Monday, March 21, 2011
هالجمعيه جبال فندقنا وبطريجنا اول يوم للسيتي سنتر شفناه بس لانه تعابه قلنا باجر نستكشفها..

وحبيته بدال المره رحنا له مرتين و رحنا مره 3بس كانت مسكره خخخ..


حبيتها لانه لقيت فيها شغلات من زمان ادورها مو لاقيته ..

مثل هالكريم دورته بكارفور ومركز السلطان  وجنه باماكن 2 بعد :\ وحتى بالبنده اللي بفيستفال ماحصلته ..

بس عندهم لقيته :)

-لقيت دلاغات الفلات وجربتهم مريحين بس حسافه البيج كانوا مخلصين مالقيت الا 1 ..

-خمطت حلاو وككاو انواع واشكال غريبين ورخاص ..

-خذيت اكواب لاختي وفي سوفينرات دبي ..

-مرت عمي لقت جنطه حلوه ماشاءالله ماشفتها الا عقب وان شاءلله حصل مثلها بالكويت اهي تصير اكبر من الكف بشوي وهي مسفطة بس ذا فتحتيها اقدر ادش فيها من كبرها ماشاءالله   ..

اللي صار انه جناطنا ماكفت اغراضنا فاستعنه فيها احنا ومرت اخوي حطينا قشنا فيها :)

-شريت صوغه للخدم ستريت اليوم وحده منهم جربته شعرها صير خوص ماشاءالله شوه طلع زين :)

-بس اللي استغربت منه ماعندهم بيبسي وهالسوالف !!

-وهدومهم ضيم خخ بس عندهم بجايم زوينه ..

باختصار احس جنه رامز او سوق شعبي مو جمعيه :\

15 comments:

Made n Q8 said...

عليكم بالعافية

احب جذي اماكن تحصلين فيها شغلات ماتتوقعينها

Mohd Hafifi said...

Come here from Malaysia

http://najib-razak-quote.blogspot.com

daloo3a said...

حلووو

حبيت الشي

يلا عليكم بالعافيه ^^

♥رزوف الحب♥ said...

واااو امووت على سوالف جمعيات و هالاماكن
شوقتيني على كلمة ككاو و خرابيط
لوول
و الكريم اعتقد شايفته بجمعية السره
علييكم بألف عافيه
وخوش بلوق ما شاءالله >> ماخذتلي فررره اسمحيلي :p

AM.SA.CHANNEL said...

Day to Day

ما أعرف إذا غيروه أو لا .. اللي أغراضه بعشر أو 5 قبل جي كان أحين ما أدري من زمااان عنه

بس حاسبي من الكريمات و الشامبوا اللي عنده تاخذينه من الجمعية أحسن، لأنه مره سمعت ياخذون أشياء نقليه أو صينيه و تأثر على البشرة .. أما الشغلات الثانية ف عادي..

في بعد نفسه و إسم المحل درهم و درهمين كله بدرهم ودرهمين و كن أستغرب معجون ب درهمين؟؟ عطر 5 دراهم .. يعني يخوف .. !!

إشتهيت أسير بو درهم ودرهمين .. أحب هالسوالف

Anonymous said...

Halaa :***
hathaa mb jam3iyaa 7abeebtii
El jam3eyat ely fy dbai hy jam3iyat ek Iti7ad,
Hatha soug 7ag el 3amal el wafeda akthar shay.
9ara7a ana fy 7ayatii ma dasheita.
Zain enah 7a9alty fee ashya 3ebatch :D !
- A

رورو الشخبوطه said...

مدمد..

يعافيج يارب..

اي صاجه وناسه الخمطه بربع خخخ..

رورو الشخبوطه said...

دلوعه..

الله يعافيج يارب..

مشكوره..

رورو الشخبوطه said...

رزوف..

مثلي عيل خخ ..

اي مدمدمسعه قلت لي محصلته بالجمعيات :\

واشوه ماكودت منه :)

الله يعافيج يارب..

وحياج الله ولو ..

ومرسي ع الاطراء

:)

شاي الضحى said...

الجنطه الي تكبر كانت موجوده في بيمبا اند لولا من زمان وشكلها ذرب

واكثر شي تحصلينها بالدول الاجنبيه لانه يستخدمونهم حق الجمعيه جياسهم بفلوس لووول

رورو الشخبوطه said...

شانيل ..

لا اسعره ماكنت جذي ..

بجيك على صناعته بس هو سعره تقريبا 13 درهم..

وبشوف بجم بلكويت بس توقع هالحروه <<مقارب له

صج في محلات بو درهم؟؟

وناسه وين صايره ؟؟

لانه ذاك اليوم نتنقاش انه احنا عندنا بو اميه والسعوديه بوريالين ..
بس الامارت حسبلنا مافيها :\

حتى انا حبها خخخ..

رورو الشخبوطه said...

اهلين A ..

اي اخر شي قلت انه اقرب للسوق شعبي من الجمعيه ..

رورو الشخبوطه said...

جايونه..

اي اهي قديمه بس هالحجم ماشاءلله اول مره اشوفه ..

انتي قصدج مثل ملوت كارفور؟؟

انا قصدي الكبيره حييييييل ..

maram said...

احب سوالف الجمعيات و هالاماكن
فيها شغلات ماتتوقعينها

علييكم بألف عافيه

رورو الشخبوطه said...

مرام..

اي حتى انا احبهم متعه خخخ..

والله يعافيج يارب..

شكرا..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads