها بسيط انها حبيبة ايان الاولى ..

النوع:

درامي, عاطفي

كاتبين بكل سايتات انه دراما بس انا ضحكت فيه وايد خخ ..

مدة الفيلم:

152 دقيقة
تقريبا ساعتين ونص ..

قصته :

بودميعه جرب الحب مع 3 بنات الاولى بنت مستهتره اتعرفون اللي شكل بس ماكو مخ وتحبه او بالاحرى ماتحبه تبيه عشان فلوسه اما ال2 فهي كانت صداقه وتحولت من طرفه لحب ! وال3 لما فقد حبه ال2 حاول يدور حب يديد معاها ..

رايي :

الفيلم ونيس بس النهايه كانت مفتوحه ماحب النهايات المفتوحه والفيلم احس لفوق 18 ..

مو لمراهقين او يهال !

Labels: افلام |

2 comments

Thursday, November 3, 2016

المخمل ج2

10:25 AM

تابع بوست المخمل ,,

بس هالمره كولكشن من مانغو..

ع فكره مانغو عنده شوبينغ اون لاين واذا كان الطلب فوق 20 دك يوصلونه ببلاش ..

نبلش..

(!)

هالنفنوف اهو اللي بالصوره الاولى بعد ..

Velvet dress

KWD25.900

وفي منه لون 2 اهو النود ..

جولي شيك vs زارا ج2

Ae Dil Hai Mushkil- أي دل هي موشكل

المخمل ج2

المخمل يتالق بالموسم القادم ..

NLY Trend

Velvet Leggings

Rare London

Velvet Plunge Military Dress

New Look

Velvet Bomber Jacket

NLY Trend

Velvet Suit Dress

PrettyLittleThing

Harmanie Dusty Pink Velvet Hooded Dress - 6, Dusty Pink

PrettyLittleThing

Kaliah Emerald Green Velvet Twist Front Shift Dress - 4, Emerald Green

NLY Trend

Velvet Trenchcoat

boohoo

Saskia Embellished Velvet Headband - black

Nly Shoes

Velvet Pump

PrettyLittleThing

Anahita Blush Crushed Velvet Creeper Trainers-8, Pink

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads