Wednesday, March 30, 2011
من زمان ادوره من شهر 12 ومالقيته  ماكانوا يعرفونه او يقولون بعده ماوصل الكويت..

وقلت لكم عنه (هني)



توها رفيجتي قالت لي انه اختها حصلته  بصالون ليلى هارموني ..

سعره :

ب 5ونص ..

بس ينباع كلون واحد مو ست مثل بوبا :\

الحمدالله على سلامتي امس قمت تعبانه وكلمالي انتكس اكثر بس الحين وايد احسن يالله لك الحمد والشكر ..

بكمل بوستات دبي بس باجي شوي :(
 محل متخصص بالعصير ..

المنيو..

اختياري..

فراولة ماما..

حجم صغير..

وهو عباره عن فراوله مخلوطة مع حليب خخ خو حليب فروله وخلاص ..

واختي خذت زلاطة ميوه :p

كاهو طلبها..
رايي ..

حلو وخفيف مايغث كلش عكس اللي كنت سويه ايام المتوسطه بطني يعوني منه خخ , شربت منه شويه عقب ولد اخوي الله يحفظه قام يحوس فيه فجاءه لقيته مجابل التلفزيون وحاط العود بحلج الريال اللي بالاخبار ويقوله هممممممم << ياكريم رد مالي خخ..

عنوانه..

بمجمع ديره سيتي سنتر ..
Tuesday, March 29, 2011

قبل سنه شريت هالبطاقه وقلت لكم عنها "هني"


اسمها بطاقتي :
بطاقة خصومات للطلبه ..

اذكر اتصلوا علي الظهر !! << حزت ردتي من الدوام حده وقتهم غلط ..
وهم اذكر قلت ابيها على المعاش قالت لا سوينها :\ انزين بالله قلت لكم ماابيها خخخ ..


وطبعا يتلي بوقت غير المتفق عليها :\

المهم اهي تكون عباره عن كرت و دفتر كابونات خصم ..

تجربتي :

احس ماستفدت منها :

1- ااغلب مطاعم الوجبات مثل برجر كنج وبيتزاهت لهم خصم بس مايكون توصيل للمنازل لا بس طلبات بالمطعم نفسه :\
انا اطلب منهم كل بالبيت ماتعنى لهم :\

2- مو كل الجهات تحط لوحة انه مشاركين بطاقتي بحيث ندري ونقولهم انه عندي البطاقة فجم مره شريت عقب بالدفتر شفت انه في لهم خصم :\
او على الاقل مثل محلات لاند مارك لما نحاسب يسالون اذا عندنا بطاقتهم او لا ..
update
"هم ساعات لما يسون لي خصم يخلوني اوقع على الفاتوره واكتب رقمي ولمصيبه الخصم مايسوى دينار وشي خخ"

3- اصدار سنه 2009 وايد احسن في اماكن اكثر واحلى بالنسبه لي ..

واكثر شي استخدمتها بماكس جان يسون بطاقة شكرا خخ ..
و هم على مستوى لبيوتي جربتها بس بمكان واحد واهو كير كلينك وجم شهر وغيرت لعيادة لانه ماعجبني الشغل ومكانهم بعيد علي :\
تجربتي فيه قلت لكم عنها "هني "

وقبل لا تنتهي بشهر اتصلوا علي وطبعا نظامهم مايسالون او يشاورون على طول قالت لي وصلت لج البطاقه ؟ قلت لها لا ماابيها :\


جربتوا بطاقة خصومات سنعه ؟؟
Monday, March 28, 2011

بطولة :أحمد السقا, غادة عادل



النوع : كوميدي, اثارة

 
القصة

تدور قصة الفيلم حول مزور شهير ملقب بالقنصل، لقدرته الفائقة على تزوير جوازات السفر والتاشيرات، ولكنه يقع فى قبضة الشرطة ويتم سجنه، ويحاول شاب أن يخدع واقناع القنصل مستعينا بفتاة بانه ابنه. ولذلك يطلق عليه ابن القنصل

رايي..

امم زوين في البدايه ممل عقب النهايه كانت غير متوقعه << لاني ماكنت قاريه النبذه الموجوده  عنه بسايت السينما :\ من جذي ماتوقعت النهايه ..

باختصار ..

فيلم مصري بنكهة الافلام الهنديه..

اقيمه 5-10 :\
Sunday, March 27, 2011
عدلت لبوست الصور كنت موجوده بس منخشه :\

هالمحل عجيييييييييب وايد حبيته ..

ماشاءالله اهو بحد ذاته مجمع من دورين مثل فكرة دبنهامز و اهو تبع شركة لاند مارك ..

مو بس محل لا في كافيه وصالون رجالي وصالون نسائي ..


 وفي وايد ماركات مثل ملوت لاندمارك ونيولوك وقيس و في ماركة نسيت شسمها بس مميزة بجناطها وماركات وايد ..

الدور الاول في نسائي فيه كريمات جناط واكسسورات وجواتي وانتو بكرامة وهدوم وفي قسم فناتق تحف وخرابيط حبيته :)

والدور ال2 لليهال ورجالي ..




ماصورت الا شغلتين :(

وماشريت الا تيشرت لسمسومي مع انه خاطري بوايد شغلات بس ماابي اكود :\

وتقدون تستخدمون بطاقة شكرا فيه ..

مكانه :


دبي -مجمع ديره سيتي سنتر ..
سايته : (هني) بس غثيث شوي ..

FB : LINK

اغلب الصور من النت من وايد سايتات مثل سايت المجمع وغيره ..
Saturday, March 26, 2011
هذي حالتي بتويتر ..

صارلي سنه وشي مسجله فيه ومادري عنه لاني ماعرفت له ..

واليوم تعلمت شوي عليه من اختي وشجعتني تقول حلو لج ..

فقلت شوراي اجربه وانفض عنه الغبار بالمره خخخ ..

نظفت وعدلت بس ماكو لا انيسه ولا ونيسه معاي ..

استاحشت :(

مااعرف احد فيه الا اختي وجايونه الله يردها بالسلامه ..

حياكم عندي توتيتري سترج وبيكفي لكل ان شاءالله..


Follow me @rororo87
قبل جم يوم قلت لكم عن القرية التراثية (هني) وعن هالمطعم بس بدون تفاصيل ..

ع قولتهم كان الموجز فاليكم التفاصيل :p



الفيوو ..


وفي قعدات داخليه بس ماصورتها وفي خارجيه هذيل اهما اللي قعدنا فيهم ..


المنيوو..

سلة الخبز ..

معجنات مشكله <<  اذا ماخب ظني سمهم جذي بس شكله مقالي نجت وحلقات بصل و اصابع الجبن وبطاط ودجز :\

مقبلات مشكله :
(حمص ومتبل ورق عنب و تبوله)

شوربه عدس وفي شوربه 2 هي كريمه البحر مادري شسمها :\

عرايس

برياني ربيان ..

الاسعار ..
رايي فيه :

الاكل نوعا ما زين ..

وعيب لمكان القطاوه :\

واللي ضخكني كنا قاعدين ماوعينا الا واجنبيه يايتنا تسالنا اذا عادي تصورنا @@
Friday, March 25, 2011

اكثروا الاستغفار ..

والله يحفظنا وياكم يارب..

اللي يختنق او يحس بضيق بالتنفس ايب فوطة ويحط عليها ماي ويستنشقها ..

سايت يديد , وهو بمثابة دليل للمطاعم ..


يمكنك من خلالها البحث عن المطعم اللي تبيه بكثر من طريقه مثل :
-عن طريق عنوانه << المنطقة و المحافظة.
-او نوع الطعام ..

الخ ..

وكل مطعم له صفحة خاصة تحتوي على معلومات عنه (عنوانه-افرعه -صوره ... الخ)..

وبما انه يديد وايد شغلات بيضفونها عقب ان شاءالله..

وهم في مواضيع 2 متعلقه بالاكل مثل وصفات طبخ ..

لزيارة لموقع الكتروني (اضغط هنا)

FB: LINK

تقنية الفيش بديكير موجوده من زمان برا بس موخرا اشوفه وصلت للكويت وحاليا احس بلشت تنتشر بالصالونات والسبا ..

طبعا خاطري اجربها بس خايفه من شغلتين :

- انه يكون مضر مثل ماسمعت وانه يساهم بنقل الامراض :\ الله يكافينا شرها ..
-انه يعور ويجرح ..

وتوني سويت سيرج ولقيت معلومات عنه بس مالقيت شي عن المضار الا جزء بسيط :\ ..

وبكتب لكم الزبده ..

هالنوع طلع من شرق اسيا وفيه يستخدمون نوع معين من السمج اسمه ( الجارا روفا ) والمشهوره بـ ( الدكتورة السمكة ) .

مميزاتها:
اللي تقدر تتغذي على الجلد الميت وتوخره عن جسم الانسان (ماتحوش اليلد السليم) , ولانه اسنانها صغيره (وفي سايتات تقول ماعندها اسنان)  وعضتها صغيره تعطيج شعورا بالراحة والإسترخاء وهي علاج زين للي يعانون من أمراض جلدية بسيطة  مختلفة مثل (الصدفية، والأكزيما، كما تساعد في تنشيط الدورة الدموية وتنظيف الجلد وازالة البقع او الوحمات الصغيرة والاسترخاء وازالة التوتر والشعور بالسعادة.

وهالبديكير ما يحتاج شي الا انه تغسلين ريولج بالماي عدل  قبل لا تسوينه .

ومدته:

تقريبا من ربع الى  نص ساعه.

اما عيوبه:

  ويمكن لهذه الطريقة أن تنقل الأمراض، خاصة الخطيرة منها إذا ما لم تتم العناية بالشكل المطلوب، ولهذا السبب فإننا نحافظ جيدا على صحة الزبائن من خلال تنظيف الأحواض أولا بأول وتطهيرها وتغيير وفلترة الماء باستمرار عن طريق الأشعة فوق البنفسجية ثم يمر بفلاتر والعديد من المراحل التي تضمن تطهيره ونظافته، بالإضافة إلى أنه يتم فحص أقدام العملاء جيدا قبل دخولهم للأحواض فإذا كان هناك أي عميل لديه جرح او إصابة لا يسمح له بدخول الأحواض.(المصدر).

مصادر 2 هني و هني
عمركم جربتوه ؟؟
Thursday, March 24, 2011
قاعده على مكتبي اسمع البنات يتكلمون عن النفيش ..

جان ارز ويهي ..

بروح دبي تبين ايب لج منه ؟؟ << اهي مو رفيجتي :\

طبع خايس  فيني اقدم خدماتي لدرجة ساعات اوهق عمري :(

ورحت خذيت لها ولي ولمدمد ..

ابوي لما شافه قالي يايبن من دبي صبغ @@

خخ قصة حياتي :p


زووووووووووووم..


نوعه :

مكس جبن وكرااميل كنت ابيه يقسم القوطي بس تنح :\

سعره :

130 درهم هالحروه ..

رايي :

بالنسبه لي عادي توقعته الذ :\

الكراميل مغرقينه لدرجة نه صاير يابس و الجبن جنه بفك ..

اما اهلي حبووه :)
Wednesday, March 23, 2011

امس وانا احوس بالجنك ميل لقيت ايميل عن هالسايت ..

دشيت اتصفحة وعجبتني فكرته :)

Q8 Home Business

 فكرته :


هو موقع مختص يهتم بالمبدعين اصحاب المشاريع المنزلية والمشاريع الصغيرة ، الذين يؤمنون بان البيت اوالمؤسسة الصغيرة هما المكان الانسب لانطلاق ابداعاتهم في الطهي والفنون والحرف المختلفة ، وحرصا منا وتشجيعا لهم لما يقدمونه من منتجات وأعمال مبدعة و متنوعة ، اصبح بمقدورهم الان عرض منتوجاتهم ومشغولاتهم عن طريق هذا الموقع ، مجانا. موقعنا سيكون نقطة التقاء المبدعين بالزبائن الذويقة الذين يبحثون عن التميز وجودة الأعمال المنزلية واليدوية المصنوعة بأيدي شبابنا وبناتنا .

باختصار انه مثل مرجع لجمع المشاريع الشبابيه المنزليه الصغيره بمختلف انواعها لعرض منتجاتهم ..

والعرض يكون كالتالي :

اما بالصفحة الرئيسيه شعار المشروع ولما تضغط عليه تشوف المنتجات المتوفره , اوعن طريق القائمة الجانبيه يكون التصنيف ادق اكثر على حسب نوع المنتج مو البائع ..

وكل صفحة فيها 3 قسام :

الاول (المنتج)

وفي كل لتفاصيل عنه (اسمه,نوعه,وصفه,سعره, وقت الطلب,ايام توفره ,اقل قيمة للطلبه سوواء للتوصيل او الاستلام الشخصي,صورته )


الثاني (البائع)
 وفيها (تفاصيل الاتصال به : الايميل ورقم التلفون\ تفاصيل لتوصيل والاستلام : المناطق والاسعار\ ساعات العمل  )


للتعليقات :

لزيارة لموقع (اضغط هنا)

توه بشرتني مدمد  خخ..


قوللللللللللللللليش..

الفال لخالد بن وليد :\

بس منو هالشخصية المرموقه ؟؟

استغفر الله لما قريت الاعلان طرى على بالي القذافي احس انسب شي لها :p
Tuesday, March 22, 2011
وصلنا ل 3 يوم بالسفره الصبح رحنا دبي مول و العصر رحنا القرية ..

واهي اقتراح بنت عمي الي كسرت خاطركم صحبة اقتراح اتلانتس..

بس هالمره اضبطت  اشوه..

المدخل ..

كله محلات..
خذيت منه العاب لليهال :)
 داخلها مقسمينها اكثر من قريه ..

اول وحده دشينها قرية التراث ..
صندوق مبيت XXXXXL  لكل الفريج خخ ..


وفي صوب لحياة البادية ..


وصوب للاكل ..

خذيت منه القيمات ..
عندهم تكون مع دبس اوعسل..


اخترت مع عسل وسعر 15 درهم ..

وحبيتها :)
وعندهم خبزرقاق مع جبن او بيض قبل لا نطلع خذيناه بس ماذقته :\

عقب رحنا صوب الحضر..


وفي بيت مكتوب عليه نقش حنا ..

سالت اذا في قالوا لا بس بالمهريان :(
بس لقيت عندها برقع وشريت لي ولبسته وصورت و ويولي اجانب بيصوروني بعد :\  يقول  نخليج ستار خخخ بس مارضيت حلاتي مرتزه خخخ..

وتميت افتر فيه لما اختي زفتني خخخ..

واللي تبيع قالت لي برقعي مال حضر والبدو برقعهم غير اعرض ..

ورحنا تغدينا بهالمطعم ..

التفاصيل عقب ان شاءالله..
 واخر شي رحنا ..
 لقطات منها..



كنا هنا :)

الدخول مجاني :)

وايد اسمتعت فيها سويت شغلات وايد بخاطري اهم شي البرقع وذقت الاكلات الشعبيه وشفت جزء من تراثهم ..
واتوقع بتكون وايد احلى بالمهرجان ..

عيبها عيزنا ننطر تاكسي :\اخر شي  لما اتصلنا بواحد كان صغير وتقلقصنا فيه طول الطريج ميتين ضحك خخ تذكرت اشكالنا :P


Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads