Sunday, September 30, 2012
من المحلات اللي احبها سنتر بوينت , بس اخترب مو مثل قبل بس هذا مايمنع بين فتره وفتره امره ومااطوف تنزيلاته المهم قبل فتره شفت بالطريج فرع يديد له عقب دزولي مسج عن افتتاحه واليوم مريته وصورت لكم جم صوره ..
 
وصلنا :
 
 
اوقات العمل : من 10 ص الى 10 م ..
 
انا توقعت ع طول بددش ع سنتر بوينت بس طلع لا في دور في اكثر من شغله اللي شفته هالمطاعم (صب واي , نيويورك فرايز , نستله كافيه , الرفاعي) ويمهم واحد اسمه هاربر شي جذي وجبالهم سابليه وبنفس الدور في جيان بس نسيت ادشه :\
 
وبالدور ال2 سنتر بوينت ..
 
مكانهم شرح ومبين ماعليه دوس ..
 
صوب الهدوم..
 
صوب الجواتي وانتوا بكرامه ..
 
وبالنسبة للتنزيلات: تسوووووووووووووووى بس نبشوا ..
 
شوفوا هالجم شغله من صوب اليهال ..
 
 
وفي هدوم لنا رخيصه ب بدينارين و بدينار..
 
وعقب مرينا سابليه ..
 
هم ماشاءالله شرح , وهذي صور منه ..
 
 
حبيت المكان لانه مايضيع 2 شي قريب من بيتنا :)
 
 
Saturday, September 29, 2012
هالتجربه صارلها شهر :/ وفي شكثر بوستات عندي من اشهر بس مالي خلق انزل شي :/
مادري شفيني مالي خلق اسوي اشياء اللي احبها:/
المهم نخوش بالموزوع ..
مثل ماقلت لكم قبل شهر جربته مع شروف رفيجتي..



حبيت الديكور لونه ابيض مخلي المكان شرح ومريح ماشاءالله وهم فكرة العشب حلوه ..

هالمحل متخصص باليوغرت وعنده سموذي بعد..
بالنسبه لليوغرت متوفر ب٤ احجام ..





وجنه في اكثر من نوع نسيت شنو اهما :/
اللي اذكره الاورجنال لاني اخترته.،
وفي وايد انواع توبيغز بسكوت وفواكهه وصلصات مثل ككاو و فراوله وجنه رمان والخ ..
و هذي المواد اللي فيه (اضغط ع صورة لقرااتها بشكل اوضح )


وهذا المنيو (اضغط ع صورة لمشاهدتها بشكل اوضح )



وهذا طلبنا ..


انا اخترت الاورجنال مثل ماقلت لكم مع توبيغز صلصة ككاو و بسكوت ، اليوغرت حلو بس ماحبيت التوبيغز :/ اختياري له كان فير موفق ..

نسيت اقول هالفرع موجود بجمعية كيفان ..

وهذا اكاونتهم بتويتر : @pick-yo

link

- Posted using BlogPress from my iPhone
هالطبق اخر طبق سويته برمضان مطلعه الوصفه من انستغرام بس غيرت فيها وايد شغلات مثل كمية الصلصة وبدلت الفيلية بالبوب كورن زدت جبن والخ ، ولانه حبيته وهم اختي الكبيره ماذاقتها سويتها مره ٢ اليوم ..



(المشاهدتها بشكل اوضح ضغط ع صوره تتكبر)



المقادير :
الكميات طبعا كثر ماتحبون :
بالنسبه للصلصة انا اول مره سويتها البيركس كان صغير فاعتمدت ع الغندور الصغير كمقياس اليوم لانه اكبر فاعتمد ع قلاص جبن الصغير (الوصفه الاساسيه تحط علبه كامله من كل نوع احس وايد )
- صلصة فرنسيه
-صلصة ايطاليه
-كريمه حمرا (كريمة كي دي دي)

مع :
-بوب كورن دياي او اذا تبون فليه مثل الوصفه الاساسيه..
-بطاط ودجز..
و٢ مره ضفت مشروم ..
وضفت جبن المبشور ..

الطريقه :
نخلط الصلصه ، نقلي البطاط والبوب كورن ونصفهم بالصينه ونصب الصلصه عليهم ونحط الجبن وعقب ندخلها بالفرن ليما يذوب الجبن بس ..

رايي :

حبيتها ❤ فيها حموضه مثلي خخ

- Posted using BlogPress from my iPhone
Thursday, September 27, 2012

وااو شي يديد بعالم الاظافر (غرامي ) وتحديدا من زويا منزلين توب كوت top coat  من ذهب عيار 18 ك ..
 
وهالصبغ بيكون ليمتد ..
 
وهو يكون بعلبه كلاسيك معاه صبغ ابيض وصبغ اسود (ينفع كهديه مع كابون ×فاوتشر× من سبا لاظافر)
 
 
 
 
 
 وهني شكله ع الاظافر بروحه او مع الاصباغ اللي معاه..
 
وهم تقدرون تستخدمونه مع الوان واصباغ 2 غير اللي معاه بالبوكس ..

 
 
 
سعره :30 دولار
 
تقدرون تطلبونه اون لاين الحين بس بيبلشون بيعه رسميا ب15 اكتوبر(10) 2012 ان شاءالله ..
 

Wednesday, September 26, 2012
بوست ع السريع ..
 
ساسا من المحلات اللي حبيتها بالماليزيا وهو محل بيوتي مو مثل اللي نزلت عنهم قبل متخصصين بشغلهم نفس طقة بودي شوب لا هذا محل مثل فافافوم وجوه يبيع ماركات متنوعه وعنده جزء من المنتجات باسمه (ماركته)..
 
يبيع مكياج وعطور ومنتجات عناية بالويه والجسم والشعر , وفي وايد ماركات مثل اللي عندنا اذا ماخاب ظني بوبا ومابلين و the blam  وايد غيرهم ..
 
هالصوره منقوله من هني (link )
 
ماصورت وايد شغلات فيه ولا خمطت منه وايد سوالف ..
 
من الشغلات اللي لفتت انتباهي هالماسك بالمنكر :p

وطبعا تنحت صوب اصباغ الاظافر..
 
صبغ باسم سوكي زميلتنا البلوقر ..


صبغ نتفه يشوق ..

وهذا النوع خمطنا منه وايد ماشاءالله اكثر من 15 واحد اهو رخيص اقل من نص دينار وعليه عرض كل 2 و1 فري والكوالتي ماله حلو لي الحين بس جربت هاللونين ..

 
وخذيت منه كريمات بعد بس جنه 2 مو ذاكره ..
 
واهو موجود باغلب المجمعات :
اللي شريت منه بافليون وهم دشيت اللي برميد وبميغا مول (ميدفالي)
ومكتوب انه موجود بتايمز سكوير وسونجي بلازا و1 Utama و Lot 10..
 
سايته (link)
 
- Posted using BlogPress from my iPhone
Tuesday, September 25, 2012
بما اني كل احوس بانستغرام لقيت هالاكاونت @lum_bylamataher وعجبتني فكرة طقم النفانيف لبيبي وامها ❤

في اكثر من موديل بس هذول اكثر ٢ حبيتهم ؛








كيوت ماشاءالله ..
عندهم افرع باغلب دول الخليج الدوحه ودبي وبالسعوديه (بالرياض وجده والطايف )
تفاصيل اكثر هذا سايتهم link

- Posted using BlogPress from my iPhone
Monday, September 24, 2012
الاسبوع اللي فات جربنا هالمطعم :




انا اخترت الترويقه لاني مابي صمون ثقيل مالي خلق اسوي افلام بالدوام


اسم الطبق : ريوق ديلوكس
ومتكون من بيض (النوع اللي تفضله) احنا اخترنا اومليت بالجبن ،فول كويتي (توقعت بيبون لنا باجيلا خخ ماتوقعت انه في فول كويتي ) ولبنه وجبن وخيار وطماط وخضرا ومعاه خبز ايراني ..



اصغر من العادي واثقل بعد ..
هالطبق حجمه زين شاركوني فيه ٣ بنات وماخلص ماشاءالله ..

وخذينا جباتي ..


وبوري ماحبيته كلش:/



خخ خذيت كل انواع الخبز لو ماخذه صمونه احسن لي ..
وهذا طلب بيرو صمونه جبن وماينز ومعاه بطاط ..(من تصويرها)



بتويتر وانستغرام ؛
@tikka_wa_lumy

tel:22490858

- Posted using BlogPress from my iPhone
Friday, September 21, 2012
نزلت عنه بوست قبل اسبوعين تقريبا بس اختفى :/
مدام صوره زاهبه خل اعيده:

هم صوغه من رفيجتي:


لونين اخضر وقلتر ملون من كولكشن
nicole من opi اللي مسوينه بنات كارديشيان ..

*النتيجه*


الاخضر وايد غامج لو افتح احلى و ماطولت فيه شوي ومسحته ، القلتر زين بس منثر يبيله اكثر من طبقه عساس يترس الظفر ويغث بالمساح يطول يالله يروح ..

- Posted using BlogPress from my iPhone
Thursday, September 20, 2012
حبيته، توني سويت سيرج طلع موجود من زمان برا (عند الاجانب ) تقريبا من بداية هالسنه , اما بالصج توني اشوفه منتشر بمحلات الافنيو , عندي نفس فكرته ماخذته قبل سنتين جنه بس بيج  هالسنه خذيت رمادي وافكر اخذ جينز ازرق بعد..
 
 
 
اللي ع موديل احلى من الاول , مصدر صورة (link)
 ضاق خلقي لما سكروه (احبه من ايام الثانوية) بس قبل رمضان رفيجتي شروف قالت لي غيروا مكانه وبيبطلونه مره ٢ ، استانست بنفس الوقت ضاق خلقي انه بيبطلونه مكان بيمكي احبه هالمحل بعد..
اليوم بعد ٧ اسابيع رحت الافنيو ولقيت انه تبطل وشكل وايد احلى من قبل واشرح جنه بوتيك ماركه(صورت لكم جم صوره ع طاير وبالخش والدس خخ)










وكولكشنه اليديد في جم شغله عجبتني
- Posted using BlogPress from my iPhone
رفيجتي يابته لي صوغه من امريكا ..
 
واهو متوفر ب8 الوان اختارت لي البنفسجي منهم وقالت لي اذا ماعجبني تغيره بس انا مو حيل مع هالنوعيه فعادي عندي اي لون بس جنه الازرق احلى خخ ..
 
 
 
 
 
طريقة استخدمه ..
 
اول ماتحطين الصبغ وقبل لا ينشف تحطين المغناطيس ع صبعج مو ظفرج ولا تخلينه يجيس الصبغ بيخربه , شوفوا الفيديو بتفهمون قصدي (هني)
 
وهذي النتيجه :
 
زوينه مو مزبوطة ..

- Posted using BlogPress from my iPhone
Wednesday, September 19, 2012
اليوم رفيجتي يابت لنا هالنقصة للدوام بسبوسه مع مطارة قهوة:






حبيتها ❤ حلوه والاهم خفيفه ماغثتني ماشاءالله ..

تسلم ايدج ام جراح ..

عندها اكاونت بتويتر وانستغرام @6ba5_q8

ت : 65971910

- Posted using BlogPress from my iPhone
Tuesday, September 18, 2012
في ٢ يوم رحنا ٣ مجمعات الاول برميد اللي موجود بنفس فندقنا وال٢ ون اتاما بنزلكم عنه بوست عقب وال٣ هذا اهو ورحنا لهم بناء ع حنتي مابي كل سوق ابي اروح العاب علبو هالمجمع في العاب:



وصلنا اول شي لفت انتباهي هالكيكه احتفال بالذكرى السنويه ..



واحنا نحوس ندور مدينة العاب شفت الممر المائي الموجود بنص المجمع وفيه مركب ياخذكم جولات تختلف اسعارها حسب مدتها..


واخيرا بعد عناء لقينا مدينة الالعاب:


وصلنا لي صوب التذاكر ولا ماكو شي كلشي مسكر مافي الا عرض النوافير :/ لا وبفلوس بعد وظلمه وصخه والوضع يخرع :/
شنو كرهت عمري وحقدوا علي اللي معاي :(

شوفوا شنو مكتوب عنها بالنت :(هني)
 
رايي؛
المجمع عادي ماتمشيت فيه عدل خصوصا بعد الصدمه بس جنه اغلبه محلاتهم ورخيصه و بس تعشينا فيه وطلعنا ، ومدينة الالعاب مقلب :/

- Posted using BlogPress from my iPhone

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads